ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

7/4/11

My creative thinking

ကျောင်းပြောင်းတော့ ကျောင်းက မေးတယ်။ မင်းက သြစီနိုင်ငံသားလားတဲ့။ ရက်စ် လို့ကျနော်ဖြေခဲ့တယ်။ ကျနော် လွန်ခဲ့တဲ့ ၂၀၀၇-ကတည်းက သြစီနိုင်ငံသားခံယူခဲ့ပါတယ်လို့ပြောခဲ့တယ်။ ဒါဆိုရင် မင်းကို သြစီနိုင်ငံသားအဖြစ် အသိအမှတ်ပြုတဲ့ လက်မှတ်ယူလာခဲ့ဆိုတော့ ခေါင်းစားပြီ။

စည်းကမ်းအတော်ရှိတဲ့ကျနော် လက်မှတ်ကို ဘယ်မှာထားမှန်းမသိ။ သြစီပက်စ်ပို့လည်းပျောက်နေတယ်။ ဒါမှ ဒုက္ခ။ Immigration ကို ပြန်တောင်းရပြီ။ ငွေ ၇၀-လောက်ထပ်ပြီးကုန်တယ်။ စာတိုက်ကနေ သူတို့ပို့လာခဲ့တယ်။ ဒီမှာတင် ကျနော်အတွေးတစ်ခုရတယ်။

လူပြောများတဲ့ Creative Thinking ပေါ့။ သြစီနိုင်ငံသားအဖြစ် အသိအမှတ်ပြုကြောင်းက စာရွက်လေးပဲရှိတယ်။ ဒီစာရွက်က အထားမကောင်းရင် ပျောက်တက်တယ်။ ဒီတော့ လူတိုင်းရဲ့ကိုယ်ပေါ်မှာ နွားတွေလို တံဆိပ်ရိုက်သလို သံအပူနဲ့  This is an Australian Citizen ဆိုပြီး ရိုက်ထားရင် မကောင်းဘူးလားလို့။ ဒီလိုပြောတော့ မိန်းမကအားရပါးရ ရယ်တယ်။

ဘုန်းကြီးကျောင်းမှာ ၀ါဆိုသင်္ကန်းကပ်တော့ သွားလည်တယ်။ မုန့် ဟင်းခါး၊ အုန်းနို့ ခေါက်ဆွဲ၊ မုန့်ကျွဲသဲ နဲ့ ဧည့်ခံတယ်။ အလကားရတော့ အသားကုန်စွပ်ပြီးဝါးတယ်။ မြန်မာတွေကို သတိထားမိတယ်။ ဘုန်းကြီးကျောင်းမှာ လူငယ်တွေမတွေ့။ အသက်ကြီးတဲ့လူတွေချည်းပဲ။ ရုပ်လည်းမချော။ တွေ့ရတာ မလန်းဘူးဖြစ်နေတယ်။ တချို့က အသက်ကြီးပေမဲ့ မပျက်စီးသေးဘူး။ ကြည့်ကောင်းတုန်း။ သူငယ်ချင်းဖြစ်သူ ABSDF က ရဲဘော်တစ်ယောက်မှာ ခလေး တစ်နှစ်သားလေးရှိတယ်။ သူတို့မိသားစုလည်း လာတယ်။

ဘေးက လူက ဟေ့ကောင် မင်းခလေးကြည့်အုံးပျောက်သွားအုံးမယ်လို့ပြောတော့ သူကပြောတယ်။ ပျောက်တော့ နောက်တစ်ယောက် ထပ်ပြီးလုပ်ရတာပေါ့။ ခလေးလုပ်တာ ဘာခက်တာမှတ်လို့။ သူဒီလိုပြောတော့ ကျနော်က ထပ်ပြီးဖြည့်ပြောပေးတယ်။ ခလေးတစ်ယောက်လုပ်ရတာ အများဆုံးကြာ နာရီဝက်ပဲ...ဆိုတော့ အားလုံးဝိုင်းရယ်ကြတယ်။ မေးတဲ့သူက ခလေးမရှိတဲ့ အသက် ၄၇-နှစ်အရွယ်လူပျိုကြီး။

အသက် ၇၀-အရွယ် လူကြီးတစ်ယောက်က ဘုန်းကြီးကျောင်းမှာတွေ့တော့ ကျနော့်ကိုဆုံးမတယ်။ ဘယ်လိုနေ ဘယ်လိုထိုင်ပေါ့။ သူက စေတနာနဲ့။ အရမ်းရိုးသားပွင့်လင်းတဲ့ တောသားကြီး။ ၈၈-ခုနှစ်မှာ သူလည်း လူငယ်တွေနဲ့ ရောရောင်ပြီး အုတ်ပျော်လုပ်တဲ့လူ။

လူကြားထဲမှာဆိုတော့ သူလည်း လူအထင်ကြီးအောင်း အားရပါးရ နားချတာပေါ့။ လူငယ်တွေက လူကြီးဆိုတော့ တလေးတစားနားထောင်းတယ်။ ကျနော့်အလှည့်ရောက်တော့ ဟေ့..ဒီအဘကို ကျနော် မိုးကျရွှေကိုယ်နဲ့ဒေါက်တာချက်ကြီးပြတော့ အဘလည်း မနေနိုင်။ အသားကုန်ကြည့်တယ်လို့ပြောတော့ အားလုံးအားရးပါးရယ်ကြတယ်။ မင်းကွာ ကြံကြံဖန်ဖန်လူကြီးကို ဖျက်ဆီးရတယ်လို့ ဘေးက လူက၀င်ပြီး မှတ်ချက်ပေးတယ်။ အဘလည်း ပြုံးစိစိနဲ့မြုံးမိတဲ့ငါးလို။
 
ဆက်ရန်-








သံအမတ်ကြီး ဦးကျော်ဝင်းကို ဂုဏ်ပြုပါ

အမေရိကန်နိုင်ငံဆိုင် မြန်မာသံအမတ်ကြီး ဦးကျော်ဝင်းအား အထူးပင်ဂုဏ်ပြုပါသည်။ လက်ရှိရာထူးကိုစွန့်လွှတ်ပြီး စစ်အစိုးရဆန့်ကျင်သူအဖြစ်ဘက်ပြောင်းခဲ့တဲ့အတွက် လေးစားပါတယ်။ ဒီလိုလူမျိုးများများပေါ်ထွက်လာရင်ကျနော်တို့လိုချင်တဲ့ပန်းတိုင်ကို မြန်မြန်ရောက်ရှိနိုင်ပါကြောင်း ပြောချင်ပါသည်။ တကမ္ဘာလုံးရှိ မြန်မာသံအမတ်ကြီးများ ဦးကျော်ဝင်းကို အတုယူစေချင်သည်။ အမြင်မှန်ရစေချင်ပါသည်။

နယ်ခြားစောင့်တပ်နှင့်အဝေမတည့်မှုများ

နယ်ခြားစောင့်တပ်ဖြစ်တဲ့ DKBA ပြန်တိုက်တာ ဘာ့ကြောင့်လဲဆိုတော့ အဓိက အဝေမတည့်လို့ ပါ။ နိုင်ငံရေးတောင်းဆိုချက်တွေကို ခဏဘေးဖယ်ထားပါ။ ဥပမာ ဗိုလ်မှုးချုပ် နုတ်ခမ်းမွေးကို အရှေ့ တောင်တိုင်းတိုင်းမှုးနေရာကိုသာ ပေးကြည့်ပါ။ သူနယ်ခြားကို အိပ်ပြီးတောင့်စောင့်အုံးမယ်။

အခုတော့ သူ့ ကို ရာထူးကြီးကြီးမပေးတော့ သူလဲပြန်တိုက်ပြီပေါ့။ သူကလည်း သူ့ လက်အောက်မှာ ထောင်ချီတဲ့စစ်သားတွေရှိနေတော့ သုံးလေးရာလောက်ကိုင်ရတဲ့ ဗိုလ်မှုးအဆင့်ရှိ တပ်မှုးတော့ မဖြစ်ချင်။ ဒုံရင်းဖြစ်တဲ့ ဗိုလ်မှုးချုပ်နုတ်ခမ်းမွေးပဲဖြစ်ချင်တာပေါ့။ ဒါက လူ့သဘာဝ။

လူဆိုတာ ဘာပဲဖြစ်ဖြစ် မိမိအကျိုးစီးပွားကိုသာဦးစားပေးပါတယ်။ ဘယ်လောက်ပဲ နိုင်ငံရေးတွေပြောပါစေ၊ နောက်ဆုံးတော့ မိမိအာဏာနဲ့ လုပ်ပိုင်ခွင့်အပေါ်မှာသာ အားလုံးအခြေခံပြီး စဉ်းစားဆုံးဖြတ်လေ့ရှိပါတယ်။

ဒါကနိုင်ငံရေးလောကကိုပြောတာပါ။ တော်လှန်ရေးလောကလည်း ဒီအတိုင်းပါပဲ။ ဒီကေဘီအေကိုပြောသာ ပြောရတာ မျက်ခုံးခပ်လှုပ်လှုပ်။ မောင်ကျော်က သိပ်ပြီးလမ်းယူတာမဟုတ်ဘူး။ မထင်ရင်မထင်သလို လုပ်တာ။ ကျနော်တော့ ခပ်ကြောက်ကြောက်။ ကျနော့်အိမ်ဘေးမှာ မောင်ကျော်တွေတစ်ပုံကြီးရှိတယ်။ ဘာပဲဖြစ်ဖြစ် ဖထီးရာ စိတ်မဆိုးနဲ့ ပေါ့။

ဒီကေဘီအေနဲ့ ABSDF တွဲပြီးတိုက်တော့ ဒီလိုသံဝေဂရမိတယ်။ နယ်ခြားမစောင်ခင်ကာလမှ အေဘီအက်စ်ဒီအက်ဖ်ကိုလည်း ဒီကေဘီအေ ဖုတ်လေတဲ့ငပိရှိလေတယ်လို့တောင်မထင်။ သူတို့ ကောင်းစားနေပြီဆိုတော့ မေ့နေတယ်။ အခု ပြန်တိုက်တော့မှ ပေါင်းပြီးတိုက်ကြတယ်။ ကျနော်က ABSDF ကို တော့ သိတ်ပြီးမကြောက်ဘူး။ သူတို့စိတ်ဆိုးလည်း ခဏ။ အရက်တစ်ဝိုင်းလောက်ပြန်တိုက်ပြီး ချော့လိုက်ရင် သူတို့စိတ်ဆိုးပြေတယ်။ ကိုယ့်အချင်းချင်းဆိုတော့။ ထားပါတော့ ဆက်ပြီး ထင်တာမြင်တာကို စွတ်ပြီးပြောပါအုံးမယ်။ ဟုတ်ရင်လည်းဟုတ်မယ်။ မဟုတ်တာလည်း ဖြစ်မယ်။ စဉ်းစားကြည့်ဖို့ပါ။

နအဖက သူပုန်တွေကို တန်ရာတန်ရာပဲပေးပါတယ်။ ဘယ်လိုတန်ရာတန်ရာလဲဆိုတော့ ကောက်ရိုးခြေထောက်မြတ်ခြေထောက်ကို ဘယ်ညာဘယ်ညာဆိုတဲ့ရာထူးကြီးကြီးပေးလို့မဖြစ်နိုင်ပါ။ ပြန်တမ်းဝင်အရာရှိတစ်ယောက်ဖြစ်ဖို့အတွက် မလွယ်လှပါ။ DSA ဖြေဖို့အတွက် (၁၀) တန်းတော့အောင်ရပါတယ်။ သုံးလေးနှစ် စစ်တက္ကသိုလ်မှာ နွားလိုရုန်းရပါတယ်။ စီနီယာက ဂျူနီယာကို ပါးရိုက်တာခံရပါတယ်။ စစ်တက္ကသိုလ်တက်ဖို့ဆိုတာက အိုနာကျိုးကန်းမရပါ။ ကျန်းမာသန်စွမ်းပြီး ကျပ်ပြည့်တဲ့အုံးနှောက်ဖြစ်ရပါတယ်။ ဒါက ဗိုလ်ဖြစ်ဖို့အတွက်။ ရဲဘော်တွေတောင် တစ်ကြပ်ကြီးအဆင့်ထိ ရဖို့အတွက် (၁၀) နှစ်လောက် ဆရာသမားတွေရဲ့ ကျွန်လုပ်ရပါတယ်။ မှင်နီရှိရင် ရာထူးမရပါ။ ဒါက ဗိုလ်ကော၊ အောက်ခြေအဆင့်ရာထူးတိုးပေးတဲ့နေရာမှာ အဓိက သုံးတဲ့ဟာ။ အပြစ်ရှိမရှိ။ အကျင့်ကောင်းမကောင်း။ ဗိုလ်မှုးကြီးလောက်အဆင့်ရှိရင်တော့ အကျင့်ကောင်းစရာမလိုတော့ပါဘူး။ အောက်ခြေကတော့အကျင့်ကောင်းရပါတယ်။ ဒါက နအဖ ထုံးစံ။ တပ်ကြပ်ကြီးကနေ ဒု-အရာခံဗိုလ်ဖြစ်ဖို့အတွက်ဆိုရင် သင်တန်းသုံးလလောက်အနည်းဆုံးတက်ရသေးတယ်။ ပြောရရင်တော့ ရာထူးတစ်ခါတိုးခါနီးရင် သင်တန်းတခါတက်ရပါတယ်။ စစ်သားဘ၀မှာ တက်ရတဲ့သင်တန်းတွေက အများကြီးပါ။

သူပုန်လောက ဗိုလ်တွေကို ပြန်ကြည့်ပါ။ နအဖလို စနစ်တကျသင်တန်းမရှိ။ ဗိုလ်သင်တန်းကောင်းကောင်းမဖြစ်။ လုပ်သက်နဲ့ စာနဲနဲတက်ရင် ဗိုလ်ဖြစ်ပြီ။ ဗိုလ်ချုပ်ကြီးစောဗိုလ်မြကို ကြည့်ပါ။ လေးတန်းတောင် အောင်ရဲ့ လား။ SSA က ဗိုလ်မှုးကြီးယွက်စစ်ကိုကြည့်ပါ။ (၁၀) တန်းဆိုတာ ဂျိုနဲ့လားတဲ့။ ဒါက သူပုန်ဘက်က အများစုပါ။

ဒီတော့နအဖက မင်းတို့သူပုန်တွေကွာ နယ်ခြားလောက်မှာပဲ အပေါက်စောင့်ပါကွာ။ ဗိုလ်မှုးလောက်ပဲယူ။ ဒါတောင် နအဖက သဘောကောင်းလို့။ ကျနော်သာဆိုရင် ပေးကိုမပေးဘူး။ ကောက်ရိုးခြေထောက်မြတ်ခြေထောက် ဗိုလ်မှုး နဲ့ DSA ဆင်း ဗိုလ်မှုးတစ်ယောက်ယှဉ်ကြည့်ပါ။ အေဘီအက်စ်ဒီအက်ဖ်ရဲ့ စစ်ဦးစီးချုပ် ဘယ်နှစ်ခါစစ်တိုက်ဘူးလဲမေးကြည့်ပါ။ ဥက္ကဌကိုသံခဲ၊ ဖောက်မယ်ခွဲမယ် ချမယ်နှပ်မယ်ဆိုတဲ့ ကိုမိုးသီးဇွန်ဘယ်နှစ်ခါ ပျောက်ကြားပစ်ဘူးလဲ မေးကြည့်ပါ။

ဒီတော့ နအဖက ဟိုနဲနဲဒီနဲနဲပေးတာကို ငါတို့ကျတော့ ရာထူးကြီးကြီးမပေးဘူး။ နေရာချန်ထားတယ်။ လုပ်ပိုင်ခွင့်နဲတယ်။ ဘာညာဆိုပြီ ပြန်ချပါလေရော။ ခိုင်တဲ့သူကတော့ မချတော့ဘူး။ ငွေရှိသွားပြီ။ မိသားစုတွေကောင်းစားသွားပြီ။ ဘာလုပ်မလဲ တော်လှန်ရေး။ ကချင်၊ ကရင်၊ မွန် စသောသူပုန်တွေက ခေါင်းဆောင်အများစုကိုကြည့်ပါ။ အပစ်ရပ်ပြီး အပြတ်ရစ်နေလိုက်တာ ခိုင်မှခိုင်။ အဆီတ၀င်းဝင်းနဲ့။ ကရင်တစ်ကျပ်ဗမာတစ်ကျပ်လည်း မသိချင်။ အခုဟာက တစ်ကျပ်ခေတ်မဟုတ်တော့ဘူး။ ထောင်တန်အနဲဆုံး။ ကရင်တစ်ထောင် ဗမာတစ်ထောင်ပဲ။ သြစီမှာဆိုရင်ပိုဆိုးပေါ့။ ၂၀၁၁-သည် ဂလိုဘယ်လိုက်ဇေးရှင်းနဲ့ ဈေးကွက်စီးပွားအပြိုင်ခေတ်ဆိုတော့ အပစ်ရပ်တွေ အပြတ်ရစ်တာ မဆန်းပါ။

ဒါတောင်အပစ်ရပ်ပဲရှိသေးတယ်။ ကေအန်ယူက ဖဒိုသမီး ရန်ကုန်တက္ကသိုလ်ကြီးကိုတက်ဖို့ အတွက် ရန်ကုန်မှာနေတယ်။ သူဌေးလိုပဲတဲ့။ အဖေဖဒိုက ပိုက်ဆံပုံမှန်ပို့ပေးတယ်။ ဘယ်က ငွေရလဲ။ ဒီလိုလူမျိုးတွေ အများကြီးပါ။ မယုံရင် စုံစမ်းကြည့်။ မွန်ပြည်သစ်ပါတီက ဂိတ်မှုး၊ ထောလိုက်တာ အရမ်းပဲ။ ဂိတ်မှုးဆိုရင် မွန်မလေးက အရမ်းသဘောကြ။ ကရင်ဂိတ်မှူးလည်း အတူတူ။ ကျနော်တောင် ဂိတ်မှုးအရမ်းဖြစ်ချင်တယ်။

ဘုရားသုံးဆူ၊ ရေး ကားလမ်းတစ်လျှောက်မှာ အခွန်ကောက်တဲ့ဂိတ်တွေရှိတယ်။ နအဖ၊ မွန်ပြည်သစ်၊ ကေအန်ယူ၊ ဟိုခွဲထွက်၊ ဒီခွဲထွက် အဖွဲ့တွေလာသမျှလူ၊ လာသမျှကား၊ စီးပွားရေးသမားမချန် အခွန်ကောက်တယ်။ သြစတျေးလျမှာလို အခွန်ကောက်ပြီးလမ်းပြင် တံတားပြင်တယ်မှတ်လား။ တခုမှ မလုပ်ဘူး။ လွန်ခဲ့တဲ့ နှစ်ပေါင်းသုံးဆယ်လောက်က ကားလမ်းဟုခေါ်သော ကတ်တရာမရှိ့ ကျောက်မရှိတဲ့လမ်းဟာ အခုထိဒီအတိုင်းပဲ။ ရသမျှအခွန် ဂိတ်မှုးတစ်ဝက် အထက်တစ်ဝက်နဲ့ တင်ပြီးလေတယ်။ ကွန်ပြူတာနဲ့ လိုက်စစ်လို့ ရတာမဟုတ်။ စနစ်တကျ Tax Return လည်းလုပ်လို့မရ။ ဒါက သူပုန်တွေအခွန်ကောက်နည်း။ ဘယ်သူတွေထိလဲဆိုတော့ ထိုင်းမှာသွားပြီးကျွန်ခံကြရတဲ့ဗမာတွေဟာ သူတို့ဌာနေဖြစ်တဲ့ မုဒုံ၊ ရေးစတဲ့ဘက်ကိုပြန်ရင်ထိပြီ။

လမ်းစရိတ်အနည်းဆုံးမြန်မာငွေငါးသောင်းမပါရင်မလောက်ဘူး။ကားလမ်းကလည်း ခြားရဟတ်စီးရသလို မှုးနောက်နေအောင်စီးရတယ်။ အသက်ပါရင်းရတဲ့ကားလမ်း။ အဲဒိလမ်းမှာ အခွန်ကောက်ဂိတ်တွေအများဆုံး။ သူတို့က လမ်းလည်းမပြင်တက်၊ အခွန်တော့ကောက်တက်ကြရဲ့ ။ ဒါက အခွန်ကောက်နည်းတစ်ခု။

လူတိုင်းဟာ ကိုယ်ကောင်းစားနေပြီဆိုရင် စွန့်လွှတ်ဖို့ဝန်လေးကြတယ်။ အတိုက်အခံနဲ့ပေါင်းတဲ့ မြန်မာစစ်ခေါင်းဆောင်တွေကို သတိထားပြီးကြည့်ကြည့်ပါ။ ကာကွယ်ရေးဦးစီးချုပ်ဟောင်းဖြစ်တဲ့ သူရဦးတင်ဦးဟာ သူပြုတ်တော့မှ အတိုက်အခံဖြစ်တယ်။ မပြုတ်တုန်းက အတိုက်အခံဆိုတာ ဘယ်လိုလဲဟင်လို့တောင်မေးရလိုဖြစ်နေပြီ။ ဒု-ဗိုလ်မှုးကြီးအေးမြင့်။ ဗိုလ်မှုးကြီးစိန်မြ။ ဗိုလ်မှုး အောင်လင်းထွတ်၊ ဗိုလ်မှုးစိုင်းသိန်းဝင်း။ အားလုံးလေ့လာကြည့်ပါ။ ဗိုလ်မှုးကြီးအဆင့်ထက်ရှိသူတွေဟာ ပြုတ်တော့မှ အတိုက်အခံဖြစ်တယ်။ ဗိုလ်မှုးအဆင့်လောက်ပဲ ထူးထူးခြားခြား အတိုက်အခံနဲ့ပူးပေါင်းတယ်။ ဘယ်ဗိုလ်မှုးကြီးတွေ၊ ဗိုလ်ချုပ်တွေဟာ ရာထူးရှိ၊ လုပ်ပိုင်ခွင့်ရှိနေရဲ့ သားနဲ့ အတိုက်အခံနဲ့လာပြီးပူးပေါင်းကြလဲ။ လုပ်ကြရင် နွေခေါင်ခေါင်း နှင်းပါကျနေအုံးမယ်။ လုံးဝမရှိပါ။ မဖြစ်နိုင်ပါ။ ဒါ့ကြောင့်လူတွေဟာ ကောင်းစားနေတဲ့အချိန်မှာ စွန့်လွှတ်ဖို့ အင်မတန်ခက်ခဲပါတယ်။ ဘာမှမရှိတဲ့လူတွေကတော့ စွန့်လွှတ်ရဲပါတယ်။


ဗိုလ်မှုးကြီးစောချစ်သူ ချမ်းသာသွားပြီ။ ဒါ့ကြောင့် ပြန်မတိုက်ချင်။ ဘာလုပ်မလဲ အဆီရစ်နေမှာပေါ့။ စစ်တိုကရတာ အိပ်ရေးပျက်တယ်။ ဗိုလ်နုတ်ခမ်းမွေးရတာနဲတော့ ပြန်တိုက်ပါတယ်။ ပြန်တိုက်ရင် သူ့ အတွက်ပိုပြီးကိုက်တယ်။ သူလုပ်ရပ်နဲ့ သူ့ ရွေးချယ်မှုဟာ သူ့အတွက်မှန်ပါတယ်။ တခြားသူတွေအတွက်တော့ မှားရင်လည်းမှားပေါ့။ မတက်နိုင်။
ဆိုတော့ဗျာ ဗိုလ်မှုးနုတ်ခမ်မွေးအပါအ၀င် အာလုံးသော လူတိုင်းဟာ အဝေမတည့်ရင် ရန်ဖြစ်ကြတဲ့ထုံးစံရှိတယ်။ ဒါကို တရားမျှတမှု့ မဲ့တယ်လို့ ခေါ်ပါတယ်။ ဘိုလိုခေါ်ရင် Fair ပေါ့။ ဖဲရားမဖြစ်ရင် လူ့လောကကြီး ငြိမ်းချမ်းရေးမရနိုင်။ ဘာတွေကိုဘယ်လိုပဲပြောပြော ကိုယ်သေသွားရင် ဘာမှမရနိုင်ပါ။ သို့သော် ကိုယ့်သားသမီးတော့ ကောင်းစားတာပေါ့။ ဘာပဲဖြစ်ဖြစ်ဗမာအချင်းချင်း ဆက်ပြီးသတ်ကြပါ။ အားလုံးသေးသွားလည်းအေးတာပဲ။

မလေးရှားမှာ Lankawi ကျွန်းဆိုတာရှိတယ်။ သခင်မက ယောက်ျားမရှိတုန်း ဖောက်ပြန်တယ်ဆိုပြီး ပတ်ဝန်းကျင်ကစွပ်စွဲပြီးသတ်ခဲ့တယ်။ မသေခင်မှာ သခင်မက ကျိန်ခဲ့တယ်။ ဘယ်လိုကျိန်ခဲ့လဲဆိုတော့ ငါ့ကိုမဟုတ်တန်းတရားတွေနဲ့စွပ်စွဲခဲ့တဲ့ ဒီကျွန်းသူကျွန်သားတွေ ဆွေခုနှစ်ဆက်၊ မျိူးခုနှစ်ဆက် စစ်ပွဲတွေဖြစ်ပြီး ဒုက္ခရောက်ရပါစေဆိုပြီးကျိန်ခဲ့တာ တကယ်ဖြစ်သွားခဲ့တယ်။ နောက်ဆုံးကြမှ ပြန်ပြီးတည်ငြိမ်သွားခဲ့တယ်။ ဆွေခုနှစ်ဆက်ပြီးတဲ့အချိန် ၁၉၄၀-ပတ်ဝန်းကျင်လောက်ကြမှ ငြိမ်းချမ်းသွားတယ်။ အခုလည်း မြန်မာပြည်ဟာ ထိုင်းကို ခဏခဏစော်ကားခဲ့လို့ ထိုင်းမှာကျွန်ခံကြရတယ်။ ထိုင်းတွေ ကျိန်ခဲ့တာ ဗမာတွေခံကြရလားမသိ။ ဆွေခုနှစ်ဆက် မျိုးခုနှစ်ဆက် ဘယ်တော့မှ ပြီးမှာလဲ။ တနေ့ တော့ပြီးမယ်ထင်တာပဲ။ အထက်ကပြောသလို ဘာဘဲဖြစ်ဖြစ် ဗမာအချင်းချင်း ဆက်ပြီးသတ်ကြပါ။

View My Stats