ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

2/10/12

ကိုအောင်နိုင်ဦးနှင့် ကိုအောင်သူငြိမ်း (ပြည်တော်ပြန်ဓာတ်ပုံများ)


ကိုအောင်နိုင်ဦး


ဘန်ကောက်လေဆိပ်က အထွက်
၂၄-နှစ်အတွင်းမှာ ပထမဆုံးမိသားစုတွေနဲ့ ဆုံဆည်းတဲ့ ကိုအောင်သူငြိမ်း
ကိုအောင်နိုင်ဦးဖခင် ဦးခင်မောင်
ကိုဇော်ဦးလည်း မျက်ရည်ဝဲတဲ့အထိဖြစ်ခဲ့ပါတယ်
မိသားစုနှင့်အတူ ကိုဂျီးရဲ့ ဝမ်းသာမှု
အင်တာဗျူးတွေကလည်း ပတ်ပတ်လည်။ ကျနော်တို့ ပြန်လာကြည့်တာပါလို့ ပြောတဲ့ ကိုအောင်နိုင်ဦး။
ကိုအောင်နိုင်ဦး အဖေ ဦးခင်မောင် နဲ့ တွေ့ တော့...မျက်ရည်တွေစို့ လို့ ....
ဝမ်းသာလို့ မျက်ရည်တောင်လည်တဲ့သူ နဲ့ အင်တာဗျူး
ကိုအောင်နိုင်ဦးအမေနဲ့ ညီမ

မိဘရင်ခွင်က အေးမြလှတယ်။

ရင်ထဲကလှိုက်ကနဲ နေရလောက်အောင် ပျော်ရွှင်စရာကောင်းတယ်လို့ ပြောလို့ ရတယ်။

ကျနော်တို့ တတွေ နှစ်ပေါင်းများစွာ မိဘရင်ခွင်ထဲကို ပြန်မရောက်နိုင်ပေမဲ့လည်း အမြဲလိုလို မိဘ၊ ညီအစ်ကိုမောင်နှမ သူငယ်ချင်းတွေကို သတိရမိတယ်။ လွမ်းဆွတ်မိတယ်။ မျက်ရည်ကျမိတယ်။

တစ်ခါတလေကြရင် ပြောမပြတက်လောင်အောင် ၀မ်းနည်းခဲ့ရတဲ့ရက်တွေကို ပြည်ပမှာ ခါးခါးသီးသီးကြုံခဲ့ရတယ်။

ကိုယ့်တိုင်းပြည်နဲ့ ကိုယ့်လူမျိုးရှိရဲ့ သားနဲ့  တိုင်းပြည်မဲ့တဲ့လူတွေဖြစ်ခဲ့ရတယ်။

ဒါတွေရဲ့ တရားခံကတော့ နိုင်ငံရေးပဲလို့  နိဂုံးချုပ်မိတယ်။ နိုင်ငံရေးကောင်းတယ်ဆိုရင် ကျနော်တို့  မိဘရင်ခွင်ထဲမှာ နွေးနွေးထွေးထွေးလုံခြုံစိတ်ချစွာ နေနိုင်တယ်။ မကောင်းဘူးဆိုရင် ကျနော်တို့ တွေရဲ့ ဘ၀ဟာ အဓိပါယ်မဲ့ခဲ့ရတယ်။

ဒါတွေကို ယနေ့ မှာ မမြင်ချင်မတွေ့ ချင်တော့ပါဘူး။

အခုလို ပြောင်းလဲပေးခဲ့တဲ့လူတိုင်းကို အထူးပဲ ကျေးဇူးတင်မိပါကြောင်း ကျနော် မောင်ဘုန်းကျော်က ကိုယ်တိုင်ပြည်တော်မပြန်နိုင်ပေမဲ့ သူများတွေပျော်ရွှင်နေတာကိုကြည့်ပြီး ၀မ်းသာလို့ မျက်ရည်စို့ ခဲ့ရပါပြီ။

အားလုံးသော မြန်မာပြည်သားတိုင်းပျော်ရွှင်ကြပါစေ။

ပုံအချို့ အား The Voice မှ ကူးယူသည်။ ပုံအနည်းစုအား ကိုအောင်နိုင်ဦး၏ ညီလေး ကိုလှဘုန်းနိုင်မှ ပေးသည်။

View My Stats