ကိုကြီးကျော်ကို ကိုးကွယ်ပါ

ဦးလေး ဦးဘသာက မြန်မာစစ်စစ်တစ်ယောက်ဖြစ်တယ်။ သူက မျိုးချစ်စိတ်ဓာတ်လည်း ရှိတယ်။ မြန်မာလူမျိုးကသာလျှင် သာကီနွယ်ဝင်ဖြစ်တဲ့အတွက် တခြားလူမျိူးတွေထက် ပိုပြီး မြင့်မြတ်တယ်လို့ ဆိုတယ်။ ဝတ်လိုက်တဲ့အင်္ကျီက အမြဲတန်းပင်နီတိုက်ပုံနဲ့ ။ စားရင်လည်း ငပိပါမှ တင်းတိမ်တဲ့မျိူးရိုး။ သူကို မွေးတဲ့နေရာက ပခုက္ကူမြို့ ဆိုတော့ စကားပြောရင်လည်း အညာသံပေါက်နေတယ်။ တနေ့ ဦးလေး ဦးဘသာ ရန်ကုန်သွားရင်းနဲ့  သြစတျေးလျကနေ ရန်ကုန်ကိုအလည်လာတဲ့ မြန်မာလူမျိူး ဘုန်းကျော်နဲ့ တွေ့ ပြီး အရမ်းခင်မင်သွားတယ်။
ဦးဘသာ။ ။ ငါတို့ မြန်မာတွေက အတော်လေးကို ညာဏ်ရည်ထက်မြတ်ပါပေ့ကွာ။ ဘယ်လောက်တောင်ညာဏ်ရည်ထက်လဲဆိုရင် အသက်ငယ်ငယ်နဲ့ နိုင်ငံ့ခေါင်းဆောင်ဖြစ်တဲ့ ဗိုလ်ချူပ်အောင်ဆန်းကို ကြည့်ကွာ။ ဘယ်နိုင်ငံမှာ သူ့ အသက်အရွယ်နဲ့ နိုင်ငံ့ခေါင်းဆောင်ဖြစ်တဲ့ သူရှိလား။ မင်းတို့ သြစီမှာကောရှိလို့ လား။

ဘုန်းကျော်။ ။ မရှိဘူး ဦးလေး။

ဦးဘသာ။ ။ ငါဆိုရင် မြန်မာပြည်မှာပဲ သေမယ်။ ဘယ်တော့မှ နိုင်ငံခြားကို အထင်မကြီးဘူးကွ။ ငပိနဲ့ စားပြီး ရွှေတိဂုံဖူးရင်းနဲ့ ပဲ ကိုယ့်တိုင်းပြည်မှာသေချင်တယ်။

ဘုန်းကျော်။ ။ ကောင်းတာပေါ့ ဦးလေးရာ။ ပျော်ရာမှာနေတာက စိတ်ချမ်းသာပါတယ်။

ဦးဘသာ။ ။ နေအုံး..ငါ့ကောင်...မင်တို့ နိုင်ငံခြားက နိုင်ငံရေးအယူအဆတွေ၊ ဓလေ့တွေကို ငါတော့ ငါ့သားသမီးတွေကို မကူးစက်ရအောင် အမြဲတန်းသွန်သင်ပေးတယ်။ မင်းခလေးတွေကော မြန်မာစကား နဲ့  မြန်မာဓလေ့ကို ချစ်မြတ်နိုးအောင် သင်ပေးပေါ့ကွာ။

ဘုန်းကျော်။ ။ ဟုတ်ကဲ့ ဦးလေး။ သင်ပေးနေပါတယ်။

ဒီလိုနဲ့ စကားဝိုင်းက အရှိန်တက်လာလိုက်တာ နေတောင်အတော်စောင်းနေသွားပြီ။ ဦးဘသာကလည်း ကျနော့်ကို မြန်မာ၊ မြန်မာ ဆိုတဲ့စကားလုံးကို သုံးပြီးပြောလာလိုက်တာ နားတောင်ညီးလာပြီ။ သူက နိုင်ငံခြားကို အထင်မကြီးတဲ့သူ၊ မြန်မာ့မြေကို ချစ်တဲ့သူ၊ မြန်မာ့အစားအစာကို ချစ်တဲ့သူတစ်ယောက်ဆိုတော့ အင်မတန်မှ ကျနော်ဂုဏ်ယူမိပါတယ်။ ကျနော်လည်း မြန်မာလူမျိူးနဲ့ ဓလေ့ကို အင်မတန်ချစ်တာပေါ့။ ဒါပေမဲ့ ဦးဘသာလို အရမ်းကို ပိုလွန်းလာတော့ အမြင်က ကတ်လာပြီ။

ဦးဘသာ။ ။ မြန်မာတွေဟာ တနေ့ မှာ ကမ္ဘာကျော်မဲ့ လူစားတွေဖြစ်လာမှာပါကွ။ ဦးသိန်းစိန်က မြန်မာခေါင်းဆောင်တွေထဲမှာ အတော်တော်တဲ့လူကွ။ သူက တိုင်းပြည်တိုးတက်အောင်လုပ်မှာ။ မင်းမယုံရင် ကြည့်နေ။

ဘုန်းကျော်။ ။ ယုံပါတယ် ဦးလေး။ ဖြစ်လာပါစေလို့ ဆုတောင်းပါတယ်။

ကျနော့်ဒေါသက အထွပ်အထိပ်ကို ရောက်လာပြီ။ နေကလည်းစောင်းနေပြီ။ သူ့ လေကမပြတ်သေး။ လေချဉ်ကတက်လာပြီ။

ဒါနဲ့ -

"ဦးလေး ဦးဘသာ....ဒီလောက်တောင် မြန်မာကို အရမ်းအထင်ကြီးနေရင် ချစ်နေရင် ဦးလေးဘုရားရှစ်ခိုးရင် ဂေါတမဘုရားကို ရှစ်မခိုးနဲ့။ ကိုကြီးကျော်တို့ ၊ မနှဲလေးတို့ ပဲ ကိုးကွယ်ပါလား။ ဂေါတမဘုရားက မြန်မာမှမဟုတ်တာ။ ကုလားကြီးဟာကိုး..."

" မင်းကွာကြံကြံဖန်ဖန်....ငါ့မြန်မာနိုင်ငံက အခုချက်ချင်းထွက်သွား" ဆိုပြီး ရေနွေးအိုးနဲ့  ထ ပြီးပေါက်ပါလေရောဗျာ။

မှတ်ချက်။ ။ မြန်မာကို ချစ်သော ဦးဘသာအနေနဲ့ ယေရှု့ ကို ကိုးကွယ်လို့ မရပါ။ ဘုရားသခင်က အဖြူလူမျိူးဖြစ်ပါတယ်။ အလာ..ကိုလည်းကိုးကွယ်လို့ မရပါ။ အရှေ့ အလယ်ပိုင်းက ကုလားဖြစ်နေလို့ ပါ။ နောက်ဆုံး ဂေါတမဘုရားလည်း ကိုးကွယ်လို့ မရပါ။