မယောင်ရာ ဆီမလူးကြနဲ့ 

ရုပ်ရှင်အကယ်ဒမီပေးပွဲကို တီဗွီကနေတိုက်ရိုက်ထုတ်လွှင့်တာကိုကြည့်ရတာ ပျော်စရာကောင်းတယ်။ အရောင်အသွေးစုံလင်လှတဲ့ အီစီကလီမလေးတွေရော၊ ပညာရှင်တွေရော၊ ရုပ်ရှင်မင်းသားမဟုတ်တဲ့ ဝန်ကြီးတွေကော အားလုံးကို စုံလင်စွာ တွေ့ ရတယ်။ ကြည်ပြီးတော့ ကျနော် နိဂုံးချုပ်ကြည့်တယ်။


ငါ့အတွက် ဘာများ ရလဲ။ ဒီလိုမျိူးအကယ်ဒမီပေးပွဲကို ကြည့်တဲ့ အတွက် ဗဟုသုတရလား၊ ပညာရလား၊ ပျော်ရွှင်မှုရလား၊ စိတ်ချမ်းသာမှုရလား စသဖြင့်...ဘာများရလဲလို့ တွေးမိနေတယ်။

စိတ်ထဲမှာတော့ မင်းသမီးချောချောလေးတွေကို ကြည့်ရတာတော့ မဆိုးဘူးလို့ ပြောချင်တယ်။ ဒါတော့ ရတယ်။ ပြီးတော့ ခဏပဲ ခံတယ်။ ရတဲ့ဟာက ပျောက်သွားတယ်။

ဒီလိုမျိူး အရည်မရ အဖတ်မရ အကယ်ဒမီးပေးပွဲကိုတောင် တီဗွီမှာတိုက်ရိုက်လွှင်တယ်ဆိုရင် ဘာ့ကြောင့်များ လွှတ်တော်တွင်းမှာ ဆွေးနွေးနေတာကို တိုက်ရိုက်မလွှင့်တာလဲ။ ဒီမိုကရေစီနိုင်ငံတွေမှာတော့ တိုက်ရိုက်လွှင်တာတင်မကဘူး စိတ်ဝင်စားတဲ့ပြည်သူကတောင် စိတ်ပါရင် လွှတ်တော်ထဲမှာ သွားပြီး နားထောင်လို့ ရတယ်။ ဥပမာ အမေရိကန်၊ သြစီ နဲ့  ယူကေကို ကြည့်ပါ။

တခြားတိုက်ရိုက်လွှင်သင့်တဲ့ အရာတွေလည်း အများကြီးရှိတယ်။ ဥပမာဗျာ မီးလောင်တာ၊ ရေးကြီးတာ၊ အပစ်အခတ်ရပ်စဲရေးလက်မှတ်ထိုးတာ...စသဖြင့် ဒီလိုမျိူး နိုင်ငံနဲ့ လူမျိူးအတွက် အရေးကြီးတဲ့ သတင်းတွေကို မလွှင့်သင့်ဘူးလား။ အကယ်ဒမီပွဲကပဲ အရေးကြီးဆုံးလား။ ဝန်ကြီးတွေ ဖွန်ကြောင်ဖို့  အကယ်ဒမီပေးပွဲတက်တာလား။

လက်ရှိအစိုးက တကယ်တမ်း မှု တွေပြောင်းနေပါတယ်ဆိုရင် ကျနော်ပြောတဲ့အရာတွေလည်း ပြောင်းသင့်နေပြီ။ ဒု-သမ္မတက မင်းသားလား။ သူ့ မိန်းမ မင်းသမီးလား။ နောက်ပြီး ဦးကျော်ဆန်းက ဟာသမင်းသားလား။ မဆီမဆိုင် ကိုယ့်နေရာနဲ့ ကိုယ်မနေပဲ မယောင်ရာဆီလူးပြီး ဝင်ပါနေတာကို မျက်စိနောက်လို့ ပါဗျာ။ တခြားနိုင်ငံက အကယ်ဒမီပေးပွဲတွေမှာ ဝန်ကြီးလည်းမတွေ့ ဘူး။ သမ္မတလည်းမတွေ့ ဘူး။ ဝန်လေးလည်း မတွေ့ ဘူး။ သူတို့ ကိုတွေ့တဲ့နေရာက တကယ်ဒုက္ခတွေ့ နေရတဲ့ နေရာတွေမှာ ကူညီပေးနေတာကိုပဲ တွေ့ တယ်။ ဒါ့ပေမဲ့ မြန်မာပြည်ကတော့ သူများထက်ထူးပြီး နဖူးမှာ ဟိုဟာတက်ပေါက်နေသလိုပဲ။ ဒါ့ကြောင့် ဒါတွေလည်းပြောင်းတော့။

အကယ်ဒမီပေးပွဲကိုတောင် တီဗွီကနေ တိုက်ရိုက်ငွေကုန်ခံပြီး လွှင့်တယ်ဆိုရင် တိုင်းပြည်အတွက် အရေကြီးတဲ့သတင်း၊ ပြည်သူတွေဗဟုသုတနဲ့  အကျိူးရှိစေမဲ့ သတင်းတွေကိုလည်း တိုက်ရိုက်လွှင့်ပါ။ နေရာတကာ ဝန်ကြီးတွေ မင်းသားမလုပ်ချင်ပါနဲ့ ။ မျက်စိနောက်လို့ ပါ။