ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

3/23/12

ကျနော့်အဘွား

အဘွားကိုမွေးတဲ့နေရာက အလံတစ်ရာဘုရားနားက ကျိူက်ကော်လို့ ပဲ သိတယ်။ ရွာကတော့ ပဲခူးစုလို့ ခေါ်တဲ့ ပအိုဝ့်ရွာလေးပါ။ အဘွားနဲ့ ဗိုလ်ချူပ်မှုးကြီးသန်းရွှေရဲ့ မိန်းမ ဒေါ်ကြိုင်ကြိုင်နဲ့ က တရွာတည်းသားတွေ။ ငယ်သူငယ်ချင်းတွေလည်း ဖြစ်တယ်။ သိအောင်လို့ ပါ။ သူတို့ ဆီကနေ ကျနော်တို့ အပ်တို တစ်ချောင်းတောင် မရခဲ့ပါဘူး။

အခုတော့ ကျနော်အရမ်းချစ်ရတဲ့အဘွားပြီးခဲ့တဲ့ရက်က ဆုံးသွားတော့ သူ့ အကြောင်းကို တစ်ခုသော မိသားစု နားလည်အောင်လို့ ဒီစာကိုရေးပါတယ်။

အဘွားရဲ့ မွေးရပ် အတိအကျတော့ မမှတ်ဘူး။ သူ့ ကို သထုံပအိုဝ်လို့ ခေါ်တယ်။ ပအိုဝ်စကားနဲ့ စာလည်း အတော်ကျွမ်းတယ်ထင်တယ်။ ဗမာစကားပြောရင် ပအိုဝ်သံနဲ့ ပြောတယ်။ ကျနော်တို့ နဲ့ ပြောရင်တော့ ဗမာလိုကို ပအိုဝ်သံဝဲ၀ဲနဲ့ ပြောလေ့ရှိတယ်။ အဘွားမှာ မွေးချင်းသုံးလေးယောက်လောက်တော့ရှိမယ်။ မှတ်မိသလောက်ဆိုရင် အဘွားက သူ့ မိသားစုမှာ အကြီးဆုံး မိန်းခလေး။ အငယ်ဆုံးက ခြေထောက်မသန်တဲ့ သူ့ ညီမ။

သူတို့ မိသားစုရဲ့ လုပ်ငန်းလက်ရင်းက အလံတစ်ရာဘုရားနားက တောင်တန်းတွေပေါ်မှာ ဒူးရင်းသီးနဲ့ မင်းဂွတ်သီးခြံတွေလုပ်တယ်။

ကျနော့်အမေကို အဘွားက သူ့ ညီမဆီကနေ တောင်းပြီး ငယ်ငယ်လေးတည်းကမွေးစားထားတာ။ ရန်ကုန်မှာ သူ့ ယောကျာ်းက ၀င်ငွေကောင်းတာရယ်၊ သူ့ ဆီမှာ သမီးတစ်ယောက်ပဲရှိတာကြောင့် အဘွားက အမေ့ကို ခေါ်ထားတယ်။ သူ့ တူမဖြစ်ပေမဲ့ သူ့ သမီးထက်ပိုချစ်တယ်။

အမှန်တကယ်ဆိုရင် အဘွားက ကျနော့်အမေရဲ့ အကြီးလို့ ခေါ်လို့ ရတယ်။ ဒါပေမဲ့ ငယ်ငယ်လေးကတည်းက မွေးစားတာဆိုတော့ အမေကလည်းအဘွားကို အမေလို့ ပဲခေါ်တယ်။ သူ့ အမေရင်းကိုလည်း အမေလို့ ပဲခေါ်တယ်။ ဆိုတော့ ကျနော့်မှာ အဘွားသုံးယောက်ရှိတယ်လို့ ပြောလို့ ရတယ်။ အဖေ့ဘက်ကအဘွားရယ်၊ အမေ့ဘက်က အဘွားနှစ်ယောက်ရယ်ပေါင်းရင် သုံးယောက်ပေါ့။

တနေ့ မှာ အဘွားက သူ့ ယောက်ျားနဲ့ စိတ်သဘောထားချင်း မတိုက်ဆိုင်လို့  ကွဲ ခဲ့တယ်။ သူ့ ရဲ့ တဦးတည်းသော သမီးအရင်းကို သူ့ ယောက်ျားကခေါ်သွားတယ်။ ကျနော့်အမေကိုတော့ အဘွားက ခေါ်သွားတယ်။ တစ်ယောက် တစ်နယ်စီကွဲသွားကြတယ်။

ရန်ကုန်မှာ အဘွားက အစိုးရ စက်ရုံတစ်ခုမှာအလုပ်လုပ်ပြီး အမေ့ကို ပြုစုပြိုးထောင်ပေးတယ်။ အမေအရွယ်ရောက်တော့ အင်းစိန်မှာ အိမ်ထောင်ကျတယ်။ဒါနဲ့ ပက်သက်ပြီး ကျနော်အမေကို အဘွားက အရမ်းစိတ်နာတယ်။ ဘာ့ကြောင့်လဲဆိုတော့ စစ်သားကို ယူလို့ ။ သူ့ စကားကို နားမထောင်ရမှန်း ကောင်းလားဆိုပြီး အမေ့ကို အဘွားက အမွေပြတ်စွန့် လွှတ်လိုက်တယ်။ နောက်ပိုင်း အမေက အမကြီးဆုံးကိုမွေးတော့ အဘွားလည်း မနေနိုင်ဘူး။ ဒါနဲ့ ကျနော်တို့ အိမ်ကို လာပြီး လိုအပ်သမျှကူညီပေးတယ်။ ငွေကြေးကအစ၊ ထမင်းချက်တာအဆုံး အဘွားပဲလုပ်တယ်။ အဲဒိအချိန်ကစပြီး အဘွားဟာ ကျနော်တို့ အိမ်မှာပဲ နေတော့တယ်။ သေတဲ့အချိန်အထိ ကျနော့်အမရဲ့ လက်ပေါ်မှာပဲ သေသွားခဲ့တယ်။

ဘာ့ကြောင့် သူ့ သမီးအရင်းကို အမေ့လောက်မချစ်လဲဆိုတာကို ပြောပြချင်တယ်။ သမီးအရင်းက သူ့ ယောက်ျားနဲ့ ပါသွားတယ်။ သူတို့ က ပညာတတ်တယ်။ ချမ်းသာတယ်။ အဘွားက တောသူတောင်သား။ အရမ်းရိုးတယ်။ ပွင့်လင်းတယ်။ ငယ်ငယ်တုန်းက အဘွားက ချောတော့ သူဌေးက ယူတယ်။ နောက်ပိုင်း သူဌေးက ပစ်သွားတာလား ဘာလားတော့မသိဘူး။

သူ့ ယောက်ျားနဲ့ ပါသွားတဲ့ သူ့ သမီးအရင်းကို အဘွားလည်း အရမ်းချစ်ပါတယ်။ ဒါပေမဲ့ အဲဒိအသိုင်းအ၀န်းမှာ အဘွားမပျော်တော့ ကျနော့်အမေနဲ့ နေတော့တယ်။ အဲဒိအသိုင်းအ၀န်းက ချမ်းသာပြီး ပညာတတ်တော့ အဘွားကို သူတို့ အဘွားလို့ မသတ်မှတ်ချင်ဘူး။ ရှက်တယ်ထင်တယ်။ ဒါ့ကြောင့် အဘွားကို အရမ်းချုပ်ချယ်တယ်လို့ အဘွားက ပြောတယ်။

ကျနော်တို့ အိမ်မှာတော့ အဘွားက ကြိုက်သလိုနေပဲ။ တောသူတောင်သားပီပီ ငပိနဲ့ ငရုတ်သီးမှုန့် စားပြီး မျှစ်တို့ တာကို အဘွားက အရမ်းကြိုက်တယ်။ ဒါ့ကြောင့် ကျနော်တို့ ဆီမှာ သူအရမ်းပျော်ရှာပါတယ်။ ကျနော်တို့ မောင်နှမတွေကလည်း အဘွားကို စလိုက်နောက်လိုက်နဲ့ ဆိုတော့။ သူက ဆဲ လိုက်နဲ့ ။ ဒီလိုနေကြတာ။ သူ့ သမီးအရင်းလို ဘာဟိတ်ဟန်မှမရှိတော့ အဘွားအတွက် နေရတာ စိတ်မပင်ပန်းဘူးထင်တယ်။

ကျနော်တို့ မိသားစုကလည်း တပ်ထဲမှာ အရမ်းဆင်းပါတယ်။ အဖေ့ဝင်ငွေနဲ့ က မလောက်ဘူး။ နောက်ပြီး ကျနော်တို့ မိသားစုကလည်း များတော့ ပိုဆိုးတာပေါ့။ ဒါနဲ့ အဘွားက ကျနော်တို့ ကို ဈေးရောင်းကျွေးတယ်။ သူက ဈေးရောင်းတာ ၀ါသနာအရမ်းပါတယ်။ လွန်ခဲ့တဲ့ ၁၀-နှစ်လောက်အထိ အဘွားက ဘုရားဇောင်းတန်းမှာ ကွမ်းယာနဲ့ ဈေးလိပ်ရောင်းပြီး တစ်ယောက်တည်းနေတယ်။

သူ့ ဘေးမှာ ခွေးတွေ၊ ကြောင်တွေကို မွေးထားတယ်။ နေ့ စဉ် ခွေးတွေကြောင်တွေကို ထမင်းကျွေးရတဲ့အလုပ်က သူ့ ရဲ့ အဓိကအလုပ်ပဲ။

ကျနော်တို့ လည်းအသက်တွေကြီးလာပြီး တကွဲတပြားစီဖြစ်ကုန်တယ်။ အဘွားလည်း တနေရာ။ အမေနဲ့ အဖေကလည်း တနေရာ။ အမနဲ့ သူ့ ယောက်ျားကလည်း တစ်နေရာ။ နောက်ဆုံး မာနအရမ်းကြီးတဲ့ အဘွားကို ဘုရားဇောင်းတန်းကနေ အတင်းသွားခေါ်ပြီး အမအိမ်မှာပဲ ခေါ်ထားရတော့တယ်။ တော်ကြာနေ တစ်ယောက်တည်း တခုခုဖြစ်နေမှာဆိုးလို့ ပါ။ ကျနော်တို့ လည်း အဘွားအတွက် နိုင်ငံခြားကနေ ပုံမှန်ငွေပို့ ပေးပြီး သူစိတ်ချမ်းသာအောင်ထားပါတယ်။

ကျနော်တို့ အရမ်းဆင်းရဲနေတဲ့အချိန်တုန်းဆိုရင် သူ့ သမီးအရင်းဖြစ်တဲ့ ကျနော့်အဒေါ်က ချမ်းသာတယ်လို့ ပြောလို့ ရတယ်။ သင်္ကန်းကျွန်းမှာတိုက်နဲ့ တာနဲ့ နေနိုင်တဲ့အထိပဲ။ သူ့ မြေးအရင်းတွေကလည်း ခေသူတွေမဟုတ်ပါဘူး။ ဒေါက်တာသက်တင်၊ ဗိုလ်မှုးဝေဖြိုး၊ ခရေ၊ သဲသဲ ဆိုတဲ့ သူတွေဖြစ်နေကြပြီ။ အဘွားရဲ့ သားမတ်တစ်ယောက်လည်း ဗိုလ်မှုးကြီးသန်းတင်လို့ ခေါ်ပါတယ်။ အခုတော့ အငြိမ်းစား။ သံအမတ်ဆိုလား ဘာလားမသိဘူး။ နောက်တစ်ယောက်က စင်္ကာပူမှာ အင်ဂျီနီယာလုပ်ခဲ့ဘူးတဲ့ ဦးခင်အောင်လို့ ခေါ်တယ်။ ဒီလောက်ပဲ ကျနော်သိတယ်။ အဒေါ်က အိမ်ထောင်နှစ်ဆက်လေ။

သူတို့ နဲ့ ကျနော်လုံးဝမရင်းနှီးပါဘူး။ သူတို့ အိမ်ကိုတော့ အလည်သွားဘူးတယ်။ ကျနော်တို့ အိမ်ကိုလည်း သူတို့ အလည်လာတယ်။ ကျနော့်တစ်သက်မှာ တစ်ခါပဲ မြင်ဘူးပါတယ်။ ကျနော်တို့ က ပညာမရှိတဲ့အပြင် အရမ်းဆင်းရဲတယ်ဆိုတော့ သူတို့ က သိတ်ပြီး အဖတ်မလုပ်ချင်ဘူး။ ဒါနဲ့ ပက်သက်ပြီး အဘွားက အမေ့ကို အသံပြတ်ပြတ်နဲ့ ဒီလိုပြောတယ်။

အဲဒိအိမ်ကို ဘယ်တော့မှ မသွားနဲ့ ။ ငါလည်း အဆက်အသွယ်မလုပ်ဘူး။ နင်တို့ လည်း အဆက်အသွယ်မလုပ်နဲ့ ။ ငါသေရင်နင်တို့ နဲ့ ပဲ သေမယ်လို့ အဘွားက ခဏခဏပြောတယ်။

ကျနော်ငယ်ငယ်တုန်းကဆိုရင် အမေနဲ့ အဖေက ခဏခဏ စကားများပြီး လင်မယားတွေကွဲကြတယ်။ အဖေကလည်းအရက်သမား။ ငွေကလည်းမရှိ။ ဒီကြားထဲရန်ကလည်းဖြစ်သေးတယ်။ နောက်ဆုံးရလာဒ်က ကြားထဲက ကျနော်တို့ ပဲ ဟိုပြေးရမလို ဒီပြေးရမလိုပဲ။ ဒီလိုဖြစ်နေတာကို အဓိကကယ်တင်တဲ့လူက ကျနော့်အဘွား။ ယောကျာ်းလည်း သူမယူဘူး။ ကျနော်တို့ ကို ဈေးရောင်းကျွေးတယ်။

အိမ်မှာထမင်းချက်ကျွေးတယ်။ အ၀တ်လျှော်ပေးတယ်။ ကျောင်းစရိတ်ရှာပေးတယ်။ သူရောင်းလို့ ရတဲ့အမြတ်ထဲကနေ မုန့် ဖိုးပေးတယ်။ ပါးစပ်ကလည်း ပွစိပွစိနဲ့ ။ တစ်အိမ်လုံးကို သူပဲ ဒိုင်ခံလုပ်ပေးတယ်။ ဒီလိုနဲ့ ပဲ ကျနော်တို့ တွေ အရွယ်ရောက်လာကြတယ်။ အဓိက သူ့ ကျေးဇူးကြောင့်ပဲ။

ကျနော်မဲ့ဆောက်ကိုထွက်လာတဲ့ နေ့ ကဆိုရင် အမြဲတန်းပွစိပွစိလုပ်တဲ့အဘွား တံခါးပေါက်မှာ ကျနော်ကို ဘာမှမပြောပဲ ထိုင်ပြီးကြည့်နေခဲ့တာကို ယနေ့ အထိမှတ်မိနေတုန်းပါ။ အခုဆိုရင် အဘွားနဲ့ ကွဲသွားတာ ၁၄-နှစ်ရှိသွားပြီ။

ပြီးခဲ့တဲ့လက အမဆီကိုဖုန်းဆက်တော့ အဘွားကပြောတယ်။

သား...အဘွားကို သတိရသေးလားတဲ့။ နင်တို့ ဘယ်တော့ပြန်လာမှာလဲလို့ မေးတယ်။

ကျနော်တို့ မြန်မာသံရုံးမှာ ဗီဇာတင်ထားတဲ့အကြောင်း၊ သင်္ကြန်လောက်မှာ ပြန်နိုင်မယ်လို့ ထင်တဲ့အကြောင်း အဘွားကို ၀မ်းသာအားရပြောဖြစ်တယ်။

ဒါနဲ့ ကျနော်က...အဘွားမသေနဲ့ အုံး။ ကျနော်တို့ ပြန်လာရင် အဘွားနဲ့ တွေ့ ချင်သေးတယ်။ ဘုရားတွေလိုက်ပို့ ချင်တယ်လို့ ပြောတော့.....

ငါ့မြေးတွေနဲ့ တွေ့ ပြီးမှ အဘွားသေမယ်လို့ ပြောတယ်။

အခုတော့ ကျနော်တို့ ကို အရမ်းချစ်တဲ့ ကျေးဇူးရှင်အဘွား တစ်ယောက် ကျနော်တို့ ပြန်အလာကို မစောင့်ပဲ ဘ၀တစ်ပါးကို ပြောင်းသွားပါပြီ။

တနေ့ က အဘွားဆုံးတော့ အမနဲ့ အဖေက ဒေါ်ဥမ္မာရီဆီကို လှမ်းပြီးအကြောင်းတယ်။ အဘွားရဲ့ သမီးအရင်းဖြစ်တဲ့ဒေါ်ဥမ္မာရီက ဘာပြောလဲဆိုတော့....

ကျနော့်အမကို...ငါ့အိမ်ကို လာခဲ့။ ပိုက်ဆံလာယူတဲ့ဗျာ။

အမက ဒေါသထွက်ပြီး-

ကျမ မအားဘူး....လို့ ပြောလိုက်တယ်။

သြော်...လောကမှာ ဒီလိုသားသမီးတွေရှိပါလားလို့ တွေးနေမိပါတော့တယ်။

ဘာပဲဖြစ်ဖြစ် ကျနော်တို့ အဘွားအတွက်တာဝန်ကျေခဲ့ပါပြီ။ အဘွားတစ်ယောက် ဘ၀ကူးကောင်းမှာပါ။

အဘိုးအဘွား၊ မိဘတွေကို မသေခင် လုပ်ကျွေးပါ။ သေမှ ငိုမနေပါနဲ့ ။

View My Stats