ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

12/26/08

ယုကိစံမှ အမှာစကား

ယုကိစံမှ အမှာစကား
(Message From YukoSan)
ဒေါက်တာခင်မောင်ညို

သြဂုတ်လ (၆) ရက်မှာ ကျွန်မဒီစာပို့လိုက်ပါတယ်။ မှတ်မိတယ်မဟုတ်လား။ အဲဒီနေ့ဟာ ကျွန်မတို့ ဂျပန်တွေအတွက် ကမ္ဘာပျက်တဲ့နေ့ပေါ့။ ကမ္ဘာ့လူသူားတွေအတွက်လည်း ကြောက်စရာကောင်းတဲ့ ခြိမ်းခြောက်မှု ကြီးရှိနေကြောင်းပြသတဲ့ နေ့တနေ့ပဲပေါ့။
ဟီရိုရှီးမားမြို့ အနုမြူဗုံးထိပြီး ယခုကဲ့သို့ ပြာပုံဘ၀ရောက်ခဲ့ရတယ်

ကျွန်မဒီစာကို ဂျပန်လူမျိုးတစ်ယောက်အနေနဲ့ခံစားပြီးရေးတာမဟုတ်ပါဘူး။ ကမ္ဘာ့လူသားတစ်ယောက် အနေနဲ့ ရေးတာပါ။ ဂျပန်လူမျိုးတွေရဲ့ ဆုံးရှုံးမှုကိုရေးတာ မဟုတ်ပါဘူး။ လူသားများဆုံးရှုံးမှုကိုရေးတာပါ။

ဒီအကြောင်းတွေကို ကျွန်မလိပ်ပတ်လည်အောင် ပြောပြမှရှင်းမှာပါ။ ကျွန်မတို့ဂျပန်ဟာအနုမြူဗုံးနှစ်လုံး အချခံရပြီး စစ်ရှုံးရပါတယ်။ ကျွန်မတို့ဘုရင်ဟာလည်း သူ့ကိုလူတွေယုံကြည်ထားသလို သူဟာနေမျိုးနတ် နွယ်မဟုတ်မဟုတ်ပါဘူး။ သာမန်လူသာလျှင်ဖြစ်တယ်လို့ကြေညာရတယ်။ ဒါတွေကြားတိုင်း၊ သတိရတိုင်း ရင်ထဲမှာဝမ်းနည်းရတယ်။

ကျွန်မငယ်ငယ်ကသမိုင်းသင်ခန်းစာတွေထဲမှာ ဂျပန်တွေဟာ မန်ချူးရီးယား၊ ကိုရီးယားတို့ကိုသိမ်းပိုက်နိုင် တယ်။ ရုရှတပ်မတော်ကိုလည်းအနိုင်တိုက်ခဲ့တယ်လို့သင်ခဲ့ရတယ်။ ဒါ့ကြောင့်သမိုင်းသင်တိုင်းမှာ ကျွန်မ စိတ်ဓာတ် တက်ကြွပါတယ်။

ဒါပေမဲ့ ကျွန်မတို့အသက်အရွယ်ကြီးရင့်လာတာနဲ့အမျှ ဂျပန်တို့စစ်ရှုံးကြောင်းကိုပိုသိလာရတယ်။ စစ်ရှုံးသူ တွေရဲ့ရင်ထဲဝင်ကြည့်ရင် သူတို့ဘယ်လောက်ခံစားရတယ်ဆိုတာသိလောက်တယ်။ ကျွန်မအဖေက ပြောပြ တယ်။ ဟီရိုရှီးမားမှာ အနုမြူဗုံးချတယ်။ လူတွေသိန်းချီသေတယ်။ နောက်သုံးရက်အကြာမှာ နာဂါစကီမှာ ဗုံးချ တယ်။ လူငါးသောင်းကျော်သေတယ်။ ဒဏ်ရာရတဲ့သူတွေလည်း အဲဒီလောက်ပဲရှိတယ်တဲ့။

အဖေက အဲဒီတုန်းက ငယ်ငယ်လေးပါ။အဖေတို့အိမ်က နာဂိုရာမှာပါ။ နာဂိုယာလည်း ဗုံးကြဲခံထိလို့ တစ်မြို့လုံးမီးလောင်ခဲ့တာပဲ။ ကျွန်မအရွယ်ရောက်လာတော့ စစ်ကိုမုန်းတယ်။ ရင်ထဲမှာ နာကျင် တယ်။ အထူးသဖြင့် အမေရိကန်တွေဘာကြောင့် အနုမြူဗုံးကြဲရသလဲ ဆိုတာကိုပေါ့။ ဒီအကြိတ်အခဲ ကိုချေဖို့ နှစ်စဉ်သြဂုတ်လရောက်တိုင်း ကျွန်မတို့ဆုတောင်းစာတွေပို့တယ်။ ကျွန်မတို့ရဲ့နာကြည်းချက် တွေကို ရေးသား ပေးပို့တယ်။ ဘယ်ကိုရောက်ရောက်ဘယ်ပေါက်ပေါက် တိုကျိုပင်လယ်အော်မှာ ပုလင်းတွေနဲ့ လည်းမျော ကြတယ်။ နိုင်ငံခြားတိုင်းပြည်တွေကိုတော့ ကျွန်မမတက်တတက်ရေးတဲ့ အင်္ဂလိပ် စာတွေကို စာစောင်တွေထဲက တွေ့တိုင်းလိပ်စာတွေကိုကူးပြီးပို့တယ်။

အချို့စာပြန်ပါတယ်။ ဒီနာကြည်းချက်တွေဟာမှန်သလား၊ မှားသလား။ ကျွန်မနည်းနည်းလေးအရွယ်ရလာ တော့စဉ်းစားဆင်ခြင်ကြည့်သေးတယ်။ ဒါပေမဲ့ အဖြေရှာမရဘူး။ ကျွန်မရဲ့ အကြိတ်အခဲကတော့ ပိုကြီးထွား လာတာပါပဲ။

မနှစ်က ကျွန်မ ၁၈ နှစ်မွေးနေ့မှာမှ ကျွန်မနားလည်းသွားတယ်။ အဲဒီနေ့မှာ အဘွားကခြေထောက်ဖြတ်ခံရ လို့ပဲ။ ဖြစ်ပုံက အဘွားမှာ ဆီးချိုရှိတယ်။ အဘွားကသိတယ်။ သို့သော်ဘာမှ မပြောဘူး။ တိတ်တဆိတ်ကလေး နေတယ်။ နောက်ခြေထောက်မှာ အနာဖြစ်ရာကခြေထောက်ပုတ်မှ အဖေတို့သိကြ တော့တယ်။ အဘွား ခြေထောက်ကိုဖြတ်တော့ ကျွန်မငိုလိုက်ရတာ။ မဖြတ်ကြပါနဲ့လို့ကျွန်မပြောတယ်။ ဒုက္ခိတအဘွားအိုကို ကုသပေး ဖို့နည်းလည်းမရှိတော့ဘူးလားလို့ ကျွန်မမေးတယ်။ အဖေက ‘သမီးရယ် မငိုပါနဲ့ ခြေထောက်ဖြတ်တာဟာ အသက်ဆုံးရှုံးတာထက်တော်သေးတာပေါ့’ တဲ့။နှစ်ပေါင်း ၅၀ ကြာပြီးနောက် ဂျပန်တွေ သူတို့မြို့ကိုအခုလို တည်ဆောက်နိုင်ခဲ့တယ်

ရက်တွေကြာလာတော့မှ အဖေ့စကားကိုသဘောပေါက်လာတယ်။ စွန့်လွှတ်ရတဲ့လူ့သဘာဝကို နားလည်မိ တယ်။ ဒီအခါမှာသည်းခံပြီး အကောင်းဆုံးကိုကြိုးစားရယူကြတာ သဘာဝကျပါတယ်။

ဒီတော့မှ စစ်သွေးကြွဂျပန်တွေရဲ့စစ်ကိုရပ်ဆိုင်းဖို့တိုင်းတစ်ပါးက အနုမြူဗုံးသုံးတာကို နားလည်သဘော ပေါက်မိတယ်။ကျွန်မနာကြည်းခါးသီးတဲ့ခံစားမှုတွေဟာ တစ်စတစ်စပျောက်ကွယ်သွားတယ်။ ဒီနှစ်စာမှာ တော့ ခါတိုင်းလိုမုန်းတီးခါးသီးတဲ့ စကားလုံးတွေမပါတော့ပါဘူး။ စာတွေကို ကျွန်မအီးမေးနဲ့ပို့တယ်။ အရင်နှစ်က စာတွေကလို ကျွန်မရေးတော့ပါဘူး။ ကျွန်မရဲ့စာကို အင်တာနက်မှာ ဖတ်မိကြတဲ့ဂျပန်တွေက လည်း ယုကိစံဆိုတဲ့ကောင်မလေးဟာပျော့ညံ့တယ်ပြောရင် ကျွန်မခံပါ့မယ်။

တချိန်ကလိုအပ်လို့ခြေဖြတ်ထုတ်ခံရတဲ့ကျွန်မရဲ့အဘွားဟာယနေ့မှာ ကျန်းမာပျော်ရွှင်နေပါတယ်။ သူ့ရဲ့ ဘီးတပ်ကုလားထိုင်ဟာသူရဲ့ကစားစရာဖြစ်နေတယ်။ တကယ်လို့ခြေထောက်ကိုသာ မဖြတ်နိုင်ခဲ့ရင်အဘွား ဟာဒီလိုအသက်ရှည်မှာမဟုတ်ဘူး။ ယနေ့ဂျပန်ရဲ့တိုးတက်မှုကိုလူတွေအားလုံးမြင်နေရပါပြီ။ ဒါဟာဟီရို ရှီးမားနဲ့နာဂါစကီဟူသော ခြေထောက်ကိုဖြတ်လိုက်လို့ပဲပေါ့။ စစ်ရောဂါကို ဒီလိုကုစားတက်ပါလားလို့ သဘောပေါက်လိုက်မိတယ်။

ကျွန်မဆိုတဲ့ ယုကိစံဟာလူသားတွေနဲ့ အတူလူသားတွေကိုချစ်မယ်။ လူသားတွေကိုဒုက္ခပေးတဲ့စစ်ကို ဆန့်ကျင်မယ်။ နောက်တော့ လူသတ်လက်နက်တွေကိုဆန့်ကျင်မယ်။ ကမ္ဘာ့ရွာကို ကျွန်မမျှော်မှန်းပါတယ်။ ကျွန်မတို့ဟာ နောက်တကြိမ်ခြေထောက်မဖြတ်ခံရဖို့ ကမ္ဘာကြီးကိုစောင့်ရှောက်ဖို့လိုအပ်ပါတယ်။

ဒေါက်တာခင်မောင်ညို
Ref “Japanese e-mail from Yuko Nagamura”, computertimes.asial.com.sg
ပေါ်ပြူလာဂျာနယ် အတွဲ ၅၊ အမှတ် ၃၄၊ ၂၈၊ဂ၊ ၂၀၀၁ အင်္ဂါနေ့၊ စာမျက်နှာ (၇)မှ ဆောင်းပါးဖြစ်ပါသည်။


View My Stats