5% ပဲသုံးလိုက်ပါ

ဒီနှစ်မှာ ၀မ်းသာစရာသတင်းတွေကိုလည်းတွေ့ ရသလို့ ဝမ်းနည်းရာကောင်းတဲ့သတင်းတွေကို တွေ့ ရပါတယ်။
ဦးသိန်းစိန်နဲ့ ဒေါ်စုတို့ ပြေလည်းပြီး သင့်မြတ်နေတာက ၀မ်းသာစရာပါ။ ဒိထက်ပိုပြီး ၀မ်းသာစရာကောင်းတာက မြန်မာနိုင်ငံဟာ ချမ်းသာလာဖို့ လမ်းကို စတင်နေလို့ ပါပဲ။

လောကမှာ အကောင်းနဲ့ အဆိုး၊ အပြုနဲ့ အဖျက်က တွန့် တွဲနေတာ သဘာဝဆိုပေမဲ့....ဆိုးနေတဲ့ကိစ္စတွေကို အကောင်းဖြစ်အောင်ပြုပြင်လို့ လွယ်ပါတယ်။ အဖျက်သမားကို အပြုသမားဖြစ်အောင် တည်ဆောက်ဖို့ မခဲယဉ်ပါဘူး။

အစိုးရနဲ့ အတိုက်အခံ အသံညီနေပေမဲ့ အောက်ခြေက ၀န်ထမ်းတွေဟာ အဖျက်သလားလို့ တောင်မေးရမလိုပဲ။ ဒါ့ကြောင့် ဦးအောင်မင်းပြောတဲ့ သူတို့ အစိုးရအဖွဲ့ ထဲ နောက်ကြောင်းပြန်သွားမဲ့ လူတွေရှိနေတယ်လို့ ပြောတာဖြစ်မယ်။ ကျနော်ပြောချင်တဲ့ အဖျက်သမားနဲ့ အဆိုးဆုံးဖြစ်နေတဲ့ မြင်ကွင်းတွေကို ခင်ဗျားတို့ လည်း သတိထားမိမှာပါ။ ဒါကတော့ မုံရွာ ကြေးနီစီမံကိန်းက ငိုရှိုက်သံတွေနဲ့ မြေတွေ၊ အိမ်တွေကို ဘူဒိုဇာနဲ့ ထိုးပြီး ဖယ်ရှားနေတဲ့အရာတွေပါ။

ဒီမြင်ကွင်းတွေက မီဒီယာပွင့်လင်းလာလို့ မြင်နေရပေမဲ့ မီဒီယာသမားတွေလက်လှမ်းမမှီတဲ့နေရာတွေလည်း အများကြီးကျန်ပါသေးတယ်။

တကယ်တမ်းဆိုရင် မုံရွာကြေးနီစီမံကိန်းကို သတ္တုတွင်းဝန်ကြီးကိုယ်တိုင်ကွင်းဆင်းပြီး ဒေသခံတွေရဲ့အသံတွေကို နားထောင်သင့်တယ်။ အခုတော့ မိုင်းမန်နေဂျာကပဲ ပြောတာတော့ သဘာဝလုံးဝ မကြပါဘူး။ သူကပဲ ဒေသခံတွေနဲ့ အဆင်ပြေအောင် ညှိနှိုင်းမယ်။ စီမံကိန်းကိုတောင် မရပ်နိုင်ဘူး။ ဘာ့ကြောင့်လိုတော့ မိုင်းက နိုင်ငံတော်ရဲ့ဖွံ့ ဖြိုးတိုးတက်မှုကို အထောက်အကူပြုလို့ ဆိုပြီး ဆင်ခြေပေးပါတယ်။ သူပြောတာကလည်း မှန်တယ်။ မိုင်းကနေ ၀င်ငွေရပါတယ်။

ဒါပေမဲ့ မုံရွာဒေသခံတွေပိုင်တဲ့ မြေနေရာမှာတူးတာအပြင် သူတို့ ရဲ့ဘိုးဘွာပိုင်မြေတွေကနေ အဝေးကိုတောင် ဖယ်ပေးရတာကို စာနာမှု့မရှိ ပြောတဲ့စကားကတော့ သဘာဝလုံးဝမကြပါဘူး။ အကယ်၍သာ မိုင်းမန်နေဂျာလုပ်တဲ့သူက မုံရွာဒေသခံတွေရဲ့နေရာမှာသာရှိနေမယ်ဆိုရင် ဘယ်လိုခံစားရမလဲမသိဘူး။

လူဘ၀မှာ အရေးကြီးဆုံးက အစားအစာ၊ နေစရာအိမ်နဲ့ အ၀တ်အစားပဲဖြစ်ပါတယ်။ အခုဆိုရင် ကြေးနီစီမံကိန်းကြောင့်မုံရွာဒေသခံတွေ နေစရာမဲ့တော့မယ်။ ပြီးရင် လုပ်ကိုင်စားသောက်စရာမြေနေရာလည်းမဲ့တော့မယ်။ ဒါတွေမဲ့ပြီးဆိုရင် ဘယ်လိုမျိူးအ၀တ်အစားဝယ်ဖို့ ပိုက်ဆံရတော့မှာလဲ။ ကြေးနီစီမံကိန်းကနေ ပေးတဲ့ငွေနဲ့ ဒေသခံတွေ ဘယ်လိုမျိူးတစ်သက်လုံးစားမလဲ။

အစိုးရကပေးတဲ့ သူတို့ အတွက်ရွေးချယ်စရာဆိုတာက အင်မတန်ကို နည်းပါးလှတယ်။

ရွာသားတွေတောင်းနေတာက စီမံကိန်းကို ဖျက်ပေးပါ။ သူတို့ ရွာတွေကို မရွှေ့ချင်ဘူး။ ဒါပဲ။

ဒီကိစ္စကို ၈၈-မျိူးဆက်လို့ ခေါ်တဲ့ ကိုဂျင်မီတို့ အဖွဲ့ က ဆန္ဒပြပြီးမတောင်းနဲ့ ဆိုတော့ ဘယ်လိုတောင်းရမှာလဲလို့ တောင်မေးရတော့မယ်။ ကိုဂျင်မီတို့ အဖွဲ့ဟာ ဒေသခံတွေရဲ့ခံစားချက်ကို နားမလည်လို့ လုပ်တာပဲ။ နောက်ပြီး နိုင်ငံတကာက မိုင်းတွေ ဘယ်လိုစီမံခန့် ခွဲလဲဆိုတဲ့ ဗဟုသုတကိုလည်းမသိဘူး။ ရွာသားတွေရဲ့မျက်ရည်တွေဟာ စိတ်မကောင်းဖြစ်လို့ ကျတဲ့ မျည်ရယ်တွေမဟုတ်ဘူး။ သူတို့ ရဲ့ဘ၀ဖြစ်တဲ့မြေတွေကို သိမ်းမှတော့ အားနည်းတဲ့လူတွေက မျက်ရည်ကလွဲလို့ ဘာနဲ့ အစားထိုးတင်ပြရမှာလဲ။

သူတို့ လိုပဲ....ကျူးကျော်ရပ်ကွက်ကနေ ဖယ်ပေးရတဲ့လူတွေ...လယ်မြေတွေအသိမ်းခံရတဲ့လူတွေရဲ့မျက်ရည်တွေဟာလည်း ဘ၀နဲ့ ရင်းပြီး ကျတဲ့မျက်ရည်တွေပါ။ ဒါတွေကို အစိုးရကော အတိုက်အခံကော ၈၈-လို့ ခေါ်တဲ့လူတွေပါ အားလုံး ရင်နဲ့ ခံစာပြီးမှ ဆုံးဖြတ်ချက်ကို ချစေချင်တယ်။

ကြေးနီးစီမံကိန်းအတွက် တရုတ် Company က မြေတစ်ဧကအတွက် ဒေါ်လာ သုံးထောင့်ငါးရာပေးပါတယ်။ လျှော်ကြေးအဖြစ်ပါ။ အပိုင်သိမ်းတာ မဟုတ်ပါဘူး။ ငှားရမ်းခလို့ ပြောပါတယ်။ ဒါကို ဦးပိုင်က ခေါင်းပုံဖြတ်ပြီး မြေပိုင်ရှင်တွေကို တစ်ဧကအတွက် သုံးသိန်းပေးတယ်။ သုံးသိန်းဆိုတာက ဒေါ်လာသုံးရာကျော်လေးပါ။ ဆိုတော့ ကျန်တဲ့ ဒေါ်လာသုံးထောင်ကျော်ကို ဘယ်သူတွေယူသွားလဲ။ မြန်မာငွေနဲ့ ဆိုရင် သိန်းသုံးဆယ်နီးပါပဲ။ တချိူ့လယ်သမားတွေဆိုရင် လယ်ဧကပေါင်းများစွာပိုင်တယ်။ သူတို့ ရသင့်မြေဧကအတွက် သိန်းလေးငါးခြောက်လောက်တော့ ငှားရမ်းခအဖြစ်ရသင့်တယ်။ ဒီငွေရရင် သူတို့ အနေနဲ့ အခြားနေရာမှာ သွားပြီး ၊ လယ်တွေဝယ်ပြီး ၊ ဘ၀သစ်ကိုထူထောင်လို့ တောင်ရတယ်။ အခုတော့ သူတို့ ရတဲ့ငွေကတပြားနှစ်ပဲနဲ့ ဆိုတော့ သူတို့ ပြောနေတဲ့စီမံကိန်းရပ်ပါဆိုတဲ့စကားက အရမ်းကိုမှန်ပါတယ်။

ကြေးနီစီမံကိန်းကို ဒေါ်လာ သန်းထောင်ကျော်တန်တဲ့ စီမံကိန်းအဖြစ် တိုးချဲ့ဖို့ ဖြစ်တော့ မြေတွေလိုပါတယ်။ ဒီမြေတွေကနေ သန်းထောင်ကျော်ချီပြီ အမြတ်ငွေကို ဦးပိုင်နဲ့ အစိုးရကပဲ ရပါတော့မယ်။

နောက်ပြီး စီမံကိန်းမှာ ဒေသခံလယ်သမားတွေကို အလုပ်အကိုင်ပေးမှုက အင်မတန်မရှိသလောက်ပဲ။ ပေးတဲ့လစာကလည်း အရမ်းကိုနဲတယ်။ ဆိုတော့ ဆင်းရဲလှတဲ့ရွာသားတွေပဲ အရှုံးနဲ့ ရင်ဆိုင်ရတယ်။ သူတို့ ဘ၀တွေကို ကယ်တင်ဖို့ မစဉ်းစားပဲ၊ ဖျက်ဆီးပြစ်ဖို့ လောက်စဉ်းစားသလိုဖြစ်နေပြီ။ ပြီးတော့ ငါတို့ ကို လူထုက ကြည်ညိုနေတာကို အခွင့်အကောင်းယူပြီး လယ်သမားတွေဘက်ကမရပ်ပဲ အစိုးရဘက်ကရပ်တဲ့ ကိုဂျင်မီတို့ အဖွဲ့ ကို မေးခွန်းထုတ်ရပါတော့မယ်။ ဒါကတော့ ခင်ဗျားတို့ နိုင်ငံရေးလုပ်နေတဲ့လူလား၊ ခင်ဗျားတို့ ဆရာကြီးလုပ်ချင်နေတဲ့လူတွေလားလို့ မေးရတော့မယ်။

သြစတျေးလျနိုင်ငံမှာ Multinational companies ကြီးတွေ သတ္တုတူးဖော်ရေးလုပ်ငန်းကိုလုပ်ကြတယ်။ သူတို့ က ဒေသခံလယ်သမားတွေပိုင်တဲ့ မြေနေရာတွေကို ငှားပြီးတူးရတယ်။ ဒီတော့ Company အနေနဲ့ ခွင့်ပြုချက်နှစ်ခုတောင်းရတယ်။ ပထမဦးဆုံး ဒေသခံတွေဆီကနေ ယူရတယ်။ နောက်ပြီးအစိုးဆီမှာ ရှာဖွေတူးဖော်ခွင့်လိုင်စင်လျှောက်ရတယ်။

ဒါတင်မဟုတ်သေးဘူး သဘာဝပတ်ဝန်းကျင်ဆိုင်ရာဝန်ကြီးဌာနနဲ့ ရှေးဟောင်းအမွှေအနှစ်ဆိုင်ရာ ၀န်ကြီးဌာနတွေဆီကလည်း ခွင့်ပြုချက်ယူရတယ်။

နောက်ပြီး သဘာဝပတ်ဝန်းကျင်ဆိုင်ရာ အခွင့်အရေးကို ကာကွယ်တဲ့အဖွဲ့ အစည်းတွေရဲ့သဘောတူညီချက်၊ လူ့ အခွင့်အရေးအဖွဲ့ တွေရဲ့သဘောတူညီချက်တွေကိုလည်း ယူရသေးတယ်။ ဆိုတော့ မိုင်းတူးဖို့ အတွက်ကို မတူးခင်ကတည်းက အားလုံးရဲ့သဘောတူညီချက် နဲ့ ကျေနပ်မှ ရှာဖွေရေးလုပ်ငန်းကိုလုပ်ကိုင်ပါတယ်။

ဒါကို အင်္ဂလိပ်လို့ ခေါ်ရင် Stakeholders Engagement and Sustainable Mining လို့ ခေါ်တယ်။ ဒါကိုသေသေချာချာလုပ်ရင် နှစ်ဦးနှစ်လုံးအကျိုးရှိတော့ နိုင်ငံတကာမှာ ၂၀၁၂ ခုနှစ်အတွက် အဓိက ထားပြီးအကောင်အထည်ဖော်ကြတယ်။

ရှာဖွေနေတဲ့အချိန်မှာ အစိုးရရဲ့ဆိုင်ရာ စည်းမျဉ်တွေကို လိုက်နာမှု့ ရှိမရှိ အစိုးရက ပုံမှန်စစ်ဆေးတယ်။ အခုတော့ မြန်မာနိုင်ငံမှာ အင်စပတ်ရှင်လို့ ခေါ်တဲ့ အဖွဲ့ ရှိတာတောင် အဲဒိအဖွဲ့က မုံရွာစီမံကိန်းအရေးမှာ ဘယ်ရောက်နေလဲမသိဘူး။ အတော်လေးကို တာဝန်မဲ့တဲ့ သတ္တုတွင်းဝန်ကြီးဌာနပဲ။ ဒီဌာနရဲ့အထက်မှာ ဗိုလ်ချုပ်ကြီးတွေစိုးမိုးနေတာဆိုတာ အရမ်းကိုထင်ရှားနေတယ်။ နောက်ပြီး သူဌေးတွေက ဥပဒေကို စိုးမိုးထားတယ်လို့ ကျနော်တွေးမိတယ်။ ဒါ့ကြောင့် မုံရွာမှ မျက်ရည်တွေ နဲ့  ပြည့်နေတာပါ။

မိုင်းတစ်ခုကို တူးပြီးတဲ့အချိန်၊ ပြီးခါနီးအချိန်မှာ ဒေသခံတွေအတွက် မိုင်းကို ပြန်လည်ပြုစုပြိုးထောင်ပေးရတယ်။ မြေတွေတူးထားတာကို  ဖုံးအုပ်ပေးတယ်။ ရေညစ်တွေကို ပြန်လည်သန့် စင်ပေးရတယ်။ ဘယ်လို သန့် စင်ပေးလဲဆိုတော့ Natural Agent လို့ ခေါ်တဲ့ ဓာတုရည်နဲ့ ဖြစ်ပါတယ်။

သစ်ပင်တွေပြုန်းတီးကုန်တာကို ပြန်စိုက်ပေးရတယ်။ အနည်းဆုံးအဲဒိကိစ္စကိုလုပ်ပေးရတယ်။ မိုင်းတူးတော့ သစ်ပင်တွေကုန်တာက အဓိကပဲ။

သားကောင်တွေသေဆုံးကုန်တာကို ပြန်လည်မွေးမြူပေးရတယ်။ ဒါ့ကြောင့်နိုင်ငံတကာ Company ကြီးတွေရဲ့မိုင်းတွေမှာ သဘာဝပတ်ဝန်းကျင်ဆိုင်ရာ စီမံခန့် ခွဲမှုဌာ (Department of Environmental Management) ဆိုပြီးသီးသန့် ထားပေးတယ်။ လစာငွေကို တနှစ်ကို ဒေါ်လာသိန်းနဲ့ ချီပြီးပေးရတယ်။ သူတို့ တာဝန်က မိုင်းမတူးခင်နဲ့ တူးပြီးတဲ့အချိန်တွေမှာ ပတ်ဝန်းကျင်ကို မပျက်စီးရအောင် စီမံပေးရတယ်။ ပျက်ကွက်ရင်တော့ ဒေါ်လာသန်းချီပြီးလျှော်ရတယ်။ ဒါကို အစိုးရက ပုံမှန်စစ်ဆေးတယ်။ စောင့်ကြည့်တယ်။ မီဒီယာကလည်း လစ်ရင်လစ်သလို သတင်းပို့ တယ်။

ပတ်ဝန်းကျင်အပြင် ရှေးဟောင်းအမွေအနှစ်တွေကို မပျက်စီးရအောင် ရှေးဟောင်းအမွေအနှစ်ဆိုင်ရာဌာနတွေက ပုံမှန်စစ်ဆေးတယ်။ ဒီနေရာမှာ ဒေသခံတွေ ကိုးကွယ်ယုံကြည်တဲ့ အမွေအနှစ်တွေလည်းပါတော့ ဒေသခံတွေလည်း စစ်ဆေးရတယ်။ မထိခိုက်အောင် မိုင်းတွေက တာဝန်ယူရတယ်။ မုံရွာမှာ လယ်တီဆရာတော်ကြီး သချိုင်းကို ပတ်လည်ကနေ တူးပြီး ဒီအတိုင်းထားတာတော့ မဆိုးပါဘူး။ ဒါပေမဲ့ မိုင်းတူးပြီးတာနဲ့ မြေတွေကို ပြန်ပြီးဖုံးပေးဖို့ တော့လိုတယ်။ စိုက်ပျိုးစားနိုင်တဲ့အထိ ပြုပြင်ပေးဖို့ လိုတယ်။ လူထုက စိတ်ဆင်းရဲနေတာတွေကို စိတ်ပညာရှင် ကောင်ဆယ်လာတွေနဲ့ ကုပေးဖို့ လိုတယ်။ ဒါကို တူးတဲ့လူတိုင်း တာဝန်ယူရတယ်။

အဓိက လက်တလောလုပ်ပေးရမှာ စီမံကိန်းကို မရပ်နိုင်ဘူး၊ လက်လွန်နေပြီဆိုရင် ဒေသခံတွေ ကြေနပ်တဲ့အထိကို တာဝန်ယူရ လိ့မ်မယ်။ ဒါကတော့ တရုတ်ပေးတဲ့လျှော်ကြေးအတိုင်း အတိအကျပေးဖို့ လိုတယ်။ နောက်ပြီး မိုင်းတူးပြီးတာနဲ့ ရွာသားတွေကို မြေတွေပြန်ပေးရမယ်။

ကြေးနီစီမံကိန်းကနေ ထွက်တဲ့ အမြတ်ငွေက ဒေါ်လာသန်းထောင်ချီရှိမှာဆိုတော့ အဲဒိငွေထဲကနေ ပတ်ဝန်းကျင်က ရွာသားတွေရဲ့ပညာရေး၊ ကျန်းမာရေးနဲ့ စိတ်ပျော်ရွှင်ဖို့ အရေးအတွက် ရာခိုင်နှုံး ငါးရာခိုင်နှုံးလောက်ကို အနည်းဆုံးသုံးစွဲသင့်တယ်။ ဒါကို ဒေသခံတွေက တောင်းဆိုဖို့ လိုတယ်။ ခင်ဗျားတို့ မှ မတောင်းရင် ဘယ်သူကမှ စေတနာကောင်းပြီးပေးမှာမဟုတ်ဘူး။

သြစတျေးလျက ကျနော်လုပ်နေတဲ့မိုင်းမှာ တရက်ကို ဘယ်လောက် တူးပြီးပြီ၊ ရွှေဈေးဘယ်လောက်ရှိတယ်၊ ဘယ်လောက်အမြတ်ရနေပြီဆိုတာကို အလုပ်သမားတိုင်းသိအောင် ကွန်ပြူတာအကြီးကြီးနဲ့ ကြေငြာထားတယ်။ လူဘယ်နှစ်ယောက်ထိခိုက်လဲ၊ ပတ်ဝန်းကျင်ပျက်စီးမှု့ ဘယ်လောက်ရှိလဲဆိုတာကိုလည်း အဲဒိကွန်ပြူတာမှာ မြင်နေရတယ်။ အဲဒိလိုပုံစံက မိုင်းတိုင်းမှာ ကျင့်သုံးတယ်။ အကြောင်းကတော့ ပွင့်လင်းမှု့ ကို ပေးသိတာပါ။ ဒါမှ အလုပ်သမားတိုင်း ဘာဖြစ်နေလဲဆိုတာကိုသိပြီး အားလုံးရဲ့ပူးပေါင်းပါဝင်မှု့ လို့ ခေါ်တဲ့ ပါတီစီပေးရှင်းနဲ့ မော်တီဗေးရှင်းလို့ ခေါ်တဲ့ လုပ်ချင်ကိုင်ချင်စိတ်ကို မြှင့်ပေးတယ်လို့ ခေါ်တယ်။ ဆိုတော့ အောင်မြင်မှု ရတယ်။

မုံရွာကကြေးနီးစီမံကိန်း၊ ဦးတေဇတို့ တူးနေတဲ့နစ်ကယ်စီမံကိန်း၊ ကချင်ဘက်မှာတူးနေတဲ့ ရွှေစီမံကိန်း၊ ရခိုင်ဘက်က သဘာဝဓာတ်ငွေ့ စီမံကိန်း၊ စတဲ့ စီမံကိန်းတိုင်းဟာ တကယ်တမ်းလုပ်ချင်ရင် ပွင့်လင်းချင်ရင် အောင်မြင်ချင်ရင် လွယ်လွယ်လေးပါ။

အဓိက လူထုရဲ့အကျိုးကို ခင်ဗျားတို့ ရဲ့မိုင်းတူးလို့ ရတဲ့ အမြတ်ငွေထဲက ငါးရာခိုင်နှုံးကိုပဲ သုံးလိုက်ပါ။

ဘုန်းကျော်
လင်းစတားရွှေတူးဖော်ရေးမိုင်း
သြစတျေးလျ