ဒုတိယပင်လုံညီလာခံကို ၀န်းရံကြဖို့၊ ထောက်ခံကြဖို့အတွက် ပြည်တွင်းပြည်ပက နိုင်ငံရေးလှုပ်ရှားသူတွေ၊ အဖွဲ့အစည်းလိုက်သော်လည်းကောင်း၊ တဦးချင်းသော်လည်းကောင်း အသိတရားရှိရှိလုပ်နေကြပြီ။
ဘလော့ဂ်တွေမှာ၊ အီးမေးအုပ်စုတွေမှာ ရေးနေကြပြီ။ ထောက်ခံကြောင်းပြောနေကြပြီ။ သူတို့ ဘာ့ကြောင့်ထောက်ခံလဲဆိုတော့ ရပ်တည်ချက်မှန်တယ်၊ နိုင်ငံရေးအကျပ်အတည်းကို ဒီနည်းလမ်းနဲ့သွေးထွက်သံယိုမှုမရှိ၊ အေးအေးချမ်းချမ်းဖြေရှင်းနိုင်တယ် ယူဆလို့ထောက်ခံကြတယ်။ ထောက်ခံတဲ့သူတွေ ဘယ်သူတွေရှိလဲဆိုတာကို နိုင်ငံရေးလေ့လာသူတိုင်း တွေ့နိုင်တယ်။
ဒီနေရာမှာ ထိုင်းအခြေစိုက်အတိုက်အခံတွေဖြစ်တဲ့ NCUB မှာ ပါတဲ့ အဖွဲ့အစည်းတွေရဲ့ ကြေငြာချက်ကို မတွေ့သေးဘူး။ ကျနော့် လေ့လာမှုအားနည်းတာလည်း ဖြစ်ကောင်းဖြစ်မယ်။ ဒီလောက်အရေးကြီးတဲ့အချိန်မှာ အချိန်တိုတိုအတွင်းမှာ လုပ်စရာရှိတာ၊ လုပ်နိုင်တာကို ဘာ့ကြောင့်မလုပ်ကြလဲမသိဘူး။ အစည်းအဝေးထိုင်ရအုံးမလားမသိဘူး။
ဘာ့ကြောင့် ဒီလိုပြောရလဲဆိုရင် အဓိကအတိုက်အခံဟာ အဓိကကြတဲ့အလုပ်ကို ဦးစားပေးလုပ်သင့်တာကို မလုပ်လို့ပြောနေတာဖြစ်တယ်။
ဒီနေ့မှာ လူထုနားထဲ၊ ခေါင်းထဲမှာ လုပ်ရမဲ့အလုပ်တွေပြတ်ပြတ်သားမြင်ဖို့၊ ကြားဖို့ လုပ်ရမယ်လို့မြင်တယ်။ ဆိုလိုတာက ကျနော်တို့အပြင်ကလူတွေဟာ လူထုကို ဆော်အောပေးတဲ့အဆင့်လောက်ပဲ အော်နိုင်တယ်။ နောက်ပိုင်း အထဲကကိုယ့်လူတွေကို ငွေပေးပြီး သတင်းနဲ့ စာရွက် ဝေတာလောက်ပဲခိုင်းနိုင်တယ်လို့ ယူဆတယ်။
ဆိုတော့ ကျနော်တို့အပြင်က လူတွေဟာ ကိုယ့်အလုပ်ကို လုပ်ရပါတော့မယ်။
ဒီနေရာမှာ အပြင်ကကျနော်တို့အသံကို ပြတ်ပြတ်သားသားပြောဖို့လိုနေပြီ။ ကျနော့်အမြင်ကတော့ လူထုကို တခုပဲလောက်ပဲပြတ်ပြတ်သားသားပေးစေချင်တယ်။ အခုထွက်နေတဲ့အသံတွေက သုံးလေးခုဖြစ်နေပြီ။
၁) မဲမပေးတာလည်း အခွင့်အရေးတဲ့ (မဲမပေးနဲ့ပေါ့)
၂) လူထုတိုက်ပွဲ၊ အုံကြွမှုဖြစ်ရေး
၃) ဒုတိယပင်လုံညီလာခံကိစ္စထောက်ခံရေး
၎) ဒီမိုကရက်တစ်အင်အားစု (ရွေးကောက်ပွဲဝင်မဲ့ပါတီတွေ) ကိုမဲပေးပါ။
အခုလိုပြောနေရင် ကျနော်တို့ လူထုကဘာလုပ်ရမှန်းမသိဘဲ ခေါင်းရှုပ်သွားနိုင်တယ်။ တစ်ဘက်က ခေါင်းမရှုပ်ပဲ ကိုယ်လုပ်ရမဲ့အလုပ်ကိုလည်း သူတို့ သိနိုင်တယ်လို့လည်း ထင်မိတယ်။
နောက်ဆုံးအနေနဲ့...
အခုကျနော်တို့ ဘာမက်ဆေ့ခ်ျကို လူထုကိုပေးမှာလဲ။ ယနေ့ကာလမှ ဘာဖြစ်သင့်တာလဲ။ တခုပဲ ပြတ်ပြတ်သားသားပြောပါ။ အချိန်ကနီးနေပြီ။
ကျနော့်အမြင်တော့ လူထုအုံကြွမှုနဲ့အတူ ဒုတိယပင်လုံညီလာခံဖြစ်ပေါ်လာရေးပဲ။
ဒီနှစ်ခုကိုပေါင်းလို့ရနိုင်တယ်။ ဒုတိယပင်လုံညီလာခံကိုထောက်ခံပြီး၊ တချိန်တည်းမှာ လူထုအုံကြွမှုဖြစ်ပေါ်လာရင် နအဖဟာ ဘယ်ကိုပြေးရမှန်းတောင်သိမှာ မဟုတ်တော့ဘူး။
ပြတ်သားတဲ့ မက်ဆေ့ခ်ျပေးပါ။ ခေါင်းဆောင်တွေ၊ အဓိကအတိုက်အခံအဖွဲ့စည်းကြီးတွေ အသံတခုကို ညီညီညာညာထွက်ဖို့အချိန်တန်ပါပြီ။
အထဲက အတိုက်အခံအင်အားစုအနေနဲ့ လူထုအုံကြွမှုဖြစ်ပေါ်လာရေးအသံကို မကြားမိသေးဘူး။ ဘုန်းကြီးတွေ လမ်းပေါ်ထွက်တုန်းက ဘယ်သူလုပ်လို့ထွက်တာလဲ ဆိုတာကိုသေချာသုံးသပ်ရင် သိနိုင်ပါတယ်။ NLD နဲ့ အပစ်ရပ်အဖွဲ့တွေလုပ်တာမဟုတ်ပါဘူး။ လူထုက မခံနိုင်လို့ ထချခဲ့တာပါ။ လူထုအုံကြွမှုကို လူထုကပဲ ဦးဆောင်ပေးပါတယ်။
ဘာဘဲဖြစ်ဖြစ် အပြင်ကအတိုက်အခံအင်အားစုက ကိုယ့်လုပ်သင့်တဲ့အလုပ်ကို လုပ်ရပါ့မယ်။ ဒါကတော့ အထက်ကပြောသလို ဒုတိယပင်လုံညီလာခံဖြစ်ရေးနဲ့ လူထုဒေါသတွေထွက်လာအောင် ဆွပေးဖို့ပဲဖြစ်တယ်။
ဒါက ဒီနေ့မှာ ပြည်ပက လူတွေလုပ်ရမဲ့အလုပ်၊ လုပ်နိုင်တဲ့အလုပ်၊ လုပ်သင့်တဲ့အလုပ်ပဲ ဖြစ်ပါတယ်။
No comments:
Post a Comment