ပြတ်ပြတ်သားသားဆုံးဖြတ်ရမဲ့အချိန်....

အစိုးရသစ်တစ်ရပ်ပေါ်ထွက်ခဲ့ပြီ။ ဒီအစိုးရသစ်ကတော့ အားလုံးသိတဲ့အတိုင်း အ၀တ်အစားပြောင်းလဲတာပဲ အဖတ်တင်တယ်။ လူတွေက ဒီလူတွေပဲ။ Night Club သွားရင်ဘောင်းဘီဝတ်တယ်။ မင်္ဂလာဆောင်သွားရင် ပုဆိုးနဲ့တိုက်ပုံဝတ်တယ်။ အချိန်နဲ့နေရာပေါ်မှုတည်ပြီး အ၀တ်အစားပြောင်းတယ်။ အခုအစိုးရသစ်လည်း ဒီအတိုင်းပဲ။ ဒါကိုလူတိုင်းသိတယ်။ အထင်ကြီးစရာမရှိ။ အပြောင်းအလဲတစ်စုံတစ်ရာမရှိ။ ဒါက နအဖစစ်ဗိုလ်ချုပ်ကြီးတွေအတွက် အပြောင်းအလဲမရှိတဲ့ပုံ။ သို့သော် အတိုက်အခံတော့အပြောင်းအလဲရှိတယ်။

ဘာအပြောင်းအလဲလဲ?

"ဦးညဏ်ဝင်းကတော့ အရှိကိုအရှိတိုင်းအသိအမှတ်ပြုတယ်" တဲ့။ ဒေါ်အောင်ဆန်းစုကြည်က "အစိုးရသစ်နဲ့တွေ့ဆုံဆွေးနွေးဖို့မျှော်လင့်ပါတယ်" တဲ့။ ပြည်ပအတိုက်အခံကတော့ "၂၀၀၈-ဖွဲ့စည်းပုံနဲ့အစိုးရသစ်ကို တိုက်ဖျက်ရမယ်" တဲ့။ အမေရိကန်အခြေစိုက် ၈၈-ကျောင်းသားဟောင်းတစ်စုက " မြန်မာပြည်ကို အမေရိကန်ဦးဆောင်တဲ့ တပ်တွေဝင်သင့်ပြီ" တဲ့။ ရန်ကုန်က နိုင်ငံရေးမလုပ်၊ နားမလည်တဲ့ ကျနော်သူငယ်ချင်းက " အစိုးရပြောင်းသွားပြီ၊ မင်းပြန်လာတော့" တဲ့ ။ ဒါကတော့ သူတို့အားလုံးက အစိုးရသစ်နဲ့ ပက်သက်တဲ့ သဘောထား၊ အမြင်တွေပေါ့။

အဓိကအတိုက်အခံ NLD သေသွားပြီ

ဒေါ်အောင်ဆန်းစုကြည်ကတော့ အရမ်းအလုပ်ရှုပ်တယ်။ မနားရဘူး။ ဟိုသံရုံးလာလိုက်၊ တွေ့လိုက်။ ဒီသံရုံးလာလိုက် တွေ့လိုက်။ ဟိုမီဒီယာလာလိုက် ပွားလိုက်။ အာ,လိုက်။ သာရေးနာရေးသွားလိုက်။ Video မက်ဆေ့ပို့လိုက်၊ တယ်လီဖုန်းနဲ့ အစည်းအဝေးတက်လိုက်။ ဒါတွေနဲ့ ဒေါ်စုအလုပ်ရှုပ်နေတယ်။ ဒီပဲယင်းမဖြစ်ခင်တုန်းကလို လူထုတရားပွဲလေးများလုပ်ဖို့ သတိမရတော့ဘူးလားမသိ။ ဒီပဲယင်းမှာ အရိုက်ခံရလို့ တအားကြောက်သွားလား မသိတော့ဘူး။

ဒီလုပ်ငန်းတွေပဲ ဆက်လက်လုပ်နေအုံးမယ်ဆိုရင် ဘယ်တော့များမှ ငြိမ်းချမ်းရေး၊ ဖွံ့ဖြိုးတိုးတက်ရေး ရမလဲမသိ။

တက်ကြွသတ္တိရှိတဲ့ အင်အားစုတစ်ရပ် ပြည်တွင်းမှာမရှိတော့ပါ

ကိုမင်းကိုနိုင်တို့အဖွဲ့ရှိတုန်းက နေ့တိုင်းလိုလို လူထုအုံကြွမှုဖြစ်လာအောင် လုပ်နေတာကို တွေ့ရတယ်။ မီးပွိုင့်မှာ အော်လိုက်။ စာကပ်လိုက်နဲ့။ သူတို့လည်း မရှိကော လူထုတွေအုံကြွလာအောင် ဘယ်သူမှ တကယ့်လက်တွေ့မလုပ်တော့သလိုပါလား။

NLD နဲ့ ဒေါ်အောင်ဆန်းစုကြည်ကိုသာ လူထုအုံကြွမှုဖြစ်လာအောင်သာ အမြဲတမ်းတိုက်တွန်းရ မလိုဖြစ် နေပြီ။ သူတို့မှမလုပ်ရင် အခုလက်ရှိအနေအထားအရ တက်ကြွသတ္တိရှိတဲ့အင်အားစု တစ်ရပ်မရှိဘူး ဖြစ်နေတယ်။

၁၉၉၀-ခုနှစ်ရွေးကောက်ပွဲရလာဒ်လား။ သနားတယ်။ စကားထဲထည့်တောင်မပြောနဲ့ တော့။ တွေ့ဆုံဆွေးနွေးရေးလား လုံးဝမရ။ လက်ရှိနအဖခင်းထားတဲ့ လမ်းကြောင်းအတိုင်း လျှောက်ရင်လျှောက် မလျှောက်ရင် သေဖို့သာပြင်တော့။ ဒီတော့ နအဖလမ်းကြောင်းအတိုင်းမလျှောက်ချင်တဲ့ NLD နဲ့ ဒေါ်အောင်ဆန်းစုကြည်တို့ တွေ့ ဆုံဆွေးနွေးရေးတောင်းဆိုနေရုံသက်သက်နဲ့ ဘယ်တော့မှ တိုင်းပြည်ငြိမ်းချမ်းရေးရလိမ့်မည်မဟုတ်။ မိမိအာဏာရှိရင်တော့ ဒါတွေကို ဖန်တီးယူလို့ရပါတယ်။ ဒီလိုဖြစ်ဖို့အတွက်အာဏာရအောင်ယူရပါလိမ့်မယ်။ မဟုတ်တော့ NLD ဆိုတဲ့ နာမည်ကတော့ စာရွက်ပေါ်မှာပဲ ကျန်ခဲ့တော့မယ်။

ပြည်ပအတိုက်အခံ

ကျက်တွေအစာကောက်သလို ဟိုတစ်စဒီတစ်စနဲ့ အောင်မြင်မှုအကောင်အထည်တခုမှမမြင်ရသေးဘူး။ အားလုံစုပြီး တခုတည်းသော စီမံကိန်း (သို့) မဟာဗျူဟာကို အကောင်အထည်ဖေါ်ရင်မကောင်းဘူးလား။ ပြည်ပနေ လူထုအုံကြွမှု ဖော်ဆောင်ရေးလုပ်တယ်ပဲထားအုံး။ ဘယ်တော့မှ လူထုတွေအုံကြွမှာလဲ။ ပြီးတော့ ကိုယ်က အပြင်မှာ။ ကိုယ်ကိုယ်တိုင်တကယ့်လက်တွေ့ ပြည်တွင်းကို ၀င်ပြီး နိုင်ငံရေးလုပ်ရင်တော့ တပိုင်းပေါ့။ အဝေးကနေ လုပ်တာလောက်နဲ့တော့ အလုပ်မဖြစ်။

ပြည်ပက အင်အားစုတွေစီမံကိန်းတခု(သို့)မဟာဗျူတခုကို အကောင်အထည်ဖော်ရတော့မယ်။ ဥပမာ ဗိုလ်ချုပ်ကြီးသန်းရွှေနဲ့ အဖွဲ့ကို နိုင်ငံတကာခုံရုံးတင်ရေးကိစ္စကို ပြည်ပက အင်အားစုအားလုံးသာ စုစုစည်းစည်းနဲ့ လုပ်ကြည့်။ မဖြစ်နိုင်စရာအကြောင်းမရှိ။ အထောက်အထားစုတဲ့သူကစု၊ သံရုံတွေနဲ့ကုလသမဂ္ဂအရှေ့တွေမှာအော်တဲ့သူကအော်၊ လောဘီလုပ်တဲ့သူကလုပ်၊ အီမေးပို့တဲ့သူကပို့...စသဖြင့်။ ဒီလိုမျိုး အားလုံးသောပြည်ပအတိုက်အခံအင်အားစုအားလုံးက စုစုစည်းစည်းနဲ့ ဒီလိုအလုပ်တခုကိုသာဇောင်းပေးလုပ်ကြည့်။ ဖြစ်ကိုဖြစ်ရလိမ့်မယ်။ အချိန်ကာလတခုအထိပဲလုပ်။ မအောင်မြင်တော့ နောက်စီမံကိန်းပြောင်းပေါ့။ ဒါက စီမံကိန်းတခုပဲရှိသေးတယ်။ စီမံကိန်းတွေအများကြီးရှိနိုင်တယ်။ ဥပမာ...(၁)  ပြည်ပအတိုက်အခံတွေ တနှစ်အတွင်းမြန်မာသံရုံးများ နှင်ထုတ်ခံရရေး။ (၂) လက်နက်ကိုင်တပ်တွေ (၆) လအတွင်း မြ၀တီနဲ့ သုံးဆူကိုအပိုင်သိမ်းဆည်းထားနိုင်ရေး။ ဒီလိုလုပ်ငန်းတွေကို အားလုံးတစုတစည်းတည်း လုပ်ကြည့်ဖို့ကိုပြောနေတာပါ။

အခုမြင်နေရတဲ့ ပြည်ပအတိုက်အခံလုပ်တဲ့အလုပ်က ပြန့်ကျဲပြီးစုစည်းလို့မရတဲ့ မဟာဗျူဟာကြီးဖြစ်နေတယ်။ ဥပမာ ဟိုအဖွဲ့က၊ လူ့အခွင့်ရေး၊ ဒီအဖွဲ့က ယူဂျီ၊ ဟိုအဖွဲ့က စစ်တိုက်နဲ့ဆိုတော့ ဘာကိုဦးတည်ပြီး အမြတ်ယူမှာလဲမသိ။ စစ်အာဏာရှင်ဖြုတ်ချရေးတော့ဟုတ်တာပေါ့။ ဒီစစ်အာဏာရှင်ကလည်း ဘယ်တော့ပြုတ်ကြမှာလဲမသိဘူး။ ဆိုတော့ ကျနော်တို့အားလုံး စီမံကိန်း (Project) ကိုတခုပြီးမှ တခုလုပ်ရင်ကောင်းမလားလို့ ။ တပြိုင်တည်းလေဗျာ။ ဘာကအရေးကြီးတာလဲဆိုတော့ ကိုယ်ကဘယ်နေရာမှာရောက်နေလဲဆိုတာနဲ့ ဆိုင်ပါတယ်။ အားလုံးဝိုင်းစဉ်းစားကြပေါ့။ Branstorming!!!!!

ဒီရေစီးကြောင်းနဲ့ပဲဒီလိုမျှောရတော့မယ်ထင်တယ်

နောက် ငါးနှစ်ဆိုရင် ရွေးကောက်ပွဲတစ်ခုထပ်လာမယ်။ ပါတီတွေအားလုံးထပ်ပြိုင်မယ်။ ကြံ့ဖွံ့ ကြီးပဲ နိုင်မယ်။ သူတို့ပဲအာဏာရမယ်။ ပြည်တွင်းစစ်နဲ့ လွတ်လပ်ခွင့်မရှိတဲ့ဘ၀တွေကိုထပ်ပြီးပိုင်ဆိုင်ကြရမယ်။ ဒါက အနာဂတ်အတွက် ကြိုတင်ဟောကိန်းပဲ။ ဒီအစိုးရနဲ့ဒီလိုမဖြစ်ရင် ဘယ်လိုဖြစ်အုံးမှာလဲ။ ဆိုတော့ ကျနော်တို့ အတိုက်အခံအင်အားစုတွေက လုပ်ငန်းစဉ်နှစ်ခုပဲရှိတယ်။ သူတို့ခင်းထားတဲ့လမ်းကြောင်းပေါ်မှာ လျှောက်မှာလား? ကန့်လန့်လျှောက်မှာလား?။

ဘယ်လိုပဲလျှောက်လျှောက်...ကျနော်တို့လိုချင်တာက ပြည်တွင်းစစ်မရှိ၊ လွတ်လပ်ဖွံ့ ဖြိုးတဲ့တိုင်းပြည်ပဲ။ ဒီတော့ ဒီအချိန်မှာ ပြတ်သားဖို့လိုအပ်နေပြီ။ နအဖနဲ့ပေါင်းမလား။ ဒီလိုပဲ ဆက်သွားနေအုံးမှာလား။ ဘယ်တော့မှ ကျနော်တို့လိုချင်တဲ့တိုင်းပြည်ဖြစ်မှာလဲ။ နောက်ထပ်ရွေးကောက်ပွဲဖြစ်တဲ့အချိန်ထိစောင့်မှာလား?။ အားလုံးပြတ်ပြတ်သားသား ဆုံးဖြတ်ဖို့လိုအပ်နေတာတော့သေချာတယ်။ တွေ့ဆုံဆွေးနွေးရေးဖြစ်ဖို့ဆိုတာ ကိုယ့်မှာအား,မရှိရင် ဘာမှလုပ်လို့မရ။ ပြောပါများရင် ဒီကောင်အရှုးလို့ သတ်မှတ်ခံရတာပဲ ရပါလိမ့်မယ်။

ကျနော်ကတော့ အထက်ကပြောတဲ့ နအဖစစ်ဗိုလ်ချုပ်တွေကို နိုင်ငံတကာစစ်ခုံရုံးတင်ရေးကိစ္စကို ပိုပြီးစိတ်ဝင်စားတယ်ဗျာ။ သမိုင်းတလျှောက်မှာ တခါလောက်တော့ သူတို့လည်ပင်းကြိုးဂွင်းစွပ်တာကို မြင်ချင်တယ်။ သက်သေခံမဲ့ ဗိုလ်မှုး ဦးအောင်လင်းထွတ်လည်း အဆင်သင့်ရှိနေပြီပဲ။

ကဲ...ပြည်ပက ရဲဘော်တို့ ၀ိုင်းပြီးအာ,ကြပါစို....။