ကားတင်သွင်းခွင့် နှင့် စက်သုံးဆီဆိုင်များ ပုဂ္ဂလိက လုပ်ခွင့်ပေးမည်
ဦးတေဇ ၏ ထူးကုမ္ပဏီက အထက်မြန်မာပြည်ရှိ အစိုးရစက်သုံးဆီဆိုင်များကို တရားဝင် လွှဲပြောင်းရယူရန်ရှိပြီး မြန်မာ တပြည် လုံးရှိ အစိုးရ စက်သုံးဆီဆိုင်အများစုကိုလည်း ပုဂ္ဂလိကလုပ်ကိုင်ခွင့် လိုင်စင်များ ချထားပေး၍ လွှဲပြောင်းရောင်းချရန်ရှိကြောင်း သိရသည်။
ရန်ကုန်ရှိ အစိုးရ ဓာတ်ဆီဆိုင်တစ်ဆိုင် (ဓာတ်ပုံ - Reuters)
“ပုဂ္ဂလိက ဆီဆိုင်တွေဖွင့်ခွင့်ပေးမယ့်သတင်းကြောင့် စီးပွားရေး လောကမှာတော့ တော်တော်လှုပ်လှုပ်ရှားရှားဖြစ်နေတယ်။ ကမ္ဘာ့လောင်စာဆီဈေးကွက်နဲ့ တပြေးညီသွားမယ့် ပုံရှိတော့ ဒေါ်လာဈေး၊ရွှေဈေး ချက်ချင်းတက်တယ်”ဟု ၎င်းက ဆိုသည်။
ယမန်နေ့က အမေရိကန် တဒေါ်လာ ၁၀၁၅ ကျပ် မှ ၁၀၂၅ ကျပ်သို့ လည်းကောင်း၊ FEC တယူနစ် ၁၀၅၀ ကျပ်မှ ၁၀၆၂ ကျပ်အထိ လည်းကောင်း ထိုးတက်သွားကြောင်း သိရသည်။
“ကုမ္ပဏီ ဆီဆိုင်တွေကြောင့် ဒေါ်လာ၊ FEC ၀ယ်သူ များလာမှာမို့လို့ ဈေးတက်တာ၊ ကြိုပြင်ကြတဲ့ သဘောပဲ”ဟု ရန်ကုန်မြို့မှ နိုင်ငံခြားငွေလဲဒိုင်တဦးက ပြောသည်။
စစ်အစိုးရက ပုဂ္ဂလိကလုပ်ငန်းရှင်များ ဒီဇယ်ဆီတရားဝင်လွတ်လပ်စွာ တင်သွင်းခွင့်ကို ၂၀၀၉ ခု နိုဝင်ဘာလ တွင် စတင်ခွင့်ပြုခဲ့ သည်။ ယခုတဖန် စက်သုံးဆီအရောင်း ဆိုင်ဖွင့်လှစ်ခွင့်နှင့် တရားဝင် ရောင်းဝယ် ဖောက်ကားခွင့်ပြုခြင်း ဖြစ်သည်ဟု သိရှိရသည်။
ယင်း စက်သုံးဆီတင်သွင်းရာ၌ အရေးပါသည့် ပို့ကုန်ဝင်ငွေဈေးသည် ယမန်နေ့က အမေရိကန် တဒေါ်လာလျှင် ၁၁၃၅ ကျပ်ဝန်း ကျင်ရှိရာမှ ယနေ့ နံနက်တွင် တဒေါ်လာ ၁၁၄၅ ကျပ်သို့ ရောက်ရှိသွားကြောင်း ရန်ကုန် ပို့ကုန်ဝင်ငွေပွဲစားတဦးက ပြောသည်။
ထိုသို့ ဒေါ်လာ ဈေးတက်သောကြောင့် ယမန်နေ့က ပြည်တွင်းရွှေဈေးသည်လည်း အကယ်ဒမီ အခေါက်ရွှေ တကျပ်သား ၆၁၀၀၀၀ ကျပ် မှ ၆၁၂၅၀၀ ကျပ်သို့ ရောက်သွားပြီး ယခင်ကထက် ရွှေ ၀ယ်သူများလာကြောင်း သိရှိရသည်။
“ဈေးလည်းတက်တယ်။ ၀ယ်သူလည်းများတယ်။ ဒေါ်လာဈေးကဆက်တက်ဦးမယ့်ပုံ ရှိတော့ ရွှေဈေး ဆက်တက် ဦးမယ်”ဟု ရန်ကုန် ရွှေကုန်သည် တဦးကပြောသည်။
အဆိုပါ ပုဂ္ဂလိကဆီဆိုင်များဖွင့်ခွင့်ပြုမည့်သတင်းနှင့်အတူ ပြည်တွင်းသို့ ခေတ်မီဇိမ်ခံ ကားများ လွတ်လပ်စွာ တင်သွင်းခွင့်ပြုရန် ရှိသည် ဟူသော သတင်းများလည်း ထွက်ပေါ်နေသည်။
ပြည်တွင်း ပုဂ္ဂလိက အကောက်ခွန်ရှင်းလင်းရေး ကိုယ်စားလှယ် တဦးက“အခု ခရီးသည်တင်ကားနဲ့ စက်ယန္တရားတွေ တင်သွင်း ခွင့်ပြုထားတယ်၊ အိမ်စီးဇိမ်ခံကားတွေလည်း တင်သွင်းခွင့်ပြုတော့မယ်လို့ ကြားတယ်”ဟု ပြောသည်။
စီးပွားရေးပညာရှင်တဦးက ထိုသို့ အစိုးရထိန်းချုပ်သည့် စီးပွားရေးလုပ်ငန်းများအား ပုဂ္ဂလိက ကဏ္ဍသို့ လွှဲပြောင်းပေးမှုကို ကြိုဆိုကြောင်း၊ ဈေးကွက်အတွင်းရှိ ပုဂ္ဂလိက စီးပွားရေးပြိုင်ဆိုင်မှုသည် နိုင်ငံစီးပွားရေးကို မောင်းနှင်မည့်အားများဖြစ်ပြီး တိုင်းပြည်စီးပွားရေးကို တိုးတက်စေမည်ဖြစ်ကြောင်း သုံးသပ်ပြောသည်။
“ဈေးကွက်စီးပွားရေးစနစ်ရဲ့ အခြေခံတွေကို အခုမှတကယ်အကောင်အထည်ဖော်တာ။ သီအိုရီ အရပြောမယ်ဆိုရင် ဒါတွေက ပုဂ္ဂလိကကဏ္ဍကို ဟိုးအရင်ကတည်းက လွှဲသင့်တာ။ ဈေးကွက်မှာ ပြိုင်ဆိုင်မှုများရင် လူတွေမှာ ရွေးချယ်မှုများလာမယ်။သူ့ထက်ငါ ပြိုင်ဆိုင်မှုများရင် တိုးတက်မှုရှိမယ်။ အဓိကအရေးကြီးတာက အစိုးရတရပ်ဟာ ပုဂ္ဂလိက စီးပွားရေးသမားတွေအားလုံးကို အခွင့် အရေး တန်းတူပေးရမယ်”ဟု သူက ပြောသည်။
မကြာသေးခင်ကလည်း စစ်အစိုးရက ပုဂ္ဂလိက ဆန်စပါးရောင်းဝယ်ရေးလုပ်ငန်းများဖွံ့ဖြိုး တိုးတက်လာရန် မြန်မာနိုင်ငံဆန်စပါး လုပ်ငန်းအသင်းကို တရားဝင် ဖွဲ့စည်းခွင့်ပြုထားသည်။
