ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

6/23/12

မမျှော်လင့်ခဲ့ပါဘူး

အလုပ်ကနေ ညနေ ၆-နာရီမှာ အိမ်ပြန်ရောက်တော့ မှောင်စပြုနေပြီ။ အေးကလည်း အေးတယ်။ အိမ်ထဲလည်း ဝင်ရော မိန်းမဖြစ်လုပ်သူက မြန်မာရုပ်ရှင်ကို လက်တော့ကွန်ပြူတာနဲ့ ကြည့်တယ်။ သားလုပ်တဲ့သူက အိုင်ပတ်တူးနဲ့ စစ်တိုက်တဲ့ဂိမ်းကစားနေတယ်။ သမီးအလတ်ကလည်း အိုင်ပတ်တူးနဲ့ ထမင်းချက်တဲ့ ဂိမ်းကစားပြီးငြိမ်နေတယ်။ အငယ်ဆုံးသမီးက သူ့ အမဘေးမှာထိုင်ပြီး လေ့လာရေးလုပ်လို့ ။ သူတို့ အားလုံးက Living Room ထဲ Leather ဆိုဖာခုံပေါ်မှာ ထိုင်ပြီး သူတို့ စိတ်ဝင်စားတာကို လုပ်နေရလို့  အလုပ်ကပြန်လာတဲ့ကျနော့်ကို တောင် နုတ်မဆက်အားဘူး။ အရှေ့ မှာ လက်မ လေးဆယ်လောက်ရှိတဲ့ Flat TV ကိုလည်း ဒီအတိုင်းဖွင့်ထားတယ်။ တီဗွီကြည့်လိုက် ဂိမ်းကစားလိုက် လုပ်နေကြတဲ့ ခလေးတွေနဲ့ မိန်းမ။


ယူနီဖောင်းကိုနဲ့ ဘွတ်ဖိနပ်ကို ချွတ်။ပြီးတာနဲ့  ဝိုင်ပုလင်းကို ဖွင့်ပြီး ဖန်ခွက်အရှည်နဲ့ တစ်ခွက်အပြည့် မော့ချလိုက်တယ်။ ခဏကြာတော့ အေးစက်နေတဲ့ ခြေတွေလက်တွေ နွေးတက်လာတယ်။ ဝိုင်ရဲ့ တန်ခိုးဆိုတာ ဒါကိုပြောတာ။ အရမ်းအေးတဲ့ရာသီရောက်ရင် ဘယ်တော့မှ ဘီယာမသောက်ဘူး။ ဝီစကီနဲ့ ဝိုင်သာ ချလိုက်ရင် အရမ်းကိုနေလို့ ထိုင်လို့ ကောင်းတယ်။

ဝိုင်သောက်တာနဲ့ အရက်သောက်တာ ဘယ်ဟာက ပိုပြီး အနရာယ်ဖြစ်လဲဆိုတော့ အရက်ကပိုပြီးဖြစ်တယ်။ အရက်က အဟာရမရှိဘူး။ ဝိုင်က အဟာရရှိသလို ဈေးလည်းပေါတယ်။ စပျစ်သီးရည်ဆိုတော့။ နောက်ပြီး ဝိုင်က နှလုံးရောဂါဖြစ်နိုင်ခြေကို ကာကွယ်ပေးတယ်။ အန္တရယ်ရှိတဲ့ ကိုလက်စထရောကို ဝိုင်က သတ်ပေးတယ်။ အန္တရာယ်မရှိတဲ့ ကိုလက်ထေရော အားကောင်းလာအောင် ပံ့ပိုးတယ်။ ခြုံပြီးပြောရရင် ဝိုင်က ကျန်းမာရေးအတွက် အထူးကောင်းတယ်။ မူးလည်းမူးတယ်။

အရက်ကတော့ သိတဲ့အတိုင်းပဲ။ ဒါပေမဲ့ ကျနော်က ဒါကိုမှ ပိုပြီး ချစ်တယ်။ ခပ်ကြမ်းကြမ်းလေးဆိုတော့။

အပေါ်က ဟာကို ဆက်ရအောင်။ ဝိုင်ပုလင်းနဲ့ ဆမ်ဆောင်ဂလက်ဆီ အက်စ်တူးကို ဖွင့်ပြီး အီးမေးဖတ်လိုက်။ သတင်းဖတ်လိုက်။ ဟိုကြည့်ဒီကြည့်နဲ့ အမြည်းလုပ်ရတယ်။ အလုပ်က ပြန်လာချင်း ရေမချိူးအားသေးဘူး။ စားစရာထမင်းဟင်းကလည်း အဆင်သင့် ဇနီးသည်က ချက်ထားတယ်။ ထမင်းစားပွဲဝိုင်းကိုလှမ်းကြည့်လိုက်တော့ ငပိရည်တစ်ခွက်နဲ့ မျှစ်ပြုတ်တွေက ပြူးနေတာပဲ။ ဒါကို ကြည့်ပြီး ကျနော်တစ်ချက်ပြုံးမိတယ်။ ဗမာဆိုတော့ ငပိမပါရင် မပြီးဘူးမှတ်လား။

ဝိုင်ရယ် အင်တာနက်ရယ် ခလေးနဲ့ မိန်းမရယ်.....သူတို့ အားလုံးက အကုန်လုံး ကွန်ပြူတာပေါ်မှာပဲ အပျင်းဖြေကြရတဲ့ ဘဝ။

လွန်ခဲ့တဲ့ ၁၆-နှစ်က ကျနော်ရယ်၊ အမေရယ်၊ အဖေရယ်.....အားလုံးသော မိသားစုတစ်စုလုံး ဒီလိုအချိန်မှာ ငါးကန်က ရလာတဲ့ငါးတွေကို အကြေးခွံခွာ၊ ဆားနယ်၊ ပြီးတာနဲ့ ပိုတဲ့ဟာကို မနက်ပိုင်းမှာ ရောင်းဖို့ ပြင်ကြရတယ်။ နေ့လည်က အမေချိူထားတဲ့ မျှစ်တွေကလည်း အိုးထဲမှာ ပြုတ်ပြီးသား။ ကျနော့်ကိုယ်တစ်ခုလုံးလည်း ဗွက်တွေနဲ့ ပေရေလို့ ။ အဖေကတော့ မှောင်လာပြီဆိုတော့ ဘီအီးတစ်ပိုင်းရယ် ငါးခြောက်ကြော်လေးနဲ့ ဇိမ်ယူနေတယ်။ အဲဒိတုန်းက ကျနော်အထက်ကပြောတဲ့ အိုင်ပတ်တူး၊ ဆန်ဆောင်ဂလက်ဆီအက်စ်တူး၊ လက်တော့ကွန်ပြူတာ၊ အင်တာနက်၊ ဖလက်တီဗွီ၊ဆိုဖာခုံ၊ ကိုယ်ပိုင်မော်တော်ကား၊ ဂျက်လေယျာဉ်စတဲ့ စကားလုံးတွေကို ကြားတောင်မကြားမိပါဘူး။ စိတ်ကူးယဉ်ဖို့ အတွက်လည်း ဗဟုသုတမရှိခဲ့ဘူး။ တစ်နေ့ လုပ်မှ တစ်နေ့ စားတွေဆိုတော့။ ပျည်ထောင်အိမ်အစုတ်လေးပေါ်မှာ မိသားစု ခုနှစ်ဦး ကျပ်ကျပ်တည်းတည်းနဲ့ ပေါ့။ နောက်ဘေးက စဥ့်အိုးထဲမှာ ရေချိူးရတယ်။ ဒီလိုမျိူး။

အခုကြတော့ တစ်ခါမှ စိတ်ကူးမယဉ်ခဲ့တဲ့ဘဝကို ပိုင်ဆိုင်နေရပါပြီ။ ဝိုင်လေး လေးငါးခွက်ရလာတော့ နဲနဲရီဝေလာပြီး အတွေးကလည်း လင်းလာတော့ ဒီစာကို ကောက်ကာငင်ကာရေးမိပါတော့တယ်။

နောက်ဆုံးတော့ ဘဝဆိုတာက ကိုယ်ဖြစ်ချင်တိုင်းလည်း မဖြစ်ရပါဘူး။ အချိန်တန်ရင်တော့ သူ့ ဟာသူ ဖြစ်သွားတာပါပဲ။ ပျော်တဲ့နေရာမှာလည်း မနေရဘူး။ တော်တဲ့နေရာမှာပဲ ကြီးပျင်းရအုံးမှာပေါ့လေ။

အားလုံးသောလူတိုင်း ပျော်ရွှင်ကြပါစေ။

View My Stats