ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

7/3/11

ပိတ်လေငတ်လေမို့ ဖွင့်ပေးကြပါ

ဆင်းရဲနွမ်းပါတဲ့ စစ်သားမိသားစုက ပေါက်ဖွားလာတဲ့လူတစ်ယောက်ပါ။ မဲ့ဆောက်က သိုးမွေးထိုးစက်ရုံမှာ လုပ်တဲ့ အလုပ်သမားတစ်ယောက်အဖြစ်လုပ်ခဲ့ဘူးတယ်။ စက်ရုံမှာလုပ်ရင်း ထမင်းငတ်ခဲ့ဘူးတဲ့လူပေါ့။ စက်ရုံမှာလုပ်တုန်းက သူငယ်ချင်းတွေမရှိအတူ၊ ရှိအတူ။ အ၀တ်အစားဆိုလည်း တစ်ယောက်ဟာကို တစ်ယောက်က ယူပြီးဝတ်ရတဲ့အထိ ချမ်းသာဘူးတယ်။ အစားအသောက်ဆိုတာကလည်း မသေရုံတမယ်။ အသက်ရှင်ရရုံလေးပေါ့။ စက်ရုံပိုင်ရှင်က အလုပ်ပုံမှန်မပေးနိုင်။ အလုပ်ကမရှိ။ ငွေကမရ။

ရန်ကုန်က ထွက်လာတုန်းက မျှော့်လင့်ချက်ကြီးကြီးနဲ့။ ပိုက်ဆံရရင် မိဘတွေကို ပြန်ပြီးပေးနိုင်မယ်။ ကိုယ်လဲကောင်းကောင်းမွန်မွန်လိုချင်တဲ့ဟာကို ၀ယ်နိုင်မယ်ပေါ့။ ဒီလိုမျိုးထင်ခဲ့တာ။ မဲ့ဆောက်ရောက်တော့ သိတဲ့အတိုင်း ဟို့ လူ့ကြောက်ရ၊ ဒိလူ့ ကိုကြောက်ရ၊ ထိုင်းရဲကိုကြောက်ရနဲ့။ လူက အတော်ကြီးကိုအနှိမ်ခံရတယ်။ စက်ရုံက လုံခြုံရေးတွေတောင်ကြောက်ရတဲ့ တရားမ၀င်ထိုင်းနိုင်ငံရောက် ကျွန်ပေါ့ဗျာ။

ဒီတော့ သူငယ်ချင်းတော့ တိုင်ပင်ကြတယ်။ ဒီလိုတော့ ငါတို့ဘ၀ကို အဆုံးမခံနိုင်ဘူး။ ငါတို့ စစ်တိုက်မယ်။ သူပုန်လုပ်မယ်။ အစိုးရကို ပြန်ချမယ်ဆိုပြီး သူပုန်ဖြစ်သွားတယ်။ တချို့သူငယ်ချင်းတွေကတော့ လမ်းစရိတ်ရှာပြီး ရန်ကုန်ကိုပြန်ကြတယ်။ အခုဒီကောင်တွေ အလုပ်မရှိလို့ ငတ်နေကြပီ။

သူများတွေတော့ထင်မယ်။ ဒီကောင်တွေ ထမင်းငတ်လို့ သူပုန်လုပ်ကြတယ်ပေါ့။ အမှန်မှန်က သူတို့ပြောတာလည်း တစ်စိတ်တစ်ပိုင်းမှန်ပါတယ်။ ပြည်တွင်းမှာလည်း အလုပ်က သိတဲ့အတိုင်း၊ ပြည်ပထွက်တော့လည်း မဲ့ဆောက်မှာ မသေရုံတမယ်။ ဒီတော့ပေါက်တဲ့နဖူး မထူးဘူးဆိုပြီး ဆုံးဖြတ်ခဲ့တယ်။ ဖြစ်ချင်တော့ သူပုန်က ပိုပြီးငတ်ရတယ်။ အသက်ပါရင်းရတယ်။ လစာလည်းမရဘူး။

ရန်ကုန်မှာတုန်းက တွေ့ခဲ့အလုပ်သမားအတွေ့အကြုံ၊ မဲ့ဆောက်အလုပ်သမားဘ၀၊ သြစီအလုပ်သမားဘ၀ကို နှိုင်းယှဉ်ပြီး ဒီစာကိုရေးလိုက်ပါတယ်။ အလုပ်ထဲကနေ ရေးရတာဆိုတော့ မတ်တပ်ရပ်ပြီး ခိုးရေးပါတယ်။ Supervisor မသိအောင်။ ဘောပင်မတွေ့ လို့ ခဲတံနဲ့ ရေးပါတယ်။ အိမ်ရောက်မှ ကွန်ပြူတာနဲ့ပြန်ရိုက်ရပါတယ်။ အဓိကအကြောင်းအရာကတော့ စီးပွားရေးပိတ်ဆို့ထားလို့ အောက်ခြေအလုပ်သမားတွေပိုပြီး ဒုက္ခရောက်ရတယ်ဆိုတဲ့အကြောင်းပါ။ ကျနော်တို့လို အလုပ်သမားတွေကို ပိုပြီး ထမင်းငတ်စေတယ်။ သဘောတူတဲ့သူရှိရင်လည်းရှိမယ်။ မတူတဲ့သူရှိရင်လည်း ရှိမယ်။ တူတူမတူတူ ဖတ်ကြည့်ကြပေါ့။

၉၇-လောက်မှာ စီးပွားရေးပိတ်ဆို့မှု စ,ပါတယ်။ ၉၉-လောက်မှာ ကျနော်တို့ လူငယ်တွေမဲ့ဆောက်မှာ စုပုံကုန်ပြီ။ ရန်ကုန်မှာ အဆင်မပြေတော့ဘူး။ စက်ရုံတွေတစ်ရုံပြီး တစ်ရုံပိတ်တော့ အလုပ်ရှာရတာ ခက်ကုန်ပြီ။ တချို့တွေတော့ မလေးရှားကို ရောက်ကုန်ပြီ။ အရမ်းမွဲတဲ့ ကျနော်တို့လိုလူတွေကတော့ မဲ့ဆောက်ကိုလာပေါ့။ ရန်ကုန်မှာဆက်နေရင်လည်း ဘာမှထူးမှာမဟုတ်ဘူးဆိုတော့ ပြည်ပထွက်တာအကောင်းဆုံး။ ဒါနဲ့ပဲ ကျနော်တို့တွေ ထိုင်း၊ မလေးရှား၊ စင်္ကာပူတို့ကို ထွက်ကြရပါတယ်။ ပြည်တွင်းမှာသာ အလုပ်ကောင်းကောင်းရှိကြည့် ဘယ်သူမှ အမိမြေက ခွာကြမှာမဟုတ်ဘူး။

ကျနော်တို့လို ဘ၀မျိုး၊ သူငယ်ချင်းတွေ၊ ဆွေမျိုးတွေထပ်ပြီး ရင်မဆိုင်စေချင်တော့ပါ။ သူတို့အားလုံးက ချမ်းသာတဲ့မိသားစုက မဟုတ်တော့ အလုပ်မရှိရင် အရမ်းဒုက္ခရောက်ရပါတယ်။ စီးပွားရေးပိတ်ဆို့ မှုလုပ်ပါလို့ ပြောတဲ့လူတွေအားလုံးက စီးပွားရေးအဆင်ပြေတယ်။ ထမင်းနပ်မှန်အောင် စားရတယ်။ အဓိက ထိတာက ကျနော်တို့လို အောက်ခြေအလုပ်သမားတွေပါပဲ။ လုပ်ပါလို့ပြောတဲ့လူတွေက ပါးစပ်ဖျားလေးလှုပ်ရုံပဲ။ တကယ်လက်တွေ့ ရင်ထဲမှာ မချိအောင်ခံစားရတဲ့လူတွေ ဘယ်သူတွေလည်းဆိုတာ စဉ်းစားကြည့်ပါ။ အလုပ်သမားတွေအချင်းချင်းပိုပြီး နားလည်ခံစားနိုင်ပါတယ်။

စီးပွားရေးပိတ်ဆိုမှု့ဆိုတာဘာလဲ

အဓိကတော့ အစိုးရရဲ့လုပ်ရပ်အမှားတွေကို ဆန့်ကျင်တဲ့အနေနဲ့ ချမ်းသာတဲ့နိုင်ငံတွေက စီးပွားရေးပူးပေါင်းဆောင်ရွက်မှု မလုပ်တာကိုဆိုလိုပါတယ်။ ကျနော်နားလည်တဲ့ ဟာပါ။ ပိတ်ဆို့ မှုမှာ အဓိကနှစ်မျိုးရှိတယ်။ နံပါတ်တစ်က မြန်မာပြည်မှာ ရင်းနှီးမြုပ်နှံမှုမလုပ်ရေး။ နံပါတ် (၂) က ဗိုလ်ချုပ်တွေရဲ့ပိုင်ဆိုင်မှုတွေကို ပိတ်ရေး။ သူတို့ကို အ၀င်မခံရေး။ သူတို့အပြင် အစိုးရကို ကူညီနေတဲ့ အထင်ကရစီးပွားရေးလုပ်ငန်းရှင်တွေ၊ လူတွေကိုိလည်း အမေရိကန်၊ သြစီ၊ အင်္ဂလန်စတဲ့နိုင်ငံတွေရဲ့ ဘဏ်တွေက ငွေကြေးစီးဆင်းမှုတွေ မလုပ်နိုင်အောင်ပိတ်ထားပါတယ်။ ဒါကအကြမ်းဖျင်းပါ။ အဓိကဆွေးနွေးချင်တာက စီးပွားရေးပိတ်ဆို့ တာဟာ တိုက်ရိုက်ဖြစ်စေ၊ သွယ်ဝိုက်၍ဖြစ်စေ အစိုးရကိုထိအောင်လုပ်ဖို့အတွက်ပါ။ အစိုးရပြောင်းသွားအောင်တိုက်တဲ့ တိုက်နည်းတစ်ခုလို့နားလည်နိုင်ပါတယ်။

အခုဆိုရင် နှစ်ပေါင်း ၂၀-နီးပါး ကပ်နေပြီ။ အစိုးရးပြောင်းလားဆိုတော့လည်း မပြောင်း။ ဒီတော့ ကျနော်တို့ ပြန်ပြီး သုံးသပ်သင့်တာက စီးပွားရေးပိတ်ဆို့ ထားတာ အဓိက ဘယ်သူတွေကို ထိစေတာလဲဆိုတာပါ။
ဗိုလ်ချုပ်တွေ နဲ့ အဓိက စီးပွားရေးသမားတွေကို ထိတော့ထိမယ်။ သူတို့ က အောက်ခြေအလုပ်သမားတွေလောက် မထိနိုင်ဘူး။ သူတို့မှာက အထုပ်ကြီးကြီးနဲ့ အာဏာရှိတော့ ထမင်းမငတ်ပါဘူး။

ပတ်လည်ထိ

NLD အဖွဲ့ဝင်တွေအများစု ဆင်းရဲတဲ့သူတွေ။ စက်ရုံအလုပ်ရုံမှာလုပ်ကြတဲ့သူတွေ။ သူတို့အလုပ်မရှိတော့ သူတို့ကို မှီခိုနေတဲ့ နိုင်ငံရေးအကျဉ်းသားတွေပါ ထမင်းငတ်ရတယ်။ ဒါကို ပတ်လည်ထိတယ်လို့ခေါ်မယ်။ ပြည်သူက အလုပ်မရှိတော့၊ အစိုးရကိုကို အခွန်မပေးနိုင်ဘူး၊ သူပုန်ကိုလည်းအခွန်မပေးနိုင်။ ဒါနဲ့ သူပုန်လည်း စီးပွားကျပ်တာပေါ့။

ရင်းနှီးမြုပ်နှံမှုတွေထွက်တော့ ဒလ၀မ်ကစလို့ မန်နေဂျာအထိ အလုပ်ပြုတ်ရတယ်။ ဥပမာ ထောက်ကြံ့နားက ပက်စီစက်ရုံထွက်တော့ အလုပ်သမားတွေအတော်ဒုက္ခရောက်ရတယ်။ သူတို့ကို မှီခိုနေတဲ့သားတွေသမီးတွေ၊ ထမင်းနပ်မမှန်ချင်တော့ဘူး။ အဖေတွေ ဆိုက်ကားနင်းတဲ့လူကနင်း။ ကူညီထမ်းတဲ့လူကထမ်း။ ဒီလိုဖြစ်ကုန်တယ်။ သူတို့တွေ ဒီလိုဖြစ်နေတာကို စီးပွားရေးပိတ်ဆို့ မှု လုပ်တဲ့လူတွေ၊ တောင်းဆိုတဲ့လူတွေ၊ အစိုးရကလူတွေ ဘာများပြန်ပြီး လုပ်ပေးနိုင်ခဲ့လဲ။ Alternative employment ပြန်ပေးနိုင်လားဆိုတော့လည်း မပေးနိုင်။ ပိတ်ရင်ပြီးတာပဲ ဆိုပြီး မစားရတဲ့အမဲ သဲနဲ့ပတ်ကြတယ်။ နိုင်ငံရေးအဖွဲ့အစည်းတွေဖြစ်တဲ့ NLD ဟာ အလုပ်ပြုတ်လို့အလုပ်သမားတွေကို အလုပ်ပေးနိုင်လားဆိုလည်း မပေးနိုင်။ အစိုးရလည်း သိတဲ့အတိုင်း အလုပ်မရှိတဲ့လူတွေကို စစ်ထဲသွင်းဖို့လောက် ပေါ်တာဖမ်းဖို့လောက်ချောင်းနေတာ။ ဒါနဲ့အာဏာရှင်စနစ်က ပိုပြီးကြီးလာတယ်။ စီးပွားရေးပိတ်ဆို့တာက အာဏာရှင်စနစ် ချိနဲ့စေအောင်။ အခုကြတော့ တရားဝင်အာဏာရှင်တောင် ဖြစ်လာသေးတယ်။

အမေရိကန်အပါအ၀င်ချမ်းသာတဲ့နိုင်ငံတွေက ပိတ်ပိတ်မပိတ်ပိတ် သူတို့အတွက် အကျိုးသိတ်ပြီးမရှိဘူး။ မြန်မာပြည်မှာရှိတဲ့ သူတို့ရင်းနှီးမြုပ်နှံမှုက အာဖဂန်မှာသုံးတဲ့စစ်အသုံးစရိတ်လောက်တောင်မရှိဘူး။
ရင်းနှီးမြုနှံမှု၊ ကမ္ဘာလှည့်ခရီးသွားလာရေးလုပ်ငန်းတွေ မလာတော့ဘာဖြစ်လဲ။ ကိုယ်ပဲ အလုပ်မရဖြစ်ကုန်တယ်။ ချမ်းသာတဲ့နိုင်ငံတွေက ဗမာပြည်မရှိလည်းဘာမှမဖြစ်။ ကမ္ဘာပတ်ပြီး စီးပွားရေးလုပ်၊ အလည်အပတ်သွားနေကြတာဆိုတော့ သူတို့မှာ တခြားရွေးချယ်စရာ ပလန်ရှိပြီးသား။

သူများနိုင်ငံတွေဟာ သူတို့နိုင်ငံမှာ လာပြီးရင်းနှီးမြုပ်နှံမှု လုပ်ပါဆိုပြီးအမျိုးမျိုး စည်းရုံးနေတဲ့အချိန်မှာ မြန်မာပြည်ကတော့မိုက်တယ်။ ပိတ်ထားကွာတဲ့။ မဆလခေတ်ကလည်း ပိတ်ထားလို့ လူတွေ မျက်စိပိတ်၊ နားပိတ်ဖြစ်တယ်။ နအဖခေတ်၊ ကြံ့ဖွတ်ခေတ်မှာလည်း ပိတ်ထားတော့ပိုဆိုးကုန်တယ်။ နဂိုကတည်းက ဘာမှမရှိတဲ့တိုင်းပြည်ဟာ ပိုပြီးဘာမှမရှိတဲ့ စုတ်ပြတ်သတ်နေတဲ့တိုင်းပြည်ဖြစ်သွားတယ်။ ဒါတွေဟာ ဘယ်သူတွေမှာ တာဝန်ရှိလဲဆိုတော့ အားလုံးမှာတာဝန်ရှိတယ်။ အဓိကရှိတာကတော့ အစိုးရအဆက်ဆက်ပေါ့။ သူပုန်တွေမှာလည်း တာဝန်ရှိတယ်။ နိုင်ငံရေးအဖွဲ့အစည်းတွေမှာလည်းတာဝန်ရှိတယ်။

ဖွင့်ပေးကြည့်

ပိတ်ထားတော့ ဘယ်သူတွေလာကြလဲ။ တရုတ်လာတယ်။ ကုလားလာတယ်။ ထိုင်းဝင်တယ်။ စင်္ကာပူလာမှာ။ ဒီလောက်ပဲရှိတယ်။ အာရှသားတွေဟာအာရှသားပီပီ အနိုင်ကျင့်ချင်တဲ့စိတ်၊ ခေါင်းပုံဖြတ်ချင်တဲ့စိတ်၊ စည်းကမ်းမလိုက်နာတဲ့စိတ်တွေရှိတယ်။ပြောရရင်အာဏာရှင်စိတ်ဓာတ်မျိုးရှိတယ်။ ဥပမာ လောလောဆယ် ရခိုင်ဘက်မှာရေနက်ဆိပ်ကမ်းဆောက်တယ်။ ပညာရှင်တွေက တရုတ်၊ မလေး၊ ကုလားတွေကိုငှားတယ်။ ဒီလူတွေက အနောက်နိုင်ငံ Company ကြီးတွေလို Safety လို့ခေါ်တဲ့ လုပ်ငန်းခွင်လုံခြုံမှု၊ သဘာဝပတ်ဝန်းကျင်စောင့်ရှောက်မှု၊ လုပ်ခလစာ၊ နည်းပညာ အားနည်းတယ်။ ပိတ်ထားတဲ့အခါကြတော့ သူတို့ပဲ ၀င်လုပ်တယ်။ Competition လို့ခေါ်တဲ့ပြိုင်ဆိုင်မှုမရှိ။ သူတို့ပဲရတယ်။ ဘယ်သူတွေနစ်နာလဲဆိုတော့ မြန်မာပြည်သားနဲ့ မြန်မာပြည်ပဲနစ်နာတယ်။ တကယ်လို့သာ အနောက်နိုင်ငံ Company တွေသာလုပ်ကြည့် သူတို့ထက်သာတဲ့လစာ၊ နည်းပညာ၊ လုပ်ငန်းခွင်လုံခြုံမှု ပိုပြီးကောင်းနိုင်တယ်။ ပိုပြီး Competition ရှိတော့ အခွင့်အလမ်းသာနိုင်တယ်။

ဗိုလ်ချုပ်တွေကို Blacklists ထဲထည့်တာ မအောင်မြင်

ဗမာတွေ အတုလုပ်တာ၊ လိမ်တာ၊ အကြံအဖန်လုပ်တဲ့နေရာမှာ ဒီလောက်တော်တာကို မသိဘူးလား။ ဗိုလ်ချုပ်တွေ၊ စီးပွားရေးသမားတွေကို Blacklist လုပ်ကြတယ်။ နိုင်ငံခြားကို မသွားနိုင်ရေး။ သူတို့သားသမီးတွေကို နိုင်ငံကြီးတွေဆီသွားလို့မရအောင်လုပ်ကြတယ်။ ပိုက်ဆံရှိတဲ့လူတွေဟာ Passport စာအုပ် လေးငါးခြောက်အုပ်နဲ့ ကမ္ဘာပတ်နေတာ မသိလို့လား။ သူတို့ကိုမပြောနဲ့အုံး။ မလေးရှားက ကျနော့်သူငယ်ချင်းတောင် Passport သုံးအုပ်နဲ့။ နာမည်သုံးခုနဲ့။ ဒါတွေကို မသိချင်ယောင်ဆောင်တာလားမသိ။

ဗိုလ်ချုပ်တွေရဲ့သားသမီးတွေ နာမည်အတုတွေနဲ့ နိုင်ငံခြားမှာ ကျောင်းတက်နေတာတပုံကြီးရှိနိုင်တယ်။ ပိတ်ဆို့ တဲ့နိုင်ငံတွေကလည်း သူတို့ကိစ္စမဟုတ်တော့ ဘယ်ထောက်လှမ်းရေးကမှ အလုပ်ရှုပ်ခံပြီး မစုံစမ်းဘူး။ ဥပမာ သြစီမှာ ဗိုလ်မှုးချုပ်ဇင်ယော်သမီးကိုမိတယ်။ ဘယ်သူမိတာလဲ။ ကိုယ့်ဗမာအချင်းချင်းပဲ ဖမ်းပေးတာပဲမဟုတ်ဘူးလား။ ဒါတောင် ကောင်မလေးက ပါးစပ်မလုံလို့ပေါက်သွားတာပါ။ ဒါ့အပြင်စီးပွားရေးသမားတွေ နည်းလမ်းအမျိုးမျိုးနဲ့ ငွေမဲကို ငွေဖြူလုပ်နေတာ မသိကြဘူးလား။ ဟွန်ဒီငွေလွဲစနစ်က အားအားယားယားပေါ်လာတာမဟုတ်။ အဓိကပြောချင်တာက ဘယ်လိုနည်းနဲ့ပဲပိတ်ပိတ် အပေါက်ကရှိပြီးသား။

မြန်မာပြည်က ကျောက်မြတ်ရတနာကို အမေရိကန်ကမ၀ယ်ဘူး။ ဥပမာပြောတာပါ။ သူတို့မ၀ယ်လည်း ကိစ္စမရှိဘူး။ ၀ယ်တဲ့နိုင်ငံတွေတပုံကြီးရှိတယ်။ ငွေကြေးစီးဆင်းမှု မလုပ်နိုင်အောင်ပိတ်မယ်။ မပူနဲ့ လုပ်ပေးတဲ့ပွဲစားတွေ၊ ဘဏ်တွေရှိတယ်။ နိုင်ငံတွေရှိတယ်။ ဆိုတော့ဗျာ စီးပွားရေးပိတ်ဆို့မှု့ ဆိုတာ ဘာလဲ။

၁၅-နှစ်တာ ကာလအတွင်းမှာ စီးပွားရေးပိတ်တာ ဘာရလဲ။ နောက်ဆုံး မြန်မာ ၆-သန်းလောက် ပြည်ပမှာ အလုပ်ထွက်လုပ်ရတယ်။ ဒါပဲအဖတ်တင်တယ်။ တိုင်းပြည်ထဲက ပညာတက်တွေ ပြည်ပထွက်လာရတယ်။ ဒါလည်းကောင်းပါတယ်။ သို့သော် ဖြစ်နိုင်ရင် ကိုယ့်တိုင်းပြည်မှာ လုပ်တော့ ပိုပြီးတိုးတက်နိုင်တာပေါ့။ နောက်ထပ်ပိတ်အုံးမယ်ဆိုရင် နောက်ထပ်ခြောက်သန်းထွက်လာအုံးမယ်ထင်တယ်။ အဲဒိလူတွေကို ထပ်ပြီးပြည်ပမှာ ကျွန်ခံခိုင်းသလိုဖြစ်နေအုံးမယ်။ တကယ်လို့ ထပ်ပြီးစီးပွားရေးပိတ်ဆို့ ထားရင်။

ပိတ်ဆို့မှု့ ကို အခုချက်ချင်းဖွင့်လို့ချက်ချင်း ရင်းနှီးမြုပ်နှံမှုတွေဝင်လာတာလည်းမဟုတ်။ တလအတွင်း Company ကြီးတွေရောက်လာ၊ သုံးလအတွင်းကြီးပွားသွားတာလည်းမဟုတ်။ နိုင်ငံခြားက ခြောက်သန်းလောက်လည်း ပြန်လာပြီး အလုပ်လုပ်မှာလည်း မဟုတ်။ အခြေခံကောင်းတွေမရှိပဲ ဘယ်သူမှ ပြန်လာမှာဟုတ်ဘူး။ ဘယ်လောက်ပဲတိုင်းပြည်ကို ချစ်ပါတယ်ပြောပြော ဘယ်သူမှ ထမင်းတော့ အငတ်မနေနိုင်ဘူး။

လူတွေလည်းမောလှပြီ။ လုပ်စရာရှိတာကို မြန်မြန်လုပ်တာအကောင်းဆုံးပဲ။ တကယ်လို့ပိတ်ဆို့မှုကို ဖွင့်ပေးလိုက်ရင် လူတွေတစ်စုံတစ်ခုတော့ ပွင့်သွားနိုင်တယ်။ အလုပ်သမားတွေ အလုပ်ရမယ်။ ဗိုလ်ချုပ်တွေပိုပြီးခိုးနိုင်လိမ့်မယ်လို့မတွေးနဲ့ အုံး။ အခုပုံစံက ၁၀၀-ရှိရင် ၁၀၀-လုံးခိုးနေတယ်။ အရိုးအရင်းတောင် ခိုးနေသလိုဖြစ်နေတယ်။ တကယ်လို့သာ အရိုးကောအသားကော ရှိရင် ပြည်သူတွေအရိုးလေးတော့ကိုက်ရနိုင်တယ်။ ဗိုလ်ချုပ်တွေလည်း ပြည်ပထွက်ပြီးလေ့လာရင် ဒိထက်ပိုပြီး ခေါင်းမာတာပိုပြီးလျှော့သွားနိုင်တယ်။ အခုကြတော့ ခွေးကိုဂျောင်ပိတ်ပြီးရိုက်တော့ ပြန်ပြီးအကိုက်ခံရသလိုဖြစ်နေပြီ။

အစိုးရကလည်း စီးပွားရေးပိတ်ဆို့မှုကို ဖွင့်ပေးအောင်ကျိုးစားနေတဲ့လူတွေအားလုံးကို ကိုယ်ထိလက်ရောက်ကူညီသင့်တယ်။ လူတိုင်းက နီးစပ်ရာအစိုးရတွေ၊ သံရုံးတွေကို ချည်းကပ်လို့ရတယ်။ ဆန္ဒပြလည်းရတယ်။ စာပေးလည်းရတယ်။ ပြည်တွင်းမှာလည်း ဒီအတိုင်းပဲလုပ်လို့ရတယ်။ ဖြစ်နိုင်ရင် ဒေါ်အောင်ဆန်းစုကြည်အိမ်ရှေ့နဲ့ NLD ရုံးချုပ်အရှေ့မှာ လူစုပြီး ဆန္ဒပြကြစေချင်တယ်။ ပိတ်ဆို့မှုကိုဖွင့်ဖို့ ဒေါ်စုနှင့် NLD ပြောပေးပါလို့။

ကျနော့်ရဲ့Contribution ကတော့ ဒီလောက်ပါပဲ။ လုပ်တာမလုပ်တာကတော့ ခင်ဗျားတို့အပိုင်းပါ။ နောက်ဆုံးပြောချင်တာက ဖွင့်ပေးကြပါ။ ထပ်ပြီးပိတ်ရင် ထပ်ပြီးငတ်ကြအုံးမှာ။


View My Stats