တောသားလေး မောင်လူအေး တင်ပြသည်။
မင်္ဂလာပါ ပုရိဿတ်တို့ 
ဒီအပါတ် ကျနော်တင်ပြတဲ့ အကြောင်းအရာနဲ့  ပါတ်သတ်တဲ့ ခေါင်းစဉ်ကို မြန်မာမှု မပြုတော့ပဲ အင်္ဂလိပ်ဘာသာဖြင့်သာ တင်ပြလိုက်ပါတယ်။ ကျနော် အမောင်တောသား အင်္ဂလိပ်စာ ဒီပလိုမာ ရထားလို့  တော့ မဟုတ်ပါဘူး။ တလောလေးအတွင်း ဘန်ကောက်မြို့မှာ “THE LADY” ဆိုတဲ့ ရုပ်ရှင်ဇတ်ကား ရုံတင်လာတော့ အဲ့ဒီဇာတ်ကားကို အကြောင်းပြုပြီး ခေါင်းစဉ်တပ်လိုက်ရတာပါ။ သို့ သော် -THE LADY- ဇာတ်ကားဟာ ဒေါ်အောင်ဆန်းစုကြည်ရဲ့ ဘ၀ ဇာတ်လမ်း ဆိုတာကိုလည်း လူတိုင်း သိနေပြီး ဖြစ်ကြမှာပါ။
THE LADY - ဇာတ်ကားကို မကြည့်လိုက်မိပါဘူး။ ဒါပေမယ့် ဗိုလ်ချုပ်အောင်ဆန်းရဲ့ ဘ၀ ဇာတ်လမ်း ဆိုရင်တော့ မဖြစ်မနေ ကြည့်မှာပါ။ ဘာ့ကြောင့်လဲ ဆိုတော့ ဗိုလ်ချုပ်အောင်ဆန်းသာလျှင် ပြည့်သူခေါင်းဆောင် အစစ်အမှန်ဖြစ်လို့ ပါ။
ဗိုလ်ချုပ်သမီးဖြစ်လို့  ဗိုလ်ချုပ်လို သဘောထား မရှိနိုင်ဘူး ဆိုတာကို “အခါမနှောင်းသော်လည်း အလာမကောင်းသော မြန်မာ့ ဒီမိုကရေစီ” ဆိုတဲ့ ဆောင်းပါးမှာ “အဖေက လက်နဲ့ ရေး - သမီးက ခြေနဲ့  ဖျက် - မြန်မာ့ ဒီမိုကရေစီ ပျက်ရပြီ” ဆိုသည်ကို ကျနော် တင်ပြခဲ့ပြီး ဖြစ်ပါတယ်။
THE LADY - ဆိုတဲ့ ဇာတ်ကားကို မကြည့်ဖြစ်ပေမယ့် အဲ့ဒီဇာတ်လမ်းမှာ အဓိက ဇာတ်ကောင် မင်းသမီး - MICHELLE YEHO - ကိုတော့ စိတ်ဝင်စားမိပါတယ်။ ဒေါ်အောင်ဆန်းစုကြည် အဖြစ် သရုပ်ဆောင်ပေးခဲ့တဲ့ မင်းသမီး - YEHO - ဟာ မလေးရှားနိုင်ငံမှာ မွေးဖွားခဲ့သူ မလေးရှားနှင့် တရုပ်စပ် - တရုပ် ကပြားမလေး ဖြစ်ပါတယ်။ သို့ သော် သူမ အသက် -၁၅- နှစ် အရွယ်မှာ အမေမိဘတွေက အင်္ဂလန်ကို ပြောင်းသွားတော့ သူမဟာ အင်္ဂလန်မှာ ပညာသင်ခဲ့ရပါတယ်။ သို့ သော်လည်း ၁၉၈၃- ခုနှစ်မှာ မလေးရှားသို့  ပြန်လာခဲ့ပြီး မယ်ရွေးပွဲဝင်ခဲ့ရာမှာ မလေးရှားမယ်ဘွဲ့  ရခဲ့ပါတယ်။ သူမဟာ အာရှသူတွေထဲက ရှားရှားပါးပါး ဟောလီးဝုဒ် မင်းသမီး ဖြစ်လာခဲ့သူ တစ်ယောက်ပါ။ သူမ သရုပ်ဆောင်ခဲ့တဲ့ ဇာတ်ကားတွေ အတော်များများ ရှိပေမယ့် -TOMORROW NEVER DIES- ဆိုတဲ့ ဂျိန်းစဘွန်း - JAMES BOND- ဇာတ်လမ်းထဲက သရုပ်ဆောင်ချက်ကိုတော့ သိပ်ကြိုက်ပါတယ်။ သူမဟာ -၁၉၄၈- ခုနှစ်က အစ -၂၀၁၁- ခုနှစ် အထိမှာ ဒေါ်အောင်ဆန်းစုကြည် အဖြစ် ရိုက်ကူးတဲ့ -THE LADY- ဇာတ်လမ်းဟာ နောက်ဆုံးဖြစ်ပြီး ဇာတ်ကားပေါင်း -၃၅- ကားအထိ ရိုက်ကူး သရုပ်ဆောင်ခဲ့ပြီးဖြစ်တယ် လို့ လဲ သိရပါတယ်။ သူမဟာ -KUNG FU- ဇာတ်လမ်းတွေလည်း သရုပ်ဆောင်ခဲ့ပြီး ဇာတ်ကားရိုက်ရာမှာ လူစားမထိုးပဲ ဇာတ်ကြမ်း ဇာတ်ရမ်းတွေမှာ သူမရဲ့ ပင်ကိုယ်အရည်အချင်းကို ပြသတတ်ပါတယ်လို့ လဲ မှတ်တမ်းမှာ တွေ့ ရပါတယ်။ လူကိုယ်တိုင် သရုပ်ဆောင်မှု သာမက KUNG FU PANDA - ကာတွန်းဇာတ်ကား ဒုတိယပိုင်းမှာ သူမဟာ -အသံအားဖြင့် သရုပ်ဆောင်ခဲ့ကြောင်းလည်း သိရပါတယ်။ THE LADY- ကို သရုပ်ဆောင်သူနဲ့  THE LADY အစစ်ဟာ အရည်အချင်း သိပ်မကွာလှဘူးလို့  ဆိုချင်ပါတယ်။
THE LADY- ကိစ္စနဲ့  ပါတ်သတ်လာလို့  ဇာတ်လမ်းကို သရုပ်ဆောင်ပေးခဲ့သူ -MICHELLE YEHO- အကြောင်း ထည့်ပြီး တင်ပြခြင်းဟာ နှိုင်းယှဉ်ခြင်းတော့ မဟုတ်ပါ။ သို့ သော် အမျိုးသမီး နှစ်ဦးရဲ့ ဘ၀ ဇာတ်လမ်း အစက ခပ်ဆင်ဆင်ပဲလို့  ယူဆပြီး အရည်အချင်းကလည်း မကွာလှဟု ယူဆမိလို့ ပါ။ နိုင်ငံခြားမှာ ကြီးပြင်းခဲ့ကြပြီး နိုင်ငံခြားသားနဲ့ ပဲ အိမ်ထောင်ကျခဲ့ကြရ သူတွေပါ။
ယခု THE LADY - အစစ် ဒေါ်အောင်ဆန်းစုကြည်ဖက် လှည့်၍ သုံးသပ်ရသော် ယခုတလော ရုပ်မြင်သံကြား နိုင်ငံခြား သတင်းတွေမှာ နေ့ တိုင်း လိုလို ဖေါ်ပြနေကြတာတွေ့ ရပါတယ်။ မှတ်တမ်းတစ်ရပ်မှာ PHILOSOPHY, POLITICES, ECONOMICS. ဆိုတဲ့ ဘာသာရပ်တွေနဲ့  ဘွဲ့ ယူခဲ့တယ်လို့ ဆိုပါတယ်။ နိုင်ငံရေးသမား တစ်ဦး အတွက် အခြေခံအားဖြင့် မသင်မနေရ ဘာသာရပ်တွေပါပဲ။
သို့ သော် ဒေါ်အောင်ဆန်းစုကြည်ရဲ့ လှုပ်ရှားမှုတွေက အံ့သြောစရာတွေ ဖြစ်နေပါတယ်။
ပထမအချက်ကတော့ နအဖ - စစ်အုပ်စုက ရေးဆွဲထားတဲ့ ဒီမိုကရေစီ စနစ်နဲ့  မကိုက်ညီတဲ့ ဖွဲ့  စည်းပုံ အခြေခံဥပဒေကို လက်ခံခြင်း ဖြစ်ပါတယ်။
ဘယ်လို မကိုက်ညီဘူး ဆိုတာကတော့ ရှင်းလင်းလှပါတယ်။ ဖွဲ့ စည်းအုပ်ချုပ်ပုံ အခြေခံဥပဒေ ဖတ်ဖူးသူတိုင်း သိပါတယ်။
ဒီမိုကရေစီ စနစ်ကို လိုချင်ကြသော ပြည်သူလူထု၏ ထောက်ခံမှုဖြင့် နိုင်ငံရေး ဇာတ်ခုံပေါ်မှာ ထင်ရှား လာရသူ တစ်ဦးဟာ ပြည်သူ့ ဆန္ဒနှင့် မကိုက်ညီသော လုပ်ရပ်တွေကို လုပ်ဆောင်နေခြင်းဟာ သဘာဝ မကျဘူး ဆိုတာပါပဲ။
ပြည်သူလူထုက စစ်မှန်သော ဒီမိုကရေစီကို ရလိုကြောင်း တစာစာအော်ရင်း ပြည်သူ့ ခေါင်းဆောင် ဒေါ်အောင်ဆန်းစုကြည် အနောက်က သေချင်သေ မရမနေ ရယူမယ် ဆိုတဲ့ဇွဲနဲ့  - ယုံကြည်ချက် အပြည့်နဲ့  တကောက်ကောက် လိုက်ခဲ့ကြပါတယ်။ ရလာဒ် အဖြစ်ကတော့ မြန်မာနိုင်ငံတွင်သာမက တစ်ကမ္ဘာလုံးကပါ သိကြပြီး ဖြစ်တဲ့ ဒီပဲယင်း အရေးအခင်းဟာ သွေးခင်းသော သစ္စာလမ်း မဟုတ်ပါလား။
မည်သို့ ပင်ဖြစ်စေ ယနေ့ မြန်မာ့ အရေးအခင်းရဲ့ သဘာဝ မကျသော နိုင်ငံရေး ပြုပြင် ပြောင်းလဲမှုတွေကို ကျနော် တင်ပြနေသော်လည်း ယခု လတ်တလော အခြေအနေမှာ ပြည်သူလူထုက ဒေါ်အောင်ဆန်းစုကြည်ကို အပြတ်ထောက်ခံနေကြတာကို တွေ့ နေရပါတယ်။
တစ်ချိန်က - မြန်မာနိုင်ငံသားတွေ ဒီမိုကရေစီ နဲ့  မတန်သေးပါဘူး - ဟု ဝေဖန်သူတွေ ရှိခဲ့တာကို သတိရမိပါတယ် - ထိုစဉ်က ထိုကဲ့သို့  ဝေဖန်သူတွေကို ကျနော် မကျေနပ်ခဲ့ပါဘူး။ သို့ သော် ယခု လက်ရှိ တွေ့ နေရတာက သွေးထွက်အောင် မှန်နေပါပြီ။ ဘာ့ကြောင့်လဲ - ရွေးကောက်ပွဲ လုပ်ပေးတာ ကို ဒီမိုကရေစီလို့  မြန်မာနိုင်ငံသားတွေသာမက ၎င်းတို့ ၏ ခေါင်းဆောင် ဒေါ်အောင်ဆန်းစုကြည်ကပါ ယုံကြည်ထားကြပုံ တွေ့ ရ၍ ဖြစ်ပါတယ်။
ဒီမိုကရေစီဆိုတာ -
- လွတ်လပ်စွာ ပြောဆိုခွင့်၊
- လွတ်လပ်စွာ စည်းရုံးခွင့်၊
- လွတ်လပ်စွာ ရေးသားခွင့်၊
- တူညီသော အခွင့်အရေးတွေ ရရှိရမှာ ဖြစ်ပါတယ်။
သို့ သော် အခု လက်ရှိ အခြေအနေက ဒီလို မဟုတ်ဘူး ဆိုတာ အားလုံး သိကြ မြင်ကြတဲ့ အတိုင်းပဲ၊ ကျနော် ပုံကြီးချဲ့ တင်ပြနေစရာ မလိုတော့ပါ။ စစ်အုပ်စုက ဒီမိုကရေစီပါလို့  ပြောတိုင်း NLD နဲ့  ဒေါ်အောင်ဆန်းစုကြည်က ယောယောင်ပြီး လက်ခံနေတာကိုတော့ မယုံကြည်နိုင်စရာ အချက်တရပ်ဖြစ်ပါတယ်။
ထို့ ကြောင့်လည်း NLD နဲ့  ဒေါ်အောင်ဆန်းစုကြည်ကို ပြန်လည် ဆန်းစစ်စရာ လိုလာပါတယ်။ ဒီမိုကရေစီ အတု အယောင်ဆိုတာကို သိရက်သားနဲ့  ပြည်သူလူထုကိုပါ ထင်ယောင်ထင်မှား ဖြစ်အောင် ဦးဆောင်နေခြင်းဟာ - ရာဇ၀တ်မှု ဆိုင်ရာ ဘာသာရပ် စကားနဲ့  ပြောရလျှင် - အလိုတူ အလိုပါတွေ - ဒါမှ မဟုတ် သူခိုး လက်ခံတွေလို့  ဆိုပါတယ်။
နိုင်ငံရေး ဘာသာရပ်စကားနဲ့  ပြောရရင်တော့ - အကျိုးတူ ပူးပေါင်းမှုလို့  - ဆိုကြပါတယ်။
ဘာ့ကြောင့်လဲဆိုတော့ လက်ရှိ အဖွဲ့ စည်းအုပ်ချုပ်ပုံ အခြေခံဥပဒေဟာ - ပြည်သူလူထု ပူးပေါင်းပါဝင်သော - ပြည်သူ့ ကိုယ်စားလှယ်များဖြင့် - ပြည်သူ့ အကျိုး အတွက် - ဟု ရေးဆွဲထားသော ဥပဒေ တစ်ရပ် မဟုတ်ဟု နိုင်ငံရေး အုပ်စုတိုင်းက သဘောပေါက် နားလည်ပြီး ကန့် ကွက်တဲ့ အသံတွေ နားထဲမှာ မငြိမ်းသေးမီ NLD နဲ့  ဒေါ်အောင်ဆန်းစုကြည် တို့ က လက်ခံ ပူးပေါင်း ဆောင်ရွက်လိုက်ကြ လို့  ပါပဲ။
အဲ့ဒီလို ပူးပေါင်း ဆောင်ရွက်လိုက်ခြင်းဟာ ပြည်သူလူထု အကျိုးအတွက်လား NLD နဲ့  ဒေါ်အောင်ဆန်းစုကြည် အကျိုး အတွက်လား ဆိုတာကတော့ သမ္မတကြီး ဦးသိန်းစိန် ပြောလိုက်တဲ့ စကားကို ကောက်ချက်ချခြင်းအားဖြင့် သိသာ ထင်ရှားလှပါတယ်။
“ရွေးကောက်ပွဲမှာ အနိုင်ရပြီး ပါလီမန်က သဘောတူလျှင် ၀န်ကြီးရာထူး ပေးမည်တဲ့”
NLD - ဥက္ကဋ္ဌ တစ်ဦး အနေနဲ့ ရော လူထု ခေါင်းဆောင်ဆိုတဲ့ ၀ိသေသထူးအရရော ရပ်ကွက်ဒေသတွေ အတွင်း လူထုထောက်ခံမှုကိုရော ကြည့်ခြင်းအားဖြင့် ရွေးကောက်ပွဲမှာ ဒေါ်အောင်ဆန်းစုကြည် အရွေးခံရဖို့  များပါတယ်။ NLD - က ဘယ်နှစ်ယောက်ပဲ အရွေးခံရ ခံရ အမတ်ဦးရေ အနည်းအများက အကြောင်း မဟုတ်ပါဘူး။ ဦးသိန်းစိန်က လက်မထောင်ပြလျှင် ၀န်ကြီး တစ်နေရာ ရလာတော့မှာ သေချာနေပါတယ်။ အဲ့ဒီတော့ NLD နဲ့  ဒေါ်အောင်ဆန်းစုကြည် ရဲ့ လှုပ်ရှားမှုဟာ ပြည်သူလူထု အတွက်လား ၎င်းတို့ ကိုယ်ကျိုး အတွက်လား ဆိုတာ ဗေဒင် မေးနေစရာ မလိုပဲ အထင်အရှား သိမြင်နိုင်ပါတယ်။ ဒီအချက်ဟာလည်း နေပြည်တော်မှာ သမ္မတ ဦးသိန်းစိန်နဲ့  ဒေါ်အောင်ဆန်းစုကြည်တို့  နှစ်ဦးချင်း တံခါးပိတ်ဆွေးနွေးမှုရဲ့ ရလာဒ် ဖြစ်ပါတယ်။
မြန်မာနိုင်ငံက ပြည်သူလူထုကြီးကို ကျနော် တင်ပြနေခြင်းဟာ ကျနော်တို့  မြန်မာနိုင်ငံသားတွေ အတုအယောင် ဒီမိုကရေစီ သံသရာဝဲထဲမှာ သမ္မတ ဦးသိန်းစိန်နဲ့  NLD - ဥက္ကဋ္ဌ ဒေါ်အောင်ဆန်းစုကြည်ရဲ့ လှည့်စားမှုတွေကို တံလျှပ်ကို ရေထင်ပြီး ရွှေသမင် အလိုက်မမှားကြစေလို၍ ဖြစ်ပါတယ်။ နမူနာ အဖြစ် တင်ပြရလျှင် ဒီမိုကရေစီ စနစ်ရဲ့ တည်တန့်  ခိုင်မြဲမှုမှာ နိုင်ငံရေးသမား ဆိုသူတွေဟာ *TRANSPARENCY* ဆိုတဲ့ သံသယ ရှိစရာ မလိုသော - ထင်ရှား သိသာသော အမူအကျင့် ရှိဖို့ လိုပါတယ်။ ဆိုလိုတာက သမ္မတ ဦးသိန်းစိန်နဲ့  NLD - ဥက္ကဋ္ဌ ဒေါ်အောင်ဆန်းစုကြည်တို့  နှစ်ကိုယ်တူ တံခါးပိတ် ဆွေးနွေးချက်တွေဟာ ပြည်သူလူထု သိရှိဖို့ လိုတယ် ဆိုတာပါ။
ဘာ့ကြောင့်လဲ သူတို့  နှစ်ဦးဟာ လူဦးရေ သန်း -၅၀ ကျော်ရဲ့ အနာဂါတ်တွေကို ပုလင်းထဲ ထည့်ပြီး ကိုင်ထားကြသူတွေမို့  ပြည်သူလူထုဟာ ဒီမိုကရေစီ စနစ်အရ သိပိုင်ခွင့် ရှိပါတယ်။ ဒီကိစ္စဟာ စစ်ရေး စစ်ရာလို လျှို့ ဝှက်ချက် မဟုတ်ပါဘူး။ သမ္မတ ဦးသိန်းစိန်ဟာ သမ္မတ ဖြစ်ပေမယ့် စစ်အုပ်စု ကိုယ်စားလှယ်မို့  မပြောချင်လည်း နေပါစေ - လူထုခေါင်းဆောင်လို့  နာမ၀ိသေသန တပ်ခံရတဲ့ ဒေါ်အောင်ဆန်းစုကြည် ကတော့ ပြည်သူလူထုကို ပွင့်ပွင့် လင်းလင်း တင်ပြဖို့ လိုပါတယ်။ - TRANSLUCENT- လို့  ပြောကြတဲ့ မှုံဝါးဝါးတော့ မဖြစ်သင့်ပါဘူး။
ဒေါ်အောင်ဆန်းစုကြည်က အမျိုးသား ဒီမိုကရေစီ အဖွဲ့ ချုပ် ဗဟိုရဲ့ ဦးစီး အဖွဲ့ အစည်းအဝေးမှာ ပြောခဲ့တဲ့ စကား တစ်ရပ်မှာ --
ကျမတို့ ပါတီရဲ့ အနာဂါတ်အတွက် ကျမတို့  လုပ်နေတဲ့ ကိစ္စ မဟုတ်ပါဘူး - ဒီမိုကရေစီ လှုပ်ရှားမှု တစ်ခုထဲရဲ့ အနာဂါတ် အတွက် ကျမတို့  လုပ်နေတာ မဟုတ်ပါဘူး၊ ကျမတို့ နိုင်ငံရဲ့ အနာဂါတ် အတွက် ကျမတို့  လုပ်နေတယ် ဆိုတာကိုတော့ အဲ့ဒါကို တော့ စွဲစွဲ မြဲမြဲ ခေါင်းထဲမှာ ထားစေချင်ပါတယ်။
ဒီစကားချပ်ဟာ မြန်မာဘာသာ စကားကို မြန်မာလို ပြန်ရဦးမယ့် စကား ဖြစ်နေပါတယ်။ အကြောင်းကတော့ - မြန်မာနိုင်ငံရဲ့ အနာဂါတ်ဟာ စစ်မှန်သော ဒီမိုကရေစီ စနစ်ဖြင့် အုပ်ချုပ်တဲ့ အစိုးရ ရှိဖို့  လိုအပ်ပြီး စစ်မှန်သော ဒီမိုကရေစီ စနစ် သည်သာလျှင် ကြီးပွားတိုးတက်သော နိုင်ငံတစ်နိုင်ငံ ဖြစ်လာမှာ ဖြစ်ပါတယ်။ သို့ မှသာ ပြည်သူလူထု လူနေမှု အဆင့် မြင့်တက်လာပြီး ကမ္ဘာ့  အသိုင်းအ၀ိုင်းမှာ အဆင်းရဲဆုံး နိုင်ငံစာရင်းက လွတ်မြောက်မှာ ဖြစ်ပါတယ်။ ထိုကဲ့သို့  ဖြစ်မြောက် အောင်မြင်လာရေးအတွက် ကျစ်လစ် ခိုင်မာပြီး ပြည်သူလူထုဘက်မှာ အမြဲတန်းရပ်တည် သွားရမယ့် နိုင်ငံရေးပါတီ တစ်ရပ် ရှိဖို့ လိုပါတယ်။
ထို့ ကြောင့် နိုင်ငံရေး ပါတီတိုင်းဟာ ပါတီရဲ့ အနာဂါတ် အတွက် အလုပ်လုပ်ရမှာ ဖြစ်ပါတယ်။ အဲ့ဒီ အနာဂါတ် လုပ်ငန်းဆိုတာ စစ်မှန်သော ဒီမိုကရေစီ စနစ် ဆက်လက် တည်တန့် သွားဖို့  အတွက် ပြည်သူလူထုကို ဦးဆောင်သွားရမှာ ဖြစ်ပါတယ်။ အဲ့ဒီတော့ ပြည်သူလူထု အရေးသည် ပါတီရဲ့ နိုင်ငံရေး ဖြစ်သလို ပြည်သူလူထုသည် ပါတီဝင်များ ဖြစ်လာရမှာ ဖြစ်ပါတယ်။ ပါတီဝင် ပြည်သူလူထု များလေလေ နိုင်ငံရဲ့ အနာဂါတ် လုပ်ငန်းတွေ အောင်မြင်ဖို့  အင်အား ကောင်းလေ ဖြစ်ပါတယ်။ ထို့ ကြောင့် ပါတီရဲ့ အနာဂါတ်နဲ့  နိုင်ငံရဲ့ အနာဂါတ်ဟာ တစ်ထပ်တည်း ဖြစ်နေရမည် ဖြစ်ပြီး ပြည်သူနှင့် ပါတီလည်း တလုံးတစည်းထည်း ဖြစ်နေရပါမယ်။ သို့ သော် နိုင်ငံရေးပါတီဝင် တစ်ဦးသည် ပါတီနိုင်ငံရေး အကြောင်းပြပြီး မိမိကိုယ်ကျိုးအတွက်သာ မဆောင်ရွက်ဖို့  လိုပါတယ်။ ဒါကတော့ ကျနော့ အမြင်ပါ။
သို့ သော် ဒေါ်အောင်ဆန်းစုကြည်ရဲ့ စကားကတော့ တစ်မျိုးကြီး ဖြစ်နေပါတယ်။ ပညာရှိစကားကို တောသား နားမလည်ဘူးလို့  ဆိုရလေမလားပဲ။ ဒါမှ မဟုတ် နိုင်ငံရဲ့ အနာဂါတ်ကို - မိကျောင်းတစ်ပိုင်း၊ ငါးမန်းတစ်ပိုင်း - စစ်အုပ်စု ဒီမိုကရေစီနဲ့  ရှေ့ဆက်သွားဖို့  ဆိုလိုတာလား ဆိုတာ စဉ်းစားစရာ ဖြစ်လာပါတယ်။ တနည်းအားဖြင့် ယခု လက်ရှိ အခြေအနေသည် “ဒီမိုကရေစီ” ဖြစ်နေပါပြီလို့  ဒေါ်အောင်ဆန်းစုကြည်က ဆုံးဖြတ်ချက် ချလိုက်ပုံရပါတယ်။ ဒါကလည်း သမ္မတ ဦးသိန်းစိန်တို့  အုပ်စုက NLD - ကို ပါတီ အဖြစ် မှတ်ပုံတင်ခွင့် ပြုပြီး ဒေါ်အောင်ဆန်းစုကြည်ကိုလည်း ရွေးကောက်ပွဲ ၀င်ခွင့် ပြုလိုက်လို့ လဲ ဒီအချိုးမျိုး ပြောပုံရပါတယ်။
ဒါ့ကြောင့်လည်း ဒေါ်အောင်ဆန်းစုကြည်ဟာ ရွေးကောက်ပွဲ ပြုလုပ်ပေးတာကို ဒီိမိုကရေစီ ဖြစ်ပြီလို့  လက်ခံထားသူ ဖြစ်ဟန်တူကြောင်း ကျနော် တင်ပြခဲ့ပြီးပါပြီ။
NLD - ပါတီဝင်တွေနဲ့  ထောက်ခံသူတွေက ကျနော်ဒီလို တင်ပြတာကို ၀ိုင်းဆဲကြမှာ သေချာပါတယ်။ သည်းခံကြပါခင်ဗျား - ဒေါ်အောင်ဆန်းစုကြည်ရယ် - ဒီမိုကရေစီရယ် - ရွေးကောက်ပွဲရယ်ဟာ နိုင်ငံတော် အနာဂါတ် ကာလကြီးပွားတိုးတက်ရေး အတွက် ကြီးမားသော အထောက်အကူတစ်ရပ် ဖြစ်ပေမယ့်လည်း - လက်ရှိ ဖွဲ့ စည်းပုံ အခြေခံ ဥပဒေကြီးဟာ မဟာတံတိုင်းကြီးသဖွယ် ရာသက်ပန် အတားအဆီးကြီး ဖြစ်နေမှာ ဖြစ်ပါတယ်။
ယခုလက်ရှိ အခြေအနေမှာ NLD နဲ့  ဒေါ်အောင်ဆန်းစုကြည်ဟာ လက်ရှိ ဖွဲ့ စည်းပုံ အခြေခံဥပဒေကို လက်ခံလိုက်ကြပြီ ဆိုတော့ ပြည်သူလူထုဟာ မိမိတို့ ဘ၀ လွတ်မြောက်ရေးအတွက် ဗုဒ္ဓဘုရားရှင် ဟောကြားခဲ့သလို “အတ္တာဟိ အတ္တနော နာထော ကောဟိနာထော ပရောသိယာ” ဆိုတဲ့ ဟောပြောချက်ကို ပြန်လည် သတိရကြဖို့ နဲ့ - တူနီးရှား၊ အီဂျစ်၊ လစ်ဗျား၊ ဆီးရီးယား နိုင်ငံတွေက ပြည်သူလူထုတွေကို နမူနာ ယူကြစေလိုပါတယ်။ NLD - နဲ့  ဒေါ်အောင်ဆန်းစုကြည် ကတော့ ဖွဲ့ စည်းပုံ အခြေခံ ဥပဒေ တံတိုင်းကြီးမှာ အုတ်ချပ် အဖြစ် ပါဝင်သွားပြီ ဆိုတော့ အားကိုးအားထား ပြုဖို့  မျှော်လင့်ဖွယ် မရှိတော့ပါဘူး။
NLD - နဲ့ ဒေါ်အောင်ဆန်းစုကြည်တို့  အပြောင်းအလဲကို ထောက်ပြရလျှင် နေပြည်တော်မှာ သမ္မတ ဦးသိန်းစိန်နဲ့  ဒေါ်အောင်ဆန်းစုကြည်တို့  တွေ့ ဆုံကြတဲ့ အချိန်က စပြီး ဖြစ်လာပါတယ်။ အဲ့ဒီ နောက်ပိုင်းမှာ သမ္မတ ဦးသိန်းစိန်နှင့် တစ်ကွ ဒေါ်အောင်ဆန်းစုကြည်တို့ ကပါ မြန်မာနိုင်ငံဟာ ဒီမိုကရေစီ နိုင်ငံ အဖြစ်သို့  ပြုပြင် ပြောင်းလဲနေပါပြီဟု ကမ္ဘာအသိ ကြေငြာခဲ့ပြီး ဖြစ်ပါတယ်။ အဲ့ဒီ ကြေငြာချက်တွေ အပေါ် တုန့် ပြန်ချက် အနေနဲ့  ဥရောပ ယူနီယံ အုပ်စုက ငွေကြေး အကူအညီ ပေးမည်ဟူသော ကတိသာမက စစ်အုပ်စု ထိပ်တန်း ပုဂ္ဂိုလ်တွေကိုပါ ပြည်ဝင်ခွင့် ဗီဇာပေးမယ်လို့  ကြေငြာခဲ့ပါတယ်။ အမေရိကန်နိုင်ငံကလည်း အထူးလျော့ပေါ့သော အားဖြင့် သံတမန် ဆက်ဆံရေး အဆင့် တိုးမြှင့်ခဲ့ပါတယ်။
မည်သို့ ပင်ဖြစ်စေ - ဇန်န၀ါရီလ -၃၀- ရက်နေ့  နိုင်ငံခြား သတင်းတွေမှာ မြန်မာနိုင်ငံ အစိုးရက နိုင်ငံခြား ရင်းနှီးမြုပ်နှံသူတွေကို -၈- နှစ် အထိ အကောက်ခွန် ကင်းလွတ်ခွင့်ပေးမယ် လို့  စက်မှု လက်မှု ဌာန ၀န်ကြီးက - WORLD ECONOMIC FORUM - အစည်းအဝေးမှာ ပြောခဲ့ပါတယ်။
ဒီသတင်းကို ဖတ်ပြီး ကျနော် အတော် တုန်လှုပ်ခြောက်ခြားသွားပါတယ်။ ဒီလို အတွေး အခေါ်နဲ့  စက်မှု လက်မှု ဌာန၀န်ကြီး နေရာ ပေးတာဟာ သမ္မတ ဦးသိန်းစိန်ရဲ့ ဦးနှောက်ထဲမှာ စစ်အုပ်စု အဆက်ဆက် ဦးနေ၀င်း က အစ ဦးသန်းရွှေ အထိ သူ့ ဆရာကြီးတွေ ထက် မသာဘူးဆိုတာ ထင်ရှားစေပါတယ်။ ဘာ့ကြောင့်လည်းဆိုတော့ ဦးနေ၀င်း အာဏာသိမ်းခဲ့သည်မှ အစ ယနေ့ အထိ မြန်မာနိုင်ငံ အုပ်ချုပ်ရေးကို စစ်အာဏာရှင်များ အပိုင်စီးထားစဉ် ကာလ တစ်လျောက် မြန်မာနိုင်ငံဟာ အာရှမှာ သာမက ကမ္ဘာ့  အဆင့်မှာပါ တိုးတက်ဖွံ့ ဖြိုးမှု အနည်းဆုံး နိုင်ငံ - တနည်းအားဖြင့် အဆင်းရဲဆုံး နိုင်ငံ စာရင်းထဲ ပါသွားပါတယ်။ ဒါဟာ အုပ်ချုပ်သူ လူတန်းစားရဲ့ အရည်အချင်းကို ထင်ရှားစေခြင်း ဖြစ်ပါတယ်။ အကြောင်းအရင်းကတော့ မြန်မာနိုင်ငံဟာ သဘာဝ ပစ္စည်း အပေါဆုံး နိုင်ငံ ဖြစ်လျက် အုပ်ချုပ်သူ လူတန်းစား အသိပညာ မရှိလို့  ဖြစ်ပါတယ်။
စောဒက တက်စရာ ရှိပါတယ် - အရင်းအနှီး မရှိရင် ဖွံ့ ဖြိုးမှု ဘယ်လို လုပ်မှာလဲ - လိုအပ်တဲ့ အရင်းအနှီးနဲ့  နည်းပညာတွေကို နိုင်ငံခြားသား အရင်းရှင်တွေဆီက လက်ခံရမှာပဲလို့  ဆိုကြပါလိမ့်မယ်။ ဒီလို စောဒက မျိုး တက်လာမယ်ဆိုရင် ကျနော် လက်မခံနိုင်ပါဘူး။ အကြောင်းရင်းကတော့ လူသားတွေရဲ့ တိုးတက်ကြီးပွားမှုမှာ - လွတ်လပ်မှု၊ တရားမျှတမှု၊ တူညီသော အခွင့်အရေး ရရှိမှု၊ ဘ၀လုံခြုံမှု - အစရှိသော အချက် -၄- ချက် အပေါ်မှာ မူတည်ပါတယ်။
လူတိုင်းမှာ ကိုယ်ပိုင် အတွေးအခေါ် အယူအဆတွေ ရှိကြပါတယ်။ လွတ်လပ်မှု မရှိရင် ကိုယ်ပိုင်အရည်အချင်းတွေ ထုတ်ဖေါ်ခွင့် မရတော့လို့  - အပွင့်ပွင့်ရမယ့် သစ်ပင်ဟာ ပွင့်ခွင့်မရ - ပွင့်ခွင့်မရလျှင် အသီး အဖြစ်လာနိုင်တော့ သလို ဘ၀ အညွှန့် တုံးသွားပါတယ်။ ထို့ ကြောင့် ပထမ အရေးကြီးဆုံး အချက်ဟာ လွတ်လပ်မှု လို့  ဆိုရခြင်းပါ။
လွတ်လပ်မှု ရှိသော်လည်း တရားမျှတမှု မရှိလျှင် အပင် က ပွင့်လာတဲ့ အပွင့်ကို ပိုးမွှား တိရစ္ဆာန်တွေ ဖျက်ဆီးသလို အဖျက်ခံရမယ် - ကြီးနိုင်ငယ်ညှင်း - ငါးငယ်ကို ငါးကြီး စားသလို ဖြစ်သွားပါမယ်။ ထို့ ကြောင့် တရားမျှတမှုဟာ ဒုတိယ အရေးအကြီးဆုံး အချက်လို့  တင်ပြရပါတယ်။
စီးပွားရေး၊ နိုင်ငံရေး၊ လူမှုရေး - အရေးတိုင်းမှာ ယှဉ်ပြိုင်မှု ရှိကြပါတယ်။ ထိုယှဉ်ပြိုင်မှု တွေမှာ တူညီသော အခွင့်အရေးတွေ လိုအပ်ပါတယ်။ ဥပမာ နှိုင်းယှဉ်ပြရလျှင် အပြေးပြိုင်ပွဲ တစ်ခုမှာ အားလုံးဟာ သတ်မှတ်ထားသော မျဉ်းပေါ်မှာ အစနေရာယူပြီး တာထွက်ချိန်မှာလည်း တစ်ပြိုင်ထည်း ထွက်ရသလို ပန်းတိုင်ရောက်ရန်မှာ ယှဉ်ပြိုင်သူရဲ့ အရည်အချင်းမှာ မူတည်သလိုပါပဲ။ လောကကြီးမှာ လူအများစုဟာ တူညီသော အခွင့်အရေး မရလို့  တိုးတက် ဖွံ့ ဖြိုးခွင့် မရကြရတာ ဖြစ်ပါတယ်။ ထို့ ကြောင့် တူညီသော အခွင့် အရေးဟာ တတိယ အရေးကြီးသော အချက်လို့  ဖေါ်ပြရခြင်းပါ။
အထက်ဖေါ်ပြခဲ့ပါ အချက် -၃- ချက် ရှိသော်လည်း ဘ၀ လုံခြုံရေး မရှိသော ဒေသမှာ လူ့ ဘ၀ ဆိုတာ ချောက်ကမ်းပါးမှာ ရပ်နေရသူလိုပါပဲ။ ဘ၀ဆိုတာ အမြဲတမ်း သဲထိပ်ရင်ဖို ဖြစ်နေရပြီးထာဝရ ငရဲ ကျနေသလို ဖြစ်နေမှာပါ။
ထို့ ကြောင့် ဖေါ်ပြပါ အချက် -၄- ချက် လိုအပ်ကြောင်း တင်ပြရခြင်းပါ။ ယနေ့  မြန်မာနိုင်ငံ နေရာ အနှံ့  အပြား ထို အချက် -၄- ချက် ပြည့်စုံမှု ရှိ မရှိဆိုတာ ပြည်သူတွေ အသိဆုံးပါ။
မည်သို့ သော အခွင့်အရေးတွေကို ပေးပေး နိုင်ငံခြားသား အရင်းရှင်များ အနေဖြင့် ရင်းနှီးမြုပ်နှံဖို့  ဆိုသည်မှာ လွယ်လွယ်ကူကူ ဆုံးဖြတ်ချက် ချရိုးထုံးစံ မရှိပါ။ အရင်းအနှီးဆိုသည်မှာ မြုပ်ချလိုက်ပြီးလျှင် အရင်းပြန်ပေါ်လာဖို့  အချိန်ယူလုပ်ဆောင်ရပါတယ်။ အမြတ်ရဖို့ ဆိုသည်မှာလည်း စောင့်ဆိုင်းရပါတယ်။ မတော်တဆ ဖြစ်ခဲ့လျှင် ဘ၀ပျက်သွားနိုင်တယ်။ ထို့ ကြောင့် ကမ္ဘာ့ ရင်းနှီး မြုပ်နှံသူတွေကို လမ်းညွှန်ပေးနေတဲ့ ဆရာကြီးတွေ - လေ့လာရေး ဌာနကြီးတွေ ရှိပါတယ်။ ထို့ ကြောင့် စီးပွားရေး လုပ်ငန်းရှင်တွေဟာ သူတို့ ယုံကြည် ကိုးစား အားထားရတဲ့ ဆရာကြီးတွေရဲ့ လမ်းညွှန်မှုကို လေးစား လိုက်နာကြပါတယ်။ စက်မှုလက်မှု ၀န်ကြီးဌာနက မြန်မာအစိုးရရဲ့ သဘောထားကို အလွန်အရေးပါလှတဲ့ - WORLD ECONOMIC FORUM- မှာ ပြောခဲ့ယုံတင်မက သမ္မတ ဦးသိန်းစိန်ရော ဒေါ်အောင်ဆန်းစုကြည်ပါ ထိုကိစ္စကို ထပ်မံ ထုတ်ဖော် ပြောဆိုခဲ့ကြပြီး နိုင်ငံခြားသား ရင်းနှီးမြုပ်နှံသူများကို ဖိတ်ခေါ်ခြင်း - အာမခံချက်ပေးခြင်းတွေ ပြုလုပ်ခဲ့ကြပါတယ်။
အထူးသဖြင့် သမ္မတ ဦးသိန်းစိန်ရဲ့ စင်္ကာပူ သွားရောက်တဲ့ ခရီးစဉ်မှာ နာမည်ကြီး သတင်းစာ တစ်စောင်နဲ့  တွေ့ ဆုံ မေးမြန်းခန်းမှာ မိန့် ကြားခဲ့ခြင်း ဖြစ်ပါတယ်။
အထူးခြားဆုံးကတော့ နိုင်ငံခြားငွေလဲလှယ်ရေး ကိစ္စနဲ့  အစုရှယ်ယာ ဈေးတည်ထောင်ရေး ကိစ္စတွေ ဖြစ်ပါတယ်။
အမှန်ကို အမှန်အတိုင်း - အရှိကို အရှိအတိုင်း ဝေဖန်ရရင်တော့ ဆင်ခေါင်းဟာ ဘယ်လောက် ကြီးနေသော်လည်း အထဲက ဦးနှောက်ဟာ လူသားထက် ငယ်တယ်လို့  ဆိုပါတယ်။ သမ္မတဦးသိန်းစိန်ရဲ့ ဦးခေါင်းပုံသဏ္ဍာန်က ကြီးမားပုံရပေမယ့် ဦးနှောက်က ဆင်ဦးနှောက်လောက်ပဲ ရှိပုံရပါတယ်။
နိုင်ငံခေါင်းဆောင်ကြီး တစ်ယောက်ကို မသမာသော စိတ်ဖြင့် ဝေဖန်ခြင်း မဟုတ်ပါ။ မြန်မာနိုင်ငံရဲ့ ငွေကြေး ပြဿနာကို ကိုယ့်ဖာသာ မဖြေရှင်းပဲ သူခိုးကို ဘဏ္ဍာစိုး ခန့် အပ်ခြင်းကို လက်မခံနိုင်လွန်းလို့  ဝေဖန်မိတာပါ။
မြန်မာနိုင်ငံ စစ်ခေါင်းဆောင်တွေနဲ့  စင်္ကာပူ အစိုးရဟာ အထူးရင်းနှီးမှု ရှိခဲ့တယ်ဆိုတာ မြန်မာနိုင်ငံသားတိုင်း သိကြပါတယ်။ ထို့ ကြောင့် ငွေကြေး ကိစ္စစီမံ ဆောင်ရွက်တဲ့နေရာမှာ အထူးကျွမ်းကျင်တဲ့ စင်္ကာပူနိုင်ငံရဲ့ အကူအညီ ရလို၍ မြန်မာနိုင်ငံသမ္မတကြီး စင်္ကာပူကို သွားခဲ့တယ်ဆိုတာ သိသာလှပါတယ်။ ဒါ့ကြောင့်လည်း သူခိုးကို ဘဏ္ဍာစိုး ခန့် တယ်လို့  ပြောတာပါ။
စင်္ကာပူအစိုးရရဲ့ ငွေကြေးဆိုင်ရာပိုင်းကို ကိုင်တွယ်လှုပ်ရှားဖို့  -TEMASEK HOLDINGS- ဆိုတဲ့ ကုမ္ပဏီ ကြီးကို ဖွင့်လှစ်ထားပါတယ်။ ၎င်းအပြင် စင်္ကာပူ အစိုးရပိုင် -GOVERNMENT CORPORATION : GIC - ဆိုတာလည်း ရှိပါတယ်။ သို့ သော် နိုင်ငံတကာ ငွေကြေးလောကမှာ အထူးသဖြင့် အာရှတစ်ခွင်မှာ ရှိတဲ့ ငွေကြေး ရင်းနှီးမြုပ်နှံမှု အမြောက်အများ အသုံးချရတဲ့ လုပ်ငန်းတွေမှာ လက်ဝါးကြီးအုပ်ဖို့  အသင့်ရှိနေပါတယ်။ - ဘာ့ကြောင့်လည်းဆိုတော့ -TEMASEK HOLDINGS- ရဲ့လက်ထဲမှာ စင်္ကာပူဒေါ်လာ သန်းပေါင်း -၁၉၃- ဘီလီယံ သို့ မဟုတ် အမေရိကန်ဒေါ်လာ သန်းပေါင်း -၁၅၇- ဘီလီယံ ရှိနေတဲ့ အပြင် အဆင့်မြင့် အလုပ်သမား -၄၀၀- ကျော်လည်း ရှိနေပါတယ်။
၎င်း -TEMASEK HOLDINGS- ရဲ့ အဓိက လုပ်ငန်းတွေကတော့ -FINANCIAL SERVICES, TELECOMMUNICATION နှင့် MEDIA တို့ ဖြစ်ပါတယ်။ ထို့ မျှမက BANK OF CHINA STANDARD CHARTERED- အစရှိသော ထိပ်တန်း ဘဏ်ကြီးတွေမှာလည်း အစုရှယ်ယာတွေ ပါဝင်ထားပါတယ်။ ထို့ ကြောင့်လည်း -၂၀၀၄- ခုနှစ် -TEMASEK HOLDINGS- ရဲ့ အမြတ်ငွေဟာ စင်္ကာပူဒေါ်လာ -၇.၄- ဘီလီယံ သို့ မဟုတ် အမေရိကန်ဒေါ်လာ -၄.၄- ဘီလီယံ အထိ ရှိခဲ့ပါတယ်။ ဘဏ်လုပ်ငန်း ဆိုတာ ရွှေဆိုင်လိုပါပဲ - ရွှေဆိုင်မှာ ကျနော်တို့ က ရောင်းရင်လည်း အမြတ်ယူထားတယ်၊ သူ့ ဆီမှာ ၀ယ်ရင်လဲ အမြတ်ယူထားတယ်။ ဒါ့ကြောင့် ရွှေဆိုင်လုပ်ငန်းဟာ အရှုံးမရှိသလို ဘဏ်လုပ်ငန်းဟာလည်း အရှုံးမရှိပါဘူး။
လွန်ခဲ့တဲ့ -၂၀၀၆- ခုနှစ်တုန်းက ၎င်း TEMASEK ကို CEO အဖြစ် အုပ်ချုပ်ထားသူကတော့ စင်္ကာပူ ၀န်ကြီးချုပ် LEE HSIEN LOONG ရဲ့ ဇနီး MADAME HO CHING ဖြစ်ပါတယ်။ သူမ လက်ထက်မှာ ထိုင်းဝန်ကြီးချုပ် -THAKSIN SHINAWATRA- နဲ့  မိသားစုပိုင် -SHIN CORPORATION- ကုမ္ပဏီ ရှယ်ယာတွေ ၀ယ်လိုက်ပြီး ယခုအချိန်အထိ ၎င်းကုမ္ပဏီကို အပိုင်စီးထားဆဲ ဖြစ်ပါတယ်။ ၀န်ကြီးချုပ် -THAKSIN- ကတော့ ၎င်း အစုရှယ်ယာတွေ ရောင်းဝယ်မှုနဲ့  ပါတ်သတ်ပြီး ပြည်သူလူထုက ဆန္ဒပြကြရာမှ နောက်ဆုံး အာဏာသိမ်းခံရတဲ့ အထိ ဖြစ်ခဲ့ရုံမက အစုရှယ်ယာ ရောင်းရတဲ့ ငွေထဲက ဘတ်ငွေ သန်းပေါင်း -၄၀၀၀၀- ကျော် အသိမ်းခံလိုက်ရပါတယ်။ ထိုဆန္ဒပြပွဲတွေ ဖြစ်နေစဉ် ကာလမှာ စင်္ကာပူဝန်ကြီးချုပ် -LEE HSIEN LOONG နှင့် MADAME HO CHING တို့ ရဲ့ ရုပ်တုများကို ဘန်ကောက်မြို့လည် လမ်းမကြီးပေါ်မှာ မီးရှို့ ဆန္ဒပြခဲ့ကြပါတယ်။ မည်သို့ ပင်ဖြစ်စေ ၎င်း TEMASEK ကုမ္ပဏီ CEO အဖြစ်မှ -၂၀၀၉- ခုနှစ်မှာ MADAME HO CHING နှုတ်ထွက်ခဲ့ပြီး အမေရိကန်လူမျိုး CHARLES W.GOODYEAR- ကို နေရာပေးခဲ့ပါတယ်။ အတိုချုပ်ကို ပြောရရင်တော့ - စင်္ကာပူ- တရုပ်- အမေရိကန် - ၃- နိုင်ငံဟာ -TEMASEK- ကုမ္ပဏီမှာ ပူးတွဲဆောင်ရွက်နေကြတယ် ဆိုတာပါပဲ။
WORLD ECONOMIC FORUM- အစည်းအဝေးမှာ မြန်မာနိုင်ငံရဲ့ - အကောက်ခွန် -၈- နှစ် ကင်းလွတ်ခွင့် ပေးမယ် ဆိုတဲ့ ထုတ်ဖေါ် ပြောကြားချက် ထွက်ပေါ်ပြီးနောက်ပိုင်းမှာ - သို့ မဟုတ် - ဒေါ်အောင်ဆန်းစုကြည်က -2012- WORLD ECONOMIC FORUM- သို့ ပြောကြားတဲ့ “MYANMAR HAD THE ‘RARE AND PRECIOUS OPPORTUNITY TO REACH A GREAT TRANSFORMATION’ - ဆိုတဲ့ သမိုင်းဝင် ၀ါဓက ကြီးထွက်လာပြီးနောက်ပိုင်းမှာ အင်္ဂလန်နိုင်ငံက -MAPLECROFT- ဆိုတဲ့ သုတေသနဌာနကြီးက -၈-၂-၁၂- ရက်နေ့  ထုတ်ပြန်ချက် တစ်ရပ်တွင် ဖေါ်ပြထားသည်မှာ မြန်မာနိုင်ငံဟာ ကမ္ဘာပေါ်မှာ စီးပွားရေးလုပ်ဖို့  မသင့်ဆုံး နိုင်ငံလို့  ဆိုထားပါတယ်။ အကြောင်းရင်းကတော့ မြန်မာနိုင်ငံဟာ သဘာဝ သယံဇာတ ပစ္စည်း ပေါကြွယ်ဝပေမယ့်လည်း ဥပဒေ စိုးမိုးရေးပိုင်း တနည်းအားဖြင့် တရားမျှတမှု အပိုင်းမှာ အလွန်အားနည်းနေသေးသောကြောင့်လို့  ဆိုထားပါတယ်။
ကမ္ဘာ့  နိုင်ငံပေါင်း -၁၉၇- နိုင်ငံထဲမှာ မြန်မာနိုင်ငံဟာ တရားမျှတမှု အနည်းဆုံး နိုင်ငံစာရင်းမှာ ပါဝင်ကြောင်း လေ့လာတွေ့ ရှိရသည်ဟု ဖေါ်ပြထားပါတယ်။
စီးပွားရေးနှင့် တရားမျှတမှုဆိုသည်မှာ ဒွန်တွဲနေပြီး တရားမျှတမှု မရှိသော နိုင်ငံသည် အမိုးပျက်စီးနေသော အဆောက်အဦးနှင့် တူပါတယ်။
ထို့ ကြောင့် MAPLECROFT- သုတေသန ပြုလုပ်ထားတဲ့ စီးပွားရေး မလုပ်သင့်တဲ့ နိုင်ငံတွေကတော့ -ANGOLA, ARGENTINA, INDONESIA, MALAYSIA, MYANMAR, UKRAINE နိုင်ငံတို့  ပါဝင်ကြောင်း ဖေါ်ပြထားပါတယ်။ နောက်ပြီးတော့ FATF - ခေါ် FINANCIAL ACTION TASK FORCE- အဖွဲ့ ကြီးကလည်း မြန်မာနိုင်ငံဟာ ငွေမဲတွေ ငွေဖြူဖြစ်အေင် ခ၀ါချတဲ့နေရာမှာ အဓိက ဌာနချုပ်ကြီး ဖြစ်နေကြောင်း ထုတ်ဖေါ်ကြေငြာထားပါတယ်။ ငွေခ၀ါချရုံတင်မက ကမ္ဘာ့  အကြမ်းဖက် ဂိုဏ်းတွေရဲ့ ငွေတွေ ရွှေ့ပြောင်းတာရော - ငွေပွားအောင် လုပ်တာရော- အမှောင်လုပ်ငန်းတွေ ဆုံစည်းရာ နေရာလို့  သတ်မှတ်ထားပါတယ်။
FATF - အဖွဲ့ ကြီးက ယခုနောက်ဆုံး -၂၀၁၂- ခုနှစ် ဖေဖေါ်ဝါရီလတွင် ထုတ်ပြန်ခဲ့တဲ့ ကြေငြာချက်မှာ ပါဝင်တဲ့ နိုင်ငံတွေကတော့ - ANGOLA, ARGENTINA, INDONESIA, MALAYSIA, MYANMAR နဲ့  UKRAINE နိုင်ငံတို့  ဖြစ်ပါတယ်။
နိုင်ငံ တစ်နိုင်ငံမှာ ဒေါ်လာသန်းရာချီပြီး၊ ထောင်ချီပြီး ရင်းနှီးမြုပ်နှံကြမယ့် စီးပွားရေး လုပ်ငန်းရှင်တွေဟာ အဲ့ဒီနိုင်ငံရဲ့ နိုင်ငံရေး၊ လူမှုရေး၊ သယ်ယူပို့ ဆောင်ရေး၊ သယံဇာတ - လူသားသယံဇာတရော၊ သဘာဝ သယံဇာတ တို့ အပြင် ကမ္ဘာ့  ဇုံ အနေအထားကိုပါ လေ့လာကြရပါတယ်။
မြန်မာနိုင်ငံဟာ ကမ္ဘာ့ ဇုံအရ အလွန်ကောင်းတဲ့ နိုင်ငံ ဖြစ်ပါတယ်။ ဆိုလိုတာက ကမ္ဘာ့  လူဦးရေ အများဆုံး နိုင်ငံကြီး နှစ်နိုင်ငံနဲ့  လက်ဝဲ လက်ယာမှာ နယ်မြေ ဆက်စပ်နေသဖြင့် ရောင်းအား ၀ယ်အား အလွန်ကောင်းလှပါတယ်။ ကျနော်တို့  အိမ်နီးချင်း နိုင်ငံဖြစ်တဲ့ ထိုင်းနိုင်ငံဟာဆိုရင် - အပ်က အစ၊ မော်တော်ကားအထိ ထုတ်နိုင်ပေမယ့် ကမ္ဘာ့  အနောက်ဖက်ခြမ်းကို ကုန်တင်ပို့ မယ်ဆိုရင် မလက္ကာ ရေလက်ကြားက တဆင့် စင်္ကာပူက ပါတ်ပြီး ပို့ နေရသောကြောင့် ဘန်ကောက် ဆိပ်ကမ်းနဲ့  ရန်ကုန်ဆိပ်ကမ်း ခရီးလမ်း အကွာအဝေးဟာ ကုန်တင်စရိတ်ကွာခြားချက် ကွာလွန်းသည်ကို တွေ့ ရပါမယ်။
မြန်မာနိုင်ငံဟာ စစ်အုပ်ချုပ်ရေး လက်အောက်မှာ နှစ်ပေါင်း ၅၀- လောက် ရောက်မနေဘူးဆိုရင် အခုအခါမှာ တောင်ကိုရီးယားထက် သာနေမယ် ဆိုတာ ကျနော် ပြောရဲပါတယ်။ ကျနော်တို့  မြန်မာနိုင်ငံမှာ စီးပွားရေးလုပ်ငန်းရှင်များ အလွန်ထိတ်လန့်  ကြောက်ရွံ့တဲ့ မဟာ ပြဿနာကြီးကတော့ လာဘ်ပေးလာဘ်ယူ ကိစ္စပါပဲ။
TRANSPARENCY INTERNATIONAL အဖွဲ့ ကြီးရဲ့ ထုတ်ဖေါ်ချက် အရ ကမ္ဘာ့  CORRUPTION ခေါ် အကျင့်ပျက် လာဘ်စားမှု အများဆုံးနိုင်ငံစာရင်း အဆင့်ကို သတ်မှတ်ထားသည်မှာ အံ့အောစရာ ကောင်းလှပါတယ်။ ကမ္ဘာ့ နိုင်ငံပေါင်း -၁၈၂- နိုင်ငံမှာ နံပါတ် -၁၈၀- မှာ ပါရှိသောကြောင့်ပါ။ ဒီလိုဆိုတော့ တစ်နိုင်ငံလုံး အကျင့်ပျက်တယ်လို့  အဓိပ္ပါယ်ရှိပါတယ်။ ဆေးပညာ စကားနဲ့  ပြောရရင်တော့ -CORRUPTION VIRUS- ရောဂါပိုး အများဆုံး နိုင်ငံလို့  ဆိုလို ပါတယ်။
မြန်မာနိုင်ငံ ပြန်လည် ထူထောင်ရေးမှာ နိုင်ငံရေး ခေါင်းဆောင်ပိုင်းဟာ နိုင်ငံခြားသား ရင်းနှီးမြုပ်နှံသူတွေကို မက်လုံးပေးပြီး ဖိတ်ခေါ်နေရုံနဲ့  မပြီးသေးပါ။ လိုအပ်တဲ့ ပြင်ဆင်မှုတွေ အရင်လုပ်ဖို့  လိုပါတယ်။ အဲ့ဒီ ပြင်ဆင်မှုတွေထဲမှာ အရေးအကြီးဆုံးက - စေတနာမှန်၊ နေရာမှန်၊ လူမှန်တွေကို ၀န်ကြီးနေရာတွေ ပေးအပ်ဖို့  လိုပါတယ်။ နေရာရပြီး အလုပ်မလုပ်တတ်ပဲ စားတာတစ်ခုထည်းကိုသာ တတ်တဲ့ လူတွေကို ဖယ်ရှားပြစ်ဖို့  အရေးကြီးပါတယ်။ ဥပမာ မြန်မာ့ငွေကြေးပြဿနာကို ဘဏ္ဍာရေးဝန်ကြီးက စီစဉ်ဖြေရှင်းဖို့ ၊ စီမံအုပ်ချုပ်ဖို့  လိုပါတယ်။ နိုင်ငံတစ်နိုင်ငံရဲ့ နှလုံးသား ဖြစ်တဲ့ ဘဏ္ဍာရေးကိစ္စကို အခြားနိုင်ငံ တစ်ခုကို လွှဲအပ်ပြီး စီမံခန့် ခွဲမှု ပြုမယ်ဆိုရင် နိုင်ငံတော်ရဲ့ လုံခြုံရေးကို ထိခိုက်စေမှာ ဖြစ်ပါတယ်။
ပြည်သူလူထုဆင်းရဲမွဲတေမှုက လွတ်မြောက်စေဖို့  - အလုပ်လက်မဲ့ ပြဿာ ဖြေရှင်းဖို့ ၊ နိုင်ငံခြားကုမ္ပဏီတွေကို မက်လုံးပေး ခေါ်ယူနေခြင်းဟာ စစ်မှန်သော စီးပွားရေး သမားတွေမလာပဲ စီးပွားရေး အချောင်သမားတွေသာ ၀င်ရောက်လာပြီး ဗိုလ်ချုပ်အောင်ဆန်း ပြောခဲ့သလို “ဖာနိုင်ငံ ဖြစ်ဖို့ ” လမ်းဖွင့်ပေးသလို ဖြစ်နေပါတယ်။
၂၂-၃-၁၂ ရက်နေ့ က ကော့မှူးမြို့နယ်မှာ ကမ္ဘာကျော် နိုင်ငံရေးသမားကြီး တစ်ဦး ပြောသွားတာက “ကော့မှူးမြို့နယ်မှာ အလုပ်လက်မဲ့များပြီးတော့ စီးပွားရေး အခြေအနေ အတော်ဆိုးနေတာ တွေ့ ရတယ်၊ ကော့မှူးမြို့နယ်က မဲဆန္ဒရှင်အားလုံး အတွက်ကို ကျမမြို့နယ် ဖြစ်တဲ့ အတွက် မြန်မာပြည်မှာ ကျမ မြို့နယ်က နေ စပြီး အဲ့ဒါတွေကို ပြုပြင်ပေးချင်တယ်၊ ကျမ တာဝန်ကျေအောင် ထမ်းဆောင်ပါ့မယ်။ ဒါ့ကြောင့် ကော့မှူးမြို့က လူထု မဲပေးမှသာလျှင် မြန်မာတစ်ပြည်လုံးအတွက် အဲ့ဒီတာဝန်ကို ထမ်းဆောင်နိုင်မှာ ဖြစ်ပါတယ်” အဲ့ဒီလို ပြောဟောသွားတယ်လို့  သတင်းမှာ ရေးသားထားပါတယ်။
ဒီစကားရပ်ဟာ -PROFESSIONALISM- ကြေးစားနိုင်ငံရေး သမားတွေ ပြောနေကြ စကား ဖြစ်ပါတယ်။ မစားရ ၀ခမန်း ၊ ဖြစ်နိုင် အဖြစ်နိုင် အပထား - မိမိ မဲရဖို့ အတွက် မက်လုံးပေး ပြောသော တနည်းအားဖြင့် ပြည်သူလူထုကို လာဘ်ထိုးခြင်းသာ ဖြစ်ပါတယ်။
မည်သည့် နိုင်ငံမှာမဆို အဲ့ဒီလို ကြေးစား နိုင်ငံရေးသမားတွေကြောင့် နိုင်ငံတိုးတက်မှုတွေ ဆုတ်ယုတ်ခဲ့ကြရတာ လေ့လာတွေ့ ရှိနေရပါတယ်။ နိုင်ငံရေး သမားဆိုတာ -VOLUNTEER- ခေါ် စေတနာဝန်ထမ်း များသာ ဖြစ်သင့်ပါတယ်။
သမ္မတကြီး ဦးသိန်းစိန် ဆိုသူကလည်း မြန်မာနိုင်ငံမှာ အစုရှယ်ယာ ဈေးဖွင့်ပေးမယ်လို့ ပါ ပြောသွားသည် ဟုလည်း နိုင်ငံခြား သတင်းမှာ ဖေါ်ပြထားပါတယ်။ သမ္မတကြီး ဦးသိန်းစိန် - မိုးခါးရေ သောက်မိပြီထင်ပါတယ်။
အစုရှယ်ယာဈေး - ဆိုသည်မှာ တရားဝင် လောင်းကစားပွဲ တစ်ရပ်သာဖြစ်ပြီး ငွေအားနဲသူတွေရဲ့ သင်္ချိုင်းသာ ဖြစ်တယ် ဆိုတာ သမ္မတကြီး မသိလိုက်ဘူး ထင်ပါတယ်။ မြန်မာနိုင်ငံဟာ အစုရှယ်ယာ ဈေးကွက်ဖွင့်ရန် အချိန်မတန်သေးဘူးလို့  တင်ပြပါရစေ။
မြန်မာနိုင်ငံရဲ့ ပြဿနာတွေကတော့ - ပြောမဆုံးပေါင် တောသုံးတောင် - ဆိုသလိုပါပဲ။
THE LADY နဲ့  THE PRESIDENT တို့ ရဲ့ လှုပ်ရှားပြောဆို ဆောင်ရွက်နေပုံတွေဟာ - နိုင်ငံတကာ အမြင်မှာ ပွင့်သစ်စပန်းလေး တစ်ပွင့်လို ဖြစ်နေပေမယ့် ကျနော့ အမြင်မှာကတော့ -MISSION IMPOSSIBLE- အဆင့်သာ ရှိသေးကြောင်းတင်ပြလိုက်ရပါတယ်။ ရေးစရာ အချက်တွေ အများကြီး ကျန်သေးပေမယ့် စာရှည်လွန်းသွားသဖြင့် ဤနေရာမှာ ရပ်နားပါရစေ။
မေတ္တာစေတနာဖြင့်
တောသားလေး မောင်လူအေး
