သူပုန်ဘ၀ (အပိုင်း-၂)

ရှေ့ တန်းထွက်ခြင်း

မနက်မိုးလင်းတော့ ဟိုလူစောင့်ဒီလူစောင့်နဲ့။ တော်တော်နဲ့မထွက်ဖြစ်ဘူး။ မဟာမိတ်တွေကိုစောင့်ရတယ်။ သူတို့က ဦးဆောင်မှာဆိုတော့။ မနက် ၆ နာရီလောက်မှာထွက်တယ်။ မိုးလေးက ဖွဲဖွဲလေးရွာနေပြီ။ ကျောပိုးအိပ်ထဲမှာ အ၀တ်အစား နှစ်စုံ၊ ပျောက်ကြားယူနီဖောင်တစ်စုံ၊ ရေဘူး၊ အီကွေးမင့်၊ ဓား၊ သွားတိုက်တံ၊ သွားတိုက်ဆေး၊ ပုခတ်၊ ဆန်ထည့်ဖို့ ဆန်ကြိုးပါတယ်။ ထမင်းချက်ဖို့ ထမင်းအိုးကတော့ နှစ်လုံးပါတယ်။ ဆန်အနည်းငယ်၊ ဆီ၊ ဆား၊ ကြက်သွန်နီ၊ ကြက်သွန်ဖြူ၊ အချိုမှုန့် ငါးခြောက်နည်းနည်းပါတယ်။ သုံးရက်စာလောက်ကို အဆင်သင့်ကိုယ်နဲ့ယူသွားရတယ်။ ထမင်းအိုးကို တစ်ယောက်တစ်လှည့်ထမ်းရတယ်။ အထက်လူကြီးဆိုရင် မထမ်းရဘူး။ ထမ်းတဲ့သူလည်းရှိပါတယ်။ ကိုမောင်ငြိမ်းကတော့ ထမ်းတာဝါသနာပါတယ်။

မိုးရွာနေတုံးလစ်ကြတာဆိုတော့ ကလေးတွေမိုးရွာရင် မိုးရေကစားသလိုမျိုးပျော်စရာကောင်းတယ်။ နှစ်နာရီလောက်လမ်းလျှောက်၊ ပြီးရင်နား။ တစ်ယောက်နဲ့တစ်ယောက် နောက်ကြပြောင်ကြ။ ပြီးရင် နှစ်နာရီလောက်တောင်တက်။ တောင်ပေါ်မှာနား။ Bush Walking လုပ်ရသလိုမျိုး။ တော်တော်မိုက်တယ်။

ထိုင်းဘက်ခြမ်းနဲ့မြန်မာဘက်ခြမ်းကူးတဲ့အခါ ချောင်းရှိတယ်။ ချောင်းမရောက်ခင်မှာ ကရင်ရွာတွေရှိတယ်။ ကရင်ရွာတွေမှာ ခဏနားပီး ကေအန်ယူကရဲဘော်ကြီးတွေက စကားပြောစက်နဲ့ ရန်သူအခြေအနေစုံစမ်းတယ်။ ရှင်းမှထွက်မယ်ပေါ့။ ရန်သူကလည်းတောယုံနဲ့မရှင်းဘူး။ မရှင်းတော့ ထွက်လို့မရဘူး။ အဲဒိကရင်ရွာမှာပဲ ငါးရက်လောက်သောင်တင်သွားတယ်။

ဒီတော့ ငါးရက်အတွင်းပါလာသမျှရိက္ခာလေးတွေစားပေါ့။ ညဖက် ရွာဘေးက စမ်းချောင်းလေးတွေမှာ ငါးဖမ်းထွက်တယ်။ ငါးကလည်းတော်တော်များများရတယ်။ NLD က ကိုအောင်စိုးလွင်(နော်ဝေ) နဲ့ ကျနော်က ၀ါသနာတူတယ်။ ဓားတစ်ယောက်တစ်လက်ယူပီး ငါးဖမ်းထွက်တယ်။ ငါးတင်မကဘူး၊ လိပ်တွေပါရတယ်။ လိပ်ကို ပုဆိုးဂုပုံကြားထဲထည့်တာ လိပ်က ခေါင်းထွက်လာတော့ ကျနော့်ပုဆိုးပြဲပါလေရော။ လိပ်ကြောင့် မရှိမဲ့ရှိမဲ့ပုဆိုးတစ်ထည် လွင့်ပြစ်လိုက်ရတယ်။ လိပ်သားလည်းမစားရဲဘူး။ အမေက ပြောတယ်...လိပ်သားစားတဲ့လူတွေသွေးမတည့်ရင် နှုမယ်ဆိုလို့။ တခြားသူတွေကတော့ ကရင်ရွာက တောအရက်ကောင်းကောင်းနဲ့ ကြိတ်လိုက်တာလောက်တောင်မလောက်ဘူး။

ချောင်းကိုဖြတ်ပီ

သတင်းထူးတော့ ညဖက်မှာ ချောင်းကိုဖြတ်ကြတယ်။ ချောင်းရဲ့ တစ်ဘက်ခြမ်းမှာ ဗမာပြည်။ ကရင်ရွာရှိတယ်။ ချောင်းကိုကြိုးတံတားကခြားထားတယ်။ ညဖက်မှာ မီးမထွန်းရဘူး။ ဒီပုံစံနဲ့တံတားကို ဖြတ်ရတာ။ တစ်ယောက်လက်ကိုတစ်ယောက်ကဆွဲ။ စကားသံမကြားရဘူး။ တံတားကလှုပ်စိလှုပ်စိ။ တခါမှ မရတဲ့စိတ်ခံစားမှုမျိုးရတယ်။ ရင်ကလည်းခုန်တယ်။ ကြောက်လို့။ နောက်ပီးသူပုန်တွေအချင်းအချင်း တစ်ယောက်ယောက်နဲ့တစ်ယောက် ပိုပြီးချစ်သွားကြတယ်။ သေဘော်သေဘက်တွေမို့လားမသိဘူး။

တံတားဖြတ်ပြီးတော့ လယ်ကွင်းရှိတယ်။ လယ်ကွင်းကိုစောက်ရမ်းမဖြတ်ရဲဘူး။ တခြားဘက်အခြမ်းမှာ ရန်သူကစောင့်နေရင် ကိုယ့်သေတွင်းကိုယ်တူးမှာလေ။ လယ်ကွင်းထိပ်မှာ အကြာကြီးထိုင်စောင့်ပီးမှ နှစ်ယောက်တစ်တွဲဖြတ်ရတယ်။ တစ်ယောက်မှ သေနတ်မရှိဘူး။ ကိုယ့်ဘကက် ၁၅ ယောက်လောက်ရှိတယ်။ မြန်မာဘက်အခြမ်းကရွာရောက်မှ ကေအန်ယူက တစ်ကြပ်ကြီးက သူဖွက်ထားတဲ့ M16 တစ်လက်ရတယ်။ ဒီမှာတင်သူပုန်ဘ၀ရဲ့ အရသာကိုစတင်ခံစားရတယ်။

ရွာကနေ ကျနော်တို့ဆုံမဲ့နေရာအထိ ချီတက်ကြပေါ့။ တစ်ရက်ကို အနည်းဆုံး ငါးနာရီလောက် မိုးရွာထဲမှာ ဖြုတ်ကိုက်ခြင်ကိုက်လမ်းလျှောက်ကြတယ်။ တောင်ယာတဲတွေ့ရင်အိပ်တယ်။ ရွာမှာဆန်ဝယ်ဖြည့်တယ်။ စားစရာဝယ်တယ်။ ချောင်းဘေးက တို့စရာကောက်ကောက်ညွန့်ရတယ်။ ငါးဖမ်းတယ်။ ငရုတ်သီးစိမ်းနဲ့ ငပိထောင်းပြီးစားတယ်။

တောင်ယာခုတ်တဲ့ကရင်တွေရဲ့ ဘ၀

စစ်သားမိသားစုတွေဆင်းရဲတယ်ဆိုတာ တောင်ယာခုတ်စားတဲ့လူလောက်မဆင်းရဲဘူးသိလား။ လူတွေနဲ့ဝေးတဲ့နေရာတွေမှာ မိသားစုလိုက်သွားပြီး တောင်ယာခုတ်ရတယ်။ တောင်ယာခုတ်တယ်ဆိုတာ တောင်ပေါ်မှာ စပါးစိုက်ဖို့အတွက် ရှိသမျှအပင်တွေကို ခုတ်လှဲရတယ်။ ဓားနဲ့ခုတ်တာနော်။ အပင်ကြီးတွေလည်းရှိတယ်။ အသေးတွေလည်းရှိတယ်။ အနည်းဆုံး မီတာ ငါးရာပတ်ဝန်းကျင်လောက်ခုတ်ကြတယ်။ ဆိုတော့ ဘယ်လောက်ပင်ပန်းလဲဆိုတာစဉ်စားကြည့်။

ခုတ်ပြီးသွားရင် မီးရှို့ တယ်။ မီးရှို့ ပီးရင် စပါးစိုက်တယ်။ စပါးစိုက်ပီးရင် စပါးပင်တွေဘေးမှာ ငရုပ်ပင်၊ ကျောက်ဖရုံသီး၊ နဲ့ တခြားသီးပင်စားပင်တွေကို စိုက်တယ်။ ရေလောင်းစရာမလိုဘူး။ တောင်ယာတဲအများစုက စမ်းချောင်းဘေးမှာတည်ကြတယ်။ ကြက်မွေးတယ်။ ၀က်မွေးတယ်။ စပါးမမှည့်သေးချိန်ထိ တောင်ယာတဲပိုင်ရှင်ဟာ တောပုန်းသေနတ်တလက်နဲ့ အမဲလိုက်တယ်။

ညဖက် စမ်းချောင်းတွေမှာ ငါးဖမ်း၊ ဖားဖမ်းတယ်။ ဖားတွေကလည်း အကြီးကြီးတွေပဲ။ စားလို့အရမ်းကောင်းတယ်။ သူတို့ဖမ်းတာက စားဖို့အတွက်ဖမ်းတာဆိုတော့ ဖားတွေ၊ ငါးတွေက ဘယ်တော့မှ မျိုးမတုန်းဘူး။ သားကောင်ရရင် ရွာမှာသွားပီးရောင်းတယ်။ ရတဲ့ငွေနဲ့ ဆား၊ ငပိ၊ အချို မှုန့်၊ ဆီနည်းနည်းဝယ်။

အ၀တ်အစားကတော့ ကိုယ့်ဟာကိုယ် ယက်ဝတ်တာများတယ်။ သူတို့ဆီမှာ Cash မရှိဘူး။ Internet Banking လား Internetလား ကြိုက်တဲ့အကြောင်းအရာမေး။ သူတို့လုံးဝမသိဘူး။ စိတ်လည်းမ၀င်စားဘူး။ ခလေးတွေကျောင်းတက်ဖို့လား၊ ဆရာဝန်လား၊ အင်ဂျင်နီယာလား လုံးဝလုပ်ဖို့စိတ်မကူးဘူး။ စာလည်းစိတ်မ၀င်စားဘူး။

ဗမာစကားဆိုလို့တစ်လုံးနှစ်လုံးပဲတက်တယ်။ ဆေးရုံဆေးပေးခန်းမရှိဘူး။ ဖျားတာနာရှိရင် ကရင်ရိုးရာဆေးပဲ။ ကွမ်းယာရှိတယ်။ ဆေးလိပ်သောက်ဖို့ ဘန်ဘုရွက်လို့ခေါ်တဲ့အရွက်နဲ့ဆေးရွက်ကြီးထည့်သောက်တယ်။ စီးကရက်မရှိ၊ ဆေးပေါ့လိပ်မရှိ။ Night Club မရှိ။ TV Video မရှိ။ အရက်ဆိုင်မရှိ။ အပျော်အပါးဆိုလို့ အမဲလိုက်တာပဲရှိမယ်ထင်တယ်။

ရိုးသားမှုလား....သူတို့ကိုမေးရင် ရိုးသားမှုဆိုတာဘာလဲလို့ပြန်မေးလိမ့်မယ်။ ဒီလောက်ထိရိုးသားတာ။ ဒါ့ကြောင့် ကျနော်တို့သူပုန်တွေသူတို့တဲမှာခဏတဖြုတ်နေတယ်။ ဆေးပေးတယ်။ ဗဟုသုတဖလှယ်တယ်။ သူတို့က ကျနော်တို့ကို နအဖစစ်ကြောင်းတွေဘယ်မှာရှိလဲဆိုတာ သတင်းပေးတယ်။ ဒါ့ကြောင့်သူတို့ကို နအဖစစ်ကြောင်းတွေက သူပုန်အားပေးဆိုပီး သက်တာပေါ့။ အမှန်မှန်က သူတို့က ကြားညပ်နေတာ။

ဆန်ရန်-