ဘုန်းကျော်

3/9/10

ရွေးကောက်ပွဲ ဥပဒေ

ရွေးကောက်ပွဲဥပဒေထွက်ပြီ။ အမျိုးသားဒီမိုကရေစီအဖွဲ့ချုပ် မ၀င်လည်း ရွေးကောက်ပွဲကို စစ်အစိုးရလုပ်မှာပဲ။ သူတို့လုပ်ချင်တာကို အတင်းအဓမ္မလုပ်တာ ထုံးစံပဲ။ ရွေးကောက်ပွဲမှာ စစ်သားအမတ်တွေနိုင်အောင် လိမ်မယ်။ ရက်စက်မယ်။ ဒါကို လူတိုင်းသိတယ်။ အခြေခံဥပဒေကိုတောင် လိမ်ပြီအတင်းထောက်ခံခိုင်းသေးတာပဲ။ ဒီလောက်လူတွေ သိန်းနဲ့ချီပြီး ဒုက္ခရောက်၊ သေတာတောင် ဂရုမစိုက်၊ အခြေခံဥပဒေကို အတင်းအဓမ္မလူထုကိုမဲထည့်ခိုင်းသေးတယ်။

လွန်ခဲ့နှစ်တွေကတည်းက နိုင်ငံရေးလှုပ်ရှားမှုမှန်သမျှ ပေါ်တင်ချတယ်။ လူတွေသက်တယ်။ ဘုန်းကြီးခေါင်းကို ပေါ်တင်ရိုက်ခွဲတယ်။ ဒီလိုအခြေအနေမျိုးတွေဖြစ်နေတာကိုက စစ်အစိုးရဟာ တိုင်းပြည်အပေါ်မှာစေတနာရှိတာလား။ ရွေးကောက်ပွဲမှာ ဘယ်သူပါပါမပါပါ သူတို့နိုင်အောင်လုပ်ပြီးသားပဲ။ မယုံမရှိနဲ့။ ဥပဒေဆိုတာ ဗိုလ်ချုပ်တွေပါးစပ်ကပြောတာဖြစ်တယ်။ တိုင်းပြည်မှာတရားဥပဒေ တကယ်ရှိနေရင် နအဖတောင်ရှိမှာမဟုတ်ဘူး။ ဒါ့ကြောင့်ရွေးကောက်ပွဲ ဥပဒေဆိုတာ စာအုပ်ထဲမှာပဲရှိတယ်။ စကားလုံးလှလှလေးတွေရေးထားတာပဲရှိတယ်။ စစ်ဗိုလ်ချုပ်တွေလုပ်ချင်တာကို လုပ်တာသာဖြစ်တယ်။ သူတို့လုပ်ချင်တာက သူတို့အာဏာရရေး၊ စည်းစိမ်ဥစ္စာတိုးပွားရေး၊ ငါ့မိသားစု ကောင်းစားရေး ဒါတွေပဲဖြစ်တယ်ဆိုတာကို လူတိုင်းသိတယ်။ ဘာမှရှည်ရှည်ဝေးဝေး ရွေးကောက်ပွဲဥပဒေနဲ့ပက်သက်ပြီး အငြင်းပွားစရာမလိုဘူး။

ရွေးကောက်ပွဲဥပဒေထွက်တယ်။ ရွေးကောက်ပွဲလုပ်မယ်။ ဒါတွေကို နိုင်ငံရေးစိတ်ဝင်စားတဲ့သူတွေပဲ စကားထဲထည့်ပြောတယ်။ လူအများစုက ဒီကိစ္စနဲ့ပက်သက်ပြီး ဖုတ်လေတဲ့ငပိ နံလေတယ်လို့တောင်မထင်ဘူး။ ဥပမာ သြစတျေးလျနိုင်ငံမှာနေထိုင်နေတဲ့ မြန်မာအများစုကိုကြည့်။ သူတို့အတွက် အိမ်ဖိုးကျေအောင်ပိုက်ဆံရှာရေး၊ Bills ပေးနိုင်ရေး၊ Holiday သွားရေး၊ ညနေအလုပ်ကအပြန်မှာ ဘီယာချရေးလောက်ပဲစိတ်ဝင်စားတယ်။ ကြီးကြီးကျယ်ကျယ် ရွေးကောက်ပွဲ၊ ဥပဒေ ဘာမှမပြောတော့ဘူး။ NLD၊ ပြည်ပအတိုက်အခံ ဘာမှစိတ်မ၀င်စားဘူး။ ဒီလူတွေကိုလည်းအထင်မကြီးတော့ဘူး။ ဘာ့ကြောင့်လဲဆိုတော့ ဒီနေ့အချိန်ထိဘာမှ ပြုပြင်ပြောင်းလဲရေး မလုပ်နိုင်ခဲ့ဘူး။ သူတို့ဘ၀တွေကို တိုးတက်ကြီးပွားအောင် အတိုက်အခံ၊ နအဖ မလုပ်ပေးနိုင်သေးဘူး။

အတိုက်အခံ၊ နအဖ ဘယ်သူမှအပြတ်မဖြတ်နိုင်သေးဘူး။ ဒီလိုပဲလိမ်ပယ်ပြီး သွားနေတာဘယ်လောက်ကြာပီလဲ။ ကြားထဲက ပြည်တွင်းက လူတွေပဲဒုက္ခရောက်ရတယ်။ ဖာဖြစ်ရတယ်။

ကျနော်တခါတလေ ဒီလိုစဉ်စားတယ်။ ဒီလောက်ဖြစ်နေတာ အတိုက်အခံ၊ နအဖ ဒီနှစ်ခုစလုံးကိုပါ တိုက်ထုတ်ပစ်ချင်နေပြီ။ အခုလက်ရှိအတိုက်အခံ၊ နအဖ ကိုဖယ်ရှားပြီး နောက်မျိုးဆက်သစ်ကို ထူထောင်ချင်ပြီ။

3/4/10

သူပုန်ဘ၀ အပိုင်း-၈

ပျော်ပွဲရွှင်ပွဲ

စစ်ကြောင်းသွားရတာ အရမ်းပင်ပန်းတယ်။ တခါတလေ မိုးရွာထဲမှာ လျှောက်ရတယ်။ ညဖက်တွေမှာဖြတ်ရတယ်။ ည သန်းခေါင်းယံမှာ ထပြီးကင်းစောင့်ရတယ်။ ပြန်အိပ်တဲ့အခါ စောင်၊ ခေါင်းအုံး၊ ကုတင် မရှိတဲ့ဘ၀။ ခြင်တွေ၊ ဖြုတ်တွေဆိုတာ လူကိုချီမတက်ပဲ။ အိပ်တဲ့နေရာက ရွာထဲမှာ။ တခါတလေတောထဲမှာ။ ရွာထဲမှာဆိုရင် အမြဲတမ်း သူများအိမ်ရဲ့  အိမ်အောက်မှာ ပုခတ်ဆွဲပြီးအိပ်ရတယ်။ ရွာသားတွေရဲ့ အိမ်အများစု ခြေတံရှည်အိမ်တွေဖြစ်တာကိုး။ အိပ်တဲ့အခါမှာ တစုတစည်းထဲ တနေရာတည်း မအိပ်ရဲဘူး။ လူစုခွဲပြီးအိပ်ရတယ်။ တစုတစည်းထဲအိပ်ရင် ရန်သူတွေ့လို့ကတော့ လက်ပစ်ဗုံးတစ်လုံးလောက်နဲ့ ငါးယောက်လောက်က အနည်းဆုံး နတ်ပြည်မှာစော်လေးတွေနဲ့ နှပါးသွားရမယ်။

မနက်မိုးမလင်းခင် လေးနာရီလောက် စတင်းဘိုင်လည်းရှိတယ်။ အဆင်သင့်နေရာယူထားရတယ်။ ရန်သူလာလို့ကတော့ တွယ်ဖို့အတွက် အဆင်သင့်ပြင်ထားရတဲ့သဘောပါ။ ရန်သူကလည်း ကိုယ့်ထက် သွက်တယ်။ လည်တယ်။ ဘယ်တော့မှ ဒီလိုအလုပ်ကိုမလုပ်ဘူး။ သူတို့အလုပ်က ကွေ့ပတ်ရှောင်၊ သတင်းလိမ်ပို့၊ လုယက်တဲ့အဆင့်လောက်ပဲရှိတယ်။ ဆိုတော့ ကျနော်တို့က သူတို့က သနားတယ်ပဲပြောတယ်။ သေလိုက်တာလည်း နည်းတာမဟုတ်ဘူး။ တရက်တည်းထဲအနည်းဆုံး လေးငါးယောက်သေတယ်။ ဒါတောင် ကျနော်တို့ ကျောင်းသားနဲ့ကေအန်ယူက အပျင်းပြေချောင်းပစ်တာပဲရှိသေးတယ်။

ပစ်ပြီးသွားရင် ရွာက ၀က်တစ်ကောင်ပေးတယ်။ ပျော်ပွဲစားပေါ့။ ရွာရဲ့ ဗွီဒီယိုရုံမှာကျနော်တို့ကို ကြည့်ဖို့ခွင့်ပေးတယ်။ အလကားမရဘူး။ ပိုက်ဆံပေးရတယ်။ ဗွီဒီယိုရုံမှာကျနော်တို့ အားရပါးရပျော်ကြတယ်။ ပျော်တဲ့အခါမှာ သေနတ်ကို မြေအောက်မှာ မချရဲဘူး။ ကိုယ်မှာအဆင်သင့်လွဲထားပြီး လေးဖြူ၊ အငဲသီချင်းနဲ့ကွေးနေအောင် ရဲဘော်တွေကကြတယ်။ သီချင်းကို အားရပါးရအော်ဆိုတယ်။ ကျနော်တို့ကဲနေတဲ့အချိန်မှာ တာဝန်ကျတဲ့ရဲဘော်တွေက ကင်းစောင့်။ တယောက်တလှည့်ပေါ့။ ပြီးရင်သူတို့အလှည့်။ အရမ်းပျော်စရာကောင်းတယ်။

စော်..ငန်းဖို့လည်း မရှိဘူး။ မိန်းမချောချောလှလှလေးတွေက ထိုင်းမှာသွားပြီး အလုပ်လုပ်နေကြပီ။ အရွယ်ရောက်တာနဲ့ရွာမှာမရှိတော့ဘူး။ ဒီတော့ ကျနော်တို့လူပျိုတွေ စော်လည်းမငန်းရဘူး။ တခါတလေ တချို့အိမ်တွေမှာ ကောင်မလေးလှလှလေးတွေ ရှားရှားပါးပါးရှိတက်တယ်။ ညနေဖက်ဆိုဒီအိပ်မှာကျနော်တို့ လူပျိုတွေ အသားကုန်းဝိုင်းပြီး ငန်းရတယ်။ ပွားရတယ်။ ကျောင်းသားဘယ်လောက်ကောင်းလဲဆိုတာ ဖြီးရတယ်။ လူပျိုတင်မဟုတ်ဘူး၊ မိန်းမရှိတဲ့သူပုန်လည်း မိန်းမနဲ့ဝေးနေတော့ ငန်းတာပဲ။

နောက်တန်းပြန်ကြပီ

၉၉၉၉ လေးလုံးလှုပ်ရှားမှုခရီးစဉ်က ၆ လကြာတယ်။ ခြောက်လမှာ ဘယ်လောက်အောင်မြင်လဲတော့မသိဘူး။ ပြသာနာတွေကတော့များတယ်။ နောက်ဆုံး ကျနော်တို့ လူ့ဘောင်သစ်အဖွဲ့ နောက်တန်းပြန်ဖို့လုပ်တယ်။ လူ့ဘောင်သစ် အလုပ်အဖွဲ့ ဒေသ (၂) မှာ နှစ်ဖွဲ့ဖြစ်နေတယ်။ တဖွဲ့က ကိုအောင်ကျော်စိုး၊ ကိုမောင်ဦး၊ ကျနော်၊ကိုဝဏ၊ ကျော်စွာ။ ကျနော်တို့အဖွဲ့က ၀င်းရော်ဆိပ်ကြီး၊ တောင်ပေါက် ၂၄ရွာ၊ အဖွဲ့ကို ၉၉၉၉ လေးလုံး စစ်ကြောင်းနဲ့ချီတက်တယ်။ လူထုစည်းရုံးရေး၊ ပျောက်ကြားပစ်ရေး၊ ပီဒီလုပ်ငန်းရှိတယ်။

နောက်တစ်ဖွဲ့က ကိုကျော်ကျော်၊ ကိုနေ၀င်း၊ ဦးစိုးမြင့်(NLD-LA) သူတို့က ကော့ကရိတ်ဘက်အခြမ်းမှာလှုပ်ရှားတယ်။ ဒီနှစ်ဖွဲ့ကို ရှားရှားပါးပါး တောင်ပေါက်နှစ်ဆယ့်လေးရွာခွင်မှာ ပြန်ဆုံကြတယ်။ ဒီမှာတင် နောက်တန်းပြန်ဆင်းဖို့ လုပ်ကြပီ။ အားလုံးလည်းပင်ပန်းနေကြပီ။ ကိုပိန် (အမေရိက)၊ ကိုမောင်ဦး (အမေရိက) တို့က လှေနဲ့ပြန်ထွက်ကြတယ်။ နို့ဘိုးစခန်းအရောက်ပေါ့။

ကျနော်က ကိုကျော်ကျော်၊ ကိုနေ၀င်းတို့နဲ့အတူ ကော့ကရိတ်ဘက်ကိုလိုက်သွားတယ်။ ကော့ကရိတ်ကနေ၊ ဟိုပတ်ဒီပတ်၊ ဟိုရောက်ဒီရောက်နဲ့ သေဘောဘိုး စခန်းအဟောင်းကြီးကို ဖြတ်ရတယ်။ ထိုင်းဘက်အခြမ်းကို ကူးဖို့။ ဒီစခန်းကြီးမှာ ဒီကေဘီအေ၊ နအဖ၊ ရန်သူ စုံနေတာပဲ။ ညဘက်ကြီးဖြတ်တယ်။ သေဘောဘိုးစခန်းကိုဖြတ်မှ ထိုင်းကမ်းကို ကတ်လို့ရတယ်။

ထိုင်းဘတ်အခြမ်းကနေ မဲ့ဆောက်။ မဲ့ဆောက်ကနေ နို့ဘိုးကိုပြန်တက်ပေါ့။ သေဘောဘိုးမဖြတ်ခင် ထုံးစံအတိုင်း ချီးပါချင်တယ်။ ကျနော်တို့အဖွဲ့ရဲ့  ဒု-တာဝန်ခံ ကိုကျော်ကျော်(သူကအဲတုံးက အသက် ၃၀) ပဲရှိအုံးမယ်။ ကိုကျော်ကျော် ကျနော်အီးပါးချင်တယ်လို့ပြောတော့....သေဘောဘိုးရွာအလည်က ခြုံတွေကြားထဲမှာ အီးပါခဲ့ရတယ်...ဒီမှာတင် ကျနော်တို့နဲ့ပါလာတဲ့ ကေအန်ယူကလူကြီးတွေ၊ NLD ကလူကြီတွေဆဲပါလေရော...ဒီကောင် ဒီလောက်အရေးကြီးတဲ့ကြားထဲ အီးပါရတယ်လို့...။ ပါလာတဲ့ စစ်ရေဘူးနဲ့ ကျနော်ကိစ္စကို မြန်မြန်ပီးလိုက်တယ်။ သူတို့မသိတာက...အရေးကြီးရင် ကျနော်အီးထွက်ပြီ။

ဆက်ရန်-

3/3/10

ဝန်ခံပါသည်။

မအားဖြစ်တာမဟုတ်ပါ။ စာရေးချင်တဲ့ စိတ်ရှိကိုမရှိလို့ပါ။ တောထဲကအကြောင်း၊ မိုင်းကအကြောင်း ရေးဖို့တော့ ရှိပါတယ်။ ဒါပေမဲ့ ရေးတယ်ဆိုတာကလည်း စိတ်ပါမှရတယ်။ စိတ်မပါတော့ ကိုယ်ရေးတဲ့စာတွေဖတ်ပြီး ဘာဖီလင်မှမလာဘူး။ ကျနော်ရေးတဲ့စာတွေကို အမြဲတမ်းကျနော် သုံးလေးငါးခါမက ပြန်ဖတ်ဖြစ်ပါတယ်။ ဘာတွေများမှားလဲပေါ့။ ကိုယ့်ဟာကိုယ်တော့ တခါမှမမှားဘူးလို့ထင်နေမိတယ်။

ကျနော်ရေးတဲ့စာတွေကိုဖတ်တဲ့သူတွေတော်တော်များများရှိတယ်။ အားပေးတဲ့လူတွေရှိတယ်။ ဆဲတဲ့လူတွေရှိတယ်။ သူတို့ဘာဘဲပြောပြော ကျနော့်ခံစားချက်နဲ့ကျနော်ရေးတာဆိုတော့ ဂရုမစိုက်ပါဘူး။ ဖတ်တဲ့သူက ကျနော့်ကိုဆဲတဲ့အခါမှာ လူသားပီပီ ဒေါကန်သလို၊ အားပေးတဲ့အခါမှာလည်းပျော်ရွှင်ကြည်နှုးရပါတယ်။ ငါ..တယ်ဟုတ်ပါလားလို့။

ရေးတဲ့စာတွေမှန်သမျှ ဘယ်သူမှ ကျနော့်ကိုမျှောက်ပေးလို့ ရေးတာမပါဘူး။ ဘယ်စာမဆို၊ တိုသည်ဖြစ်စေ၊ ရှည်သည်ဖြစ်စေ၊ ကျနော့်နှလုံးသားထဲက လာတဲ့ခံစားချက်တွေ၊ အုံးနှောက်ကပြောတဲ့အမြင်တွေဖြစ်ပါတယ်။ ဥပမာ...အဖွဲ့အစည်းတွေက ခေါင်းဆောင်တွေ၊ ရဲဘော်တွေ၊ နိုင်ငံရေးအမြင်တွေ ဒါတွေကို ကျနော်ဝေဖန်တယ်၊ လေကန်တယ်၊ ဒါတွေကိုရေးလို့ ကာယကံရှင်တွေ၊ ကြိုက်သည်ဖြစ်စေ၊ မကြိုက်သည်ဖြစ်စေ ကျနော့်ရဲ့ တာဝန်သာဖြစ်ပါတယ်။ ကျနော်ဘယ်သူကိုမှ ဖားရားပြီး၊ မပြောချင်တော့ပါဘူး။ ရှုတ်ချပြီးလည်းမပြောချင်တော့ပါဘူး။ ကိုယ့်လမ်းကိုပဲလျှောက်ချင်ပါတယ်။

ဘလော့ဂ်စလုပ်ကတည်းက ကိုယ့်ခံစားချက်၊ ကိုယ့်အမြင်ကိုပဲရေးဖို့ အားသန်ပါတယ်။ သူများမျှောက်ပေးလို့ မရေးခဲ့ဘူးပါဘူး။ စလုပ်ခဲ့တဲ့နေ့တွေကတည်းက၊ ယနေ့အထိ သူများအဆဲခံ၊ အားပေးခံ ဘ၀နဲ့ပဲ ဒီဘလော့ဂ်လေးကို လုပ်ခဲ့မိတယ်။ ရှေရည်ရေးဖို့လည်း စိတ်မရှိတော့ဘူး။ အရမ်းပင်ပန်းတယ်။ တပြားမှလည်းမရဘူး။ ၀ါသနာပါလို့သာရေးနေရတယ်။ အားတဲ့အချိန်မှာပေါ့။

တခါတလေ ကိုယ်ရေးတဲ့စာတွေဟာ ဘာများမှားလဲဆိုတာ အခေါက်ခေါက်အခါအခါဖတ်ကြည့်မိတယ်။ ကျနော်က နာမည်ကြီးအောင်လုပ်နေလားပေါ့။ ဒါမှမဟုတ် ပေါ်ပြူလာဝင်လုပ်လားပေါ့။ နေရာလိုချင်လားပေါ့။ ဒီလိုမျိုးစိတ်ရှိရင် ကျနော်ရုပ်ရှင်သရုပ်ဆောင် (သို့) သီချင်းပဲဆိုတော့မယ်။ ကျနော့်မှာရှိတဲ့မရှိမဲ့ရှိမဲ့ငွေတွေကို ပုံအောသုံးဖို့လည်း မနှမြောမိပါဘူး။ လူ့ဘောင်သစ်ကိုရောက်တုံးက ဘာပညာမှမတက်၊ ဘာမှနားမလည်၊ ငွေဆိုတာဆိုတာ မှုးလို့ရှုစရာတောင်မရှိတဲ့ ဘ၀ဖြစ်ပါတယ်။ အခုကောတက်လားဆိုတော့ ဘာမှမတက်သေးပါဘူး။ ကျနော့်ဝစီကိုက ကိုယ့်ကတက်သလိုလေကန်ပြောဆိုနေတာကို ပတ်ဝန်းကျင်က အမြင်မကြည်လင်တာပဲရှိပါတယ်။

ဒီနေ့အချိန်မှာကျနော် ယခုဘ၀နေရတဲ့ ဘ၀ကို စွန့်လွတ်ဖို့လည်းမနှမျောပါဘူး။ ဘယ်အရာမဆို ခေါင်းနဲ့မစဉ်းစားပဲ ရင်ဘတ်နဲ့ ကျနော်လုပ်ခဲ့တာများပါတယ်။

ဒါ့ကြောင့် ဘလော့ဂ်မှာရေးသားတာတွေမှန်သမျှ ကျနော့်တာဝန်လုံးလုံးဖြစ်ပါကြောင်း ၀န်ခံပါ၏။

ကျနော့်အသက် (၃၀) ရှိပါပြီ။ ကျနော် ရင့်ကျက်ဖို့အချိန်တန်ပြီဖြစ်ပါကြောင်း အားလုံးကို ပြောချင်ပါသည်။

3/1/10

ABSDF ရဲဘော်ဟောင်းတွေသတိထားကြ...

အရင်တုန်းက ABSDF ရဲဘော်ဟောင်းကြီးတွေ တော်တော်များများ (အားလုံးကိုမဆိုလိုပါဘူး) ချီးထုတ်တွေတအားများတယ်။ အချင်းချင်းကိုက်ဖို့လောက်စဉ်းစားနေတယ်။ ဘာမှလည်းလက်တွေ့လုပ်ဖို့မစဉ်းစားကြဘူး။ မလုပ်ကြဘူး။ အထူးသဖြင့် တတိယနိုင်ငံတွေမှာ ရောက်ပြီးအလုပ်မရှိအလုပ်ရှာ၊ အရက်သောက်၊ မုန့်ရှု၊ သူများမယားကြာခို၊ အားမရရင် ကိုယ့်အထုတ်ကိုကိုယ် အင်တာနက်ကနေဖြေကြ။ ABSDF ရဲဘော်ဟောင်းတွေအချင်းချင်းတည့်တာရှားတယ်။ အားလုံးဆရာကြီးပဲ။ ဗိုလ်တွေကြီးပဲ။ ပညာလည်းဟုတ်တိပတ်တိမသင်၊ အလုပ်လည်းကောင်းကောင်းမလုပ်၊ ကြာလာတော့ ပတ်ဝန်းကျင်က ABSDF ရဲဘော်တွေဆိုတာ ချီးထုတ်တွေပါလားလို့ထင်နေကြပီ။ ဒါကို မဆင်ချင်ကြဘူး။ ကိုယ့်ကိုကိုယ်ဟုတ်လားပြီထင်နေကြတယ်။ ကိုယ်ရေးနေတဲ့သမိုင်းဟာ ချီးထုတ်သမိုင်းအဖြစ်တဖြည်းဖြည်းရောက်ကုန်တော့မယ်။ အသက်တွေကလည်း ငယ်တော့တဲ့အရွယ်မဟုတ်တော့ဘူး၊ အားလုံး ၅၀ နီးပါးကပ်နေပြီ။ နောက် ၁၀ နှစ်ဆိုရင် ပင်စင်ရတော့မယ်။ တရားလည်းမပေါက်ဘူး။ အာ....တော်တော်ဆိုးတဲ့လူတွေ။ လူငယ်တွေက သူတို့ကိုအတုခိုးရင်တော့ သံဃာစင်ပါမှောက်တော့မယ်။ ကိုယ့်က ရှေ့ ကနေဖြောင့်ဖြောင့်သွားကြပေါ့။ နိုင်ငံရေးလုပ်တယ်ဆိုတာ...လူလေးစားအောင်နေရတယ်။ အခုတော့ မင်းတို့သူပုန်တွေ၊ တောထဲကကောင်တွေ အဆင့်မရှိဘူးဆိုပီး..အပြောခံနေရပီ။

2/24/10

ပြည်ပမှာ လူထုစည်းရုံးရေး လုပ်ကြရအောင်

လူ့ဘောင်သစ်ဒီမိုကရက်တစ်ပါတီ နှင့် ပြည်ပအခြေစိုက်တော်လှန်ရေးအဖွဲ့များအားလုံးသို့

ကျနော်အိုင်ဒီယာတခုပေါ်လာပါတယ်။ ပြည်ပအခြေစိုက်အတိုက်အခံတွေအနေနဲ့ အင်အားတဖြည်းဖြည်းကြီးထွားမလာပဲ ဆုတ်ယုတ်နေပါတယ်။ အင်အားများလာအောင်လုပ်ချင်တဲ့စေတနာနဲ့အခုလိုရေးပါတယ်။

ကျနော်တို့အဖွဲ့တွေက ခေါင်းဆောင်တွေ စည်းရုံးရေးခရီးစဉ်ကို ထိုင်၊ မလေး၊ စင်္ကာပူ၊ ဂျပန်၊ တောင်ကိုရီးယား၊ ယူအေအီး နိုင်ငံတွေကို ဆင်းသင့်ပါတယ်။ ဒီနိုင်ငံတွေမှာ မြန်မာပြည်က ထွက်လာတဲ့လူတွေ သန်းနဲ့ချီနေပါပြီ။ အဓိကစည်းရုံးရေးရဲ့ ရည်ရွယ်ချက်က ပြည်ပအခြေစိုက်အဖွဲ့တွေကိုထောက်ခံမှုရရှိရေး၊ အဖွဲ့ဝင်သစ်တိုးပွားလာရေးဖြစ်ပါတယ်။ စည်းရုံးရေးဆင်းရင်း တခါတည်း မန်ဘာရအောင်စုဆောင်းနိုင်ပါတယ်။ ဒီလိုမျိုးလှုပ်ရှားမှုကို ဘယ်သူမှ ရည်ရွယ်ချက်ရှိရှိ မလုပ်သေးပါဘူး။ ဆန္ဒပြပွဲလုပ်တာလောက်နဲ့ အလုပ်မဖြစ်တော့ ဒီစည်းရုံးရေးခရီးစဉ်ကို အဖွဲ့အားလုံးပေါင်းပြီးသော်လည်းကောင်း၊ တဖွဲ့ခြင်းသော်လည်းကောင်းလုပ်နိုင်ပါတယ်။ သိတ်ပြီးတော့ အပန်းမကြီးတဲ့လုပ်ငန်းစဉ်ဖြစ်ပါတယ်။

ဘာ့ကြောင့်ဒီလိုလုပ်ရသလဲဆိုရင် ဒီအတိုင်း ကိုယ့်အဖွဲ့တွေအချင်းချင်း တွေ့ဆုံစကားပြော၊ ပွား၊ အာ နေတာလောက်က အလုပ်သိတ်မဖြစ်တော့ပါဘူး။ တော်လှန်ရေးမှာ စိတ်ဝင်စားတဲ့လူသစ်တွေရရှိရေးကို ရဲဘော်ဟောင်းတွေကိုဦးစားပေးမဲ့အစား၊ တစိမ်းကို ဦးစားပေးရင် အောင်မြင်နိုင်ပါတယ်။ ရည်ရွယ်ချက်ရှိရှိ၊ အချိန်ယူပြီး စည်းရုံးရေးခရီးစဉ်ကို ဆင်းကြည့်ပါ။ မအောင်မြင်နိုင်စရာမရှိပါဘူး။ မဲ့ဆောက်ပတ်ဝန်းကျင်က အလုပ်သမားတွေနဲ့ အချိန်ကုန်နေမဲ့အစား ဖြန့်ကျက်ပြီး အင်အားနဲ့ ထောက်ခံမှုရအောင်လုပ်ကြည့်ပါ။ မရတော့လည်း ကိုယ့်အတွက် အကျိုးမယုတ်ပါဘူး။

ဒီနေ့အချိန်ထိ တပ်ပေါင်းစုအဖွဲ့ကြီးတွေ စည်းရုံးရေးခရီးစဉ်၊ တရားပွဲတွေကို ထိုင်း၊ မလေး၊ စလုံး၊ ဂျပန်၊ တောင်ကိုရီးယား၊ ယူအေအီးနိုင်ငံတွေမှာ မလုပ်သေးတဲ့အတွက်ကြောင့် ဒီလိုအိုင်ဒီယာပေါ်လာတာဖြစ်ပါတယ်။

မဲ့ဆောက်ကနေရုန်းထွက်ကြပါ။ တကယ်ဖြစ်ချင်တကယ်လုပ်ရင် အဟုတ်ဖြစ်နိုင်ပါတယ်။ ပြည်ပအတိုက်အခံဆိုတာ ပြည်ပမှာရှိတဲ့ မြန်မာပြည်သူတွေရဲ့ ထောက်ခံမှု၊ အားပေးမှု ရအောင်လုံးဝယူသင့်ပါတယ်။ အဖွဲ့ဝင်သစ်ဖြစ်ဖို့အတွက် ဌာနချုပ်ရုံးတွေကိုလာစရာမလိုပါဘူး။ ကိုယ်နေတဲ့နေရာကနေ လုပ်နိုင်အောင် ဌာနချုပ်တွေမှာ Plan နဲ့ Resource ရှိရင် လုံလောက်ပါပြီ။ ပြည်ပမှာနေတဲ့ မြန်မာတွေအားလုံးဟာ စစ်အစိုးရကို လုံးဝဖြုတ်ချဖို့ဆန္ဒရှိနေလို့ ဒီစာကိုရေးပါတယ်။ စည်းရုံးရေးခရီးစဉ်ကို ၀ိုင်းပြီးပံ့ပိုးကူညီဖို့ မြန်မာတွေလုပ်ကြမှာပါ။ လူထုနဲ့ မကင်းကွာကြပါနဲ့။

ဒီလိုမျိုးစည်းလုံးတာကို ခဏခဏတွေ့ချင်တယ်...လုပ်ကြစမ်းပါဗျာ...။

ဒီလိုမျိုးစည်းလုံးတာကို

ခဏခဏတွေ့ချင်တယ်...လုပ်ကြစမ်းပါဗျာ...။

ဟန်ဆောင်တာ မကောင်းဘူး။ မကျေနပ်ရင်

ပေါ်တင်ထိုးပစ်။

From Dr Naing Aung's face book

2/23/10

Australian Burmese Community Journal ထုတ်ဝေခြင်း

Perth မှာ လူမျိုးပေါင်းစုံရှိတယ်။ တရုတ်၊ ကုလား၊ အာရှသား၊ အဖြူ၊ အမဲ အရောင်အသွေးတော်တော်စုံတယ်။ ဗီယမ်နမ်လူမျိုးတွေဆိုရင် သူတို့ရဲ့ ကိုယ်ပိုင်သတင်းစာ သုံးလေးခုရှိတယ်။ တနိုင်ငံလုံးကိုဖြန့်တယ်။ တရုတ်လူမျိုးတွေလည်း နှစ်စောင်လောက်ရှိတယ်။ ကုလားတွေမှာလည်းကိုယ်ပိုင် သတင်းစာရှိတယ်။ ထူးခြားတာတခုက ကျနော်တို့ရဲ့ ကြီးကျယ်မြင့်မြတ်လှပါသော၊ မျိုးချစ်မြန်မာတွေဟာ အရည်အချင်းရှိရှိ၊ ကိုယ်ပိုင်စာကို တန်ဖိုးထားရကောင်းမှန်မသိ ဖာသိဖာသာနေကြတယ်။ သတင်းစာလေး၊ ဂျာနယ်လေးတခုတောင် ဖြစ်မြောက်အောင်မဖန်တီးနိုင်ခဲ့ကြပါဘူး။

၂၀၁၀-ခုနှစ် ဖေဖ၀ါရီလ ထုတ်ဂျာနယ်ဖြစ်ပါတယ်။

Perth မှာ မြန်မာတွေ အခြေချတာ လွန်ခဲ့ နှစ်ပေါင်း ၅၀ လောက်ကတတည်းကဖြစ်တယ်။ ၁၉၆၂-ခုနှစ်မှာ ဦးနေ၀င်းအာဏာသိမ်းတော့ ကပြားတွေ တထောကြီးထွက်လာကြတယ်။ ကပြားတွေပြီးတော့ ၉၁-ခုနှစ်ပတ်ဝန်းကျင်လောက်မှာ 917 ဗီဇာနဲ့ မြန်မာပြည်က နိုင်ငံရေးမလုပ်သော နိုင်ငံရေးဒုက္ခသည်များ ပြည်တွင်းကနေတိုက်ရိုက်အော်စီကို ထွက်လာကြတယ်။ နည်းတာမဟုတ်ဘူး။ အကြောင်းအမျိုးမျိုးနဲ့ ရောက်တက်သူတွေလည်း အများကြီး။

၈၈-နောက်ပိုင်းမှာ နိုင်ငံရေးဒုက္ခသည်တွေ ရောက်တာဆို၊ ဒီနေ့အထိ နှစ်ပေါင်း ၂၀ လောက်ရှိနေပြီ။ မြန်မာတွေ Perth မှာတင်ပင် သုံးသောင်းနီးပါးလောက် ခန့်မှန်းခြေရှိတယ်။ ဒီလောက်များတဲ့ လူဦးရေမှာ ကိုယ်ပိုင်သတင်းစာ တစ်စောင်တစ်လေတောင်မရှိတာ တော်တော်အံ့သြဖို့ကောင်းတယ်။ တွေးကြည့်ရင် အော်စီက မြန်မာတွေ တော်တော်စောက်သုံးမကျဘူး။ ရှက်စရာအရမ်းကောင်းတယ်။ ဗီယမ်နမ်၊ တရုတ်၊ ကုလား၊ အီတလီတွေကိုကြည့်..သူတို့ Community က တော်တော်ဖွံ့ ဖြိုးတိုးတက်တယ်။ မြန်မာ ကွန်မြူနတီကတော့ တိုးတက်ဖို့အတွက် မရှိတော့သလောက်ပဲ။

ကျနော့်ရည်ရွယ်ချက်က မြန်မာကွန်မြူနတီအတွက် သတင်းစာမဟုတ်ရင်တောင်၊ ဂျာနယ်လေးတခုထုတ်မယ်ဆိုပြီး စလုပ်ဖြစ်တယ်။ ဂျာနယ်နာမည်ကို Australian Burmese Community Journal လို့ကိုယ့်ကိုယ်ပေးတယ်။ ၂၀၀၉-ခုနှစ် ဖေဖ၀ါရီလမှာ ထိုင်းကိုသွားလည်တယ်။ မပြန်ခင်မှာ ကိုစိုးဟန် (NLD) နဲ့ မဲ့ဆောက်မှာ တွေ့ဆုံပြီး အော်စီမှာ မြန်မာတွေအတွက် ဂျာနယ်တစ်စောင်ထုတ်ဖို့အတွက် အကြမ်းဖျင်းသဘောတူခဲ့တယ်။ အရက်ဝိုင်းမှာ စကားပြောကြရင်း ဒီအိုင်ဒီယာကိုပေါ်လာဖြစ်ပါတယ်။ ကိုစိုးဟန်ဆိုတာကလည်း Mizzima မှာ သဇင်နီ (သို့) ဒေါ်အောင်ဆန်းစုကြည်ဆိုပြီး ဆောင်ပါးတွေရေးနေတာတော်တော်များနေပြီ။ နောက်ပြီး မင်းဟန်၊ ရွှေအိမ်စည်၊ မင်းဆွေသစ် စတဲ့နာမည်တွေစာရေးနေတဲ့လူတစ်ယောက်ပါ။ သူနဲ့တွေပြီး ဂျာနယ်ကို မဖြစ်မနေထုတ်ကြမယ်ပေါ့။

ထိုင်းကနေ အော်စီကိုပြန်လာပြီး ၅ လပိုင်းမှာ ဂျာနယ်စထုတ်ဖို့အတွက် စတင်စုံစမ်းပါတော့တယ်။ တရားဝင်ထုတ်နိုင်ရေးအတွက် Australain Press ကိုမေးတယ်။ သူကတော့ အော်စီသတင်းသမဂ္ဂပါ။ သတို့ကပြောတာက အော်စီမှာ စာနယ်ဇင်းလွတ်လပ်ခွင့်ရှိတယ်။ ကြိုက်တဲ့စာစောင်ထုတ်၊ ထုတ်ဝေသူရဲ့ နာမည်အတိအကျ၊ ဆွက်သွယ်ရန်ပါရင် ရတယ်ပေါ့။ အိုကေပြီ...။ ဒါနဲ့ ကျနော် Business Registration ကို Australin Burmese Community Journal နာမည်နဲ့တရားဝင်မှတ်ပုံတင်တယ်။ တစ်ပတ်အတွင်းအိမ်ကို အသိအမှတ်ပြုကြောင်း အော်စီအစိုးရက အကြောင်းပြန်တယ်။ လက်မှတ်ရတယ်။ အစိုးရက အသိအမှတ်ပြုပီးဆိုတော့ ဂျာနယ်ထုတ်ဝေဖို့အတွက် အယ်ဒီတာ၊ ဒီဇိုင်နာ၊ စာစီစာရိုက်ကို ကိုစိုးဟန်က သူ့နည်းသူ့ဟန်နဲ့ ရှာတယ်။ သူ့ဘက်ကလည်းအဆင်ပြေတယ်။ လစာ၊ ငွေကြေးကို ဘယ်သူမှ အဓိကမထားကြဘူး။ အော်စီမှာဂျာနယ်တစ်စောင်ပေါ်ထွန်းရေးကို အဓိကအာရုံစိတ်တယ်။ ကျနော့်ဘက်ကလည်း လိုအပ်တဲ့ငွေကြေးကိုရှာရတယ်၊ သတင်းကိုလိုက်ရတယ်။ ကိုသီဟရွှေ (ABSDF) က လိုအပ်တာကို ၀ိုင်းပြီးအကြံပေး၊ ကူညီပေးရှာတယ်။

ကျနော် West Australian Newspaper စက်ရုံကိုရောက်တုံးက အမှတ်တရ

အဓိကပြသာနာက Off Set တင်တဲ့ပြသာနာပဲ။ ပရင့်တာစက်ရုံတွေကို လိုက်ပြီးစုံစမ်းတာ အနည်းဆုံး စောင်ရေ ၁၀၀၀ ကို ဒေါ်လ ၂၀၀၀ ဆိုတာချည်းပဲ။ နောက်ဆုံးတော့ West Australian Newsစaper ကို ပရင့်လုပ်တဲ့ Company က အသက်သာဆုံးဖြစ်နေတော့ သူ့ဆီမှာပဲ ထုတ်ဖို့ဆုံးဖြတ်တယ်။ Production Manager နဲ့တွေ့ပြီး ဈေးအသက်သာဆုံးဖြစ်အောင်ညှိတယ်။ Quality ကိုစဉ်းစားပြီးဆုံးဖြတ်တယ်။ အထူးအပါး..ကာလာဘယ်နှစ်ခုပေါ့။ ဒါလဲပြီးရော ဂျာနယ်ကို စောင်ရေ ငါးထောင် စတင်ထုတ်ဖြစ်တယ်။ ကုန်ကျစရိတ် ဒေါ်လာ ၃၀၀၀ နီးပါးကုန်တယ်။ အားလုံးကို အခမဲ့ဖြန့်တယ်။ တပြားမှ ပြန်မရဘူး။ ကြော်ငြာခလည်းမရဘူး။ အစိုးရ၀န်ကြီးနှစ်ယောက်ကတော့ ချီးကျူးကြောင်းစာရေးပေးပါတယ်။ ဂျာနယ်ဖြန့်တော့လည်းကိုယ်ပဲ၊ သတင်းလိုက်တော့လည်းကိုယ်ပဲ၊ ထုတ်ဝေသူလည်းကိုယ်ပဲ၊ ဘယ်လောက်ပင်ပန်းပြီး ခေါင်းစားလည်းဆိုတာ စဉ်းစားကြည့်။ ပြီးတော့ ငွေ။ ကုန်သလားတော့မမေးနဲ့။

ဂျာနယ်ထွက်ထွက်ချင်း၊ အိမ်ကို Australian... ရဲ ...လာပြီးစစ်တယ်။ ဘုန်းကျော်ဆိုတာမင်းလာပေါ့။ အိမ်လိပ်စာ၊ ဖုန်းနံပါတ် မှတ်ပြီးပြန်သွားတယ်။ အော်စီမှာ စာစောင်ထုတ်ရတာ အရမ်းလွတ်လပ်တယ်။ ကြိုက်တာသာရေး ဘာမှမဖြစ်ဘူး။ အော်ဆဲလည်းဘာမှမဖြစ်ဘူး။

လုပ်ချင်တဲ့အလုပ်ကို ဖြစ်အောင်လုပ်တယ်။ ငွေကုန်ရင်ကုန်ပါစေ။ ကိုယ့်သမိုင်းပဲ။ ဂျာနယ်ထွက်လာတော့ ဂျာနယ်မြင်တာနဲ့ပင် ငွေကုန်ရကျိုး၊ ပင်ပန်းရကျိုးနပ်ပြီ။

တစ်စောင်ထုတ်ပြီးတော့ ရင်းထားတဲ့ငွေလုံးဝပြန်မရဘူး။ ကိုယ်ထင်ထားသလောက် ပရိသတ်က စာဖတ်တာမဟုတ်ဘူး။ မြန်မာတော်တော်များများကတော့ ချီးကျူးအားပေးပါတယ်။ ဖုန်းဆက်ပါတယ်။ ဒါပေမဲ့ ငွေပြန်မရတော့ နောက်ဆုံး ဒုတိယစာစောင်ထုတ်ဖို့အတွက် နောက်ကြတယ်။ ဂျာနယ်ကို တလတစ်ကြိမ်ထုတ်ဖို့လုပ်ထားတာ။

ဈေးပေါပေါနဲ့ ဘယ်လိုထုတ်ရင် ကောင်းမလဲဆိုတာကို စဉ်းစားတယ်။ Research လုပ်တယ်။ မေးတယ်။ အော်စီမှာ Off Set တင်ဖို့အတွက် ဘယ်လိုမှ မဖြစ်နိုင်တော့ဘူးဆိုတာသိတယ်။ ညဖက်တွေတောင်အိပ်မပျော်ဘူး။ ကိုယ်လုပ်ထားတဲ့အလုပ်တခုကို ဒီအတိုင်းတော့မရပ်ချင်ဘူး။ ရတဲ့နည်းနဲ့ ဖြစ်သလိုချမယ် ဆိုပြီး လေယျာဉ်လက်မှတ်ဝယ်တယ်။ တစ်ပတ်အတွင်း မလေးရှားကို ထွက်ခဲ့တယ်။ ကွာလာလမ်ပူကို။ ပီနန်ကျောင်းက ဆရာတော်တွေနဲ့ မသွားခင်ချိတ်တယ်။ မလေးမှာ အောင်မြင်နေတဲ့ လမ်းသစ်ဂျာနယ်နဲ့တွေ့ဖို့စုံစမ်းတယ်။ လမ်းသစ်ဂျာနယ်က မလေးမှာ ပထမဦးဆုံးဂျာနယ်စထုတ်တာ။ ထုတ်ဝေသူနဲ့အချိတ်အဆက်ရတယ်။

ကွာလာလမ်ပူရောက်တော့ ပီးနန်ကျောင်းက ဆရာတော် ဦးဝိစိတ္တ၊ လမ်းသစ်ဂျာနယ်က ထုတ်ဝေသူက လေဆိပ်မှာလာကြိုတယ်။ သုံးရက်အတွက်ပြီးအောင်လုပ်ဖို့အတွက် အော်စီကနေ အချိန်ဇယားဆွဲသွားခဲ့ပေမဲ့ မလေးရောက်တော့ ထင်သလိုဖြစ်မလာပြန်ဘူး။ လေယျာဉ်လက်မှတ်က သုံးရက်ပဲအချိန်ရတယ်။ KL မှာရှိတဲ့ အော့ဆက်တွေကို လျှောက်သွားတယ်။ မေးတယ်။ ပီနန်ကျောင်းက ဆရာတော်တွေကပဲ အစစအရာရာအားလုံးကူညီပေးတယ်။ ကျေးဇူးကြီးမားလှကြောင်းပါ။

ထိုင်းမှာရှိတဲ့ အယ်ဒီတာ၊ ဒီဇိုင်နာတွေကို တယ်လီဖုန်းနဲ့ချိန်းပြီး နောက်ဆုံးဖိုင်နယ်ကို အီးမေးနဲ့ပို့ခိုင်းရတယ်။ စောင်ရေ ၁၀၀၀ ကိုမလေးမှာ အော့ဆက်တင်တယ်။ အော်စီနဲ့စာရင် ဈေးအရမ်းပေါ်တယ်။ ရင်းဂစ် ၂၀၀၀ ကျော်လောက်ပဲကုန်တယ်။ ကျနော့်အိုင်ဒီယာက မလေးမှာ ကျနော်တို့ဂျာနယ်ကို အော့ဆက်တင်မယ်။ ပြီးရင် စာတိုက်ကနေပို့ခိုင်းမယ်။ အော်စီမှာဖြန့်ပေါ့။ ဟိုရောက်တော့စာတိုက်ပို့ခကလည်း ဈေးကြီးတယ်။ တစ်ယောက်တည်းဆိုရင် ဘယ်လိုမှ လုပ်လို့မရမှန်းသိတယ်။ ပီနန်ဆရာတော်တွေက သူတို့လည်းစိတ်ဝင်စားတယ်။ ပေါင်းပြီးချမယ်ဆိုပြီး သုံးယောက်ပေါင်းဖို့သဘောတူခဲ့တယ်။ ရနိုင်မဲ့ငွေ၊ ကုန်ကျမဲ့ငွေတွေကို အကြမ်းဖျင်း ဆရာတော်တွေနဲ့သဘောတူတယ်။

ဒီမှာတင်လေယျာဉ်လက်မှတ်အသစ်ပြန်ဝယ်ရတယ်။ နောက်ထပ်တစ်ပတ်လောက် KL မှာသောင်တင်တယ်။ အချိန်ရတော့ KL ကနေ ပီနန်ကို ဆရာတော်ကြီးနဲ့တွေ့ဖို့သွားတယ်။ ဖူးဖြစ်ပါတယ်။ ဆရာတော်ကြီးဆူတာကိုလည်း မချိမဆံ့ခံခဲ့ရတယ်။

ပီနန်ကအပြန်မှာ ဂျာနယ်က အဆင်သင့်ထုတ်ပီးပြီ။ တချို့ တ၀က်ကိုကျနော်ထုတ်ပိုးတယ်။ အများစုကို KL မှာရောင်းဖို့ လုပ်ခဲ့တယ်။ Kl မှာမထင်မှတ်ပဲ ကျနော်တို့ဂျာနယ်အောင်မြင်သွားတယ်။ လူတွေစိတ်ဝင်စားတယ်။ ကျနော်အော်စီကို အောင်မြင်စွာနဲ့ပဲ ပြန်ဖို့လုပ်တော့ PM နဲ့ AM မှားတော့ လေယျာဉ်လွတ်သွားပြန်ရော။ နောက်တစ်ခေါက်လေယျာဉ်လက်မှတ်ကို နေ့တွင်းချင်းရအောင်ပြန်ဝယ်ရတယ်။ အော်စီမှာလည်း ကျနော့်အလုပ်ကို ပစ်မထားချင်ဘူး။ ကျောင်းကလည်းတစ်ဖက်နဲ့။ ခလေးကလည်း လသားအရွယ်လေးနဲ့ဆိုတော့ KL မှာနေရတာ စိတ်မဖြောင့်ဘူး။

အော်စီကိုရောက်တော့ ကိုယ်လုပ်ချင်တဲ့အလုပ်ကိုဖြစ်အောင်လုပ်နိုင်ခဲ့တာကို ပီတိဖြစ်မိတယ်။ KL မှာ ဂျာနယ်ကို လူတွေကလည်း စိတ်ဝင်စားတယ်ဆိုတော့ နောက်ထပ်သုံးလေစောင်ဆက်တိုက်ထုတ်ဖြစ်တယ်။ အော်စီက ကြော်ငြာ်တွေလည်း အများကြီးလိမ့်ဝင်လာတယ်။ ကိုယ့်ဘက်က ငွေအရင်းသိတ်မစိုက်ရတော့ဘူး။

နောက်ဆုံးအကြောင်းအမျိုးအမျိုးကြောင့် နောက်ထပ်တစ်စောင်ရပ်သွားပြန်ရော။ ကျနော် အချိန်ယူစဉ်စားပြီးမှ ဆုံးဖြတ်ချက်ကို ရဲရဲချခဲ့တယ်။ ဒါကတော့ ဂျာနယ်ကို မလေးမှာရော၊ အော်စီမှာပါ ဆက်ထုတ်နိုင်ဖို့ကို Franchise လုပ်တယ်။ တချို့ တ၀က်ကို အော်စီကိုပို့၊ အော်စီကရတဲ့ကြော်ငြာတွေကို သူတို့ယူ၊ ကျနော်ကတော့ စာရေးမယ်၊ ဖြန့်ချီရေးလုပ်ပေးမယ်၊ တာဝန်ခံပေးမယ်။ လိုအပ်တဲ့ Bank Account ကို Francise လုပ်ချင်တဲ့သူကိုပေးတယ်။ သူကမလေးမှာဆက်ပြီး Australian Burmese Community Journal ကိုဆက်ထုတ်ပေါ့။ ကျနော့်ဘက်ကလည်း ကိုယ့်ဂျာနယ်နာမည်မသေတာကိုလိုချင်တယ်။ ငွေတော့လိုချင်တာပေါ့။ မရလည်းဘာမှမဖြစ်ဘူး။ တာဝန်ခံထုတ်တဲ့မလေးက လူကလည်း သဘောတူတယ်။ နောက်ဆုံးအားလုံးပြန်ပြီး အဆင်ပြေသွားတယ်။ ထိုင်းမှာ အယ်ဒီတာ၊ ဒီဇိုင်နာ၊ စာစီစာရိုက်ကို သူ့ဟာသူဆက်ဆံတယ်။ ကံကောင်းတယ်လို့ပြောရမလားမသိဘူး....ဂျာနယ်က မလေးမှာ စထုတ်ထုတ်ခြင်း အောင်မြင်တဲ့ဂျာနယ်၊ လူတွေစိတ်ဝင်စားတဲ့ဂျာနယ်၊ တန်ဖိုးရှိတဲ့ဂျာနယ်ဖြစ်တယ်လို့ ပရိသတ်ကရော၊ တခြားဂျာနယ်တွေကပါ ထင်ကြေးပေးကြပါတယ်။ ကျနော် ငွေကုန်၊ လူပင်ပန်းရကျိုးနပ်ပါပြီ။ ဒီနေရာမှာ အထူးကျေးဇူးတင်ကြောင်းမှတ်တမ်းတင်ချင်တဲ့သူတွေကတော့...

ထုတ်ဝေသူ ကိုကျော်ဝင်း (လမ်းသစ်ဂျာနယ်)
ဆရာတော်ဦးဝိစိတ္တ (ပီနန်)
ကိုမြတ်မင်းသွေး (KL)
ကိုဝင်းမြင့် (ပီနန်)
ကိုစိုးဟန် (အယ်ဒီတာ)
ကိုဇော်ဇော် (ဒီဇိုင်နာ)
ကိုအောင်ထက် (ဒီဇိုင်နာ)
မမေ
ကိုကျော်ကျော်
ကိုသီဟရွှေ
ကျနော့်မိန်းမ
ကိုမျိုးကို (KL)

တချို့ နာမည်တွေမေ့နေလို့ မပါခဲ့ရင်တောင်းပန်ပါတယ်။ ဒီလူတွေဟာ အော်စီမှာ တခါမှမရှိခဲ့တဲ့ ဂျာနယ်တစ်စောင်ဖြစ်အောင်လုပ်ပေးခဲ့တဲ့အတွက် အထူးကျေးဇူးတင်ပါတယ်။ ဒိအတွက် ကျနော် ဒေါ်လာ တစ်သောင်းနီးပါး လှူလိုက်ရပါတယ်။ ဂျာနယ်ရေရှည်ရပ်တည်နိုင်ဖို့ ကျနော် အော်စီကမြန်မာတွေရဲ့ အားပေးမှု၊ ပူးပေါင်းဆောင်ရွက်မှုကို အရမ်းအလိုရှိနေပါတယ်။

ီ

2/22/10

ဟေတီနိုင်ငံကို ကူညီကြပါ...။ ကိုဇော်မိုးကျော် ဂျီတော့မှ မှ တဆင့်....

2/20/10

မိုင်းသင်တန်း ၆-လ

မိုင်းသင်တန်း ၆-လ

သင်တန်းကို Perth က TAFE လို့ခေါ်တဲ့ ကျောင်းမှာတက်တယ်။ ၀င်ခွင့်ကို အင်္ဂလိပ်စာ အဆင့် ၃ လောက်ရရင်တက်လို့ရတယ်။ ကျနော့်မှာ Certificate III in Community Management လက်မှတ်ရှိတယ်။ ထိုင်းမှာနေတုံးက သြစီကနေ အဝေးသင်တက်လာတဲ့လက်မှတ်ပါ။ ဒီဟာကိုပြတော့ ဘာမှစစ်စရာမလိုတော့ဘူး။ တခါတည်းဝင်ခွင့်ရတယ်။ ကျောင်းဝင်ကြေးကို ဒေါ်လာ ၄၉၀ လောက်ပေးရတယ်။

Kargoolie Gold Mine ကိုလေယျာဉ်ပေါ်ကအခုလိုတွေ့ရတယ်။ မိုင်းပေါ်ကိုလေယျာဉ်ဖြတ်မောင်းလို့မရဘူး။ ဆွဲအားရှိနေတယ်။

သင်တန်းမှာ အဖြူတွေကအများစု။ ကွန်ပြူတာပညာရှင်ကုလားတစ်ကောင်ပါတယ်။ သူက ကွန်ပြူတာနဲ့ လုပ်စားတာ လစာနည်းလို့ဆိုပြီး သင်တန်းလာတက်တယ်။ သြစီမှာကြီးတဲ့ ဗီယမ်နမ်မတစ်ယောက်ပါတယ်။ သူက Business နဲ့ Double Degree ကိုသြစီမှာ ပီးတယ်။ ဘွဲ့ရပြီးအလုပ်မရတော့ မိုင်းကိုသွားဖို့လုပ်တယ်။ တရုတ်တစ်ကောင်ပါတယ်။ ဖာလွန်းခေါင်း အဖွဲ့က။ နိုင်ငံရေးသမား။ ကျနော်နဲ့သူက အရမ်းခင်သွားတယ်။ သူကလည်း ငွေရရင် ဘာမဆိုလုပ်မယ်ဆိုပြီး သင်တန်းကိုလာတယ်။ အမေရိကန်နိုင်ငံကနေ ဒီသင်တန်းကို တက်ဖို့ အမဲတစ်ကောင်ပါတယ်။ ဗလကနည်းတာမဟုတ်ဘူး။ ငပျင်း၊ စောက်စားကလည်းအရမ်းကြီးတယ်။ ကျနော်စားတဲ့ထမင်းကို အရှက်မရှိတောင်းစားတယ်။ ငပိရည်လည်းစားတယ်။ တော်တော်အရှက်မကင်းတဲ့ ကောင်လို့ကျနော်ပြောတယ်။ ထမင်းစားချိန်ဆိုရင် သူ့နားမှာထမင်းမစားရဲဘူး။ ကိုယ်တောင်ဗိုက်မပြည့် သေးဘူး၊ ဒီကောင်ဝါးတာနဲ့ကုန်တယ်။ ကျနော်လည်းအားနာလို့ဘာမှမပြောမိပါဘူး။

သင်တန်းဆရာတွေက အနည်းဆုံးမိုင်းမှာ နှစ်ပေါင်းသုံးဆယ်လောက် လုပ်ခဲ့တဲ့ ပညာရှင်တွေဖြစ်တယ်။ သင်တန်းသားအယောက် ငါးဆယ်လောက်ရှိတယ်။ ငါးယောက်လောက်က အာရှသားတွေပါ။ သင်တန်းကို မနက် ၈-နာရီခွဲကနေ ညနေ ငါးနာရီထိသင်တယ်။ ဘာသာရပ်တွေက Geology၊ Mining Safety ၊4Wheel Driving and Maintainence ၊ Survey ၊ Underground Mining၊ GPS operation ၊ Mining Software တွေသင်ရတယ်။ ဒါတွေအပြင် မြေကြီးအောက်မှာရှိတဲ့ ကျောက်တွေ၊ အချက်အလက်တွေကို ခေတ်မှီစက်ကြီးတွေနဲ့ အချက်အလက်ကောက်ယူနည်းလည်းပါတယ်။ Pit Tech ဖြစ်ဖို့အတွက် သင်ရတယ်။ Field Tech၊ Underground Tech၊ Core Tech အဖြစ်လုပ်နိုင်ဖို့ လိုအပ်တာသင်ရတယ်။ Senior First Aid သင်ရတယ်။ သင်တန်းကို တောထဲမှာ လုပ်ရတာများတယ်။ မိုင်းမှာ လက်တွေ့သင်ရတယ်။ နေပူထဲမှာ၊ မိုးရွာထဲမှာ သင်ရတယ်။ စစ်သင်တန်းလိုပဲ။ သင်တန်းပြီးရင်တော့ မိုင်းမှာ အလုပ်သင် နှစ်ပတ်ကို အခမဲ့လုပ်ပေးရတယ်။ ပြီးတာနဲ့အလုပ်ရပြီ။ အလုပ်မရရင် ကျောင်းကရှာပေးတယ်။ ကျောင်းသား ၉၉ ရာခိုင်နှုံးက အလုပ်ရတယ်။ တစ်ယောက်လောက်ကတော့ ငပျင်းမို့လို့ မရဘူး။

အလုပ်သွားရပီ

တောထဲက လုပ်ငန်းခွင်တနေရာ

အလုပ်ရတော့ မိုင်းကိုသွားရပြီ။ မနက်အစောကြီး Perth ရဲ့  ပြည်တွင်း လေဆိပ်ကိုသွားတယ်။ လေယျာဉ်လက်မှတ် ထုတ်ပေး တဲ့စက်မှာ ကိုယ့်ရဲ့ နာမည်နဲ့မွေးသက္ကရာဇ် ရိုက်ထည့် လိုက်တာနဲ့ လေယျာဉ် လက်မှတ်ရပီ။ ဒီလေယျာဉ်နဲ့ Karlgoolie ကို နှစ်နာရီလောက်စီးရတယ်။ Kargoolie ကနေ၊ ကိုယ်လုပ်မဲ့မိုင်း နေရာကို လူ ၈-ယောက်လောက်ဆန့်တဲ့ လေယျာဉ်လေးနဲ့ နှစ်နာရီလောက်စီးရတယ်။ လေယျာဉ်က သေးတော့ လေတိုက်ရင် ပြုတ်ကျမတက်ပဲ။ အရမ်းကြောက်စရာ ကောင်းတယ်။ ကိုယ်လုပ်မဲ့ မိုင်းမှာ ကိုယ်ပိုင်လေယျာဉ်ကွင်း ရှိတယ်။ ကိုယ်ပိုင်လေယျာဉ်ရှိတယ်။ ကိုယ်ပိုင် ဆားငန်ရေကို ရေချိုဖြစ်အောင်လုပ်တဲ့စက်ရှိတယ်။ ရေချိုမရှိတော့ ဖန်တီးယူ ရတယ်။ ဆယ်တလိုက်ဖုန်း၊ ဆယ်တလိုက် အင်တာနက် ရှိတယ်။

အစားအသောက်ကိုကြိုက်သလောက်စားလို့ရတယ်။ ချက်စရာမလိုဘူး။ စားဖိုမှုး လေးယောက် လောက်ရှိတယ်။ ကိုယ်အိပ်မဲ့အိပ်ယာကို လျှော်ပေးမဲ့လူ၊ အခန်းသန့်ရှင်းရေးလုပ် ပေးမဲ့လူရှိတယ်။ ကိုယ့်အလုပ်က Field Tech ဆိုတော့ တောထဲကို မနက် ၆ နာရီကနေ ညနေ ၆ နာရီထိ Landcrusier 4Wheel နဲ့အရောက်သွားရေးပဲ။ တစီးမှာ နှစ်ယောက်ပါတယ်။ ကားထဲမှာ ဆပ်တလိုက်တယ်လီဖုန်း၊ အရေးပေါ်ခေါ်တဲ့စက်တလုံး၊ ဆက်သွယ်ရေးကားပြောစက်၊ ရေခဲသေတ္တာသေးသေးလေးတစ်ခု၊ ထမင်းဘူး၊ ရေဘူး၊ First Aid Box ပါတယ်။ သဲနစ်ရင်တူးဖို့ သဲတူးတဲ့ပစ္စည်းအစုံပါတယ်။ အရေးပေါ်ဒုက္ခရောက်ရင် အရေးပေါ်ခလုတ်ကို နိပ်တာနဲ့ ရဟတ်ယာဉ်က အလိုအလောက်ရောက်ပီးသားပဲ။ သဲကန္တာထဲရောက်ရင် လမ်းမရှိဘူး။ GPS မြေပုံ၊ ကွန်းပက်စ်ကိုသုံးတက်မှ ခရီးတွင်တယ်။ ဒါကိုကျောင်းမှာသင်ပေးတယ်။ အလုပ်ခန့်တဲ့ Company နာမည်က Anglogold လို့ခေါ်တယ်။ ကမ္ဘာပေါ်က ရွှေရှာတဲ့ Company တွေအထဲမှာ အကြီးဆုံးပဲ။

ဆက်ရန်-

ပုဂ္ဂလိကပိုင်ပြုလုပ်မည်

ဗိုလ်ချုပ်မှုးကြီးသန်းရွှေ၏ ဇနီး၊ သမီးများအား

ပုဂ္ဂလကပိုင်ပြုလုပ်မည်ဖြစ်ကြောင်း

နေပြည်တော်သတင်းရပ်ကွက်မှထွက်ရှိသည်။

2/19/10

ကျနော်နှင့် မိုင်း (၂)

သြော်စီက မိုင်းကိုသွားဖို့အတွက် ဘယ်လိုသွားရင်ကောင်းမလဲ..ဆိုတာ ကျနော်စုံစမ်းတယ်။ စစ်သားသားသမီးဘ၀တုံးကလည်း အခက်အခဲတွေနဲ့ကြုံရတယ်။ သူပုန်လုပ်တော့လည်းတွေ့ရတယ်။ ဒီဘ၀တွေက ကျနော့်ကို ၀ါသနာပါအောင် ဖန်တီးပေးလိုက်သလိုပဲ။ ကျနော် တောထဲမှာ အပင်တွေ၊ အကောင်တွေနဲ့နေရတာပျော်တယ်။ ဖြစ်သလိုစားသောက်နေထိုင်ရတာကို အရမ်းဖီလင်လာတယ်။ အရင်ဘ၀နှစ်ခုမှာ ကျနော်ဖြစ်သလိုနေတယ်။ ဖြစ်သလိုစားတယ်။ ပေါက်ကရလုပ်တယ်။ ကျနော်မမှု့ဘူး သိလား။ ကျနော် ဘ၀ ဆိုတဲ့ အဓိပ္ပာယ်ကိုရှာတယ်။ ချမ်းသာတယ်....ဆင်းရဲတယ်...ဂုဏ်ရှိတာကိုရှာတယ်...။ ဘာလဲပေါ့။

ဒီလိုမျိုး အကွေ့အကောက်မရှိ၊ အလိမ်အညာမရှိတဲ့ ဘ၀ကို ကျနော်တွေ့ချင်တယ်။ ပွင့်လင်းပါတယ်ဆိုတဲ့စကားကို ကျနော့်မိန်းမကိုတောင်ဒီနေ့အထိ ကျနော်ပြောတုံးပါ။ ပွင့်လင်းတာ ရှက်စရာမဟုတ်ဘူးလေ။

မိုင်းကို မသွားခင်ကျနော် ရင်ခုန်တယ်။ မိုင်းက ရတဲ့လစာက နည်းတာမဟုတ်ဘူး။ စရိတ်ငြိမ်း လစာကိုအသားတင်ရတယ်။ ကျနော်ပင်ပန်းရမှန်းမသိ အားတက်သရောသွားခဲ့တယ်။ လွန်ခဲ့တဲ့ ၂၀၀၇ က။ ကျနော်သဘာဝတရားကိုချစ်တယ်။ အပင်တွေကို အရမ်းခုံမင်တယ်။ မြေကြီး၊ သဲ၊ စတဲ့ သဘာဝတွေဟာ လုံးဝ ဟန်မဆောင်ဘူးလေ။

ဒီလိုမျိုး ကျနော့်ရဲ့ စိတ်ထဲမှာ ရှိတယ်။ ကျနော် ဒီက မိုင်းအကြောင်းအသေးစိတ်ရေးပါ့မယ်။

ဆက်ရန်-

ကျက်သရေမရှိတဲ့မျက်နှာနဲ့... ကျော်ဆန်း

ဂျပန်ခေတ်က ကင်ပေတိုင်တွေလို ပုကွကွ၊ မျက်နှာက နွားချီးပုံလိုပဲ....

ဒီဘဲမျက်နှာကိုမြင်လိုက်ရင် ဒေါသတွေ အလိပ်လိုက်ထွက်တယ်။

တောက်.....မင်းတို့ကောင်တွေ....မိုးကောင်းတုံးရွာထားကြပေါ့ကွာ။

2/18/10

မိုင်းနှင့်ကျနော်....

စက်တင်ဘာသံဃာ့အရေးအခင်းမှာ ကျနော်ဒီနေရာမှာရှိနေပါတယ်...နာမည်က Great Victoria Desert လို့ခေါ်ပါတယ်။ နှာခေါင်းသွေးလျှံလောက်အောင်ပူပါတယ်။ ကျနော့်အနောက်က ခြုံထဲမှာ သဲကန္တာရဖွတ်ကြီးတစ်ကောင်ရှိတယ်။ သတိထားပြီးကြည့်ကြည့်ပါ..။

ကျနော်အရင် အလုပ်ကို ခဏပြန်သွားရတော့မယ်။ အရင်အလုပ်က ဘာလဲလို့မေးလိမ့်မယ်။

ကျနော် Western Australia မှာ သူများတွေလိုကြီးကြီးကျယ်ကျယ် အင်ဂျင်နီယာ၊ ဘူမိဗေဒ ပညာရှင်တွေလို မဟုတ်ဘူး။ သြစီမှာ ဘွဲ့ မရသေးဘူး။ ဒါပေမဲ့ကျနော် မြန်မာနိုင်ငံသားတွေထဲက ပထမဆုံး Mining Exploration နဲ့ ခြောက်လသင်တန်း ကို Perth မှာပြီးခဲ့တယ်။ ပြီးတော့ အလုပ်ရတယ်။ ဒီသင်တန်းက ကမ္ဘာပေါ်မှာတခုတည်းသောသင်တန်းဖြစ်တယ်။ ကမ္ဘာပေါ်မှာ ကြိုက်တဲ့ နိုင်ငံမေးကြည့် သြစီက မိုင်းကအရမ်းအဆင့်မြင့်တယ်။ သူက မြင့်တော့ ဒီမှာသင်တဲ့သင်တန်းလည်းမြင့်ပြီးသားပဲ။ မယုံမရှိနဲ့။ သင်တန်းဆင်းဆင်းခြင်း တနှစ်ကိုဒေါ်လာ တစ်သိန်းနီးပါးကျနော်ရတယ်။ အိမ်လခ၊ ခရီးစရိတ် Company ကပေးတယ်။ အလုပ်ကို လေယာဉ်နဲ့သွားရတယ်။ ကျနော်အခုမှုးနေတယ်...သတိရတုံး .....တို့ထားခဲ့တယ်...။ ကျနော် ဒီအလုပ်ကို...အခု တစ်နှစ်ပြန်လုပ်မယ်။

ဆက်ရန်...။

2/16/10

ကန်တော့ပါ၏

ကြည်ညိုစရာကောင်းသော ဘဘဦးတင်ဦးအား အစဉ်ဦးညွှတ်အလေးပြုပါသည်။ ဘဘ ကျန်းမာပါစေ။

တောင်းတဲ့ဆုတောင်း...ပြည့်စေကြောင်းဗျို့ .....။

စာရေးဆရာ အုပ်စိုးနိုင်ရဲ့  ၉၉၉၉ သံချပ်ထဲက အပိုင်းအစတချို့ လေးပါ....

ငါနှင့်ငါသာ နှိုင်းစရာ
ငါသာ ငါထက်
မာန်မတက်နဲ့
ငါမှ တပါး အခြားသူငှာ
ကြည်သာစေကြောင်း
တောင်းတဲ့ဆုတောင်း ပြည့်စေကြောင်းဗျို့ ....။
တောင်းတဲ့ဆုတောင်း ပြည့်စေကြောင်းဗျို့ .....။

သင်္ကြန်နီးပါပြီ...။ လူ့ဘောင်သစ်ရဲ့ သံချပ်လေးထွက်ရင် သိပ်ကောင်းမှာ...။

2/15/10

မယားငယ်ထားတဲ့ပြသနာ.....

တချို့ မြန်မာတွေတစ်လင်တစ်မယားစနစ်ကို ကြိုက်တယ်။ တချို့ တွေက Multi ကိုလက်ခံတယ်။ လက်ခံတဲ့သူတွေကတော့ ယောကျာ်းတွေဖြစ်တယ်။ မိန်းမတွေက ယောက်ျားငုတ်တုတ်နဲ့ လင်အများကြီးမယူကြဘူး။ ယောကျာ်းတွေကသာ မိန်းမအများကြီးယူကြတယ်။ မယားကြီး၊ မယားငယ်၊ မယားထွေး။

ဒီလိုယူတဲ့လင်တွေဟာ ဆင်းရဲတဲ့ယောက်ျားတွေမဟုတ်ကြဘူး။ ငွေကြေးအနည်းအကျင်းရှိသူ (သို့) များများရှိသူ တွေဖြစ်တယ်။ ဆင်းရတဲ့လူတွေ...ဒါမျိုးမလုပ်နိုင်ဘူး...ဘာ့ကြောင့်လဲဆိုတော့ သူတို့ကဗိုက်ပြည့်ဖို့ကို ဦးစားပေးရုန်းနေရလို့ပဲ။ မယားအများကြီးယူလို့...သူ့ကိုပြောတဲ့.. ဝေါဟာရက သူတောင်းစားထမင်းဝရင် -ီးတောင်တယ်လို့ပြောတာဘဲ။ ဟဲ..အဆီအနှစ်များများစားတော့ အားတွေပိုနေတဲ့သဘောပါ။

မယားအများကြီးယူတာ (သို့) အငယ်အနှောင်းထားတာ...ဖာချတာ...ဒါတွေကို ယောက်ျားတွေ မိန်းမရှိရက်သားနဲ့ လုပ်ကြတယ်။ ဒီလိုအခြေအနေကို ပတ်ဝန်းကျင်နဲ့...ကျနော်တို့ယဉ်ကျေးမှုက ဖောက်ပြန်တယ်၊ သစ္စာမရှိဘူး၊ နှာဘူး၊ စောက်ရှုး စသဖြင့် တံဆိပ်အမျိုးမျိုးကပ်တယ်။

ဒီနေရာမှာ ဆွေးနွေးစရာရှိတာက သဘာဝ Natural ဆိုတဲ့စကားလုံးပါပဲ။ သဘာဝအတိုင်းဖြစ်ပျက်လာတဲ့ အခြေအနေကို လူတွေက သဘာဝအတိုင်းတုန့်ပြန်မှုပြုတယ်။ ဥပမာ နေ့တိုင်းအမဲသားစားတော့ ကြာရင် ငြီးငွေ့တာပါပဲ။ ဘယ်သူမှ နေ့တိုင်းဒါကြီးပဲ မစားချင်ကြဘူး။ အတင်းအဓမ္မနေ့တိုင်းစားပါလို့ ပတ်ဝန်းကျင်၊ စည်းကမ်း၊ လူ့ထုံးစံအစဉ်အလာတွေက ပြောလာတော့ နေ့တိုင်းစားမိပါတယ်။ ဒီလိုမျိုးဖြစ်လာတော့ ယောက်ျားတစ်ယောက်ဟာ ထွက်ပေါက် (သို့) ဘ၀ကိုငြီးငွေ့လာတာပေါ့။ သူ့ဦးနှောက်လည်း Fresh မဖြစ်ဘူး။ Freeze ဖြစ်တာများတော့ အိုင်ဒီယာအသစ်၊ အတွေးအခေါ်သစ်တွေမထွက်နိုင်ပဲ....စီးပွားရေး၊ လူမှုရေး၊ ပညာရေးစတဲ့နေရာတွေမှာ လုံးဝချို့ ယွင်းသွားတက်ပါတယ်။

အောင်မြင်တဲ့စီးပွားရေးလုပ်ငန်းရှင်တွေကိုကြည့်ပါ ...အနည်းဆုံး မိန်းမ သုံးလေးယောက်ကို တပြိုင် တည်းယူပါတယ်။ ဆိုလိုချက်က မိန်းမများများယူမှ၊ တပြိုင်တည်းသုံးလေးယောက်ထားနိုင်မှ အောင်မြင်တယ်လို့ပြောနေတာမဟုတ်ပါဘူး။ သဘာဝတရားကို နားလည်တက်ဖို့ပါ။ ဒါတွေဟာ အပြစ်မဟုတ်ပါဘူး။ အဓိကအပြစ်က ရောဂါတွေရမှာ၊ ကိုယ့်အိမ်ထောင်ကို ထမင်းဝအောင်မကျွေးနိုင်တာ၊ ကိုယ့်မိန်းမကို ပျော်အောင်မထားနိုင်တွေက အပြစ်တွေပဲဖြစ်တယ်။ ကိုယ့်သားသမီးတွေကို ငတ်အောင် မလုပ်ဖို့၊ စိတ်မညစ်စေဖို့ပါ။

မြန်မာ့သမိုင်းက ရှင်ဘုရင်တွေကိုကြည့်ပါ။ မိဘုရားအနည်းဆုံးနှစ်ယောက်တော့ရှိတယ်။ ဒါ့အပြင် ကိုယ်လုပ် တော်ဆိုတာတွေလည်း တပုံကြီးပါ။ ဘုရင်ကို တိုင်းသူပြည်သား၊ မှုးမတ်တွေက စောက်ရှုး၊ နှာဘူး၊ မိန်းမအများကြီးယူတဲ့ကောင်လို့ပြောလို့လား။ ကဲ့ရဲ့ တာလည်းမတွေ့ဘူး။ဒီအကြောင်းကို စာတွေထဲမှာလည်းမဖတ်ဘူးပါဘူး။ မိဖုရားကြီးကလည်း သူ့ရာထူးကို သူကျေနပ်တယ်။ သူ့အလှည်ကျရင် သူခံတာပဲ။ မခံရလည်း သ၀န်မတိုဘူး။ ဒီလိုမျိုးနားလည်မှုရှိတော့ ဘုရင်လည်းပျော်တယ်၊ မိဘုရားလည်းပျော်ပါတယ်။ ကိုယ်လုပ်တော်လည်းပျော် ပါတယ်။ အားလုံးပျော်ကြတယ်။

ထို့ကြောင့် မိန်းမရှိရက်နဲ့တခြားမိန်းမနဲ့ အိပ်တာ၊ ယူတာတွေကို ဖောက်ပြန်တယ်၊ သစ္စာမရှိဘူးဆိုတာတွေဟာ စဉ်စားစရာပါ။ မြန်မာတွေ နားလည်နိုင်ပါစေ။ အထူးသဖြင့် မြန်မာမိန်းခလေးတွေ မိမိယောက်ျားတွေကို ပိုမိုနားလည်နိုင်ပါစေ။

ကျနော်ပြောနေတာက မိန်းမရှိရက်နဲ့ နောက်မိန်းမယူဖို့...မယားငယ်ထားဖို့ကို ထောက်ခံပြီးပြောနေတာမဟုတ်ပါဘူး။ အဓိက ဆိုလိုချက်က...တခါတလေ ယောကျာ်းတွေတခြားမိန်းမနဲ့ဖောက်ပြန်တယ်။ မှားကြတယ်။ ပေါက်ကရလုပ်ကြတယ်။ သူတို့စိတ်ထင်တာကို လုပ်ကြတယ်။ မှုးရင်ပိုဆိုးတယ်။ ဒီလိုတခါတလေမှားတာကို မိန်းမတွေက တခါတလေ နားလည်မှုမရှိတဲ့အခါမှာ အိမ်ထောင်ရေးပြိုကွဲရော..။ ခလေးတွေ ဘယ်သူ့ကိုအဖေခေါ်ရမှန်းမသိတော့ဘူး။ သြစီမှာတွေ့နေရလို့ပြောတာ။ အမေရိကမှာတွေ့နေရလို့ပြောတ။ နော်ဝေ၊ ထိုင်း၊ မြန်မာပြည် အားလုံးမှာ အဲလိုမျိုးအခြေအနေဖြစ်နေတယ်။ တခါတလေမှားတက်တယ်။ ဒါကို နားလည်မှုယူပေးချင်တာပါ။ မယူရင် လူကြီးက ဘာမှမဖြစ်ဘူး။ ခလေးတွေ ဒုက္ခအရမ်းရောက်ရတယ်။ နားလည်မှုယူတာ ဘာများပင်ပန်းလဲဗျာ..။ အားလုံးလန်းနိုင်ကြပါစေ.....။

မှတ်ချက်။ ။ ကိုမောင်မောင်ဦးပြောလို့ နောက်ဆုံးအပိုဒ်ကို ရေးပါသည်။

မှတ်ချက်။ သတ်ပုံပြင်ပေးတဲ့ ကိုသိချင်သူကို အထူးကျေးဇူးတင်ကြောင်း...။

2/13/10

သူပုန် ဘ၀ (အပိုင်း-၆)

ရှေ့ တန်းမှာ စစ်ကြောင်းလျှောက်ရင် ပြောစရာတွေတပုံကြီးရှိတယ်။ စစ်ကြောင်းလျှောက်တာဘာလုပ်ဖို့လဲ။ စစ်ကြောင်းလျှောက်ရင်း ဘယ်သူထမင်းကြွေးလဲဆိုတဲ့မေးခွန်းတွေဖြစ်တယ်။

စစ်ကြောင်းက တရွာဝင်တရွာထွက်သွားရတယ်။ ရန်သူသတင်းကြားရင် ချောင်းပစ်တယ်။ ပြီးရင်တော့ အသားကုန်ပြေးတယ်။ နောက်ကျတဲ့ခြေထောက်သစ္စာဖောက်ပဲ။ စစ်ကြောင်းကလည်း အဖွဲ့ပေါင်းစုံဆိုတော့ နအဖ စစ်ကြောင်းတွေလို အမိန့်နာခံမှုအားနည်းတယ်။ စည်းကမ်းက ဗြဲလရမ်းပဲ။ ကိုယ့်အဖွဲ့နဲ့ ကိုယ်ထိန်း ပဲလေ။

ရွာရောက်ရင် ရွာသားတွေကိုတရားဟောတယ်။ ခေါင်းဆောင်တွေကနေဟောတာ။ စစ်အာဏာရှင် စနစ်ကမကောင်းဘူးပေါ့...ဘာညာ..စသဖြင့် အသားကုန်လိမ့်ပွားတယ်။ နားထောင်တဲ့ရွာသားတွေက ကရင်၊ မွန်၊ ဗမာ ကျောင်းတောင်ကောင်းကောင်းမနေဘူးတဲ့လူတွေများတော့ စိတ်ဝင်စားလား၊ မ၀င်စားလားတော့မသိဘူး။

ရွာရဲ့ ဘုန်းကြီးကျောင်း၊ စာသင်ကျောင်းတွေမှာ ရွာသားတွေကို စုဝေးစေတယ်။ ပြီးရင် တဖွဲ့တစ်ယောက်က ခေါင်းဆောင်တွေ အသားကုန်ပွားပြီ။ ကျနော်ကတော့ ရဲဘော်လေ။ ဆိုတော့ ထုံးစံအတိုင်း ကင်းစောင့်ပေးတယ်၊ ထမင်းအိုးထမ်းတယ်၊ ထမင်းချက်တယ်။ အရက်ဘယ်နားမှာ ရနိုင်လဲ၊ ခွေးသား ဘယ်နားမှာရနိုင်လဲဆိုတာ ကိုစုံစမ်းတယ်။ အသားငါးပြတ်တော့ ခွေးသားကို အသားကုန်ဝါးတယ်။

ရွာရောက်ရင် ရွာက ရွာသားတွေဆီကနေ ခွေး လိုက်တောင်းတယ်။ ရရင် AK 47 နဲ့ အားရပါးရ ပစ်တယ်။ သေရင် ၀ါသနာတူတဲ့လူတွေစုပြီး ပေါ်တယ်။ စားတယ်။ အရက်နဲ့မြည်းတယ်။ တခါတလေ တချို့  ရွာတွေကခွေးတွေဆိုရင် ကျနော်တို့အဖွဲ့လာရင် အသားကုန်ဟောင်ပြီ....။ သူတို့လည်းသိတယ်ထင်တယ်။ ဒီကောင်လာရင် ငါတော့....အသက်နဲ့ဖတ် ထုတ်ထားရပြီဆိုတာ။

စားစရာ..ဆန်ကုန်ပြီဆိုရင်... ရွာကနေကေအန်ယူက တောင်းပေးတယ်။ ကေအန်ယူကလည်း တချက် ခုတ်နှစ်ချက်ပြတ်... အလုပ်ရှိတယ်။ စစ်ကြောင်းသွားရင်းနဲ့ ....အခွန်ကောက်တယ်။ ကွမ်းသီးခြံ၊ ရာဘာခြံ တွေကနေ တနှစ်ကို ဘယ်လောက်.... ကေအန်ယူကို အခွန်ပေးရတယ်။ ဒါမှ သူတို့ဝင်ငွေရတာမဟုတ်လား။ ကျနော်တို့ ကျောင်းသားသူပုန်ကတော့ အခွန်ဆိုလို့ နို့ဆီဗူးအခွန်တောင်မရှိတဲ့ ဘ၀လေ။

ရတဲ့ဆန်ကိုတခါတလေ တချို့ ရွာသားတွေက အရမ်းဆင်းရဲတော့ သူတို့ကိုပြန်လှူခဲ့ရတယ်။ ကျနော်က လှူတာကိုအရမ်းဝါသနာပါတယ်။ ဆန်ကြိုးကို ထမ်းရတာအရမ်းလေးတယ်။ ဆန်တပြည်လောက်တခါတလေ အကြာကြီးထမ်းရတာဆိုတော့ ကြာရင် လုံးဝမခံနိုင်ဘူး။ ပုခုံးတွေနာတယ်။ ရွာမှာအရမ်းငတ်တဲ့ လူတွေ တွေ့ရင် ကိုယ်လည်းသက်သာအောင် အကုန်လုံးလှူလိုက်လို့ ကျနော့်ရဲ့ တပ်မှုးကြီး ကိုမောင်မောင်ဦး ဆဲတာခဏခဏ ခံရတယ်။ သူက...ငါတို့ ငတ်လိမ့်မယ်ပေါ့။ ဒါလည်းမမှတ်ဘူး။ လှူလိုက်ရင် အထမ်းပေါ့တယ်ဆိုတော့။

တခါက ရန်သူစစ်ကြောင်းနဲ့ ကျနော်တို့စစ်ကြောင်း ထိပ်တိုက်တွေ့တယ်။ သူတို့အ၀င် ကျနော်တို့ကအထွက်။ ကျနော်တို့စစ်ကြောင်းရဲ့ ရှေ့ ဆုံးက ပွိုင့်က ရန်သူကို အရင်တွေ့တယ်။ သူက ပစ်တယ်။ စောက်တလွဲ။ ထိလည်းမထိဘူး။ ဟိုကလည်း ပြန်ပစ်ပေါ့။

ဒီလိုတိုက်ပွဲတွေဆူညံနေတဲ့အချိန်မှာ ကျနော်တို့ လူ့ဘောင်သစ်က အဖွဲ့ထမင်းစားဖို့ လက်ဘက်သုတ် သုတ်နေတဲ့အချိန်။ ကျနော်က ကျနော့်ရဲ့ ဓားကြီးကို ထုတ်ပြီးအားရပါးရ ကြတ်သွန်လှီးနေတယ်။ တိုက်ပွဲဖြစ်သံလည်း ကြားရော...လုံးဝ ရင်ထဲမှာ တထိတ်ထိတ်၊ ကြောက်ချီးပန်းပြီလေ။ ဒီမှာတင်လက်မှာ ကိုင်ထားတဲ့ဓားကို ဓားအိမ်ထဲထည့်တာ ငါးခါလောက် ထည့်ယူရတယ်။ လက်တုန်နေလို့။ တခါမှ တိုက်ပွဲဖြစ်တာ မတွေ့ဘူး၊ မကြားဘူး။

သူပုန်လုပ်တော့လည်း စစ်သင်တန်းလည်းမတက်ဘူး။ သေနတ်လည်းမပစ်တက်ဘူး။ AK 47 ပစ်နည်းကို တပ်မှုးကြီးက ငါးမိနစ်အတွင်း သင်ပေးထားတာပဲရှိတယ်။ ကျည်ဆံကလည်း ၂၅ တောင့်ရှိတယ်။ သေနတ်ကလည်း တချက်ပစ်ရင် တတောင့်ပဲထွက်တယ်။ အဲလောက်ကောင်းတဲ့သေနတ်။ ဒီလိုသေနတ်ကြီးကိုလွယ်...စစ်တိုက်တဲ့အခါတော့ ချီးပန်းပြီ။ ဟိုပုန်းဒီပုန်း၊ ဘယ်မှာလဲ ရန်သူ...တပ်မှုးကြီး နှစ်ယောက်ကိုမေးယူရတယ်။ ရန်သူလည်မတွေ့ဘူး။ ရွာထဲမှာတင် ပြေးဖို့စလုပ်နေပြီ။ တိုက်ပွဲတောင် မဖြစ်ရသေးဘူး။ ၉-လေးလုံးမှာ ချဖို့သွားတဲ့ကျနော်...၉-လေးလုံးမှာ တိုက်ပွဲဖြစ်တော့ အသားကုန်တုန်နေပြီ။ ဒီလိုမျိုးသတ္တိရှိတာ။

မိုးရွာထဲမှာ ကျနော်တို့အဖွဲ့ ဗြဲလရမ်းပြေးကြတယ်။ တစ်ယောက်တကွဲနဲ့။ တော်တော် စစ်ရေးမှာတော်တဲ့ သူပုန်တွေပါဗျာ....။ လူပြန်စုံရင်တော့ တစ်ယောက်တစ်ပေါက်ပြောကြရင်း အသားကုန်ရီကြတယ်။ တိုက်ပွဲဖြစ်တုံးကတော့ အရမ်းလန့်တယ်။ ဖြစ်ပြီးရင်တော့ ပြောပြောပီးရီရတာအမော။ တခါတလေ ရန်သူရဲ့  လက်နက်ကြီးအစအနက သူငယ်ချင်းဖင်ကိုမှန်တယ်။ သူ့ခဗျာ သေတော့မဲ့အတိုင်း အသံဗြဲလရန်းနဲ့ အော်တယ်...ငိုတယ်...။ ငါ...သေတော့မယ်ပေါ့။ ဒီလိုမျိုးလဲရှိတယ်။

ဆက်ရန်....။

2/12/10

2/10/10

ရဲတပ်ဖွဲ့က ဝိုင်းရိုက်၍ ဒေသခံရွာသားတဦး သေဆုံး

ရဲတပ်ဖွဲ့က ဝိုင်းရိုက်၍ ဒေသခံရွာသားတဦး သေဆုံး
ဝီရ/ ၁၀ ဖေဖော်ဝါရီ ၂ဝ၁ဝ
line

ကျေးရွာဆယ်အိမ်ခေါင်းတဦးနှင့် အချင်းများရာမှ ရဲတပ်ဖွဲ့က ဖမ်းဆီးရိုက်နှက်သည့် ဒဏ်ရာဖြင့် ဒေသခံလူငယ်တဦး မော်လမြိုင်ဆေးရုံကြီးတွင် သေဆုံးသွားကြောင်း သေဆုံးသူ၏ မိခင်ဖြစ်သူက ပြောကြားသည်။

မိခင်ဖြစ်သူ ဒေါ်ကြည်ရှိန်က “(၃၁) ရက်နေ့ညက ရိုးဂိုး ရဲစခန်းမှူး အုန်းမြင့်နဲ့အဖွဲ့ (၃) ယောက်က လာဖမ်းသွားတယ်။ အဲဒီညက သူ့မှာ ဘာအပြစ်ရှိလို့ ဖမ်းတာလဲ မေးတော့ လမ်းမှာကတည်းက ရိုက်သွားတာ။ နောက်နေ့ ဆေးရုံရောက်တော့ မျက်နှာနဲ့ ခန္ဓာကိုယ်တခုလုံး မဲတူးနေတာပဲ။ အဲဒီနေ့မှာ ကျမကို သားပြောပြတာက ညက ရဲ အယောက် (၂၀) တောင် သူ့ကို ဝိုင်းရိုက်တာတဲ့။ ဒါနဲ့ပဲ သားက ဆုံးသွားရှာတယ်” ဟု ပြောဆိုသည်။

သေဆုံးသူသည် မွန်ပြည်နယ်၊ မော်လမြိုင်မြို့နယ် ဖားအောက်ကျေးရွာသား အသက် (၂၈)နှစ်၊ ကိုပြည့်စုံဖြစ်ပြီး ဇန်နဝါရီ (၃၁) ရက် ညနေပိုင်းက ကျေးရွာ ဆယ်အိမ်ခေါင်း ဦးလှိုင်နှင့် စကားများကြရာမှ ဦးလှိုင်က ရိုးဂိုး ရဲစခန်းကို ဆက်သွယ်ကာ ဖမ်းဆီးစေခဲ့ပြီးနောက် ယင်းကဲ့သို့ ရိုက်နှက်ခံထားရသည့် ဒဏ်ရာများဖြင့် ဖေဖော်ဝါရီ (၉) ရက် ယမန်နေ့က သေဆုံးခဲ့ခြင်း ဖြစ်ကြောင်း မိခင်ဖြစ်သူက ရှင်းပြသည်။

သို့သော် မှုခင်းဆရာဝန်ကမူ ကိုပြည့်စုံ၏ သေဆုံးမှုသည် ရဲရိုက်နှက်ခြင်းကြောင့် မဟုတ်ဘဲ ရောဂါဖြင့် သေဆုံးသွားသည်ဟု ဆေးလက်မှတ်တွင် ရေးသားထားကြောင်း သိရသည်။

ဒေါ်ကြည်ရှိန်က “ရိုးရိုးရောဂါနဲ့ သားက သေတာမှ မဟုတ်ဘဲ။ ရိုက်ထားတဲ့ဒဏ်ရာနဲ့ ဝမ်း၊ ဆီး မသွားဘဲ အသက်ရှူကြပ်နေလို့ အော်နေရတာ။ ဆေးရုံတင်ပြီး (၈) ရက်မြောက်နေ့ မနက် (၅) နာရီခွဲမှာ ဆုံးသွားတာ။ ကျမသားက အဲဒီရိုက်ထားတဲ့ဒဏ်ရာနဲ့ ဆုံးသွားတာဖြစ်တယ်” ဟု ပြောကြားသည်။

ယင်းကဲ့သို့ ဒဏ်ရာများရရှိနေသည့် ကိုပြည့်စုံကို ဆေးရုံတင်ရမည်ဖြစ်ကြောင်း ဇန်နဝါရီ (၃၁) ရက်နေ့ ညသန်းခေါင် (၃) နာရီခန့် တွင် ရိုးဂိုးရဲစခန်းမှ မြင့်နိုင်ဆိုသူက နေအိမ်သို့ လာရောက်အကြောင်းကြားခဲ့သည်ဟု သိရသည်။

သေဆုံးသူ ကိုပြည့်စုံ၏ ဈာပနကို ယမန်နေ့ ညနေပိုင်းတွင် ရိုးဂိုးကျေးရွာ သုသာန်တွင် ပြုလုပ်ခဲ့သည်။ ကိုပြည့်စုံ၏ ဇနီးသည် မမိုးနှင့်အတူ (၆) လအရွယ် သားကလေးတဦး ကျန်ရစ်သည်။

အရမ်းငတ်ရင် သတ်တော့မှာ....

ငတ်နေပြီ...ငတ်နေပြီ...အားလုံးငတ်နေပြီ...။

ဘယ်သူမှတော့ အငတ်ခံပြီး အသေမခံဘူး။ စစ်သားတွေလည်းငတ်ကုန်ပြီ။

အရပ်သားတွေလည်းငတ်ကုန်ပြီ။

လှိုင်သာယာက ဆန္ဒပြအလုပ်သမားတွေကို ထောက်ခံကြစို့။

အရမ်းငတ်နေတဲ့အခါမှာ ပြန်ချဖို့လုပ်တော့မယ်။

စစ်အာဏာရှင်တွေအတွက် ပြေးစရာမြေ မရှိစေရဘူး။