ဘုန်းကျော် Group ဖွင့်ပြီ...

Google Groups
Subscribe to phone_kyaw
Email:
Visit this group

1/17/10

ကျနော့်ညီတောင်ကျနော့်ကို မထောက်ခံဘူး

ကျနော့်စိတ်ထင် ဒီကောင် သူ့အဖေစစ်သား၊ ကုန်းကောက်စရာမရှိအောင်ဆင်းရဲခဲ့တယ်ဆိုတာကို ရှက်နေတဲ့ပုံပဲ။ သူ့စိတ်ထင် အခု သြစီမှာနေရတာ တော်တော်ချမ်းသာသွားပီလို့ထင်နေလားမသိဘူး။ နောက်ပီး အရင်ဘ၀ဟောင်းကို အင်တာနက်မှာ ရေးတာရှက်စရာထင်နေလားမသိဘူး။ အောက်ခြေမလွတ်အောင်၊ လူရှေ့ မှာ စောင့်ကြွားကြွားမဖြစ်အောင်၊ ဘ၀သိအောင်၊ ဘ၀နာအောင်၊ ကျိုးစားချင်စိတ်ရှိအောင်ဆိုပီး သူရေးတဲ့ မှုရင်အတိုင်းတင်ပေးလိုက်တယ်။ ကျနော်တို့ညီအစ်ကိုနှစ်ယောက်ရန်ဖြစ်ကြပီ။

ကိုကြီး

ကိုကြီးက ဘယ်လမ်းကြောင်းကို လျှောက်နေတာလဲ။ ကိုကြီးလုပ်နေတဲ့အလုပ်တွေကို သေသေချာချာ ကိုယ့်ကိုကိုယ် ပြန်စစ်ဆေးကြည့်ဖူးလား။ အခုကိုယ်ကြီးဘလော့ဂ်မှာရေးနေတဲ့အရေးအသားတွေက အဖွဲ့အစည်းတစ်ခုက ဘာမှသုံးမရလို့ အပြင်ကိုမောင်းထုတ်ခံလိုက်ရတဲ့ ခပ်ညံ့ညံ့လူတစ်ယောက်က သွေးရူးသွေးတန်းနဲ့ ရှက်ရမ်း ရမ်းပြီး တွေ့ရာမြင်ရာ အော်ဆဲနေသလိုပဲ။ ကိုယ်ကြီးဘလော့ဆိုတာလည်း တကယ့်အမှိုက်ပုံတစ်ခုလိုပဲ။

ကိုကြီးမှာရှိနေတဲ့အရာတွေနဲ့ ကိုယ်ကြီးလုပ်နေတဲ့တာတွေက တခြားစီပဲ။ ကိုယ်ကြီးကျောင်းတက်ပြီး စာတွေဖတ်နေပေမယ့် တကယ်းတမ်းအပြင်မှာ လုပ်နေတာတွေက စာမတက်တဲ့ သူတစ်ယောက်ရဲ့ အပြုအမူမျိုးတွေလုပ်နေတယ်။ ကိုယ့်ဟာကို လုပ်ချင်တာလုပ်ပေမဲ့ ကိုယ်လုပ်တဲ့အရာက ကိုယ့်သမိုင်းကို ကိုယ်ဖော်ပြနေတာပဲ။ တကယ်တမ်းကိုယ်ကို့ကိုယ် ပြည့်ဝတဲ့ သူလို့ သတ်မှတ်ထားရင် ကိုယ်ကြီးလုပ်နေတဲ့အလုပ်တွေကို သေသေချာချာ ပြန်လေ့လာစေချင်တယ်။

သူများကိုဝေဖန်မယ်ဆိုရင်လည်း အချက်အလက်ကျကျနဲ့ ပြန်ဝေဖန်ပေါ့။ အခုတော့ ကိုယ်ကြီးဟာက ထိုင်ဆဲနေတယ်။

နောက်တစ်ခုက ကိုယ်ဘယ်လို ဘ၀မျိုးကလာသလဲဆိုတာ အဓိကမကျဘူး။ ကိုယ်ဘယ်လိုဘ၀မျိုးကို ပိုင်ဆိုင်ထားသလဲဆိုတာ အဓိကကျတယ်။ အထူးသဖြင့် ကိုယ့်ဘ၀မှာ အားနည်းခဲ့တာတွေ စိတ်မကောင်းစရာတွေကို မေ့ပစ်သင့်ရင် မေ့ပစ်ရတယ်။ ဒါကို ဘ၀မေ့တယ်လို့မခေါ်ဘူး။ ကိုယ့်အတွက် ဘာမှ အကျိုးမရှိတဲ့အရာတွေ လူတွေကို မေ့ပစ်သင့်ရင် မေ့ပစ်တာအကောင်းဆုံးပဲ။ အထူးသဖြင့် ကိုယ့်မိသားစုကို တချိန်ကျရင် ထိခိုက်လာနိုင်တဲ့ လုပ်ရပ်တွေကို ကိုကြီး စဉ်းစားပြီးလုပ်စေချင်တယ်။ မျက်စိတစ်စုံးမကြည့်ပဲ လူကြီးဆန်ဆန် ကိုယ်ကြီးလုပ်စေချင်တယ်။

ကိုယ်ကြီးလုပ်နေတဲ့အရာတွေက တခဏလေးနဲ့ ပြီးသွားမှာ မဟုတ်ဘူး။ ရေရှည်သွားရမှာ။ ကိုယ်ကြီးအခုလုပ်နေတာတွေက ကိုကြီးကို သူများက ထောက်ပြနိုင်အောင် ကိုယ့်အားနည်းချက်တွေ ဖော်ပြနေသလိုပဲ။

ကိုယ်ကြီးကိုကြည့်ရတာ အပြင်ပိုင်းမှာ တည်ငြိမ်တယ်ထင်ရပေမယ့် တကယ်တန်း အတွင်းစိတ်က မတည်ငြိမ်ဘူး။ အခုကိုယ်ကြီးလုပ်နေတာတွေကို သေသေချာချာလေး ကိုယ့်ကိုကိုယ်ပြန်ဝေဖန်စေချင်တယ်။
မဟုတ်ရင် ကိုကြီးမိသားစု ရဲ့ သမိုင်းကို ကွေးအောင်လုပ်နေတာနဲ့ တူနေပြီ။

ရိုင်းပြသွားရင် ခွင့်လွှတ်ပါ။


လင်းလင်း

ကျနော့်အဖေစစ်သား ချစ်သလားတော့မမေးနဲ့ - ၂

အရပ်သားတွေဆင်းရဲတာ စစ်သားတွေကို မမှီပါဘူး

တပ်ထဲမှာ ကြားပေါက်မရတဲ့ တချို့ ရဲဘော်တွေဆိုရင် ဆင်းရဲတာ ကုန်းကောက်စရာမရှိအောင် ဆင်းရဲတယ်။ ဘယ်လိုမျိုးဆင်းရဲလဲဆိုရင် စားခါနီးမှ သူများအိမ်မှာ သွားပီး ဆန်ချေးရတာမျိုးတောင် ရှိတယ်။ တပ်မှုးအိမ်မှာ ထမင်းချက်ရတဲ့ ရဲဘော်ရဲ့ မယားရှိတယ်။ ပြန်လာမှ သူတို့အိမ်က ကျန်တဲ့ထမင်း၊ဟင်းကို ယူလာပြီး အိမ်က မိသားစုကိုကျွေးရတဲ့ အိမ်ထောင်စုတွေရှိတယ်။

အရာရှိတိုင်းမှာ ဘက်စ်မန်းလို့ခေါ်တဲ့ အရာရှိရဲ့ ကျွန်လိုမျိုးရဲဘော်တစ်ယောက်စီခံစားခွင့်ရှိတယ်။ အရာရှိဆိုးရင်ဆိုးသလို အဲဒိဘက်စ်မန်းလည်း နာပါတယ်။ အရာရှိရဲ့ မိန်းမကပါ ထမိန်းလျှော်ခိုင်းတာတို့၊ သူမရဲ့ အတွင်းခံလျှော်ခိုင်းတာတောင်ရှိတယ်။ ပြီးရင်တော့ အရာရှိကတော်က သနားစာအဖြစ် ငွေကြေးနည်းနည်းနဲ့ ဆန်လေးဆီလေး ပေးပါတယ်။ ဒီလိုမျိုးပဲ တပ်ထဲမှာ ကြားပေါက်မရှိတဲ့လူက ရှာစားရတယ်။

တပ်ပြင်ထွက်ပြီး ကူလီထမ်းဖို့၊ အလုပ်လုပ်ဖို့၊ ဆိုတာ ရဲဘော်တွေအတွက် ဘယ်လိုမှ မဖြစ်နိုင်ဘူး။ ဒီတော့ ခလေးငယ်ငယ်တွေမွေးထားတဲ့ ရဲဘော်တွေဆိုရင် တပ်ထဲမှာ အရာရှိကျွန်ပုံစံလိုမျိုး၊ သူတို့အိမ်တွေမှာ အလုပ်လုပ်ရတယ်။

တွေ့ဘူးတဲ့အကြောင်းပြောပြမယ်။ ကျနော့်တို့အိမ်ရဲ့ နောက်ဖေးအိမ်က တစ်ကြပ်ကြီးတစ်ယောက်ရဲ့ မိန်းမဆိုရင် ညနေစောင်းတာနဲ့ လက်မှာ ဆပ်ပြာတုံးလေးကိုင်ပြီး ဗဟိုနိုင်ငံရေးတက္ကသိုလ်နားက အရိုးကုဆေးရုံဘက်ကို နေ့တိုင်းသွားပါတယ်။ မနက်မှပြန်လာလေ့ရှိတယ်။ အရိုးကုဆေးရုံမှာက ဆေးရုံတက်တဲ့ခြေပြတ်လက်ပြတ် စစ်သားတွေရှိတယ်။ သူတို့ကလည်း မိန်းမနဲ့ဝေးပြီးနယ်က ဆေးရုံတက်တဲ့လူတွေများတော့ အပျော်မတွေရှာတယ်မဟုတ်လား။

ဒီတပ်ကြပ်ကြီးက သူ့မိန်းမ ဒီလိုလုပ်တာကို သူသိပါတယ်။ တပ်ထဲက မိသားစုဝင်တွေအားလုံးလည်း သိပါတယ်။ ဒါပေမဲ့ ဘယ်သူမှ သူတို့မိသားစုကို နစ်နစ်နာနာ မပြောကြဘူး။ တစ်ယောက်နဲ့တစ်ယောက်နားလည်တဲ့ပုံပါပဲ။ သူ့အလုပ်သူလုပ်...ကိုယ့်အလုပ်ကိုယ်လုပ်။

သူမမှာ ကလေးနှစ်ယောက်ရှိတယ်။ မိန်းခလေးနဲ့ယောက်ျားလေးပါ။ ခလေးတွေက အဲဒိတုံးက အသက် ၁၂ နှစ်အရွယ်လေးတွေ။ ဒီလိုပဲ တပ်ကြပ်ကြီးမိန်းမက သူ့မိသားစုကို သူမှာရှိတဲ့ပညာနဲ့ တဘက်က ထောက်ပံ့ပေးရတယ်။ အရပ်သားတွေဆင်းရဲတာဟာ လွတ်လွတ်လပ်လပ် အပြင်မှာ အလုပ်ထွက်လုပ်ခွင့်ရှိတယ်။ စစ်သားတွေမှာ တပ်ပြင်ထွက်ပြီးအလုပ်ထွက်လုပ်ဖို့တာ လွယ်တဲ့အလုပ်မဟုတ်တော့ နောက်ဆုံးတော့ တပ်ထဲက ရဲဘော် ၇၅% လောက်က အရက်သမားဖြစ်ကုန်ကြတယ်။ ကျနော်တပ်ထဲမှာပြောနေကြစကားရှိပါတယ်။ အရပ်သားတွေဆင်းရဲတာသနားတယ်ဆိုတဲ့စကားပါ။

ဆေးရုံတက်ရခြင်း

၁၉၉၂ ပတ်ဝန်းကျင်လောက်က မင်္ဂလာဒုံစစ်ဆေးရုံမှာဆေးရုံတက်ရတယ်။ ငှက်ဖျားရောဂါနဲ့ အထူးဆောင်မှာတက်ရတယ်။ အဲဒိမှာ အနယ်နယ်အရပ်ရပ်က လာတဲ့ ရဲဘော်တွေအများကြီး။ ကျနော်တို့တက်တဲ့အထူးဆောင်ရဲ့ အနောက်မှာ အရူးထောင်ရှိတယ်။ စိတ်ဝေဒနာသည် ရဲဘော်တွေအတွက် အချုပ်ထောင်သေးသေးလေးပါ။ မရှုးပဲနဲ့ရူးချင်ယောင်ဆောင်တဲ့ ရဲဘော်တွေများတယ်။ အရူးလက်မှတ်ရမှ သူတို့တပ်ကထွက်လို့လွယ်တယ်လို့ဘေးက ဦးလေးကြီးတွေကပြောပြတယ်။

တနေ့မှာ ဗိုလ်ချုပ်မြင့်အောင်နဲ့အဖွဲ့ ရဲဘော်တွေကို လက်ဆောင်လိုက်ပေးတယ်။ အဲဒိတုံးက ဘာ့ကြောင့်ပေးလဲဆိုတာမသိရဘူး။ နောက်ပိုင်းမှ သိရတာက မဲသဝေါတို့၊ မာနယ်ပလောတို့ကိုတိုက်နေတဲ့အချိန်ဆိုတော့ လူနာတွေ ဆံ့တောင်မဆံ့တော့ဘူး။ သူတို့ရှိတဲ့ ခြေပြတ်လက်ပြတ်အဆောင်ကို မသွားရဲဘူး။ အရမ်းနံတယ်။ မသေခင်ခြေထောက်တွေလက်တွေပုပ်နေကြပီ။ ဒါတွေကို လိုက်အားပေးတာပါ့။

ကျနော်ကဒီအချိန်မှာ ကလေးအရွယ်ပဲ ဘာမှမသိဘူး။ သူလာပေးတော့ အရမ်းပျော်တယ်။ မုန့်တွေအများကြီး၊ လက်ဆောင်တွေအများကြီးရတယ်လေ။ လူနာတစ်ယောက်ခြင်းဆီကို စစ်ပုံစံကုတင်ပေါ်မှာထိုင်ခိုင်းပြီး စနစ်တကျလက်ခံယူရတယ်။မှတ်မှတ်ရရ သူကမေးတယ်။ သား..ဆေးရုံမှာတက်ရတာအဆင်ပြေလားပေါ့..။ ကျနော်က..ဟုတ်ကဲ့လို့ပြောပါတယ်...ဒါပေမဲ့ ကျနော်ပေါင်မုန့်မစားရဘူးလို့ပြောမိတယ်..။ နောက်နေ့ကြတော့ စစ်ဆေးရုံဖိုကြီးက ရဲဘော်တွေလာပြီး ကျနော့်ကိုဆဲပါလေရော...မင်း..စောက်ပါးစပ်တိတ်တိတ်နေတဲ့...။ နောက်မှ သိရတယ်။ မင်းကြောင့်...ဖိုကြီးက စားဖိုမှုးပြုတ်သွားတယ်။

ဗိုလ်ချုပ်တင်ဦးကို ခိုးကြည့်ခြင်း

လှသောင်းကျောင်းကို အတွင်းရေးမှုး ၂ ဗိုလ်ချုပ်တင်ဦးအလည်လာတယ်။ အောင်ချက်ကောင်းတယ်၊ စည်းကမ်းကြီးတဲ့ကျောင်းဆိုပီးအားပေးတယ့်သဘောနဲ့ပါ။ သူလာတော့ ထုံးစံအတိုင်း ဟိုအက၊ ဒီအကနဲ့ကြိုဆိုရတယ်။ ကျနော်က အမျိုးသားအားကစားပွဲတော်မှာ သိုင်းအလှပြလုပ်တာဆိုတော့၊ ကျနော်တို့အဖွဲ့လည်းပါတယ်။ ကျောင်းအုပ်ဆရာကြီး ဗိုလ်မှုး စိန်ဝင်းက ဗိုလ်ချုပ်တင်ဦးကို ဖားလိုက်တာအရမ်းပဲ။ သူ့ကိုကျောင်းသားတွေက ကျောက်ရှုးစိန်ဝင်းလို့ခေါ်တယ်။ သူ့မျက်နှာမှာ ကျောက်ပေါက်မာတွေအများကြီးနဲ့ အမြဲတမ်း အရက်မှုးနေလို့။

ကျောင်းရဲ့ ခန်းမမှာ ဗိုလ်ချုပ်တင်ဦးနဲ့အဖွဲ့အခမ်းအနားကို ရှု့ ရှားတော်မှုတယ်။ ဘေးနားမှာက အူဇီကိုင်ထားတဲ့ ကိုယ်ယံတော်တွေအများကြီး။ အဘိုးကြီးအနားကိုဘယ်သူမှ ကတ်မရအောင်။ ကျနော်အရမ်းစပ်စုချင်တယ်။ ဗိုလ်ချုပ်တင်ဦးထိုင်တဲ့ ခုံရဲ့ အနားမှာ ပြတင်းပေါက်ရှိတယ်။ အဲဒိနားမှာ သက်တော်စောင့်ကြီးက အူဇီကြီးနဲ့၊ ဆရာမတွေကို ငန်းနေတဲ့အချိန်။ လစ်တာနဲ့ ကျနော်သွားပီးကြည့်တယ်။ ဗိုလ်ချုပ်တင်ဦးဆိုတာသူလားပေါ့။ တခါမှ အပြင်မှာမမြင်ဘူးလို့။ တီဗွီထဲမှာအမြဲတမ်းမြင်ဘူးတာဆိုတော့ ဘာများကွာလဲ.။။ ချောလား၊ ရုပ်ရှင်မင်းသမီးမင်းသားတွေကို သူ့ပရိတ်သတ်က လိုက်ပြီးချောင်းတဲ့ပုံစံမျိုးကြည့်တာပါ။

ကျနော်ပြတင်းပေါက်ကို ကတ်သွားတဲ့အချိန်၊ အူဇီကိုင်ထားတဲ့ငနဲက မမြင်ဘူး။ မြင်တာက ဗိုလ်ချုပ်တင်ဦးဘေးမှာ ဖားနေတဲ့ ကျောင်းအုပ်ဆရာကြီးကျောက်ရှုးက မြင်သွားတယ်။ အဲဒိမှာဆဲပါလေရော...။ မင်း...မလားရဘူးဆိုတာမသိဘူးလား...။ ထွက်သွား...မင်းအတန်းပိုင်ဘယ်သူလဲ။။။ မေးလိုက်တာမှအများကြီး...။ ဒီအချိန်မှာ အူဇီကိုင်တဲ့ ရဲဘော်ကြီး ပြောတယ်...ညီလေးသွားတော့တဲ့...အဘိုးကြီးနားကို ဘယ်သူမှမကတ်ရဘူး။ ကျနော်လည်း ရှက်ရှက်နဲ့ထွက်ခဲ့တယ်။ ဒါက မှတ်မှတ်ရရလေးဆိုတော့...။ အဲဒိအချိန်မှာ ကျနော်ခံစားချက်က ငါ ကြီးလာရင် ဗိုလ်ချုပ်တင်ဦးလို ဖြစ်ချင်လိုက်တာလို့...။

ဗိုလ်မှုးစိန်ဝင်းက ၉-တန်းကို အခမဲ့အအောင်ပေးခြင်း

၉၆-၉၇ ပညာသင်နှစ်မှာ ကျနော် ၉-တန်းကျောင်းသားဖြစ်ပါတယ်။ အမျိုးသားအားကစားပွဲတော်ရှိတယ်။ မြန်မာ့ခရီးသွားနှစ်ပွဲတော်လည်းရှိတယ်။ ကျောင်းတိုင်းက တစ်ကျောင်းကိုအယောက် ငါးဆယ်လောက်လိုက်ရတယ်။ အဲဒိပွဲတွေမှာသိုင်းအလှက၊ ဗ၀ါးကဖို့။ ကျနော်လည်း ပါတယ်။ ကာယဆရာမက က ဖို့အတွက် ခေါ်တယ်။ ကျနော်တို့မလိုက်ချင်ဘူး။ သင်တန်းက အရမ်းပင်ပန်းတယ်။ သုံးလတောင်ကျောင်းစာကိုပစ်ပြီးသွားရမှာဆိုတော့။ ဒီအချိန်မှာ ဗိုလ်မှုးစိန်ဝင်းက မတ်လုံးပေးတယ်။ လိုက်ရင် ကိုးတန်းကို အအောင်ပေးမယ်။ ဆိုတော့ ကျနော်တို့ပျော်တာပေါ့။ ကျနော်တို့ဝါသနာပါတဲ့ သူငယ်ချင်းတွေအများကြီးလိုက်တယ်။ အဲဒိအထဲမှာ မြတ်ထွတ်ခေါင်တောင်ပါသေးလားမသိဘူး။ FTUB က ဥက္ကဌ ဦးလှဦးသားပါ။ မြတ်ထွတ်ခေါင်နဲ့ မဲ့ဆောက်မှာ ပြန်ဆုံကြတယ်။ (စကားချပ်)

အမျိုးသားအားကစားပွဲတော်ကို သုံးလနီးပါးသွားတယ်။ ပြန်လာတော့ စာမေးပွဲနီးပီ..။ စာတွေလည်းမလိုက်နိုင်တော့ဘူး။ စာမေးပွဲကို အင်္ဂလိပ်စာ၊ သင်္ချာနဲ့ကြတယ်။ အောင်စာရင်းထွက်တော့ ငိုတယ်။ အောင်ပေးမယ်ဆိုပြီး ကျတယ်ပေါ့..။ အမေကလည်းဆဲပါလေရော...။ စုံစမ်းကြည့်တော့ အမျိုးသားအားကစားပွဲတော်သွားတဲ့ လူသုံးပုံလောက်ကြတယ်။ ကာယဆရာမနဲ့တိုင်ပင်ပြီး ဗိုလ်ချုပ်ခင်ညွှန့်ဆီ ကျောင်းသားအားလုံးစာရေးတယ်။ အားကစားပွဲတော်သွားတဲ့လူတွေထဲမှာ ဗိုလ်ချုပ်ခင်ညွန့်နားမှာ အလုပ်လုပ်တဲ့ အရာရှိတစ်ယောက်ရဲ့ သားပါတယ်။ သူ့အဖေကနေတဆင့်စာပေးလိုက်တယ်လို့ကြားရတယ်။

၉၇-၉၈ ခုနှစ် ကျောင်းတက်တော့ ပထမဆုံးကိုးတန်းအခန်းမှာထိုင်ရတယ်။ နှစ်ရက်လောက်ကြာတော့ ၁၀-တန်းအခန်းကို ခုန်ပြီးရောက်သွားတယ်။ သူငယ်ချင်းတွေပျော်လိုက်တာအရမ်းပဲ။ ၁၀-တန်းလည်းဖြေတော့ ကျပါလေရော။ ကိုးတန်းစာမှ မပိုင်တာလို့ဆရာမတွေက ပြောတယ်။ ဘာဘဲဖြစ်ဖြစ် ဗိုလ်မှုးစိန်ဝင်းကြောင့် ကိုးတန်းကိုအခမဲ့အောင်ခဲ့ပါတယ်။ စစ်အစိုးရအုပ်ချုပ်တဲ့ကျောင်းက ပညာရေးစနစ်တခုပါ

ဆက်ရန်

View My Stats