 |
| Add caption |
တခါတလေ စဉ်းစားကြည့်တော့ ၁၂-နှစ်တာ ကာလဆိုတာကလည်း ခဏလေးလိုပဲ။ သူများတွေလိုတော့ နှစ်ပေါင်း ၂၀-ကျော်မဟုတ်ပါဘူး။ ကိုယ့်ခံစားချက်နဲ့ ကိုယ်ပဲဆိုတော့ သူများတွေနဲ့ မယှဉ်ချင်ပါဘူး။ တခါတလေ သူတို့ ကပြောသေးတယ်။ မင်းက ထွက်လာတာ ဘယ်လောက်ကြာသေးလို့ လဲတဲ့။ အထာကတော့ သူတို့ က ကိုယ့်ထက် ၀ါကြီးတယ်ပေါ့။ ကြီးကြီးငယ်ငယ် ကိုယ့်ဘ၀နဲ့ ကိုယ်ပါ။
၁၂-နှစ်တာကာလမှာ ကိုယ့်ဘ၀အတွက် ဘာရလဲလို့ ပြန်ပြီးသုံးသပ်မိတယ်။ ငါ ဘာရလဲ။ ပညာတက်လား။ နိုင်ငံခြားတက္ကသိုလ်က ဘွဲ့ ရခဲ့လား။ စီးပွားဖြစ်ခဲ့လား။ သူဌေးဖြစ်ခဲ့လား။ နိုင်ငံရေး လူမှုရေးမှာ အောင်မြင်ကျော်ကြားတဲ့လူတစ်ယောက်ဖြစ်ခဲ့လား။ ဆိုတော့ တကယ်တန်း ကိုယ့်ကိုယ်ကိုယ်အာမနာတမ်း သုံးသပ်ဝေဖန်လိုက်ရင် ခလေးသုံးယောက်နဲ့ မိန်းမကလွဲလို့ ဘာမှ ဟုတ်တိပတ်တိမဖြစ်သေးဘူး။ ဟိုစစ ဒီစစတော့ ဖြစ်တယ်လို့ ထင်တယ်။
ကိုယ်က လက်ရှိဘ၀မှာ ဘာမှ ပူပင်ကြောင့်ကြမှုမရှိတော့ဘူး။ အနဲဆုံး ငတ်ရင်အစိုးရကကျွေးမယ်။ ကျနော်က ဒီလိုဘ၀ဖြစ်နေတဲ့အချိန်မှာ ကျနော်နဲ့ အတူတူ ကြီးပြင်းခဲ့တဲ့လူတွေ၊ အလုပ်အတူတူလုပ်ခဲ့တဲ့လူတွေရဲ့ ဘ၀တွေကို ပြန်ပြီး တစ်ချက်လောက်လှည့်ကြည့်မိတယ်။ အားလုံးဟာ ကိုယ့်ထက်ဆိုးတဲ့သူတွေချည်းပဲဖြစ်နေတယ်။ တချို့ ဆိုရင် အရမ်းဆင်းရဲပြီး အရက်သမားဖြစ်ကုန်တယ်။ အများစုကတော့ တနေ့ လုပ်မှ တနေ့ စားရတဲ့ဘ၀။ သူတို့ အနာဂတ်အတွက် ကြိုတွေးပြီး စိတ်ကူးယဉ်လို့ မရဘူးဖြစ်နေတယ်။ ဘ၀တွေဟာ ဘာတွေဖြစ်ကုန်မှန်းတောင်မသိဘူး။ နောက်ဆုံးတော့ ဘယ်သူမပြုမိမိအမှုပါ။ ကိုယ်ဖြစ်ကိုယ်ခံပေါ့ဗျာ။
ပြန်တဲ့သူတွေထဲမှာ ထူးခြားတာကို နဲနဲပြောပြချင်ပါတယ်။ ဗမာပြည်ကိုပြန်ပြီး လက်နက်ချတဲ့သူတွေကို တွေ့ ဘူးပါတယ်။ ဒီအထဲကနေ နှစ်ယောက်ကိုပဲ ဥပမာပေးချင်ပါတယ်။ NLD-LA မှာ ကိုမင်းကို ဆိုတဲ့ လူတစ်ယောက်ရှိတယ်။ သူက ဗဟိုကော်မတီဝင်တစ်ဦးပါ။ မျက်လုံးကောင်းကောင်းမမြင်ရဘူး။ အရက်အရမ်းသောက်တယ်။ သူ့ ဗလက ၀ါးခြမ်းပြားကို ပုဆိုးဝတ်ပေးထားတဲ့အတိုင်းပဲ။ ၈၈-ကတည်းက နိုင်ငံရေးလုပ်တဲ့လူတစ်ဦးပါ။ တနေ့ တော့ သူ ဘုရားသုံးဆူကနေတဆင့် လက်နက်ချသွားပါတယ်။ လက်နက်ချတယ်ဆိုတာကလည်း လက်နက်ပါမှ မဟုတ်ပါဘူး။ ကိုမင်းကိုအလင်းဝင်တဲ့အချိန်မှာ ဘာလက်နက်မှ မရှိဘူး။ ဘာ့ကြောင့် သူလက်နက်ချရတာလဲဆိုတော့ သူ့ အဖွဲ့ အစည်းမှာ သူ့ အတွက် အခြေအနေမကောင်းတော့ဘူး။ ရှင်းရှင်းပြောရရင် သူ့ အတွက် ဂွင်မကောင်းတော့ဘူး။ ၂၀၀၃-ခုနှစ်လောက်မှာ သူပြန်တယ်။ အခုတော့ ဗမာပြည်ထဲမှာ အခြေကြနေပါပြီ။
နောက်တစ်ဦးကတော့ ABSDF က ဗဟိုကော်မတီဝင်တစ်ဦးဖြစ်ခဲ့ဘူးတဲ့ ကိုဒီ ဖြစ်ပါတယ်။ သူလည်း အဖွဲ့ အစည်းမှာ အခြေအနေမကောင်းတော့ဘူး။ မိသားစု စားဝတ်နေရေးနဲ့ အိမ်ထောင်ရေးအဆင်မပြေတော့ သူလည်း NCGUB က ငွေတွေ မ ပြီး မဲ့ဆောက်ကနေ တဆင့် လက်နက်ချ အလင်းဝင်ခဲ့တယ်။ အခုထိ သူတို့ အသက်ရှင်လျှက်ရှိတုန်းလို့ သိရတယ်။ ကိုဒီ လည်း ၈၈-ကတည်းက နိုင်ငံရေးလုပ်လာတဲ့သူပါ။ လက်နက်ချ အလင်းဝင်တဲ့လူတွေအတော်များများက ပြည်ပနိုင်ငံရေးလောကမှာ သူတို့ အတွက် တွက်ခြေမကိုက်တော့တဲ့အချိန်ကြမှ ဗမာပြည်ကို ပြန်ကြပါတယ်။ တကယ်လို့ သာ ဦးမင်းကို နဲ့  ဦးဒီတို့ ဟာ အခြားသူတွေလို ကောင်းစားနေကြည့်ပါလား။ သူတို့ လုံးဝ ပြန်မှာမဟုတ်ဘူး။ ဒီနေ့ အချိန်အထိ အင်တာနက်ကနေ နိုင်ငံရေးကို အနဲဆုံးလုပ်အုံးမှာပါ။
ယနေ့ အချိန်အထိ ပြည်ပကနေ လက်ရှိအစိုးရရဲ့ ကမ်းလှမ်းချက်တွေကို မယုံသေးဘူး ဘာညာဆိုပြီးလျှောက်ပြောနေတဲ့လူတွေကို အစိုးရကိုယ်တိုယ်ကနေ ဒီလိုလုပ်ကြည့်ပါ။ ဒီလူတွေ ချက်ချင်းအထုပ်ကို ကောက်ကိုင်ပြီးပြေးမှာသေချာပါတယ်။ ဥပမာဗျာ.....ဦးမောင်မောင်၊ ကိုမောင်မိုးဇော်၊ ဒေါက်တာနိုင်အောင် နှင့် ဦးမိုးသီးဇွန်ခင်ဗျား.....ပြည်တွင်းကို လာပြီးအစည်းအဝေးလာတက်ပါ။ ကျနော်တို့ အထူးကြိုဆိုရေးလုပ်ပေးပါ့မယ် ဘာညာဆိုပြီးပြောကြည့်။ မယုံမရှိနဲ့ ဆရာ လှစ်ကနဲ နဲ့ တောင်နေအုံးမယ်။ ကျနော့်ကိုလည်း ဖိတ်ရင်ကျနော်လည်း လစ်မှာပဲ။ အခုတော့ အစိုးရက သူတို့ ကိုလူရာမသွင်းတော့ ဒီလိုဆန့် ကျင်နေတာပေါ့။ ကျနော့်အတွေးကိုပြောနေတာပါ။ မှားရင်လည်းမှားမယ်။ မှန်ရင်လည်းမှန်မယ်။ ဘယ်သူ့ ကိုမှ မစော်ကားပါဘူး။
ကျနော့်အမြင်ကတော့ ဘာ့ကြောင့် ပြည်ပ ၈၈-မျိုးဆက်ဟုခေါ်သောလူတွေကော၊ ဗကပဟောင်းတွေကော၊ ၇၄-ပဲပြောပြော ဘာပဲပြောပြောစတဲ့လူတိုင်းဟာ ပြည်ပမှာနေတာအထိုင်ကြနေပြီ။ နောက်ပြီးသူတို့ စိတ်ထဲမှာ နအဖကို မုန်းတီးစိတ်၊ မယုံသင်္ကာစိတ် စတဲ့ စိတ်ဝေဒနာတွေက ကြီးစိုးနေတော့ လက်ရှိအနေအထားမှာ ဘယ်လိုလုပ်ပြီးပြန်ကြမှာလဲ။ပြီးတော့ သူတို့ ဗမာပြည်ပြန်ပြီး ဘာပြန်လုပ်ဖို့ လဲ။
ကိုယ့်ဟာကိုယ် မပြင်ချင်လို့  မပြန်ရဲလို့ မပြန်ကြတာကိုများ လာပြီး သူများတွေပြန်ရင် အပြစ်တင်ချင်သေးတယ်။ ကဲ့ရဲ့ ချင်သေးတယ်။ သူတို့ ကပဲ တကယ့်ကို မှန်နေသလိုမျိုး။ သူတို့ ကပဲ အရမ်းကို နိုင်ငံရေးနဲ့ ပက်သက်ပြီး သိသလိုမျိုး။ သစ္စာရှိသလိုမျိုး။ တကယ်တမ်းလက်တွေ့ ကြကြ စဉ်းစားမယ်ဆိုရင် ရှင်းရှင်းလေးပဲ။ ကိုယ်ထမင်းငတ်ရင် ဘယ်ကောင်မှ လာပြီးမကျွေးဘူး။ ဒါက အမှန်တရားပဲ။
ဒါပေမဲ့ တစ်ခုတော့ ရှိတယ်။ ဖိနှိပ်မှု နဲ့ တရားမျှတမှုကို တစ်သက်လုံးမခံဖို့ အရေးကြီးဆုံးပဲ။ ဒါကိုပဲ တစ်သက်လုံးတိုက်ရမှာဖြစ်တယ်။ ကြံ့ဖွတ်အစိုးရဖြစ်လည်း ဖိနှိပ်မှု နဲ့ တရားမဲ့မှု ရှိတယ်။ တကယ်လို့ အတိုက်အခံက အစိုးရဖြစ်လည်း ဖိနှိပ်မှုမရှိ၊ တရားမျှတမှု အပြည့်ရမယ်လို့ ဘယ်သူပြောမလဲ။ ဘယ်အစိုးရတက်တက် မတရားမှုကို ဆက်ပြီးတိုက်ရအုံးမှာဖြစ်တယ်။ လက်ရှိအစိုးရကာလမှာ ကျနော်လိုချင်တဲ့အရာ ရပြီလို့ ထင်လို့ လား။ လုံးဝကိုမရသေးဘူး။ စစ်အစိုးရကို နိုင်အောင်လည်း မတိုက်နိုင်ဘူး။ ဒီလိုပဲ နေလာတာ ၁၂-နှစ် ရှိနေပြီ။ ၁၂-နှစ်ဆိုတာက ၁၂-နာရီလောက်ဆိုရင်တော်သေးတာပေါ့။ ဒီကာလအတွင်းမှာ မနိုင်တော့ လုပ်စရာအလုပ်တစ်ခုပဲရှိတော့တယ်။ လက်ရှိအစိုးရလိုချင်တဲ့ ပုံစံအတိုင်းလျှောက်မယ်။ လွတ်ငြိမ်းချမ်းသာခွင့်မပေးလည်း ပြန်မယ်။ ပေးလည်းပြန်မယ်။ ပြီးရင် ကျနော့်အဖေစစ်တပ်ထဲကိုအလည်သွားမယ်။ ရဲဘော်တွေရဲ့ သားတွေသမီးတွေကို ရှင်ပြုပေးမယ်။ အရင်တုန်းက တိုက်ခဲ့တဲ့ နအဖကို သူငယ်ချင်းလုပ်မယ်။ ဒါပဲ။ မကြိုက်တဲ့လူတွေ လဲသာသေလိုက်ပေါ့ဗျာ။
