ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

1/4/12

ကွာပုံကွာနည်း

သုံးယောက်လုံးက အသက်လည်း မတိမ်းမယိမ်း။ အလုပ်အတွေ့ အကြုံလည်း အတူတူ။ ပြီးတော့ ရာထူးချင်းလည်း တူတယ်။ ပညာအရည်အချင်းကလည်း သိပ်ပြီးမကွာဘူး။

တနေ့ မှာ သူတို့ သုံးယောက်ခရီးထွက်ကြတယ်။ မဲ့ဆောက်၊ ဘန်ကောက်၊ ချင်းမိုင်ကနေတဆင့် စံခလပူရီ (ဘုရားသုံးဆူအနီး) ကိုရောက်လာကြလေတယ်။ သူတို့ လာရင် ထုံးစံအတိုင်း ခေါင်းစဉ်ကတော့ နိုင်ငံရေးပေါ့။ ဘာနိုင်ငံရေးလဲလို့ မေးရင် နိုင်ငံရေးလို့ ပဲ မှတ်ပါ။

စံခလပူရီဆိုတာက မွန်ပြည်သစ်ပါတီဌာနချုပ်ဖြစ်တယ်လို့ ပြောလို့ ရတယ်။ ဘာ့ကြောင့်လဲဆိုတော့ မွန်ပြည်သစ်ပါတီက ခေါင်းဆောင်တွေရဲ့နေအိမ်တွေ မိသားစုဝင်တွေအများအပြားနေလို့ ပါ။ ရေချောင်းဖျား ဌာနချုပ်ကိုတော့ တရားဝင်ဌာနချုပ်လို့ ခေါ်ပြီး စံခလပူရီကိုတော့ တရားမ၀င်ဌာနချုပ်လို့ ခေါ်လို့ ရမလားပဲ။

သူတို့ လာတဲ့ရည်ရွယ်ချက်က မွန်ပြည်သည်ပါတီက ခေါင်းဆောင်တွေနဲ့ တော်လှန်ရေး၊ နိုင်ငံရေးဟုခေါ်သော အရေးတကြီးလျိူ့ဝှက်ချက်တွေကို ဆွေးနွေးဖို့ ပါ။ မဟာမိတ်ဆက်ဆံရေးခေါင်းစဉ်လည်း ပါတယ်ဆိုပါစို့ ။

သူတို့ သုံးယောက်လုံးမှာ နှစ်ယောက်က ဗိုက်ပူတယ်။ တစ်ယောက်ကတော့ ဗိုက်မပူတဲ့လူပါ။

လာတဲ့အချိန်မှာ သူများတွေလို သူတို့ ဘက်စ်ကား တိုးစီးပြီး လာတာမဟုတ်ပါဘူး။

ကိုယ်ပိုင်ကားလေးနဲ့ စံခလပူရီမြို့လေးကို ရောက်လာတယ်။ ရောက်ရောက်ချင်း မွန်ခေါင်းဆောင်တွေနဲ့ ဆွေးနွေးတယ်။ သုံးနာရီလောက်ကြာမယ်။ ပြီးရင် သူတို့ လာတဲ့ရည်ရွယ်ချက်က ပြီးလေပြီ။ ဒါဆိုရင် ဒင်းတို့ အဖွဲ့  ကျန်တဲ့အချိန်ကို ဘယ်လိုသုံးမလဲ။ အချိန်ကို အကျိုးရှိရှိသုံးတတ်တဲ့ ခေါင်းဆောင်တွေလို့ ပြောချင်ပါတယ်။

စံခလပူရီမှာ အေဘီအက်စ်ဒီအက်ဖ် တပ်ရင်း (၁) ကရဲဘော်တွေ နဲ့ အခြားအဖွဲ့ အစည်းတွေက ရဲဘော်တွေလည်းရှိတယ်။ သူတို့ အားလုံးရဲ့ဘ၀တွေကို နည်းနည်းလောက်ဖေါ်ပြချင်တယ်။ ဒီလူတွေဟာလည်း အထက်ကသုံးယောက်လို လုပ်သက်ခြင်းတူတယ်။ မတူတာက ရာထူးချင်းတော့မတူဘူး။ ဒါ့ကြောင့် ရာထူးမတူသူတွေဟာ ညစ်ပတ်ပေရည်နေတဲ့ အသွင်အပြင်၊ အရက်သမားရုပ်ပေါက်နေတဲ့ ရုပ်ရည်တွေနဲ့ သူတို့ ခေါင်းဆောင်တွေကို ပျော်ပျော်ရွှင်ရွှင်ကြိုဆိုကြပါတယ်။ လေးလေးစားစားဆက်
 
ဆံတယ်။ အထူးသဖြင့် အားကိုးတဲ့ မျက်နှာတွေ၊ အထင်ကြီးသော ဖားချင်သော မျက်နှာတွေနဲ့ သူတို့ လူကြီးတို့ ကို ဆက်ဆံပါတယ်။

တပ်ရင်း (၁) က တပ်ရင်းမှူးဖြစ်တဲ့ ကိုသိန်းလွင်ဟာ သူ့ အိမ်မှာ စက်ချုပ်တယ်။ သူ့ မိန်းမက အပိုဝင်ငွေရအောင် အမွှေးညှပ်တယ်။ သူငှားတဲ့ အိမ်တော်ကြီးက ဖုံတွေအလီလီ၊ ခြင်တွေ တ၀ီဝီနဲ့ ။

အိမ်ထဲမှာ ဖျာနဲ့ စောင်ကို အားကိုးပြီးအိပ်ရတဲ့ဘ၀။ ကိုယ်ပိုင်မော်တော်ကားမရှိ။

ကိုယ်ပိုင်အ၀တ်လျှော်စက်မရှိ။ ထမင်းချက်ဖို့ အိုးတောင် နှစ်လုံးလောက်ပဲတွေ့ ရတယ်။ ကိုယ်ပိုင်ဆိုင်ကယ်တောင်မရှိတဲ့ဘ၀။ ပိုက်ဆံဆိုရင်လည်း ဟိုလူ့ ဆီက ချေးရငှားရနဲ့ ။ တနေ့ လုပ်မှ တနေ့ စားရတဲ့ဘ၀လို့ ပြောလို့ ရပါတယ်။

ဒု-ရင်းမှူးဖြစ်တဲ့ ကိုလေးလို့ ခေါ်တဲ့လူက ခလော့ခနီဒုက္ခသည်စခန်းထဲမှာ တံမြက်စည်းပင်တွေကို လိုက်ချိုးပြီး ကုန်သည်တွေကိုရောင်းတယ်။ တနေ့ ကို ဘတ်ငွေငါးဆယ်လောက်ရတယ်လို့ ပြောတယ်။

ရတဲ့ပိုက်ဆံနဲ့ ခလေ့ာခနီဒုက္ခသည်စခန်းထဲက ဘားတိုက်မှာ ရဲဘော်တွေနဲ့ အတူတူနေတော့ သူ့ ဘ၀ကလည်း ပျော်စရာတမျိုးကောင်းသားပဲ။ ကျန်တဲ့ ရဲဘော်တွေက ခလေးတပြုံကြီးတွေနဲ့ ပန်းရံလုပ်လိုက်၊ ရာဘာခြစ်လိုက်နဲ့  သူတို့ ဘ၀တွေကို ကြိုးစားရုန်းကန်ကြရတယ်။

တခုထူးခြားတာက သူတို့ အားလုံးမှာ ဒီလိုဘ၀ဖြစ်နေတာတောင် တော်လှန်ရေးစိတ်ဓာတ်အပြည့်ရှိတုန်းပဲ။ ညနေစောင်း အရက်သောက်ဖို့ အတွက်တောင် သူများဆီက ငွေလေးနှစ်ဆယ်သုံးဆယ်တောင်လိုက်ပြီး ချေးငှားရတဲ့ ဘ၀တွေဖြစ်ပေမဲ့ သူတို့ ခေါင်းဆောင်တွေ မြို့ပေါ်ကနေလာပြီဆိုရင် မရှိရှိတာကို ရှာဖွေပြီး ကျွေးမွေးချင်တဲ့ စိတ်ရှိတော့ အတော်လေးကို ချစ်စရာကောင်းတဲ့ ဓလေ့လို့ ပြောလို့ ရတယ်။ ဗမာ့ယဉ်ကျေးမှုတော့ မဟုတ်ပါဘူး။ တော်လှန်ရေးယဉ်ကျေးမှုပါ။

လုပ်ဖော်ကိုင်ဖက်သူငယ်ချင်းတွေ နိုင်ငံခြားက ပြန်လာပြီဆိုရင်လည်း သူတိုအရမ်းပျော်ကြတယ်။ ပြီးရင် ကြိုက်တဲ့အကူအညီတောင်း ပေးကြတဲ့အထိဆိုတော့ သူတို့ ကိုလူတိုင်းက သံယောဇဉ်မပြတ်နိုင်ပါဘူး။

ရဲဘော်အချင်းချင်း စိတ်ဆိုးစကားများလည်း ခဏပဲ။ ပြီးရင် ထိုးကြကြိတ်ကြနဲ့ ညနေစောင်းအရက်သောက်ပြီးပြီဆိုရင် တစ်ယောက်ပုခုံးကို တစ်ယောက်ဖက်ပြီး ချစ်ချစ်ခင်ခင်နေကြတဲ့ ဓလေ့။ ဒီလိုနဲ့ ပဲ နေ့ တဓူဝ သူတို့ ဘ၀တွေကို ရုန်းကန်ဖြတ်သန်းနေရပေမဲ့ သူတို့ မျက်နှာတွေက အတော်အေးချမ်းလှပါတယ်။ သူတို့ အကျင့်သီလတွေက သူများတွေလို နာမည်ပျက်စာရင်းလည်းမရှိကြပါဘူး။

အထက်ကပြောတဲ့ ခေါင်းဆောင်ကြီးသုံးယောက်ရောက်လာတော့ ကျနော်တို့ သူငယ်ချင်းတွေပျော်ကြတာပေါ့။ သူတို့ အထုတ်အပိုးတွေကို ၀ိုင်းသည်ကြနဲ့ ။ အလုပ်ရှုပ်ကြလေတယ်။ လုံခြုံရေး ယူပေးတဲ့သူက ယူနဲ့ ။

ကိုယ်ပိုင်ကားနဲ့ လာတဲ့ ခေါင်းဆောင်ကြီးသုံးယောက် အစည်းအဝေးပြီးတာနဲ့ စံခဈေးထဲကို သွားကြတယ်။ Siam Commercial Bank မှာ အေတီအမ်ကတ်နဲ့ ငွေတွေကို ထုတ်တာ အထပ်လိုက် ဝေါကနဲဝေါကနဲ ထွက်လာတဲ့အသံတောင်ကြားရတယ်ဆိုပဲ။ ငွေထုတ်တဲ့အချိန်မှာ ဗိုက်ပူခေါင်းဆောင်ကြီးနှစ်ယောက်ကလွဲလို့ ဗိုက်မပူနိုင်တဲ့ခေါင်းဆောင်ကြီးကတော့ ကားထဲမှာ မျက်နှာငယ်ငယ်နဲ့ ငုတ်တုတ်ကလေးထိုင်ပြီး ငိုင်နေတဲ့ပုံစံကို တွေ့ ရတဲ့ သူ့ ရဲဘော်က-

"
ကျနော့်ဥက္ကဌကို သနားလိုက်တာဗျာ"

"
နေပါအုံး...ခင်ဗျားက ဘာလို့ သနားတာလဲ"

ကျနော်က စပ်စုချင်တဲ့အသံနဲ့ မေးခွန်းမေးတယ်။

"
ကိုသံခဲခင်ဗျာ....ကိုအောင်မိုးဇော်နဲ့ ကိုနိုင်အောင် ဘဏ်ထဲကနေ ငွေထုတ်နေတာကို ကြည့်ပြီး သူ့ ကိုယ်သူ စိတ်မကောင်းဖြစ်နေတဲ့ပုံစံဖြစ်နေလို့ ဗျ"

"
ဖြစ်မှာပေါ...ခင်ဗျားတို့ ရဲ့ဥက္ကဌကြီးက ငမွဲပဲကိုဗျ "

ခပ်ထေ့ထေ့အသံနဲ့ ကျနော်ဆွပေးတယ်။

"
မွဲပေမဲ့ ဥက္ကဌက သူများတွေလို နာမည်ပျက်မရှိဘူး....ခင်ဗျားဒီလိုမပြောပါနဲ့ "....ဆိုပြီး တပ်ရင်း (၁) က ရဲဘော်ကြီးက သူ့ ခေါင်းဆောင်ကို အထင်ကြီးတဲ့လေသံတုန့် ပြန်တော့ ကျနော်လည်း စောဒကမတတ်မိပါဘူး။

ကိုယ်တင်ထားတဲ့ ဘုရား ကိုယ်မှ မကိုးကွယ်ရင် ဘယ်သူက ကိုးကွယ်မှာလဲဆိုပြီး ဘေးမှာ ရပ်နေတဲ့ ရဲဘော်ကြီးက စကားဝိုင်းကို ဖြတ်ပြီး မှတ်ချက်ပေးသံ သဲ့သဲ့ကို ထပ်ကြားလိုက်ရသေးတယ်။

ကိုအောင်မိုးဇော်၊ ကိုသံခဲ၊ ဒေါက်တာနိုင်အောင်တို့ စံခမှာ နိုင်ငံရေးခရီးစဉ်နဲ့ အလည်လာတုန်း တည်းခိုစရာ ရှာရပါတယ်။ ဈေးအကြီးဆုံးတည်းခိုးခန်းမှာ တည်းပါတယ်။ ဘတ် (၁၀၀၀) ကျော်ပေးရတဲ့ တည်းခိုခန်းကို မကောင်းဘူးဆိုပြီး ပြောတဲ့ ခေါင်းဆောင်ကြီးကလည်း ပြောရှာတယ်လို့ အခန်းရှာပေးတဲ့ ရဲဘော်ကြီးက ပြန်ပြောပြတော့ သြော်...ဒုက္ခ...ဒုက္ခလို့ 
လို့ ပဲ ကျနော်တွေးမိတော့တယ်။

ကျနော်တို့ သြစတျေးလျကနေ စံခလပူရီကို သွားလည်ပြီးဆိုရင် ရဲဘော်တွေနဲ့ အတူတူနေ၊ အတူတူစား၊ အခန်းငှားမဲ့ပိုက်ဆံကို သူတို့ အိမ်မှာ လိုအပ်တာကို ၀ယ်ပေး။ ဒီလိုမျိူးဗျ။ မယုံရင် ဆလိုင်းကိုကိုဦးကို မေးကြည့်ပါ။ သူဆိုရင် တစ်ခါမှ တည်းခိုခန်းမငှားပါဘူး။ ကပ်စေးနည်းလို့ လားမသိဘူး။

အခုကြတော့ ခေါင်းဆောင်ကြီးတွေက ရဲဘော်တွေအိမ်မှာ ဖြစ်သလိုနေ ဖြစ်သလိုစားပြီး၊ မနေနိုင်တော့ ကျနော့် စိတ်ထဲမှာ ဒီလူတွေ၊ သူများထက်ထူးပြီးနဖူး လဥ တက်ပေါက်နေသလားလို့ တောင် ထင်မိတယ်။

ကိုယ့်ရဲဘော်တွေပဲဗျာ တစ်ရက်တလေလောက် အတူတူနေရင် ပိုပြီးကောင်းတာပေါ့။ ဒါဆိုရင် ပတ်ဝန်းကျင်ကလည်း အထင်ကြီးအုံးမယ်။ အခုကြတော့ ဈေးအကြီးဆုံးတည်းခိုးခန်းမှာ တည်းချင်လို့ စုတ်ပြတ်သတ်နေတဲ့ ရဲဘော်တွေက လိုက်ရှာပေးရတယ်။ တရားဖို့ ကောင်းလိုက်လေခြင်း။ လေးစားအတုခိုးဖွယ် ကောင်းသော ခေါင်းဆောင်ကြီးတွေလို့ မှတ်ချက်ပေးရမလို့ ဖြစ်နေပြီ။

စံခမှာမှာ အင်း ကြီးတော့ အတော်လှတယ်။ မွန်ဘုန်းကြီးဆောက်ထားတဲ့ သစ်သားတံတားကလည်း အတော်လေးကို စွဲဆောင်မှုအားကောင်းတယ်။ ဒါ့ကြောင့်နှစ်စဉ် လူစည်ကားတဲ့နေရာလေးလို့ ခေါ်နိုင်တယ်။

အင်းထဲမှာ ငါးမျှားချင်လို့ ဆိုပြီး ခေါင်းဆောင်ကြီးသုံးယောက်က ငါးမျှားတံကို ထိုင်းဘတ်ငွေ (၇၀၀) ကျော်လောက်အကုန်ခံပြီး ၀ယ်ပါတယ်။ ငါးမျှားတံက ကျနော်တို့ ဗမာတွေမျှားတဲ့ငါးမျှားတံမဟုတ်ပါ။ တီကောင်နဲ့ ဝါးကို အသုံးပြုပြီး မျှားတာမဟုတ်တော့ မျှားတက်အုံးမှ။ ကျနော်ဒီဟာကြီးကို အသုံးပြုပြီး တစ်ခါမှ မမျှားဘူးဘူး။ တောကျတယ်ပဲဆိုပါစို့ ။ ကိုယ်မှ တစ်ခါမှမမျှားဘူး တောကျလဲ ကျပေါ့ဗျာ။

ဒါနဲ့ စကားမစပ် ခေါင်းဆောင်ကြီးတွေတော့ ဘယ်လိုမျှားလဲ၊ ငါးကော ရလားလို့ မေးအုံးမယ်။ တစ်ကောင်မှ မရပါ။ လူအထင်ကြီးအောင်လို့ မျှားတာပါဆိုပြီး ရဲဘော်တွေက မှတ်ချက်ပေးပါတယ်။

ငှားမျှားပြီးတော့ နေကအတော်စောင်းနေပြီ။ ဘတ်ငွေထောင်ကျော်ပေးငှားရတဲ့ ဖောင် အိမ်ပေါ်မှာ အပန်းဖြေမယ်။ ဖောင်စီးရင်း အရက်သောက်ချင်ပါတယ်ဆိုလို့ ဒေသခံတပ်ရင်း(၁) က ရဲဘော်တွေက လိုက်ပြီးငှားပေးရတယ်။ ပြီးရင် သူတို့  အကောင်းစားအရက်နဲ့ ဖော်ပေါ်မှာ ဇိမ်ခံတယ်။ အကောင်းစား နိုင်ငံရေးတွေနဲ့ အမြည်းလုပ်တယ်။ ဘေးနားမှာ စုတ်ပြတ်သတ်နေတဲ့ အရက်သမားရဲဘော်ကြီးတွေက အပေါစား လောက်ခေါင်နဲ့ ။

သူတို့ အဆိုအရ ခေါင်းဆောင်ကြီးတွေက နှိမ်တာမဟုတ်ပါဘူး။ လောက်ခေါင်နဲ့ မှ သူတို့ ရေချိန်ပိုလို့ ကိုက်ပါတယ်ဆိုပြီး ပြောရှာတော့ စိတ်ထဲမှာ တကယ့်ရဲဘော်ကောင်းတွေပါလားလို့ ။

ကိစ္စ အ၀၀ ပြီးတော့ ဒေါက်တာနိုင်အောင်က အလှူအတန်းနည်းနည်းပေးပါတယ်။ တပ်ရင်း (၁) မှာ လိုအပ်တာသုံးဖို့ အတွက် ဘတ်ငွေလေးငါးထောင် ပေးရှာပါတယ်။ ကိုအောင်မိုးဇော်လည်း စွန့် သင့်သလောက် စွန့် ပါတယ်။ အားလုံးပေါင်းမှ ငါးထောင်ကျော်လောက်ပဲရှိတယ်လို့ ပြောပြတယ်။ အေဘီအက်စ်ဒီအက်ဖ်တပ်ရင်းကို အေဘီအက်စ်ဒီအက်ဖ် ဥက္ကဌကလွဲရင် ကျန်တဲ့ ဗိုက်ပူခေါင်းဆောင်နှစ်ယောက်ကတော့ပေးနိုင်ပါတယ်။ ကိုသံခဲ ကပ်စေးနည်းလို့ လား။ လုံးဝမဟုတ်ပါဘူး။ ပေးစရာ ရှိကို မရှိလို့ ပါ။ နိုင်ငံရေးခရီးစဉ်တောင် သူများက အကုန်အကျခံလို့ လာနိုင်တာလေ။

အဲဒနေ့ မှာ ဖောင်ငှားတာ၊ အရက်သောက်တာ၊ ငါးမျှားတံဝယ်တာ၊ တည်းခိုးခန်းငှားတာ အားလုံးပေါင်းရင် တစ်သောင်းကျော်လောက် ထွက်တယ်ဆိုတော့ ကိုယ့်ရဲဘော်တွေ နဲ့  တပ်ရင်းအတွက်ကို ပေးတဲ့ ငွေ (၅၀၀၀) ကျော်က နည်းများနည်းနေလားလို့ ပါ။ ပေးတာပဲ ကံကောင်းလို့ ပြောရမလို ဖြစ်နေပြီ။ ကျေးဇူးကြီးမားပါတယ် ခေါင်းဆောင်ကြီးတို့ ရယ်။

သူတို့ သုံးယောက်ရဲ့နိုင်ငံရေးခရီးစဉ်ပြီးလို့  ပြန်ခါနီးမှာ ရဲဘော်တွေရဲ့ထုံးစံအတိုင်း-

"
ဥက္ကဌ ကျနော့်ကို မုန့် ဖိုးနည်းနည်းလောက်ပေးအုံးနော်"

အေဘီ ရဲဘော်တစ်ဦးက ကိုသံခဲဘေးနားကို ကပ်ပြီးတိုးတိုးလေးတောင်းတယ်။ 

ကိုသံခဲကလည်း တိုးတိုးလေးပြန်ပြောတယ်။

"
ငါ့ဆီမှာ အရမ်းမတောင်းပါနဲ့ ကွာ။ ငါက သူများ ဥက္ကဌတွေလို မချမ်းသာဘူးကွ။ ရော့ တစ်ရာပဲယူ"

သြော်...လုပ်သက်ခြင်းတူ၊ ရာထူးခြင်းတူ၊ အသက်ခြင်းလည်း မကွာ၊ ပညာအရည်အချင်းလည်း အတူတူဖြစ်နေတဲ့ တော်လှန်ရေးခေါင်းဆောင်ကြီးသုံးဦးရဲ့ကြားမှာ ဘာများကွာနေလို့ ဒီလောက်တောင် မတူတာလဲမသိဘူး။ 

View My Stats