ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

1/21/10

သြစတျေးလျမှာ အသက်ရှင်ဖို့ကုန်ကျစရိတ်

တောထဲမှာ နေတာမဟုတ်တော့ အကုန်အကျများတယ်။ လစာက တစ်ပတ်ကို ဒေါ်လာ ၆၀၀ ရတယ်။ အောက်က ကုန်ကျစရိတ်ကတော့ ကျနော်အိမ်ရဲ့ ကုန်ကျစရိတ်တွေပဲဖြစ်ပါတယ်။

သြစတျေးလျမှာ နေတိုင်း ချမ်းသာတဲ့လူမဟုတ်ပါဘူး။ အထင်မကြီးကြဖို့ပါ။ မရောက်ဘူး၊ မမြင်ဘူး၊ မနေဘူးတဲ့လူတွေကတော့ မသိပါဘူး။ နိုင်ငံခြားသွားတိုင်း တခါတည်း ချမ်းသာတယ်ဆိုရင်တော့ ကောင်းပါတယ်။ မြန်မာလူမျိုးတွေအယုံလွယ်ပါတယ်။ အထင်ကြီးလွယ်တယ်။ ကဲ့ရဲ့ လွယ်တယ်။ ဒါမျိုးတွေမဖြစ်အောင် အခုလိုရေးပါတယ်။

သြစတျေးလျမှာ ငွေအနည်းငယ်စုပြီး မြန်မာပြည်ကိုအလည်သွားတဲ့လူ၊ ထိုင်းကိုသွားလည်တဲ့ သူတွေ ခင်ဗျာ..စွတ်ပီးအထင်ကြီးခံရတယ်။ သြစတျေးနိုင်ငံကနေ လာတာပဲ...။ သူဌေးဆိုတဲ့ အထင်ကြီးမှုကို ရှောင်ကြပါ။ မြန်မာပြည်က အမျိုးတွေကလည်း မရောက်ဘူးတော့ မသိဘူး။ တွေ့ရင် အသေတောင်းဖို့လောက် ရှိတယ်။ ဖုန်းတောင်မဆက်ရဲတော့ဘူး။ သတိရလို့ဖုန်းဆက်တာ၊ ပိုက်ဆံပဲတောင်းနေတော့ မဆက်တာပဲ ကောင်းပါတယ်။

သြစတျေးနိုင်ငံမှာ အကြွေးတွေဗလပွ၊ တောင်းစားနေတဲ့သူတွေ၊ ခိုးစားနေတဲ့သူတွေ၊ အရက်သမားတွေ၊ လူသတ်သမားတွေ၊ အိမ်မရှိရာမရှိသူတွေ တပုံကြီး ရှိပါတယ်။

ပြည်တွင်းကအိမ်တစ်အိမ်ဟာ သြစတျေးလျက အိမ်တစ်အိမ်လောက် အလုပ်မရှုပ်ဘူး။ ခေါင်းမစားဘူး။ မလေးရှား၊ စကာင်္ပူတွေအလုပ်သွားလုပ်တဲ့အလုပ်သမားတွေ ကျောချစရာနေရာရှိရင် သူတို့အတွက်အဆင်ပြေ တယ်။ သြစတျေးလျနိုင်ငံမှာ အမြဲနေထိုင်တဲ့လူတွေကတော့ အောက်ကအတိုင်း ငွေပေးနိုင်မှ လူပီသတယ်။

Life Insurance (အသက်အာမခံ)

လုပ်ချင်လည်းရတယ်။ မလုပ်ချင်လည်းရတယ်။ ကိုယ်သေရင် နောက်က မိသားစုတွေကောင်းစားတယ်။ ဒီ အာမခံရှိရင်။ ကုန်ကျစရိတ်က တလကို ဒေါ်လာနှစ်ဆယ်လောက်ပဲ။ လျှော်ကြေးပြန်ရရင် ဒေါ်လာသန်းနဲ့ချီပြီး ရတဲ့လူတွေလည်းရှိတယ်။


Car Insurance
တနှစ်ကို ကားပေါ်မှုတည်ပြီး အကုန်အကျများတယ်။ ဥပမာ တစ်သောင်းတန်ကား ဆိုရင် Full Insurance အတွက် ဒေါ်လာ ၇၀၀ နီးပါးရှိတယ်။ မဖြစ်မနေလုပ်ရှိရမယ့်အရာဖြစ်တယ်။

Dental Insurance
မိသားစုတခုလုံးအတွက် အရမ်းအရေးကြီးတယ်။ တနှစ်ကို ဒေါ်လာ ၄၀၀ လောက်ကုန်တယ်။ သွားအတွက် ကုန်ကျစရိတ်က သြစီမှာ အရမ်းရေးကြီးတယ်။

Car Rego
ကားနံပါတ်ပြားအတွက်ပေးရတဲ့စရိတ်ဖြစ်တယ်။ တနှစ်ကို ဒေါ်လာ ၅၀၀ နီးပါးပဲ။ မပေးရင် ကားမောင်းလို့မရဘူး။ ကားမရှိရင် အလုပ်မရှိဘူး။

Petrol
ကားဓာတ်ဆီက တစ်ပတ်ကို မောင်းရင်မောင်းသလို ကုန်တယ်။ အများအားဖြင့်တစ်ပတ်ကို ၄၀ တော့ကုန်တယ်။

Ambulance Insurance(လူနာတင်ကား အာမခံ)
မလုပ်ထားရင် ရုတ်တရက် အရေးပေါ်ဖြစ်ရင် သေပြီသာမှတ်။ တခါခေါ်ရင် ၄၀၀ ကျော်ကုန်တယ်။


Phone Bill
တလကိုအနည်းဆုံး ဒေါ်လာ ၇၀ ကုန်တယ်။

Mobile Phone
တလကို အနည်းဆုံး သုံးဆယ်ကုန်တယ်။

Water Bill
တနှစ်ကို ဒေါ်လာ ၂၀၀ နီးပါးရှိတယ်။

Electricity Bill
တနှစ်ကိုဒေါ်လာ ၃၀၀ နီးပါးကုန်တယ်။

Gas Bill
တနှစ်ကို ၃၀၀ နီးပါးကုန်တယ်။

Foods
တစ်ပတ်ကို ကျနော့်အိမ်ဆိုရင် ၁၀၀ မရှိရင် ငတ်ပြီသာမှတ်။

Clothes
အကောင်းစားတခါမှ မ၀ယ်ဘူးတော့မသိဘူး။ ဈေးပေါတာကို ဆွဲတယ်။ အများဆုံးတစ်ထည်ကို ၁၀ တန်ပဲဝတ်တာများတယ်။

Family Assistance
အမေ၊အဖေ၊ မောင်နှမတွေကို တလကို ၁၅၀ လောက်တော့ကုန်တယ်။ ပြည်တွင်းကိုပေးရတာနော်။

Donation

ဘုန်းကြီးကျောင်းတွေကို လှူရတယ်။ တခါတလေ အနည်းဆုံး ၅၀ ပဲ။

Beers
ချတယ်။ ကုန်တယ်။ တလကို ၁၀၀ အနည်းဆုံး။

ဆေးလိပ်
တစ်ပတ်ကို နှစ်ဘူးတော့ကုန်တယ်။ တစ်ဘူးကို ၁၂ ဒေါ်လာ။

နွားနို့
မရှိရင် ခလေးတွေ မကြီးတော့ဘူး။ တစ်ပတ်ကို ၂၀ အနည်းဆုံးပဲ။

Nappie
ခလေးသေးသေးလေးတွေအတွက် မရှိမဖြစ်။ တလကို ၄၀ လောက်ဒိုးတယ်။

ကျောင်းစရိတ်
အစိုးရကျောင်းမှာထားတော့ ၂၀ ပဲကုန်တယ်။ တနှစ်ကို။ ဖင်ယားတဲ့ မိသားစုတွေကတော့ Private ကျောင်းမှာထားတယ်။ တနှစ်ကို ၄၀၀၀ လောက်ကုန်တယ်။

စာအုပ်ဖိုး
ပါးပါးလေးပါ။

သန့်ရှင်းရေးပစ္စည်းများ
မရှိရင် အိမ်ကိုဘာနဲ့သန့်ရှင်းရေးလုပ်မလဲ။ ပါးပါးလေးပါ။

အင်တာနက်ဖိုး
တလကို ၇၀ ကုန်တယ်။ မရှိရင် ဘလော့ဂ်ပေါ်ကနေ သူများတွေကို ဆဲလို့မရဘူး။ အင်တာနက်က မိန်းမထက် ပိုကောင်းတယ်။ အဖော်ရတယ်။

Funeral Insurance (အသုဘ အာမခံ)
အသက်ကြီးလို့သေသည်ဖြစ်စေ၊ ငယ်လို့သေသည်ဖြစ်စေ အသုဘ အာမခံမရှိရင် ကျန်ရစ်သူမိသားစု အကြွေးလည်ပင်းခိုက်ပီ။ အသုဘတခါချရင် ၁၅၀၀၀ အနည်းဆုံး။သြစီမှာ ဦးကျော်သူမရှိတော့ လုပ်ထားရတယ်။

Car Servicing
တနှစ်ကို နှစ်ခါတော့ လုပ်ရတယ်။ တခါလုပ်ရင် ၁၂၀ ကုန်တယ်။ မလုပ်ရင် ကားက မပြေးတော့ဘူး။

Rent (အိမ်လခ)

တစ်ပတ်ကို ၃၀၀ ပေးရတယ်။ လမ်းဘေးမှာ ပုခတ်ဆွဲပီး အိပ်လို့ရတဲ့ ရာသီဥတုမဟုတ်တော့ စုထားရတယ်။

ရတဲ့လစာက တပတ်က ၆၀၀ နဲ့ ၇၀၀ ကြားမှာရှိတယ်။ အိမ်နောက်ဖေးမှာ ချဉ်ပေါင်ပင်စိုက်ထားရတယ်။ ဘူးပင်ရှိရတယ်။ တခါတလေ ငပိရည်နဲ့စားရတယ်။ ဟိုပေးဒီပေး နောက်ဆုံးအရက်သမားဖြစ်တဲ့လူတွေ၊ အိမ်ထောင်ကွဲတွေတပုံကြီးဖြစ်လာတယ်။ ရှာလေကုန်လေ။ ကျားကြီးခြေရာကြီးလေ။ ဒါ့ကြောင့် သြစတျေးလျ၊ အမေရိက၊ ဂျပန် အထင်မကြီးကြပါနဲ့...။ စိတ်ချမ်းသာတဲ့နေရာ၊ ပျော်စရာရှိတဲ့နေရာဆိုရင် ဘ၀အတွက် လုံလောက်ပါပြီ။

No comments:


View My Stats