သြစတျေးလျနိုင်ငံကနေ ဒုက္ခသည်တွေကို ထိုင်း၊ မလေး၊ အိန္ဒယနိုင်ငံတို့ကနေ ခေါ်ပါတယ်။ ဒီနိုင်ငံတွေမှာ မြန်မာလူမျိုးဒုက္ခသည်တွေရှိပါတယ်။
အစိုးရက လူသားချင်းစာနာမှုနဲ့ အခမဲ့ခေါ်ယူပေးပါတယ်။ ဒီလိုခေါ်တဲ့နေရာမှာ စပွန်စာပေးသူများဟာ သြစတျေးလျနိုင်ငံမှာ တရားဝင်နေထိုင်ခွင့် Permanent Resident ဖြစ်ရပါ့မယ်။ တစ်ဦးချင်းသော်လည်းကောင်း အဖွဲ့အစည်းသော်လည်းကော်း ဒုက္ခသည်တွေကို စပွန်စာပေးနိုင်ပါတယ်။
ဒုက္ခသည်တစ်ယောက်က အနည်းဆုံး UNHCR က ဒုက္ခသည်တစ်ယောက်အဖြစ်အသိအမှတ်ပြုခြင်းတော့ ခံရပါ့မယ်။ ဒီအခြေအနေဆို သြစတျေးလျနိုင်ငံကနေ ခေါ်ပါတယ်။ ဖြည့်ရမဲ့ဖောင်ကတော့ ၈၄၂ နဲ့ ၆၈၁ ဖောင်ဖြစ်ပါတယ်။
သို့သော် ဒီနေရာမှာ လုပ်စား၊ လူလိမ်တွေ ဒီအခွင့်အရေးခုတုံးလုပ်ပြီး အမြတ်ထုတ်နေတာရှိပါတယ်။
ကျနော်တို့ Perth မြို့ မှာ ဒုက္ခသည်တွေကို ကူညီဖို့ဆိုပြီး အဖွဲ့အစည်းတွေဖွဲ့ ပြီးတော့ နယ်စပ်က ဒုက္ခသည်တွေကို သြစတျေးလျအရောက်ဒေါ်လာ ၅၀၀၀ ပေးရင်ခေါ်မယ်။ လျှောက်လွှာဖြည့်ပေးခအပါအ၀င်ပေါ့။ ဘာညာ..လုပ်စားတာရှိပါတယ်။ နာမည်တော့ ဒီနေရာမှာမပြောချင်ပါဘူး။
တကယ်တမ်းဒီလူတွေလုပ်ရတာက ဖောင်ဖြည့်ပြီး သံရုံးတင်တဲ့ ကိစ္စပဲရှိပါတယ်။ ဒါကို ဒေါ်လာ ၅၀၀၀ ဆိုတော့။ စီးပွားဖြစ်လုပ်စားနေတာ မကောင်းပါဘူး။ နယ်စပ်က Camp တွေထဲမှာလည်း ဒီသတင်းက ထွက်နေပြီ။ ဒုက္ခသည်စခန်းက တချို့ လူတွေက ပိုက်ဆံချမ်းသာပြီး တတိယနိုင်ငံကိုထွက်ဖို့ လာတဲ့လူတွေပါ။ သူတို့က ဒီလိုအခွင့်အရေးကို သုံးပါတယ်။
Perth မှာ ဒီလိုအလုပ်ခံရတဲ့လူတွေရောက်တာ ရှိပါတယ်။
နောက်ပြီး နယ်စပ်က Camp တွေအထဲကို စာရင်းပေါင်က် ဒေါ်လာ ၂၀၀၀ ဆိုတာလည်းရှိပါတယ်။ ဒီအခြေအနေတွေကို သိသလောက်ရေးခဲ့ကြပါ။ ကျနော်တို့ Immigration နဲ့တွေ့ရင် ပြောပြပါ့မယ်။ အရေးယူဆောင်ရွက်မှုတွေလုပ်ပါ့မယ်။
ဒုက္ခသည်တွေကို လူမှောင်ခိုကူးတာ လုံးဝလက်မခံနိုင်ပါဘူး။
ဒါ့ကြောင့်မြန်မာလူမျိုးတွေဟာ လူလိမ်၊သူခိုးတွေကြီးပဲလို့ အနောက်နိုင်ငံသားတွေပြောကြတာဖြစ်လိမ့်မယ်။
No comments:
Post a Comment