ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

2/9/10

အခြေခံဥပဒေကိုဆန့်ကျင်စို့....

Credit to Ko Aung Myat Soe

2010 Pamphlet 02

သြော်...မိန်းမ

ဘ၀မှာ တခါမှ အဆင်ပြေတာမရှိခဲ့ဘူး။ အမြဲတမ်းအဖုအထစ်၊ အခက်အခဲတွေနဲ့ကြုံတွေ့ပြီးမှ ပန်းတိုင်ကိုရောက်တယ်။ မိန်းမရတော့လဲ မိန်းမတစ်ယောက်ရဖို့အတွက် ဓားတောင်ကိုကျော်ပြီး၊ မီးပင်လယ်ကြီးတော့ မဖြတ်ခဲ့ရပါဘူး။ ဒါပေမဲ့မွန်ပြည်နယ်က တောင်ကြီးတခုတော့ ကျော်တက်ခဲ့ရတယ်။ ဒီအကြောင်းကိုရေးဖို့ နော်ဝေက မွန်အမျိုးကြီး ကိုအောင်ထူးက ဓာတ်သိခြင်းမို့အကြံပေးလာတယ်။ ကျနော်ကလည်းလိုလိုချင်ချင် သူပြောတာကိုလက်ခံခဲ့ရင်း ဒီနေ့မှရေးဖြစ်တယ်။ ရေးနေတဲ့အချိန်မှာ မိန်းမမရှိဘူး။ သူမရှိဘူးတုံးခိုးရေးပါတယ်။

ဓားတောင်ကိုကျော်၊ မီးပင်လယ်ကြီးကိုမဖြတ်ခဲ့ပါဘူး။

မိန်းမက မွန်လူမျိုး။ တွေ့တဲ့နေရာက ဘုရားသုံးဆူနယ်စပ်က စံခလပူရီမြို့ လေးတခုမှာ။ တောင်ပေါ်မြို့ လေးတခုပါ။ မွန်တွေအများစု နေကြတယ်။ ကျနော်တို့အဖွဲ့က အဲဒိမှာအခြေစိုက်တယ်။ အသက်က ၂၂-နှစ်အရွယ်။ ရည်းစားက အသက်က ၂၅-နှစ်။ တခါမှ ရည်စားဆိုတာမှုးလို့ ရှုစရာတောင်မရှိတဲ့ဘ၀မှာ ကံကောင်းစွာနဲ့ ရည်စားတစ်ယောက်ရတယ်။ ABSDF တပ်ရင်း (၁) ရဲ့ ရင်းမှုးကြီး ကိုတင်စိုးနောင်ရဲ့ ချစ်ဇနီးမှာညီမနှစ်ယောက်ရှိတယ်။ အငယ်ဆုံးက ကျနော့်ရဲ့ ချစ်သူရည်စားပါ။ ABSDF ရုံးခဏခဏလာလည်တဲ့ ကျနော့်ရည်စား။ ဒီလောက် ABSDF ရုံးမှာ လူပျိုတွေတပုံကြီးရှိပါရဲ့ နဲ့ လူ့ဘောင်သစ်ရုံးက ကျနော်နဲ့ နောက်ကြောင်းပါတယ်။

ရည်စားဘ၀မှာ သမီးရှင်တွေရဲ့ ထုံးစံအတိုင်း ငွေရှိလား၊ အိမ်ရှိလား၊ အလုပ်ကောင်းလား၊ အရင်မိန်းမရှိလား၊ ပညာတက်လား၊ နောက်ကြောင်းရှင်းရဲ့ လားဆိုတဲ့မေးခွန်းတွေကို သမီးရှင်တွေရင်ထဲမှာရှိတယ်။ ဒါတွေအားလုံးကျနော့်မှာရှိလား ဆိုတော့ တခုမှမရှိဘူး။ ရှိတာက အ၀တ်အစားအစုတ် သုံးလေးထည်ကို ကျွတ်ကျွတ်အိပ်ထဲမှာထည့်ထားတော့ရှိတယ်။

ရည်စားဖြစ်ဖို့အတွက် အောင်သွယ်တော်တွေတော့ရှိတယ်။ အဓိက ရဲဘော်ကြီးကိုသိန်းလွင်ရဲ့ ဇနီး မအေးက ပင်တိုင်ပါပဲ။ ခိုးပြေးဖို့လည်းသူတို့ပဲအဓိက။ ကျနော့်အထက်လူကြီးဖြစ်တဲ့ ကိုအောင်ကျော်စိုးကတော့ လုံးဝသဘောမတူဘူး။ ငယ်သေးတယ်။ မလုပ်နဲ့အုံးပေါ့။ မွှန်နေတဲ့အချိန်ဆိုတော့လုံးဝနားမထောင်ပါဘူး။ ခိုးပြေးတယ်။ မြို့ က နှာခေါင်းပေါက်လောက်ရှိတဲ့မြို့ မှာ ဘယ်ကိုခိုးပြေးလဲထင်တယ်။

ခိုးပြေးရန်ဗျူဟာ

ဒီအချိန်မှာ ဆလိုင်ကိုကိုဦးက အမေရိကကနေလာပြီး ရှာပုံတော်မင်းသားကြီးလုပ်နေတဲ့အချိန်လေ။ သူခရီးထွက်တဲ့အချိန်မှာ ကိုသိန်းလွင်ကို အခန်းသေ့ာပေးထားခဲ့တယ်။ သူ့အခန်းကို ခိုးလာခဲ့ပေါ့။ ရုံးနဲ့ သူ့အခန်းက ၁၀ မိနစ်လောက်လမ်းလျှောက်ရတယ်။

အချိန်းအချက်လုပ်ပြီးတဲ့အချိန်မှာ ခိုးပြေးဖို့အတွက် ဘယ်လိုခိုးပြေးရင်ကောင်းမလဲပေါ့။ လျှို့ ဝှက်စည်းဝေးတယ်။ ကိုအောင်ကျော်စိုးမသိအောင်။ ကိုဝဏ (အမေရိက)၊ ကိုငယ်ထွေး (အမေရိက) နဲ့ ကိုသိန်းလွင် (Australia) တို့က ကျနော့်ဘက်က Supporter တွေ။ သူတို့ နဲ့ ကိုအောင်ကျော်စိုးက တဇောင်းစေးနဲ့မျက်ချေးလေ။ ကျနော်နဲ့ကိုအောင်ကျော်စိုးက ဆရာနဲ့တပည့်လို၊ ပြောမနာဆိုမနာနေတယ်။ ခင်ထွေးရီ (အမေရိက)၊ မဌေးမွန် (နော်ဝေ) တို့ကလည်း Silence Supporters တွေ။ ဘာမှ ၀င်ပြီးမစွတ်ဘက်ဘူး။ ကျနော်ရဲ့  Role Model ဖြစ်တဲ့ ဦးမင်းကြည်ကတော့ ကျနော်တို့သတင်းကိုနားထောင်ရုံကလွဲလို့ ဘာမှဝင်မစွတ်ဘူး။ စာအုပ်ပုံတွေကြားထဲမှာ ကြမ်းပိုးရှာတဲ့အလုပ်ပဲလုပ်တယ်။

ရဲဘော်ကြီးကိုဝဏက စစ်တိုက်လာတာ အံတိုနေပြီဆိုတော့ အရှောင်အကွင်းကိုလုံးဝသိတယ်။ တပ်မှုးကြီး ရဲဘော်သိန်းလွင်က ဗျူဟာမှုးလုပ်တယ်။ ရဲဘော်ငယ်ထွေးဆက်သားလုပ်တယ်။ ထမင်းပို့ဖို့။ ဗျူဟာမှုးအမိန့်ပေးတော့ ရဲဘော်ကြီးကိုဝဏနဲ့ကျနော် မိုးလေတဖွဲဖွဲရွာနေတဲ့အချိန်မှာ ရုပ်ဖျက်လှုပ်ရှားမှုနဲ့ ရန်သူ့အိမ်တော့မဟုတ်ဘူး၊ ကိုတင်စိုးနောင်အိမ်နားကို ကပ်သွားတယ်။ လှုပ်ရှားမှုကို သုံးသပ်တယ်။ ၀င်ထွက်အပေါက်ကို အသေးစိတ်မှတ်တမ်းတင်တယ်။

အချက်အလက်ရပြီဆိုတော့.. ကိုဝဏက မင်းသွားလို့ရပြီဆိုပြီး... ကျနော်ကို ဆလိုင်ကိုကိုဦးရဲ့ အခန်းထဲကို တိတဆိတ်ဝင်ပုန်းခိုင်းတယ်။ ဘေးကအခန်းရှင်တွေအားလုံးကလည်း တစ်ယောက်နဲ့တစ်ယောက်သိတော့ သူတို့နဲ့လည်း မတွေ့ရဲဘူး။ ကျနော့်ကိစ္စပြီးတော့ ကိုဝဏက ကျနော့်ရည်းစားရှိတဲ့နေရာကို တိတ်တဆိတ်ဝင်ရောက်တယ်။ ရည်စားက အိမ်နောက်ဘေးအပေါက်ကနေ ကိုဝဏရှိတဲ့ ငပျောပင်တွေကြားထဲကနေတဆင့်ဆိုင်ကယ်ပေါ်တက်တယ်။ တက်တက်ခြင်း ကိုဝဏက သူ့မှာပါတဲ့ မိုးကာအင်္ကျီနဲ့ကျနော့်ရည်စားကိုခြုံလိုက်တော့ တခါတည်းရုပ်ဖျက်ပြီးသား။ မျက်နှာတောင်မမြင်ရဘူး။ သုံးမိနစ်လောက်ဆိုင်ကယ် မောင်းလိုက်တာနဲ့ကျနော့်အခန်းထဲကိုရောက်လေသတည်း။

ဒီမှာတင် ရည်စားရဲ့ အမေတွေ၊ အမတွေ ယန်းပုံမီးကျဖြစ်ပီ။ ဒီကောင် ဘုန်းကျော်ခိုးပြီဆိုတာကို လုံးဝသိတယ်။ ရုံးကိုလာတယ်။ ရုံးပေါ်တက်ပြီးတခန်းဝင်တခန်းထွက်ရှာကြဖွေကြ။ ဘာရမလဲ ကျနော်တို့ဆီကလူတွေကလည်း လုံးဝမပြောဘူး။ မသိဘူးဆိုတာချည်းပဲ။ ဒီလိုမျိုးကျေးဇူးရှိတယ်။

ဆလိုင်းကိုကိုဦးအခန်းထဲမှာ နှစ်ရက်လောက်နေတယ်။ နေတဲ့အချိန်မှာထမင်းပို့ဟင်းပို့ကို ကိုငယ်ထွေး၊ ကိုသိန်းလွင်၊ ကိုဝဏ ခိုးခိုးပြီးပို့ပေးတယ်။ နောက်ကြောင်းအခြေအနေသတင်းပို့တယ်။ အပြင်မထွက်ရဲဘူး။

အားလုံးအေးချမ်းပြီဆိုတော့ အပြင်ထွက်တယ်။ ရုံးပြန်တယ်။ သူတို့သမီးကို အမေအဖေတို့ဆီပြန်အပ်ပေါ့။ ကျနော်ကလည်း ခလေးစိတ်ကမကုန်သေးတော့ မျက်နှာဘယ်လိုထားရမှန်းမသိ။ ခင်ထွေးရီက ပြုံးစိစိနဲ့လှောင်တယ်။ မနီ(နော်ဝေ) ကဆုံးမတယ်။ မိန်းမရပြီဆိုတော့ အရင်တုံးကအတိုင်းမနေနဲ့ပေါ့။ ညနက်သန်းကောင် သူများအိမ်မှာ မှုးပြီးအိပ်မနေနဲ့..ဘာညာ။

ရုံးကိုပြန်ရောက်တဲ့အချိန်မှာ လူတွေကလည်းနည်းတာမဟုတ်ဘူး။ စပ်စုတဲ့လူတွေ၊ အားပေးတဲ့လူတွေ၊ နောက်တဲ့လူတွေ တအားများတယ်။

လက်မှတ်ထိုးတဲ့နေ့ရောက်တော့ ပါတီရဲ့ လက်တာဟတ်နဲ့ကျနော့် ဆရာကိုအောင်ကျော်စိုး အလှုပ်ရှုပ်ပီ။ သဘောမတူဘူးလို့လည်း သူပြောမရတော့ဘူး။ သူကလည်းမာနနဲ့။ တဘက်က ရုံးပေါ်တက်ပြီးစော်ကားတယ်ပေါ့။ မရှိဆင်းရဲသားဆိုပြီ နှိမ်တယ်ပေါ့။ ဒါမျိုးကို ငါတို့ကိုလုပ်လို့မရဘူးကွ၊ တော်လှန်ရေးသမားတွေ၊ ဘာညာနဲ့ လက်မှတ်ထိုးမဲ့ပွဲကိုဖြစ်အောင်လုပ်တယ်။ လက်မှတ်ထိုးပြီးရင် မင်္ဂလာဆောင်ကို ကြီးကြီးကျယ်ကျယ်လုပ်မယ်ဆိုပီး ကျုံးဝါးထားတယ်။ လက်မှတ်ထိုးပြီးရင် ကျနော်တို့ပိုင်ပြီပေါ့ဗျာ။ ဘာရမလဲ တစ်ဘက်က ဒေသခံလေ။ လမ်းကြောင်းအမျိုးအမျိုးရှိတာကို ကျနော်တို့လုံးဝမသိဘူး။ ကိုအောင်ကျော်စိုးရဲ့ ကြီးကြီးကျယ်ကျယ်မင်္ဂလာပွဲဖြစ်လား၊ မဖြစ်လားဆိုတာ အောက်မှာဖတ်ကြည့်ပါ။

ငါပိုင်ပြီ

ကိုအောင်ကျော်စိုး၊ ကိုရွှေသွေး၊ ဦးကျော်ထက်၊ ဆလိုင်းကိုကိုဦး၊ ကိုထူးချစ်၊ ကျနော်၊ မိန်းမမိဘတွေ လက်မှတ်ထိုးကြပီ။ အိပ်ယာပေါ်မှာလဲနေတဲ့ ကိုနောင် ဘာအသံမှ မထွက်နိုင်ဘူး။ သူလည်းထိုးရှာပါတယ်။ လက်ဘရည် နဲ့ မုန့်စားပီးတော့ ကျနော့်ရဲ့ တရားဝင်မိန်းမဖြစ်သွားပီ။ ထိုးပြီး ရုံးပြန်လာ နေစရာအခန်းပေးတယ်။ ကိုအောင်ကျော်စိုး၊ မဌေးမွန်( နော်ဝေ) တို့က သူတို့နေတဲ့အခန်းကနေရွှေ့ ပေးပြီး၊ ကျနော်တို့အတွက် အနစ်နာခံပေးရှာတယ်။ ကျနော်ကတော့ စိတ်ချမ်းသာပါတယ်။ ရည်မှန်းချက်ပြည့်ပီလေ။ အိမ်ထောင်တခုဖြစ်ပီဆိုတော့ ဘယ်လိုဆက်လက်နေထိုင်ရမယ်ဆိုကို ကြိုင်တင်စီမံကိန်းချပီးသား၊ တောင်တွေမျှောက်တွေးနဲ့ပေါ့။

ငါရှုံးပြန်ပီ

ကံကြမ္မာက တမျိုးပြောင်းသွားတယ်။ တစ်ဘက် လျှို့ ဝှက်စီမံကိန်းရှိလာတာကို သူပုန်တွေလုံးဝခံလိုက်ရတယ်။ သူတို့ ကျနော့်မိန်းမကို မလိမ့်တပတ်နဲ့ခိုးပြေးတယ်။ သူတို့သမီးကို အိမ်အလည်ခဏခေါ်လည်ရင်း လမ်းမှာ ကားနဲ့တင်ပြေးကြပြန်တယ်။ ဘုန်းကျော်ဆိုတဲ့ကောင်နဲ့ လုံးဝသဘောမတူဘူး။ မိန်းမကို ဘုရားသုံးဆူကနေ၊ မော်လမြိုင်ထိအရောက် ကြိုတင်စီစဉ်ထားကြတယ်။ တနေ့တည်းအရောက် မြန်မာပြည်ထဲကို အရောက်ပို့ကြတယ်။ မိန်းမကလည်း ငိုယိုပြီးလိုက်သွားရတယ်။ သူ့ဘေးမှာ လူတွေညပ်ပိတ်ပြီး ပြေးလို့မရအောင် ခေါ်သွားတယ်။ ဒီအချိန်က မိုးရာသီဆိုတော့ လှေနဲ့ခေါ်သွားတယ်။

ကျနော်လည်း ရင်ထဲမှာဘယ်လိုမှပြောလို့မရတဲ့ ခံစားမှုမျိုးနဲ့။ တော်တော်လုပ်ရက်လေတယ်ပေါ့။ ရုံးကရဲဘော်တွေ၊ မဟာမိတ်တွေအားလုံးကတော့ ကျနော်ဘက်က၀ိုင်းပြီးအားပေးတယ်။ တော်တော်မလွယ်ဘူး။ တစ်ရက်နှစ်ရက်နေပြီး ယောက်ဖအကူအညီနဲ့ မိန်းမနဲ့တော့ ဖုန်းစကားပြောဖြစ်တယ်။ ပိုက်ဆံမရှိတော့ ဖုန်းလည်းမဆက်နိုင်ဘူး။ ဖုန်းက ရုံးမှာတစ်လုံးပဲရှိတယ်။ အရမ်းဆက်လို့မရဘူး။ မိန်းမကတော့ပြောပါတယ်။ ပြန်လာခဲ့မယ်လို့။ ကျနော်လည်းခဏနေပြန်လာမယ်ထင်ခဲ့တာ။

တစ်လလည်းပြန်မလာ၊ နှစ်လလည်းပြန်မလာဆိုတော့ မလာတော့ဘူးပေါ့။ သြော်...မိန်းမရတာ အိမ်မက်မက်သလိုပဲ။

ဖူးစာဆိုတာက ဦးရာလူလည်းဟုတ်သလို၊ ရှုးတာလည်းဟုတ်တယ်။ အချစ်ရှုး၊ မတွေ့ဘူး၊ မမြင်ဘူးတော့ရှုးတယ်။ သူများထက်ဦးအောင်ဆိုပြီး ခိုးပြေးတယ်။ မပြေးရင် ရည်းစားကို နိုင်ငံခြားကောင်နဲ့ အိမ်ကပေးစားတော့မယ်လေ။ ကျနော်က ငမွဲဆိုတော့ လုံးဝသဘောမတူဘူး။

ဖူးစာဆိုတာ ဂျိုနဲ့လား...


ခြောက်လလောက်ကြာတဲ့အချိန်မှာ ထိုင်းတပ်က ကျနော်တို့ရုံးတွေကို ၀င်ဖမ်းတယ်။ လူတွေဟိုပြေးဒီပြေး၊ ဟိုပုန်းဒီပုန်းနဲ့ ဗျာများတယ်။ ဒုက္ခအရမ်းရောက်ရတယ်။ တစ်နေ့ တောထဲက တဲတခုမှာ ပုန်းနေရင်း ကိုအောင်ဆန်းညွန့်၊ မနီ (နော်ဝေ) တို့လိုက်လာကြတယ်။ ဟေ့..ဘုန်းကျော်...ဆိုတော့ ဘာများဖြစ်လဲပေါ့။ ဘယ်ဟုတ်မလဲ သူတို့အနောက်မှာ ကျနော့်မိန်းမကိုတွေ့တော့ တော်တော်အံ့သြသွားခဲ့ရတယ်။ ပျော်တာလည်းမဟုတ်ဘူး။ ၀မ်းနည်းတာလမ်းမဟုတ်ဘူး။ ဘာဖြစ်လို့ဒီအချိန်ကြမှပြန်လာတာလဲပေါ့။ မတက်နိုင်ဘူးလေ။

သူ့အိမ်ရဲ့ အခြေအနေ၊ လမ်းခရီးအခြေအနေကြောင့် သူဒီလောက်အထိစောင့်ခဲ့ရတာပေါ့လို့သိရတယ်။

ကျနော်တို့တွေ စံခလပူရီကနေ၊ မဲ့ဆောက်ကိုရောက်တယ်။ ခလေးတစ်ယောက်နဲ့ မဲ့ဆောက်ကနေ ဘန်ကောက်၊ ဘန်ကောက်ကနေ Perth ကို နှစ်နှစ်ခွဲကြာပီးမှရောက်တယ်။ အခုမှ အခြေအနေတည်ငြိမ်စပြုလာပါတယ်။ မဲ့ဆောက်ကနေခလေးရှစ်လသားကိုပိုက်၊ ဘန်ကောက်က အချုပ်ထဲမှာ နှစ်ပတ်လောက်နေရတယ်။ ပြီးမှအခုနေတဲ့နေရာကိုရောက်လာတာပါ။ အခုတော့ ခလေးသုံးယောက်ထွက်နေပါပြီ။

ခလေးသုံးယောက်ရတဲ့အထိ မင်္ဂလာလုံးဝမဆောင်ဘူးပါဘူး။ ခလေးတွေကြီးမှ နှစ်ပတ်လည်လုပ်ဖို့စိတ်ကူးထားပါတယ်။ ပါတီကမင်္ဂလာဆောင်ဖို့ပေးတဲ့သုံးထောင်လည်းအရည်ဖြစ်သွားပါတယ်။

ပြီးခဲ့တဲ့နှစ်က စံခလပူရီပြန်သွားတော့ ယောက်ခမက တွေ့တွေ့ခြင်း ဘုန်းကျော်...ငါ့သမတ်ဖြစ်ပီတဲ့။

သြော်...မိန်းမ...မိန်းမ...။

View My Stats