ဒါ့အပြင် ယနေ့ကာလမှာ ရေပန်းစားနေတဲ့ အကြံပေးချက်တွေရှိတယ်။ ဒါတွေကတော့ နာဂစ်ဒုက္ခသည်တွေကို အကူညီပေးဖို့လုပ်တာတောင် ငြင်းဆိုခံရတဲ့မျက်နှာကိုမထောက် နိုင်ငံခြားအကူအညီတွေကသာ မြန်မာနိုင်ငံရဲ့ လူ့ဘောင်သစ်တခုကို ဖွင့်လှစ်ပေးနိုင်တယ်ဆိုတာပါပဲ။
ဒီအယူအဆတွေကတော့ ပညာရှင်တွေ၊ စီးပွားရေးသမားတွေ၊ NGOs ကထိပ်သီးခေါင်းဆောင်တချို့  ကနေ ထွက်လာတာကိုတွေ့ရတယ်။ ဒါ့အပြင် တချို့  နိုင်ငံရေးခေါင်းဆောင်တွေဆီကနေလည်း ကြားနေရတယ်။ ဒီလူတွေအားလုံးကတော့ သူတို့ကိုယ်သူတို့ ယနေ့နိုင်ငံရေးမှာ တတိယအင်အားစုဆိုပြီး အာ, နေကြတဲ့ လူတွေဖြစ်ပါတယ်။
ယနေ့ ဗမာပြည်ရဲ့ ကိစ္စဟာ နိုင်ငံတကာမှာ အရေးပါတဲ့အခန်းကဏ္ဌတခုဖြစ်နေပြီ။ ဒီအခွင့်အလမ်းကို တတိယအင်အားစုဆိုတဲ့ လူတစ်စုဟာ ကုတ်သွေးစုပ်နေပြီ။ မြန်မာ့လူအဖွဲ့အစည်းကို ဖြည်းဖြည်းသော်လည်းကောင်း၊ တဆင့်ခြင်းသော်လည်းကောင်း ပြောင်းလဲရမယ်ဆိုတဲ့အိုင်ဒီယာကိုလည်း တတိယအင်အားစုတွေက လိုလားနေပါတယ်။
ဒီလူတွေက နိုင်ငံတကာကို ဒီလိုတိုက်တွန်းနေပါတယ်။
“စစ်အစိုးရနဲ့ အလျှော့ပေးစေ့စပ်ရေးလုပ်ရမယ်။ ပြီးတော့ အရေးယူပိတ်ဆို့မှု Sanction တွေကို ရုပ်သိမ်းပေးရမယ်။ သူတို့အကြောင်းပြချက်က Sanction ဟာ စစ်အစိုးရကိုမထိပဲ၊ ဗမာပြည်သူလူထုကို ပိုပြီးဆင်းရဲကျပ်တည်းစေတယ်လို့ပြောပါတယ်” နောက်ပြီး တတိယအင်အားစုဆိုတဲ့ ရေပေါ်ဆီတွေဟာ ဒီမိုကရေစီလှုပ်ရှားမှုကြီးရဲ့  မဟာဗျူဟာ နဲ့ လုပ်ထုံးလုပ်နည်းတွေကိုပါ စိန်ခေါ်နေပါပြီ။
ဒါတင်မကသေးပါဘူး တတိယအင်အားစုဆိုတဲ့ စောက်ရှုးတွေ ပြောတာရှိပါသေးတယ်။ NLD မှတ်ပုံမတင်တော့ NLD ဟာ တရားဝင်လှုပ်ရှားလို့ မရတော့ပါဘူး။ ဒီအချိန်မှာပဲ တတိယအင်အားစုဆိုတဲ့ လပေါ်သရေတွေအကြံပေးချက်က-
“ အတိုက်အခံတွေရဲ့ နိုင်ငံရေးအစီအစဉ်တွေကနေ ထွက်သင့်ပြီဖြစ်တယ်”
ဘာဖြစ်လို့လဲဆိုတော့ အထင်ကရဖြစ်တဲ့ NLD မရှိတော့ဘူး။ ခေါင်းပြုတ်ပြီပေါ့။ နောက်ပြီး တိုင်းပြည်ကို Civil Society လို့ခေါ်တဲ့ လူထုအခြေပြုအဖွဲ့အစည်း (တနည်း) NGOs တွေက ၀င်ပြီးနေရာယူလုပ်ကိုင်ရမယ်လို့ဆိုတယ်။
ဒါနဲ့ပက်သက်ပြီး ထင်ရှားတဲ့ ပြည်ပရောက်နိုင်ငံရေးလှုပ်ရှားသူတစ်ယောက်က သူ့အမြင်ကို လူသိရှင်ကြားပြောတာရှိပါတယ်။ သူက- “ဒေါ်အောင်ဆန်းစုကြည်နဲ့ NLD ဟာ သမိုင်းတရာခံဖြစ်ပြီပေါ့”
ဖြစ်နိုင်တာကတခုက တတိယအင်အားစုဆိုတဲ့လူတွေဟာ လူထုအခြေပြု လူ့အဖွဲ့အစည်းပေါ်ထွန်းလာရေးကို အာရုံစိုက်ပြီး အကောင်အထည်မဖော်ပဲ NLD နဲ့ ဒေါ်စုရဲ့ နေရာကိုလိုချင်လို့ ပြိုင်နေတာဖြစ်ပါတယ်။
လူထုအခြေပြုလူ့အဖွဲ့အစည်း ( Civil Society) ဟာ တိုင်းပြည်မှာ အမှန်တကယ်လိုအပ်ပါတယ်။ ရှိသင့်ပါတယ်။ Civil Society မရှိသင့်ဘူးလို့ပြောနေတာမဟုတ်ပါဘူး။ ဒီကိစ္စကို လူတိုင်းလည်းထောက်ခံပါတယ်။ ဒါပေမဲ့ ဒီကိစ္စဟာ နေ့လည်စာ မှာစားသလို ချက်ချင်းလက်ငင်းရနိုင်တဲ့ကိစ္စမဟုတ်ပါဘူး။ လူထုတိုက်ပွဲထဲကနေပေါ်လာတဲ့အရာဖြစ်တယ်။ ပြည်သူ့ရဲ့ သွေး၊ ချွေးတွေကို ထောင်ထဲမှာ နှစ်ပေါင်းများစွာရင်းနှီးပြီးမှ ပေါ်ထွက်လာတဲ့အရာဖြစ်ပါတယ်။
ဆိုလိုချက်ကတော့ လူမှုရေးလှုပ်ရှားမှု၊ နိုင်ငံရေးလှုပ်ရှားမှုတွေကနေ လူထုအခြေပြုလူ့အဖွဲ့အစည်းဆိုတာ ပေါ်ထွက်လာတာဖြစ်တယ်။
နောက်တခုက ဒီတတိယအင်အားစုဆိုတဲ့ လူတွေအကြံပေးချက်ကတော့ လူထုအခြေပြုလူ့အဖွဲ့အစည်းကို ဒီမိုကရက်တစ်လှုပ်ရှားမှုကြီးရဲ့  ရည်မှန်းချက်နဲ့စည်းမျဉ်းဘောင်ထဲကနေပြီး ဖော်ဆောင်နိုင်တယ်တဲ့အယူအဆပဲ။ ဘယ်လိုလုပ်ပြီး ၂၀၁၀ -ဘောင်ထဲကနေလုပ်မလဲ။ နောက်ပြီး ဒီအခြေအနေအောက်မှာ ဖော်ဆောင်မဲ့ လူထုအခြေပြုလူ့အဖွဲ့အစည်းရဲ့ အမျိုးအစားကဘာလဲ။ မယုံမရှိနဲ့…။ ဒီစကားတွေက နေပြည်တော်ကနေ ပေါ်ထွက်လာတဲ့အသံတွေပဲဖြစ်တယ်။
တတိယအင်အားစုဆိုတဲ့ စောက်ရှုးတွေက ဒေါ်အောင်ဆန်းစုကြည်ကို မြန်မာနိုင်ငံရဲ့  ဒီမိုကရေစီခေါင်းဆောင်လို့ မသက်မှတ်ချင်တော့ဘူး။ ဒေါ်အောင်ဆန်းစုကြည်ဟာ သူ့ရည်တည်ချက်နဲ့သူလုပ်နေတာဖြစ်တယ်။ သူ့ရပ်တည်ချက်ကတော့ “နိုင်ငံကို ဂုဏ်သိက္ခာအပြည့်နဲ့ တည်ဆောက်ချင်တယ်။ ငြိမ်းချမ်း၊ စစ်မှန်ပြီး ဂုဏ်သိက္ခာရှိတဲ့ လူထုအခြေပြုလူ့အဖွဲ့အစည်းဖြစ်အောင်သူမလုပ်ချင်နေတယ်”
ကျနော်တို့သားသမီးတွေအတုယူတန်ဖိုးထားတဲ့ လွတ်လပ်ရေးဖခင်ကြီးတွေ၊ အာဇာနည်ကြီးတွေလို ဒေါ်အောင်ဆန်းစုကြည်ဟာလည်း ယနေ့ ကျနော့်တို့ခလေးတွေရဲ့  စံပြပုဂ္ဂိုလ်ဖြစ်တယ်။
ကျနော်တို့မြန်မာပြည်က လူငယ်တွေဟာ ပြည်ပမှာ အလုပ်လုပ်နေတာတောင် ဒေါ်စုဆီကနေ စိတ်ဓာတ်ခွန်အားနဲ့ တိုင်းပြည်ချစ်စိတ်တွေအပြည့်အ၀ရရှိနေတုံးပဲ။ သူတို့အားလုံးရဲ့ ခေါင်းထဲမှာ ဒေါ်စုဟာ အမှန်တရား၊ တရားမျှတမှု နဲ့ ငြိမ်းချမ်းမှုကို ကိုယ်စားပြုတယ်လို့ သတ်မှတ်တယ်။ ကျနော်ရိုးရိုးသားသားယုံကြည်တာကတော့ ကျနော်တို့ မြန်မာပြည်ကလူငယ်တွေဟာ အမှောင်ထဲမှာ လမ်းပြနိုင်မဲ့လူ၊ သူတို့အတွက် တရားမျှတမှုရှိရှိ ဦးဆောင်လမ်းပြပေးနိုင်မဲ့ စံပြပုဂ္ဂိုလ်တစ်ဦးကို အရမ်းအလိုရှိနေတယ်ဆိုပါပဲ။
အကယ်၍သာ မြန်မာပြည်က လူငယ်တွေအနေနဲ့ ၂၀၀၈-ဖွဲ့စည်းပုံအခြေခံဥပဒေတခုတည်းကိုပဲ ရွေးစရာလမ်းရှိတယ်ဆိုပါစို့။ ဒီဖွဲ့စည်းပုံကလည်း သိတဲ့အတိုင်းပဲ။ စစ်အာဏာရှင်သက်ဆိုးရှည်ရေးကို ဦးတည်ထားတဲ့ဖွဲ့စည်းပုံဆိုတော့ အနာဂတ်မှာ ကျနော်တို့လူငယ်တွေရဲ့ အခြေအနေဟာ ဒိထက်ပိုဆိုးဖို့ပဲရှိပါတော့တယ်။ ၂၀၀၈-ဖွဲ့စည်းပုံဟာ စစ်အာဏာရှင်တွေလိုချင်တဲ့ လူနည်းစုကသာ အနာဂတ်မှာ အာဏာကိုရေရှည် ဆုပ်ကိုင်ထားချင်တဲ့အခြေအနေကို တိုင်းပြည်မှာဖန်တီးနေခြင်းသာဖြစ်ပါတယ်။
တတိယအင်အားစုတွေထဲမှာ ပြည်ပက ထင်ရှားတဲ့ခေါင်းဆောင်တွေရှိပါတယ်။ ပိုလို့ထူးခြားတာက အနောက်တိုင်း တိုင်းပြည်တွေမှာသူတို့ မိတ်ဆွေရှိနေပါတယ်။ ဒီလူတွေက မြန်မာပြည်ထဲမှာ အတိုက်အခံအင်အားစုကို ပြန်ပြီး အတိုက်အခံလုပ်ဖို့ အင်အားစုတစ်ရပ်ဖြစ်အောင် အချိန်နဲ့ငွေကို အသုံးပြုပြီးတည်ဆောင်နေပါပြီ။
လက်ရှိအခြေအနေမှာ ဒေါ်စု နဲ့ NLD ဟာ စစ်အစိုးရမကဘူး၊ တတိယအင်အားစုကပါ တိုက်ခိုက်တာကို ခံနေရပါပြီ။ ဒါပေမဲ့ မပူပါနဲ့။ ပြည်တွင်းက NLD အဖွဲ့ဝင်တွေဟာ တတိယအင်အားစုရဲ့ စိန်ခေါ်ချက်တွေကို ပြန်လည်တုံ့ပြန်ပါလိမ့်မယ်။ ဒါမှ ကျနော်တို့ ရဲ့ စစ်မှန်တဲ့ ဒီမိုကရေစီရေးလှုပ်ရှားမှုဟာ ပိုပြီးအားကောင်းလာမှာဖြစ်ပါတယ်။
ပြည်တွင်းကလူထုဟာ ၁၉၉၀ မှာ သူတို့ရဲ့ ခေါင်းဆောင်ကို ရွေးချယ်ခဲ့တယ်။ အနာဂတ်မှာလည်း သူတို့ခေါင်းဆောင်ကို သူတို့ကိုယ်တိုင်ရွေးချယ်အုံးမှာဖြစ်တယ်။ လူထုအနေနဲ့ သူတို့ လုပ်သင့်တာကို ခဏခဏ ပြခဲ့ပြီးပီ။ သူတို့ခေါင်းဆောင်ဟာ ဘယ်သူဖြစ်ကြောင်း ပြောခဲ့ပြီးပီ။ ဥပမာ လွန်ခဲ့ ၂၀၀၇-ခုနှစ် ဘုန်းကြီးကိစ္စက သက်သေပဲ ။ ဒီတခါမှာလည်း လူထုဟာ ကိုယ့်နည်းကိုယ့်ဟန်နဲ့ သူတို့ ဘာလိုချင်တာလဲဆိုကို ထပ်ပြပါလိမ့်မယ်။
ကိုအောင်မိုးဇော်သည် လက်ရှိ လူ့ဘောင်သစ်ဒီမိုကရက်တစ်ပါတီ၏ ဥက္ကဌ ဖြစ်ပါသည်။ လူ့ဘောင်သစ်ဒီမိုကရက်တစ်ပါတီသည် ၁၉၉၀ ကာလများတွင် ဒုတိယအင်အားအကြီးဆုံး နိုင်ငံရေးပါတီဖြစ်ပါသည်။ လက်ရှိပါတီဌာနချုပ်သည် ထိုင်း-မြန်မာနယ်စပ်တွင် အခြေစိုက်သည်။
ကိုအောင်မိုးဇော်ရဲ့  Building an Opposition to the Opposition ဆောင်းပါကို ဆီလျှော်အောင်ဘာသာပြန်ထားခြင်းဖြစ်ပါသည်။ ယခုဆောင်းပါးသည် ဧရာဝတီမဂ္ဂဇင်းအင်တာနက်စာမျက်နှာတွင် ဖော်ပြခဲ့သည့်ဆောင်းပါဖြစ်ပါသည်။ စာရေးသူဆိုလိုချက် မှားယွင်းမှုရှိပါက ဘာသာပြန်သူ၏ အမှားသာဖြစ်ပါသည်။
