ကိုမိုးသီးက.... ဒို့ရဲ့ ခေါင်းဆောင်

ကိုမိုးသီးမှ ခလေးငယ်တစ်ဦးအား ကယ်ထုတ်စဉ်

ဒါမှ ငါ့ရဲ့ ခေါင်းဆောင်ကွ...။ ဒါမျိုးကို ဘယ်သူလုပ်ရလဲ...တော်လှန်ရေးခေါင်းဆောင်ကြီးတွေ...ဘယ်မှာလဲ ကျန်တဲ့ခေါင်းဆောင်ကြီးတွေ...သူ့လိုဘယ်သူလုပ်ရဲလဲ...။ လေးစားပါတယ်...ကိုမိုးသီးဇွန်...။ သတိလည်းထားပါအုံး...တော်ကြာနေအသက်ထွက်နေအုံးမယ်...။

ဘုရားသုံးဆူမှာ ယနေ့ည(၇) နာရီထိုင်းစံတော်ချိန်အထိ အခြေအနေ

ရွာသွားတွေအများစုက မွန်ပြည်သစ်ပါတီ တပ်ရင်း (၃) အခြေစိုက်တဲ့ ဂျပန်ရေတွင်းဘက်မှာ ရွှေ့ ပြောင်းနေတယ်။ ဘုရားသုံးဆူမြို့ ထဲမှာတော့ DKBA နဲ့ အခြား ကရင်သူပုန်တွေက နအဖရဲ့ သတင်းပေးတွေဖြစ်တဲ့ အိမ်တွေ၊ ဆိုင်တွေကို မီးရှို့ နေတယ်။ အထူးသဖြင့် စရဖ နဲ့ SP ပိုင်တဲ့ပစ္စည်းတွေ၊ အိမ်တွေဖြစ်တယ်။ ဘုရားသုံးဆူကို ၀င်သိမ်းတဲ့သူတွေက DKBA တွေပဲဖြစ်ပါတယ်။ မွန်ပြည်သစ်ပါတီ မပါပါဘူး။ သူတို့ကတော့ စစ်ရေးအသင့်အနေအထားမှာ ရှိနေသေးတယ်လို့ ဂျပန်ရေတွင်းမှာရောက်နေတဲ့ ဘုရားသုံးဆူမြို့ ခံကပြောတယ်။ သူတို့က မွန်ပြည်သစ်ပါတီဝင် မိသားစုတွေဖြစ်တယ်။ ထိုင်းမြို့ ဖြစ်တဲ့ စံခလပူရီ(ဘုရားသုံးဆူမြို့  နယ်စပ်) ကို စစ်ပြေးဒုက္ခသည်တွေ ၀င်လို့မရအောင် ထိုင်းတပ်က ပိတ်ဆို့ထားတယ်။ ဒါ့ကြောင့် ဘုရားသုံးဆူမြို့ သားတွေက အခုလောလောဆယ် ဂျပန်ရေတွင်း( သုံးနာရီခန့် လမ်းလျှောက်လျှင်) ပတ်ဝန်းကျင်မှာ ခိုလှုံနေရခြင်းဖြစ်တယ်။ မွန်ပြည်သစ်ပါတီ တပ်ရင်း(၃) ကလိုအပ်တဲ့နေရာချထားရေးကို ကူညီပေးနေတယ်။

အခြားအဖွဲ့တွေ ဘာလုပ်နေကြလဲ..

မွန်ပြည်သစ်ပါတီ၊ ABSDF၊ UWSA၊ KIA တပ်တွေ ဘာလုပ်နေလဲ...။ မဟာမိတ်တွေလို့ပြောပြီး ဒီလိုပဲငြိမ်နေမှာလား။ NCUB MPU DAB FDB NCGUB SYCB စတဲ့ တပ်ပေါင်းစုတွေ ဘာလုပ်နေလဲ

...။ ထိုင်ပြီး သင်တင်းနားထောင်နေတာလား...။

ဘုရားသုံးဆူတိုက်ပွဲ လူအသေအပျောက်များ

မြ၀တီမြို့ မှ မဲ့ဆောက်သို့ ထွက်ပြေးလာသည့် စစ်ပြေးဒုက္ခသည်များ

ဘုရားသုံးဆူမြို့ ရှိ ဘုန်းကြီးကျောင်းနားမှာ တိုက်ပွဲဖြစ်ခဲ့တယ်။ မီးတွေလောင်နေပါတယ်။ မြို့ တွင်းမှအပြင်ကို ထွက်လို့မရ။ ထိုင်းဘက်ခြမ်းမှလည်း အ၀င်ပေါက်တွေကို ပိတ်ထားပါတယ်။ သေတဲ့လူ၊ ဒဏ်ရာရတဲ့လူတွေရှိတယ်။ တိုင်းမှုးလာတာကြားလို့ ကရင်တွေဝင်ပစ်တာလို့ မြို့ ခံကပြောတယ်။ မြို့ သူမြို့ သားတွေ အိမ်အပြင်ကနေ အိမ်ထဲထွက်လို့မရဘူးဖြစ်နေတယ်။ ကရင်သူပုန်တွေက ဘုရားသုံးဆူမြို့ ထဲကို ကားနဲ့ဝင်လာပြီးပစ်တယ်လို့ပြောတယ်။ အခုလည်း သေနတ်သံတွေကြားနေရတယ်။

မြ၀တီမြို့ တွင်းတိုက်ပွဲ ပြင်းထန်.....

ထိုင်းဘက်ခြမ်း ၊ မဲဆောက် တံတားထိပ် ဘယ်ဘက်ခြမ်း ရဲစခန်း ရှေ့တွင် မြန်မာဘက်ခြမ်းမှ ပစ်ခတ်လိုက်သော လက်နက်ကြီး ထိမှန်မှုကြောင့် ပျက်စီးနေသော ပုံ။
(ဓာတ်ပုံ - မဲဆောက်မှ သူငယ်ချင်းတစ်ယောက်)

ယနေ့  နံနက် ၈ နာရီဝန်းကျင်တွင် မြ၀တီမြို့ တွင်း ဒီကေဘီအေ နှင့် နအဖ စစ်တပ်အကြားတိုက်ပွဲဖြစ်ပွားခဲ့ပြီး လက်နက်ကြီး ၈ ချက်ခန့် ပစ်ခတ်ပေါက်ကွဲမှုဖြစ်ပွားခဲ့သည်။ တစ်ချက်မှာ မြ၀တီအထက်တန်းကျောင်းရှေ့ တွင်ပေါက်ကွဲခဲ့သောကြောင့် အထက်တန်းကျောင်းအား အရေးပေါ်ပိတ်လိုက်ပါသည်။

ထို့ အပြင် လက်နက်ငယ်များဖြင့် ပစ်ခတ်မှုများလည်း ဆက်လက်ဖြစ်ပွားနေဆဲဖြစ်ကြောင်း မြ၀တီမြို့ ခံတစ်ဦးမှ ပြောပြသွားပါသည်၊ (ဖုန်းဖြင့်အဆက်အသွယ်သိပ်မလုပ်ရဲသောကြောင့် ခဏလေးသာစကားပြောခွင့်ရခဲ့ပါသည်၊)

တိုက်ပွဲဖြစ်ပွားမှုကြောင့် ပြည်သူ ၃ ဦးသေဆုံး ကာ ၆ ဦးဒန်ရာရရှိသွားပါသည်။

ထိုတိုက်ပွဲဖြစ်ပွားမှုကြောင့် နအဖ စစ်တပ်ဖက်မှ ပစ်ခတ်သော RPG 3-လုံးခန့် ထိုင်းနိုင်ငံ ဖက်ကမ်းသို့ လာရောက်ထိမှန်သောကြောင့် သောင်ရင်းမြစ်ကမ်းနားရှိ ထိုင်းအစိုးရ ကျောင်းများအားအရေးပေါ်ပိတ်လိုက်ကြောင်းပါထက်မံသိရှိရပါသည်။

တိုက်ပွဲဖြစ်ပွားမှုမျာ ၉ နာရီကျော်ခန့် တွင်ရပ်တန့် သွားခဲပါသည်။

နောက်ဆက်တွဲ သတင်းအရ မြ၀တီမြို့ တွင်းတွင် ပေါ်တာဆွဲနေကြောင်း မည်သည့်အဖွဲ့ မှ ပေါ်တာဆွဲနေကြောင်းကိုမူအတိအကျမသိရှိရပါ။

ဒီအပြင် မြ၀တီမြို့ တွင်း ရောင်းဝယ်ဖောက်ကားမှုအားလုံး (အထူးသဖြင့် မြို့ မဈေးကြီးတွင်) ရပ်တန့် သွားကြောင်းသိရှိရပါသည်။

ယခုလက်ရှိအခြေအနေအရ မြ၀တီမြို့ နေ လူထုအများ သောင်ရင်းမြစ်အားဖြတ်ကျော်ကာ ထိုင်းနိုင်ငံ မဲဆောက်ဖက်ကမ်းသို့  ထောင်နှင့်ချီဝင်ရောက်လာကြောင်းပင်ဖြစ်ပါသည်။

မယ်တော်ဆေးခန်းတွင်လည်း မြ၀တီဖက်မှ လူဦးရေ ရာနှင့်ချီရောက်ရှိနေသည်။

မယ့်ဆောက် ဆေးရုံကြီးကိုလည်း ဒဏ်ရာရတဲ့လူတွေ ဝါယာလက်ကားတွေနဲ့ ဆက်တိုက်ပို့နေတယ်။

ဗမာတွေရော ထိုင်းတွေရော ဒဏ်ရာရကြတယ်။

မယ်ဆောက်မှ သူငယ်ချင်းတစ်ဦး