ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

7/5/09

ဗဟိုကော်မတီအထူးအစည်းအဝေးသို့-၁

ပါတီမှာက စာရင်းကိုင်၊ စာရင်းစစ်မရှိဘူး။ ဘဏာရေးမှုးပဲရှိတယ်။ အဲဒီလိုပုံစံနိုင်ငံတကာမှာ ရှိတဲ့အဖွဲ့ အစည်းတွေ၊ မြန်မာပြည်ထဲမှာရှိတဲ့နိုင်ငံရေးအဖွဲ့အစည်းတွေမှာလည်းမရှိဘူး။ ရှင်းရှင်းပြောရရင် ငွေထိန်းလုပ်တဲ့ သူက ကြိုက်သလို လုပ်နိုင်တယ်ဟာမျိုးဖြစ်နေတယ်။ သူ့ကိုမရိုးသားဘူးလို့ပြောတာမဟုတ်ဘူး။ စနစ်ကို ပြောနေတာပါ။ ပွင့်လင်းမြင်သာမှုကို ပါတီဝင်တိုင်း အလိုရှိတယ်။ စီစီနဲ့စီအီးစီအစည်းအဝေးတွေမှာ တင်ပြယုံနဲ့မလုံလောက်ဘူး။ ပါတီဝင်တိုင်းကို တနှစ်တခါ ရှင်းတမ်း လုပ်ပေးရမယ်။ အဲဒိကိစ္စကို ပါတီဖွဲ့စည်းပုံမှာ တရားဝင်ပြဌာန်းရမယ်။

ဗဟိုကော်မတီဝင်တွေနဲ့ပက်သက်တာကိုတော့ ရှည်ရှည်ဝေးဝေးပြောစရာ မလိုတော့ဘူး။ မလုပ်နိုင်တဲ့သူ တွေထွက်ပါ။ လုပ်နိုင်တဲ့သူတွေနဲ့အစားထိုးပါ။ ကိုအောင်မိုးဇော်ဘက်လူ၊ သူ..ထောက်ခံလိုဆိုပြီး မဖြစ်စေရဘူး။ ဘယ်သူဘာ လုပ်နေလဲဆိုတာကို အခုခေတ်မှာ ဖုန်းတဆက်ဆက်လိုက်ယုံနဲ့သိပြီးသားပါ။ ဒီတော့ ..လက်တ လုံးခြား လူလည်လုပ်ဖို့ဘယ်တော့မှ မကြိုးစားပါနဲ့..။

ဘယ်ပါတီဝင်မှ တခြားအဖွဲ့အစည်းတွေကို သွားရောက်တာဝန်ထမ်းဆောင်ခွင့်၊ ၀င်ခွင့်မရှိစေရပါ။ အဲဒါကိုလည်း တရားဝင်ဖွဲ့စည်းပုံမှာထည့်ရမယ်။ နဂိုကတည်းက လူကနည်းရတဲ့အထဲ ငွေရလို့ဆိုပြီး တပ်ပေါင်းစုမှကော၊ အန်ဂျီလိုလိုအဖွဲ့တွေမှာပါ သွားရောက်ထမ်းဆောင်ရင် ပါတီကြီးထွားရေးကို ဟန့်တားစေလိမ့်မယ်။ လုပ်ချင်ရင် ပါတီကထွက်ပြီး အဲဒိအဖွဲ့တွေမှာ တရားဝင်ဝင်လုပ်။ ကိုမိုးသီးလို အဖွဲ့တွေအများကြီးမှာလျှောက်ပါ နေတာ မျိုးမလိုချင်ဘူး။ လူ့ဘောင်သစ်အား၊ အက်ဘီအက်ဖ်လား၊ ကြိုက်တဲ့လမ်းကိုရွေးဖို့ပြောတာ။ ဟိုအဖွဲ့ဖွဲ့လိုက်၊ ဒီအဖွဲ့ထဲမှာပါလိုက်..ဒါဆိုရင် ပါတီအင်အားနဲ့စည်းရုံးရေးထိခိုက်တယ်။

နောက်စကားတခုက-ပါတီမှာ ပြောနေတဲ့အလေ့အထစကားရှိတယ်။

'မင်းက..ပါတီကို.ဘာများပြန်လုပ်ပေးဘူးလဲ' ဆိုတဲ့စကား... ပါတီကကျွေးထားတာ...ပါတီကိုသစ္စာဖောက်တယ်... စတဲ့စကားတွေကိုတရားဝင်မပြင်နိုင်ရင် ပါတီပျက်လိမ့်မယ်။ ငါထောင်ခဲ့တာ..ငါ..ဒီအလံကို သယ်ခဲ့ရတာ..အရင် တုန်းက ဘယ်အန်ဂျီမှအကူအညီ မရဘဲ ငါတို့အနစ်နာခံခဲ့ရတာ..ဒါတွေကို..အခုပြောနေတုံးဆိုရင်.. ပြောတဲ့ သူတွေဟာ အုံးနှောက်မရှိလို့..မရိုးသားလို့..ပါတီမှာ တချိန်လုံးခေါင်းဆောင်ဆိုတဲ့..ရာထူးကိုလိုချင်လို့..ဆိုတာ အထင်အရှားပဲ..။ ကျနော်သိတယ်..။ ဒီစကားတွေဟာ ဘယ်သူ့ပါးစပ်က လာလဲဆိုတာ...။ လူ့ဘောင်သစ်ပါတီ သည် ကိုးမိုးသီး၊ ကိုမြင့်ဇော်၊ ကိုအောင်မိုးဇော်၊ ကိုဇော်နိုင်ဦး၊ ကိုညို စတဲ့သူတွေရဲ့  ပစ္စည်းမဟုတ်ဘူး ဆိုတာ အားလုံးသိပါတယ်။

ဆက်လက်ရေးပါအုံးမည်-

View My Stats