ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

2/3/10

အမေနဲ့ရွာကိုလွမ်းတယ်

ကျနော့်အဖေစစ်သားချစ်သလားတော့မမေးနဲ့ - အပိုင်း ၄

အဖေက ရဲဘော်ဘ၀ထဲက တပ်ထဲမှာစပြီးတာဝန်ထမ်းတယ်။ တစ်ကြပ်ကြီးဘ၀ အထိ။ အမေနဲ့အိမ်ထောင်ကျတုံးကလည်း တပ်ထဲမှာဖြစ်တယ်။ ကျနော့်ကိုမွေးတော့လဲတပ်ထဲမှာ။ ညီအငယ်ဆုံးကိုလည်းတပ်ထဲမှာမွေးတယ်။

တပ်ထဲမှာ ကြီးပြင်းခဲ့ရတာဆိုတော့ တခါတလေ လူတွေနဲ့ဆက်ဆံရေးမှာလည်း စစ်သားသားသမီးပီပီ၊ တပ်စိတ်တော့ပေါက်တယ်။ အမိန့်နာခံတက်တဲ့အကျင့်က အဖေတင်မဟုတ်ဘူး ကျနော်တို့မှာတောင် စွဲနေတယ်။ ဥပမာ...မင်း..ဒီနေ့ လုပ်အားပေးလုပ်ရမယ်။ ဘယ်နေရာမှာ ခြုံခုတ်ရမယ်ဆိုတာကိုသာ အတိအကျပေး ဘာမှမစဉ်းစားပဲလုပ်တက်တဲ့အကျင့်ဖြစ်နေတယ်။

ဒါက စစ်သားတွေတင်မဟုတ်ဘူး၊ သူတို့ရဲ့ မိသားစုတွေပါ အမိန့်နာခံတက်တယ်။ တနေ့တနေ့တပ်ထဲမှာ ကစား၊ ကျောင်းတက်ဆိုတော့ အပြင်လောကလူတွေကိုတောင် အထင်ကြီးတဲစိတ်မရှိဘူး။ စစ်သားက ပိုမြင့်မြတ်တယ်ဆိုတဲ့စိတ်ကစွဲနေတယ်။ ဘာ့ကြောင့်လဲဆိုတော့ သူတို့က အသက်တောင်အသေခံပြီးတိုင်းပြည်အတွက် ကာကွယ်ရတာမဟုတ်လား။

မြန်မာ့အသံက တပ်မတော်နေ့တွေဆိုရင် စစ်ကားလွှင့်ပေးတယ်။ စစ်ကားလောက် ကြည့်လို့ကောင်းတဲ့ရုပ်ရှင်မရှိဘူး။ ဒါမျိုးအထိ စစ်တပ်နဲ့ပက်သက်ပြီး အထင်ကြီးတယ်။ နောက်ပီး ဗိုလ်ကြီး၊ ဗိုလ်မှုးဖြစ်ရတာကို ဂုဏ်ယူတက်တယ်။ အထင်ကြီးတဲ့စိတ်ကလုံးဝပဲ။ သူတို့က ကိုယ့်ထက်မြင့်မြတ်တဲ့ဆိုတဲ့စိတ်က ကြီးစိုးနေတာလားမသိဘူး။ နောက်ပိုင်း နိုင်ငံရေးထဲရောက်မှ အထင်ကြီးတဲ့စိတ်လုံးဝ ပျောက်သွားတဲ့။ သူတို့ဘ၀နဲ့အပြင်အရပ်သားဘ၀ကို ချင့်ချိန်တက်လာလို့လားမသိဘူး။

ဘ၀ပေးကုသိုလ်ကံပေါ့လေ

စားဝတ်နေရေးအတွက်ကတော့တပ်ထဲစစ်သား၊ မိသားစုတွေအားလုံးကတော့ သိတဲ့အတိုင်း မငတ်ယုံတမယ်။ ထမင်းစားရရုံလေးပါ။ ဟင်းကောင်းကောင်းဆိုတာ တခါတရံ တပ်ထဲက ငါးကန်သိမ်းတော့မှ စားရတာများတယ်။ ကျက်သား၊ ၀က်သား၊ အမဲသား တပတ်တခါစားရရင်ကံကောင်း။ တခါလားလည်း ငပိရည်ကျဲကျဲ၊ ငရုတ်သီးမှုန့်နဲ့အချိုမှုန့်မပါတဲ့ရက်တောင် ရှိတယ်။

တပ်ထဲမှာ သရက်သီး၊ ပိန်းနဲသီးစတဲ့အပင်ပေါင်းစုံများတယ်။ ဒီအသီးတွေကတော့ ကျနော်တို့အတွက် အဓိကဟင်းလျှာပဲ။ သရက်ကင်းကိုငပိရည်နဲ့တို့တယ်။ သရက်ညွန့်ကိုအစိမ်းတို့စားတဲ့အရသာ ဒီနေ့အထိသတိရတုံး။ သရက်သီးကြီးလာရင် သုတ်စား၊ ငပိချက်လုပ်။ အချည်တည်တယ်။ အခြောက်လှမ်းတယ်။ ဒီလိုမျိုး တန်ဖိုးကြီးတဲ့အပင်က တပ်ထဲမှာအများကြီးဆိုတော့ မငတ်ဘူး။ ပိန်းနှဲသီးလား။ ပိန်းနှဲကင်းကိုပြုတ်တို့တယ်။ ကြီးရင် ချက်စားတယ်။ မှည့်ရင်စားတယ်။ အမျိုးမျိုးလုပ်စားလို့ရတော့တန်ဖိုးရှိတယ်။

ငါးကန်ဘေးနားမှာပေါက်တဲ့ကန်စွန်းရွက်ကတော့ အမြဲတန်းလိုလို။ တပ်ဘေးမှာ မိုးရာသီဆိုရင် မျှစ်တွေထွက်တယ်။ မျှစ်တူးတယ်။ ပိုတဲ့ဟာကိုရောင်းတယ်။ မိုးရာသီဆိုတော့ ငါးတွေထွက်တဲ့အချိန်လေ။ ငါးပတ်၊ ငါးမျှား၊ ငါးရှဉ့်ထောင်တာကတော့ နေ့တိုင်းလုပ်တယ်။ ဒီလိုမျိုးရှာဖွေစားသောက်ရတယ်။ ကျနော်ဆိုရင် ငါးပက်၊ ငါးမျှားတာကို သြစတျေးလျမှာနေတဲ့အထိ ၀ါသနာအရမ်းပါတယ်။ ဘ၀ကသင်ပေးလိုက်တာဆိုတော့ အလိုအလျှောက်ဝါသနာပါတယ်လို့ပြောလို့ရလား။ ၀ါသနာမပါလည်း ဒီလိုအလုပ်တွေကို မဖြစ်မနေလုပ်ရဖို့အတွက် ကျနော်တို့ဘ၀က ပြဌာန်းသားပြီးသားလေ။ ဒါကို ဘ၀ပေးကုသိုလ်ကံလို့ပဲ သတ်မှတ်တာပေါ့။

တပ်တွင်းအပန်းဖြေစရာ


TV ကြည့်ဖို့အတွက်ဆိုရင် သူများအိမ်ကိုပြေးရပြီ။ လက်မ နှစ်ဆယ်လောက်ရှိတဲ့ TV တစ်လုံးကို လူအယောက်ငါးဆယ်လောက်ဝိုင်းကြည့်တယ်။ အိမ်ရှင်ကကြိုက်လားမကြိုက်လားမသိ။ မရှိတော့လည်း စစ်သားသမီးတွေဆိုတော့ အောက်ကျနောက်ကျခံပြီးကြည့်ရတယ်လေ။ ပိုင်ရှင်ကတော့ မျက်နှာပွင့်သား။ TV တလုံးပိုင်တဲ့လူက သူဌေးတစ်ယောက်လို မျက်နှာပွင့်သားဗျ။

ဒီလိုစုပေါင်းပြီးကြည့်ရတဲ့အရသာက ကိုယ့်အိမ်မှာ ကိုယ်ပိုင်တဲ့ TV ကိုတစ်ယောက်ထဲထိုင်ကြည့်ရတဲ့အရသာထက်ပိုကောင်းတယ်။ ရီစရာရှိရင် အားလုံးဝိုင်းရီရတယ်။ ပြောင်စရာရှိရင် တစ်ယောက်နဲ့တယောက်ပြောမနာဆိုမနာ။အဖော်များတော့ ပိုပျော်စရာကောင်းတယ်။

မီးပျက်တဲ့အခါနဲ့ကြုံပီးဆိုရင်တော့ မီးပြင်တဲ့တစ်ကြပ်ကြပ်ကြီးဗိုက်ပူတော့ထိပြီ။ အားလုံးဝိုင်းဆဲကြပေါ့။ သူ့ခဗျာလည်း ညဖက် မီးပျက်လည်း ၀ါးလုံးရှည်နဲ့ ၀ါးလှေခါးအစုတ်ကြီးကိုထမ်း။ တပည့်ကျော် ငပိန်ကိုခေါ်ပီး မီးစက်ကိုပြေးရတာအမော။ အိုဗာတိုင်ကြေးရတယ်လို့တော့မထင်နဲ့။ သူပြန်လာလို့၊ မီးလာပြီဆိုရင် TV ကြည့်နေတဲ့ လူအုပ်ကြီးက ကောင်းချီးသြဘာပေးတော့ သူ့ခဗျာ မောရမှန်းမသိ ပိတိဖြစ်ရတာချည်းပဲ။

ဗွီဒီယိုရုံ

ဗွီဒီယိုကြည့်ဖို့အတွက် တပ်ရင်းမှာ တပ်ရင်းရံပုံငွေ ဗွီဒီယိုဆိုင်ရှိတယ်။ ဓမ္မာရုံအဟောင်းကြီးကို ဗွီဒီယိုရုံလုပ်ထားတာ။ ညဖက်ဆိုရင်ဗွီဒီယိုပြတယ်။ နေ့ဘက်ဆိုရင် အစည်းအဝေးလုပ်တယ်။ တရားစာသင်တယ်။ ညနေပိုင်းဆို ဒီဗွီဒီယိုရုံကြီးမှာ ဓမ္မာစကြာရွတ်။ တော်တော်တော့အလုပ်ဖြစ်သားဗျ။

ညနေပိုင်း ဗွီဒီယိုပြပီးဆိုရင် မပြခင်ကတည်းက ဓမ္မာရုံရှေ့ မှာ ကာလသားတွေ၊ အပျိုတွေ၊ ရဲဘော်လူပျိုတွေ၊ ခလေးတွေ၊ မုန့်ဟင်းခါးအသုတ်စုံ၊ ကွမ်းယာဆိုင် တော်တော်စုံလင်တယ်။ တနေ့တာပင်ပန်းထားသမျှဗွီဒီယိုရုံမှာ အမောဖြေရတယ်လေ။ ဗွီဒီယိုပြတဲ့ တပ်ကြပ်အဆင့်ရှိ ဆရာကြီးကတော့ တော်တော်မျက်နှာပွင့်သား။ သူ့မယား၊ သူ့သမီးကတော့ အဖေ့ရဲ့ ပြစားရာထူးကြီးနဲ့ပက်သက်ပြီးတော်တော်လေး ဂုဏ်ယူတဲ့မျက်နှာထားနဲ့။ နေ့ပိုင်းဆိုရင်သူ့မျက်နှာကတမျိုး။ ညပိုင်း ဗွီဒီယိုပြပီးဆိုရင် သူ့မျက်နှာက သူ့လုပ်စာကိုအားလုံးက ထိုင်စားနေတဲ့မျက်နှာနဲ့ပေါ့ဗျာ။တော်တော်တော့ရီစရာကောင်းတယ်။ ကြည့်တဲ့သူတွေကလည်းအလကားမကြည့်ရဘူး။ တစ်ယောက်ကို နှစ်ကျပ်ပေးရတယ်။ ခလေးတစ်ကျပ်။ အပြာကားတော့ တပ်တွင်းဗွီဒီယိုရုံမှာမကြည့်ရဘူး။ ဓမ္မာရုံဆိုတော့ ငရဲကြီးမှာလေ။ တပ်တွင်းရံပုံငွေတော့ ရလားမရလားတော့မသိဘူး။ ဗွီဒီယိုပြစားဖို့တာဝန်ကြတဲ့ တစ်ကြပ်ကတော့ TV အသစ်ဝယ်နိုင်တယ်။

ကာရာအိုကေ

နေ့ကြီးရက်ကြီးတွေဖြစ်တဲ့၊ တပ်မတော်နေ့၊ လွတ်လပ်ရေးနေ့၊ လပြည့်နေ့တွေမှာ တပ်တွင်းမိသားစုတွေအားလုံးအတွက် ကာရာအိုကေရှိတယ်။ ယိုင်းအကရှိတယ်။ ကာရာအိုကေစက်ကတော့ Sony ကတ်ဆက်အကောင်းစားပေါ့။ အဲတုံးက တစ်သောင်းခွဲလောက်တန်တယ်။ ကတ်ဆက်မှာ မိုက်တပ်ပြီးဆိုလို့ရတယ်။ အမ်ပရီဖိုင်ရာနဲ့ ဂျိုင်းပီး၊ ဘုန်းကြီးကျောင်းက စောင်းပေါက်အကြီးကြီးနှစ်လုံးနဲ့ချိတ်လိုက်ရင် အသံဗြဲလရမ်းနဲ့ ကာရာအိုကေဖြစ်တယ်။ စတိတ်စင်ကိုတော့ တပ်ထဲက အမြဲတမ်းသုံးနေကြ လက်သမားဆရာတပ်ကြပ်ကြီးနဲ့ ရဲဘော်သစ်တွေကဆောက်ပေးတယ်။ ဆောက်ဖို့သစ်သား၊ ၀ါးကိုတော့ အမြဲတမ်းသုံးနေကြအဟောင်းတွေကိုပြန်သုံးတာများတယ်။ တပ်ထောက်မှာ ထားကြတယ်။ အသုဘအတွက်စင်ထိုးလဲ ဒီသစ်သားနဲ့ဝါး။ ဒီရွက်ဖျင်ဘဲ။ မင်္ဂလာဆောင်လည်း ဒါကိုပြန်သုံးတယ်။ အလှူလည်းဒါပဲအားထားရတယ်။ ချွေတာတော့မဟုတ်ဘူး ရှိကိုမရှိလို့။

ကာရာအိုကေနေ့မတိုင်ခင်မှာ ကျနော်တို့ကာလသားပေါက်စတွေ စုပြီးသီးချင်တိုက်ရတာ အရမ်းပျော်စရာကောင်းတယ်။ ထမင်းမေ့ဟင်းမေ့။ ငါတို့လောက် တပ်ထဲမှာဘယ်သူမှ အသံမကောင်းဘူးဆိုတဲ့ ဘ၀င်လေဟတ်တဲ့အထာမျိုးနဲ့။ ကိုယ်ငန်းနေတဲ့ကောင်မလေးတွေနဲ့ လက်ပွန်းတတီး သီးချင်တိုက်ရတာဆိုတော့ ရင်ထဲမှာ တလတ်လတ်နဲ့ မိုးကြိုးပစ်ခံတဲ့အရသာမျိုး။

ကာရာအိုကေ ကတ်ဆက်ကို ကိုင်ခွင့်ရတဲ့ တစ်ကြပ်ကြီးလူပျိုကြီးကလည်း ဆိုကြမယ်ပျော်ကြမယ်မှာတောင် ၀င်ဟဲထားတာဆိုတော့ သူ့နေရာနဲ့ သူ့ဝါသနာကိုတော့လူတွေက အထင်တော့ကြီးသားဗျ။ သူကလည်းသူ့ဆရာအားကိုးနဲ့ဘယ်သူ့မှ လူမထင်ဘူး။ သူ့ဆရာက တပ်ရေးဗိုလ်ကြီးလေ။ ကာရာအိုကေစက်ကိုင်ရတာကို သူ့ခဗျာ စီးပွားရေးဦးပိုင်လီမီတက်ကို ကိုင်ရသလိုမျိုး မျက်နှာကြောကခပ်တင်းတင်း။

ကျနော်တို့ကတော့ သူ့ကို စောက်ရှုးလို့နာမည်ပေးတယ်။ ဖွန်ကြောင်ဆိုပီး နောက်ကွယ်မှာခေါ်တဲ့သူငယ်ချင်းလည်းရှိတယ်။ ရှေ့ မှာခေါ်ရင် သီချင်းမဆိုရမှာဆိုးလို့။ ကျနော်တို့အိမ်တိုင်းမှာလည်း ကာရာအိုကေဆိုဖို့ ကတ်ဆက်မပြောနဲ့ ရေဒီယိုကောင်းကောင်းမရှိတဲ့လူက ခပ်များများလေ။သီချင်းဆိုချင်လို့ ဒီစောက်ရှုးဖွန်ကြောင်ကို ဖားရတယ်။ ယောကျာ်းလေးဆိုရင် ဒီငနဲက မျက်နှာသာမပေးဘူး။ မိန်းခလေးဆိုရင် တဟဲဟဲနဲ့ပွဲတော်တွေ့နေသလို။ ဘာဘဲဖြစ်ဖြစ် သူဆူတာခံလိုက်၊ ဆဲခံလိုက်နဲ့ ကာရာအိုကေ ဆိုဖို့နေ့မရောက်ခင်အထိ သီးချင်တိုက်ရတာကို အရမ်းသဘောကြတယ်။

ကာရာအိုကေဆိုကြပီ

ကာရာအိုကေဆိုကြပီးဆိုရင် တပ်မှုးကြီးနဲ့အရာရှိများ၊ သူတို့ရဲ့ မိသားစုများ အားလုံးရှေ့ ဆုံးမှာနေရာယူကြ။ ထိုင်ခုံကောင်းကောင်းနဲ့ရှု့ စားတော်မှုကြတယ်။ တပ်မှုးကြီး၊ ဒု-တပ်မှုကြီးရဲ့ ခုံအောက်မှာတော့ နိုင်ငံခြားဖြစ်ဝီစကီနဲ့ဗျာ။ ရှေ့ မှာ ရေပုလင်း၊ မြေပဲလှော်နဲ့။ မသိရင် မြဲပဲလှော်ထိုင်စားနေတဲ့ပုံမျိုး။ ခုံအောက်မှာတော့ ၀ီစကီ။ အားပါး..တယ်လည်းဇိမ်ကျတယ်ဗျာ။ အရာရှိတွေရဲ့ နောက်မှာ ဆရာကြီးတွေထိုင်တဲ့ထိုင်ခုံ။ ပြီးရင်တော့ အောက်ခြေရဲဘော်တွေအတွက် ရေမလောင်းထားတဲ့ ဖုန်တထောင်းထောင်းတန်းစီကွင်းလေ။ ဒါလည်းအားလုံးကပျော်ရွှင်နေတာပဲ။

ကျနော်တို့တစ်အုပ်ကတော့ ဖျော်ဖြေရေးသမားလေ။ ဖိုးဆိုချင်ဆိုတော့ ဘာမှမသိဘူး။ မထိုင်ရလည်းဘာမှမဖြစ်ဘူး။ သူ့အလှည့်ကိုယ့်အလှည့်ဆိုချင်လွန်းလို့ ရန်ဖြစ်ရတာလည်းအမော။ ဘေးမှာ အမှုးသမားရဲဘော်တွေက ထုံးစံအတိုင်းကွေးနေအောင် ကနေတာကို ထိမ်းဖို့ အာဒပီ(MP)ကလည်း အဆင်သင့်။ တပ်မှုးရှေ့ ကောင်းကောင်းထိန်းပြရင် ရာထူးတိုးဖို့၊ နေရာကောင်းရနိုင်တယ်ဆိုတော့ သူကလည်း ခပ်မိုက်မိုက်။ ဘယ်သူမှ လူမထင်ဘူး။ ဒီလိုနဲ့ဆိုကြပျော်ကြ။ တနေ့တာ အမောတွေကိုဒီလိုနဲ့အပန်းဖြေကြတယ်။ ကျနော်တို့အုပ်စုကလည်း ငါတို့လောက်သီချင်းဆိုကောင်းတဲ့ကောင် တပ်ထဲမှာဘယ်သူမှမရှိဘူးဆိုတဲ့အထင်ကြီးစိတ်မျိုးနဲ့။ ကာရာအိုကေတစ်ပွဲပြီးရင် တပ်ရင်းအချုပ်မှာ ရဲဘော်လေးငါးယောက်တော့အိပ်ရတယ်။ ပရိသတ်ကလည်း တပ်ထဲမှာရှိတဲ့ မိသားစုတွေပေါင်းရင် လူပေါင်း ၁၀၀၀ လောက်ရှိတော့ သူ့ပရိတ်သတ်နဲ့သူဟုတ်နေတာပဲ။ အပြင်လူဝင်စရာမလိုဘူးလေ။

ဒီလိုမျိုးတော့ညီတဲ့တပ်ပါဗျာ။

ဆက်ရန်-

မတင်ဖြစ်ပါ

တင်တော့တင်ချင်တယ်ဗျာ...သို့သော်..ကိုယ်ပေါင်ကိုယ်လှန်ထောင်းသလိုဖြစ်မှာကို စိုးရိမ်တယ်တယ်။ ကိုယ်တင်လိုက်လို့လည်း ကိုယ့်အတွက် ဘာမှ အကျိုးမထူးဘူး။ ဘေးက မနာလိုသူတွေလောက်ပဲ အကျိုးအမြတ်ရမှာမဟုတ်ဘူးလား။ ပွင့်လင်းတာကိုတော့ ကြိုက်တယ်။ ဒါပေမဲ့ဗျာ...ကိုယ့်ကြောင့် သူများတွေဒုက္ခမရောက်စေချင်ဘူး။ ဒီနေ့ပဲ ဒလိလုပ်လိုက်ပါပြီ။ အားပေးတဲ့သူတွေကို အထူးကျေးဇူးတင်ပါတယ်။

View My Stats