တချို့ က သူ့ ကို, ဘွားစိန်, လို့နာမည်ပေးတယ်။ ချစ်တဲ့ အောက်ခြေငယ်သားတွေကပေးတဲ့ နာမည်ပါ။ အဘွားကြီးတွေလို စိတ်အလိုမကျရင် ညည်းပါတယ်။
ဒုတိယအင်အားအကြီးဆုံးပါတီဖြစ်နေတဲ့အချိန်မှာ ဦးဆောင်တဲ့သူတွေထဲမှာ ရှိနေခဲ့တယ်။ အစိုးရက တရားမ၀င် ပါတီအဖြစ်ကြေငြာတော့ ဌာနချုပ်ကို တောထဲမှာ ရွှေ့ ဖို့လုပ်တဲ့ခေါင်းဆောင်တွေထဲမှာပါတဲ့ လူတစ်ယောက်ပဲ။ ရဲရဲဝင့်ဝင့် လုပ်စရာရှိတာကို ပြတ်ပြတ်သားသားလုပ်ခဲ့တယ်။ ရှေ့ သို့ တလှမ်းချီတက်ခဲ့တယ်။
မုတ်ဆိတ်မွေး ဘလပစ်နဲ့ အာဏာရှင်က ရက်စက်လို ကိုယ့်လမ်းကိုယ်လျှောက်၊ သတ္တိရှိခဲ့ပါတယ်။
ဦးဆောင်မှုပေးတဲ့လူတွေထဲက လူတစ်ယောက်ဖြစ်ခဲ့တယ်။လူငယ်တွေပီပီ ဘ၀ မျှော်လင့်ချက်တွေနဲ့ ဘ၀ကို အေးချမ်းစွာဖြတ်သန်းဖို့ စိတ်ကူးယဉ်ခဲ့ရင်း၊ အာဏာရှင်က တောထဲကိုပို့ခဲ့လို့ တောထဲမှာ ဘ၀တွေနဲ့အတူ ဘ၀တွေကို မေတ္တာနဲ့ဦးဆောင်မှုပေးတယ်။
ဒီလိုပဲ ကျနော်တန်ဖိုးထားခဲ့တယ်။
ကံကြမ္မာရဲ့ အပြောင်းအလဲကြောင့်..တခါတလေ ချော်လဲခဲ့တဲ့နေ့ရက်တွေရှိတယ်။
သူ..ဂရုမစိုက်ပါဘူး။
ညာဏ်ပညာအမြော်အမြင်ကြီးမားစွာနဲ့ သူ့ ရဲ့ ဦးဆောင်မှု အောက်မှာ ရဲဘော်တွေ တစည်းတလုံးတည်း ညီညီညာညာ၊ ချစ်ချစ်ခင်ခင် ၊ လမ်းတွဲပြီးလျှောက်ခဲ့ဘူးတာ ပတ်ဝန်းကျင်ကတောင် အသိအမှတ်ပြုရတဲ့ အခြေအနေမျိုးပါ။
တခါတလေ လူတွေဟာ အောင်မြင်ရင် မနာလိုပါဘူး။ ကျရှုံးရင် ထူပေးဖို့မစဉ်စားပါဘူး။ ရင်ထဲက လာတဲ့ မေတ္တာကို သူတို့ကို ပြောရင် နွားကို အီကြာကွေးပေးတဲ့ ကုလားလို ဖြစ်လိမ့်မယ်။
တခါတလေ...ဂုန်းဆင်းမှာ အတွန်းချခံခဲ့ရဘူးတဲ့ သူတစ်ယောက်လည်း ဖြစ်ခဲ့ဘူးတယ်။ သူမမှုပါ။
သူ့ရဲ့ ယဉ်ကျေးသိမ်မွေ့တဲ့စကားတခွန်းကို ဘယ်သောအခါမှ ချစ်တဲ့သူတွေမမေ့ပါဘူး။ သူပြောတာက-
"တခါတလေ..ချော်လဲတဲ့အခါ..ကိုယ်ကိုယ်တိုင်ထူရသလို...သူများထူပေးတာလည်းခံရတယ်..."
သူချော်လဲတဲ့အခါမှာ သူများထူပေးတာကို မခံခဲ့ရဘူး။ တွန်းချတာနဲ့ သူကြုံခဲ့ရတယ်။ သူများကို ထူပေးခဲ့တဲ့ အကြိမ်ပေါင်း သူ့မှာ ရေလို့တောင်မရခဲ့ပါဘူး။
ဒါ့ကြောင့်...တခါတလေ..ကျနော်စဉ်စားတယ်။ သူတောင်စား ထမင်းဝရင် -ီးတောင်တယ်လို့။
ကျနော်သတိမထားမိပါ။ စကားလုံးကိုတော့ သိတယ်။ ထူတယ်။ ထတယ်။ သို့သော် အတိမ်အနက်ကို မသိပါ။ ငယ်သေးတာကိုး။ အသက်အရွယ် ရလာ၊ အတွေ့အကြုံများလာမှ သိတယ်။ ကျနော် သူ့အပေါ်မှာ တာဝန်ရှိသလို ယနေ့ထိခံစားနေရတုံးပါ။
သူ့ရဲ့ ရင်ဘတ်ထဲမှာ အေးချမ်းတဲ့ မေတ္တာတရား ရှိတယ်။ ဒါကို အပူတွေနဲ့ နီးတဲ့သူတွေမသိဘူး။ အကိုကြီးတစ်ယောက်ရဲ့ ထုံးစံအတိုင်း ဒုက္ခရောက်သူကို ကူညီဖို့အဆင်သင့်ရှိတယ်။
ရဲဘော်တွေကို တိုးတက်စေချင်တဲ့အမြင်ရှိတယ်။ တိုင်းပြည်ကို ချစ်တဲ့စိတ်လုံးဝရှိတယ်။
ပါတီတခုလုံးဟာ သူ့ဘ၀ဆိုပီး သူချစ်ခဲ့တယ်။
တခါတလေ ချော်လဲတဲ့အခါမှာ သူ့ကို..ဂုန်းဆင်းမှာ တွန်းချပေးတဲ့လူများခဲ့ပါတယ်။
ကျနော်လည်း မှောင်နေတဲ့အချိန်ဆိုတော့ ရောင်ယမ်းပြီး ပါခဲ့ပါတယ်....။
ကျနော့်ကိုခွင့်လွှတ်ပါ။
မှတ်ချက်....လွန်ခဲ့တဲ့ ၇-နှစ်က အချစ်ဆုံး ခေါင်းဆောင်ကြီးတစ်ယောက်ကိုရည်ညွန်းသည်။
