မြန်မာဒုက္ခသည်တွေနဲ့အတိုက်အခံတွေကို ထိုင်းအစိုးရပြန်ပို့ပါစေ..။

ထိုင်းအစိုးရက မြန်မာဒုက္ခသည်တွေ ပြန်ပို့နိုင်ရေးကို မြန်မာအစိုးရနဲ့ဆွေးနွေးနေပါတယ်။ ထိုင်းအစိုးရက ၀န်ထုပ်ဝန်ပိုးဖြစ်တယ်ဆိုတဲ့အကြောင်းပြချက်နဲ့  ထိုင်းက ပြန်ပို့ချင်နေတယ်လို့ပြောတယ်။ ဒီလိုပြောလာတာခဏခဏပါပဲ။ တခါမှတော့အကောင်အထည်မဖော်ခဲ့ပါ။

ယနေ့ကာလမှာတော့ ဖြစ်နိုင်ဖို့များလာပါပြီ။ ဘာ့ကြောင့်ဒီလိုပြောရလဲဆိုတော့ မြန်မာအစိုးရသစ်ကလည်း သူ့လက်ထက်မှာတချို့သောလိုက်လျှောမှုတွေကိုပြုလုပ်ပေးနိုင်ပါတယ်။ နိုင်ငံတကာနဲ့ မြန်မာပြည်သူတွေအကြားမှာ တခါတလေတော့ မျက်နှာကောင်းလိုချင်နေတဲ့ပုံပါ။ အခုတောင် တွေ့ဆုံဆွေးနွေးဖို့ လမ်းဖွင့်ထားတယ်လို့ မြန်မာနိုင်ငံခြားရေးဝန်ကြီးသစ်က ပြောနေပြီမဟုတ်လား။ ဒီအချိန်မှာပဲ မြန်မာဒုက္ခသည်အရေးကပေါ်လာတာမဟုတ်ဘူးလား။ တိုက်ဆိုင်မှုတွေတော့မဟုတ်ပါ။ တစုံတခုတော့ လျှော့လာမဲပုံပဲ။

မြန်မာဒုက္ခသည်တွေဟာ ထိုင်း၊ မလေးရှားအပါအ၀င်နိုင်ငံအတော်များများမှာရှိနေပါတယ်။ ထိုင်းအစိုးရက ၀န်ထုပ်ဝန်ပိုးဖြစ်သလို၊ UN နဲ့ တတိယနိုင်ငံတွေလည်းခေါင်းစားနေရပါတယ်။ သူတို့ကလည်း မြန်မာအစိုးသစ်ရဲ့သဘောထားအတိုင်းလုပ်မှာပါ။ အကယ်၍ မြန်မာအစိုးရသာ သဘောတူခဲ့ရင် မြန်မာဒုက္ခသည်တွေလုံးဝ အိမ်ပြန်ရပါလိမ့်မယ်။ ဒီအခြေကြောင့် ဘန်ကောက်က UN မှာ မြန်မာဒုက္ခသည်လျှောက်လွှာတွေကို လုံးဝဆိုင်းငံ့ထားပါတယ်။ အသစ်တင်လို့မရပါ။ ဒုက္ခသည်တွေကလည်း လျှော့သွားတယ်မရှိ။ တိုးလာတာပဲရှိပါတယ်။

ကျနော့်စိတ်ကူးပေါက်တာက..ဒီလိုပါ။
ပြန်ရမှာ ကောင်းသလားဆိုးသလားဆိုတော့...
လူအမျိုးမျိုးတွေက ပုံစံအမျိုးအမျိုးရှိတဲ့အတွက်ကြောင့် အကောင်းအဆိုးဆိုတဲ့ ယူဆချက်ကလည်း ကွဲပြားနိုင်တယ်။

ကျနော်ကတော့ ကောင်းတယ်လို့ယူဆတယ်။ ဘာ့ကြောင့်လဲဆိုတော့ ကိုယ့်တိုင်းပြည်မှာ အေးချမ်းစွာနေထိုင်ခွင့်ရမယ်ဆိုရင် လုံးဝကောင်းပါတယ်။ ဒါမှထိုင်းနဲ့အခြားနိုင်ငံတွေမှာ အနှိမ်ခံရသလိုမဖြစ်နိုင်တော့ဘူး။ နိုင်ငံရှိတဲ့လူသားတွေဖြစ်တာက ပိုပြီးဂုဏ်ရှိတယ်။

သို့သော်တချို့ ကတော့ အမေရိကန်အပါအ၀င်တတိယနိုင်ငံတွေကို ထွက်ဖို့ကျိုးစားနေတဲ့ လူတွေအတွက်ကတော့ ဘယ်ပြန်ချင်ပါ့မလဲ။ အများစုကတော့ ပြန်ချင်ကြမယ်လို့မျှောင့်လင့်ရပါတယ်။

နောက်ပြီး...ထိုင်းအစိုးရအနေနဲ့ မြန်မာဒုက္ခသည်ကော၊ မြန်မာအတိုက်အခံတွေအားလုံးကိုပါ ပြန်ပို့စေချင်တယ်။ ဒါမှ ဒီလူတွေ တကယ့်လက်တွေ့ဘ၀ နိုင်ငံရေးထဲရောက်မှာပါ။ မြန်မာအစိုးရသစ်အနေနဲ့ ထိုင်းအစိုးရက ကမ်းလှမ်းတာကို လက်ခံစေချင်ပါတယ်။

ထိုင်းအစိုးရလိုပဲ၊ မလေးရှားအစိုးရလည်း ပြန်ပို့ချင်တဲ့သဘောထားရှိပါတယ်။ မလေးရှားနိုင်ငံမှာ မြန်မာဒုက္ခသည်ဦးရေ သိန်းချီရှိနေတဲ့ကိစ္စဟာလည်း မလေးတွေအတော်ခေါင်းကိုက်ရတယ်။ ဘာပဲဖြစ်ဖြစ် မလေးနဲ့ ထိုင်းအစိုးရက ပြန်ပို့ရင်တော့ ပြန်ကြဟေ့. ..လို့ပြောရမလိုဖြစ်နေပြီ။

ထိုင်းအစိုးရလက်ထဲမှာ ဒုက္ခသည်တွေရဲ့အသေးစိတ်မှတ်တမ်းရှိတယ်

ထိုင်းအစိုးရရဲ့လက်ထဲမှာ ဒုက္ခသည်တွေရဲ့အိမ်ထောင်စုမှတ်တမ်းရှိပါတယ်။ ဒါကို Pre-Creening လို့ခေါ်တယ်။ ဒီမှတ်တမ်းကတော့ UNHCR ကအသိအမှတ်ပြုလက်မှတ်မရသေးခင်ကာလမှာ ထိုင်းကလူစစ်တဲ့မှတ်တမ်းတွေဖြစ်တယ်။ စခန်းထဲကို ၀င်လာတဲ့လူတွေမှန်သမျှကို ဒီပုံစံအတိုင်းလူစစ်တယ်။ ဆိုတော့ ထိုင်းအစိုးရရဲ့လက်ထဲမှာ စခန်းထဲက လူအရေအတွက် အတိအကျရှိတယ်။ အကယ်၍ မြန်မာအစိုးရနဲ့ သဘောတူညီချက်ရကြည့် မှတ်တမ်းတွေအားလုံး ထိုင်းအစိုးရက မြန်မာအစိုးရကို လွှဲပေးနိုင်တယ်။ လွှဲပေးတဲ့အခါမှာ တကယ့်နိုင်ငံရေးဒုက္ခသည်တွေအတွက် လုံးဝအန္တရာယ်ရှိနိုင်တယ်။ သတိကြီးကြီးထားကြပေါ့။

မြန်မာအစိုးရအတွက်ကံကောင်းတာက မှတ်တမ်းတွေရပြီဆိုရင် မြန်မာအစိုးရအနေနဲ့ ဒုက္ခသည်တွေကို နေရာပြန်လည်ချထားရေး အလွယ်တကူလုပ်နိုင်တယ်။ ဘယ်လိုလုပ်နိုင်လဲဆိုတော့...ထိုင်းမှာရှိတဲ့ဒုက္ခသည်တွေစခန်းတွေလိုအကွက်ရိုက်၊ တဲထိုးပေးတဲ့အစီအစဉ်လောက်ပဲလုပ်နိုင်မယ်။ ဒီလိုလုပ်နိုင်ဖို့အတွက် UNHCR နဲ့ နိုင်ငံတကာအန်ဂျီအိုတွေက လုံးဝအကူအညီပေးဖို့အဆင်သင့်ရှိတယ်။ အဓိက လူသားတစ်ဦးချင်းစီရဲ့အခြေခံလိုအပ်ချက်ဖြစ်တဲ့ စားဝတ်နေရေးနဲ့ကျန်းမာရေးပဲဖြစ်တယ်။ အချိန်ကာလတခုအထိပဲ ကူညီပေးပါတယ်။ ဥပမာ ၆-လနဲ့တစ်နှစ်အကြားဖြစ်တယ်။

ဒုက္ခသည်စခန်းတွေမှာနေထိုင်တဲ့လူတွေကလည်း အများအားဖြင့် တတိယနိုင်ငံတွေကိုထွက်နိုင်ဖို့အတွက် ၀င်ရောက်နေထိုင်တဲ့လူတွေများပါတယ်။ ဒီလောက်ဒုက္ခခံပြီး ဒုက္ခသည်စခန်းတွေထဲမှာ ဘယ်သူမှမနေချင်ပါဘူး။ စခန်းထဲမှာနေရတဲ့ဘ၀က ထောင်ကျတာနဲ့သိတ်မကွာဘူး။ ဒါ့ကြောင့် ဒုက္ခသည်အတော်များများရဲ့ဘ၀ဟာ အတော်ကျပ်တည်းလှတယ်။ စိတ်ဓာတ်ကျစရာကောင်းတယ်။ လူ့ဘ၀မှာရှိတဲ့ အသီးအပွင့်တွေကို မခံစားရဘူး။ တကယ်လို့သာ မြန်မာအစိုးရက စေတနာအမှန်နဲ့လက်ခံမယ်ဆိုရင် အရမ်းကောင်းမယ်။ ကိုယ့်နိုင်ငံမှာ နေရတာက ထိုင်းနိုင်ငံမှာတရားမ၀င်နေရတာထက်စာရင် ပိုပြီးဂုဏ်သိက္ခာရှိတာပေါ့။ ဒါက ထိုင်းနိုင်ငံတ၀ှမ်းလုံးက ဒုက္ခသည်စခန်းတွေရဲ့အခြေအနေပဲ။

လုံခြုံရေးနဲ့ပက်သက်လို့ကတော့ အဓိကနှစ်ခုပဲကွဲသွားနိုင်တယ်။ တစ်ခုက တကယ်ပြန်ရင် မဖြစ်နိုင်တဲ့ နိုင်ငံရေးဒုက္ခသည်တွေရဲ့ အခြေအနေ။ သူတို့ကို သီးခြားခွဲထုတ်ပါလိမ့်မယ်။ ဥပမာ အရင်တုန်းက လုပ်သလို ဘန်ကောက်က မနီလွိုင်ကန့်လိုမျိုးမှာ သီးခြားထားပါလိမ့်မယ်။ အကယ်၍မြန်မာအစိုးရက လက်မခံခဲ့ရင်ပေါ့။ ပြန်လို့ရတဲ့ဒုက္ခသည်တွေဖြစ်တဲ့ စစ်ပြေးဒုက္ခသည်၊ နိုင်ငံခြားသွားချင်လို့ UN လျှောက်တဲ့ဒုက္ခသည်တွေကတော့ ပြန်ပို့တဲ့အထဲမှာပါနိုင်တယ်။

ဒုက္ခသည်အရောင်းအ၀ယ် နှင့် မှောင်ခိုဈေးကွက်

ဒုက္ခသည်ဈေးကွက်ကလည်း သိတဲ့အတိုင်းမှောင်ခိုဈေးကွက်ဖြစ်လာနေပြီ။ ဥပမာ မလေးရှားမှာဆိုရင် UN ကတ်ရဲ့ဈေးနှုံးက မလေးရင်းဂစ် ငါးထောင်အနည်းဆုံးပေါက်တယ်။ ထိုင်းနိုင်ငံက ဒုက္ခသည်တွေစခန်းထဲမှာလည်း မလေးရှားလိုမှောင်ခိုဈေးနှုံးကောင်းတယ်။ စခန်းထဲထိစာရင်းပေါက်ကို ထိုင်းဘတ်ငွေ သောင်းချီပေးနေရတယ်။ မှောင်ခိုဈေးကွက်ဖြစ်လာရတဲ့ အဓိကအကြောင်းရင်းကတော့ အမေရိကန်အပါအ၀င် တတိယနိုင်ငံတွေကို ထွက်ခွာနိုင်ရေးဖြစ်လို့ပဲ။ ဒီမှောင်ခိုဈေးကွက်ကိုအဓိကချယ်လှယ်တဲ့လူတွေထဲမှာ UNHCR က စကားပြန်တွေ၊ ထိုင်းအစိုးရရဲ့ စခန်းအာဏာပိုင်တွေ၊ စခန်းကော်မတီဝင်တွေ၊ သံရုံးတွေက စကားပြန်တွေပါဝင်ကြတယ်လို့ သိရတယ်။ တကယ်တမ်းအားမနာတမ်းပြောရရင် ဒုက္ခသည်ဆိုတာ ဒုက္ခသည်မဟုတ်တော့ဘူး။ လက်ချိုးရေလို့ရတဲ့ ဒုက္ခသည်တွေပဲ အစစ်အမှန်ရှိတော့တယ်။ ကျန်တဲ့အများစုကတော့ အားလုံးသိတဲ့အတိုင်း နိုင်ငံခြားထွက်ဖို့အတွက် လုပ်တဲ့လူတွေဖြစ်နေတယ်။ မြန်မာပြည်က ဒုက္ခသည်အခြေအနေတွေလိုပဲ အခြားနိုင်ငံတွေက ဒုက္ခသည်တွေလည်း မှောင်ခိုဈေးကွက်လိမ်နည်းတွေရှိတယ်။ ဥပမာ အာဖဂန်၊ အီရက်၊ အီရန်စတဲ့ နိုင်ငံကလူတွေဆိုရင် သြစတျေးလျနိုင်ငံကို ၀င်ဖို့အတွက် အင်ဒိုနီးရှားအထိ ငွေပေးပြီးလာကြတယ်။ ဒေါ်လာသောင်းဂဏန်းအထိ ဈေးပေါက်တယ်။ အင်ဒိုနီးရှားအထိအရောက်ပို့ပေးရေးအတွက်ဖြစ်တယ်။ ဒါကို သြစတျေးလျ TV မှာ အမြဲတမ်းလိုလိုတွေ့ရတယ်။ သြစတျေးလျအစိုးရရဲ့နှစ်စဉ်ဒုက္ခသည်တွေအတွက် အသုံးစရိတ် ဒေါ်လာ သန်းနှစ်ထောင်ကျော်ကုန်တယ်။ ခိုလှိုခွင့်တောင်းခံတဲ့လူတွေကလည်း အငြိမ်နေတဲ့လူတွေမဟုတ်ဘူး။ တခါတလေ ဆန္ဒပြလိုက်၊ မီးရှို့လိုက်၊ စခန်းတွေကို ရိုက်ချိုးလိုက်ဆိုတော့ သြစီတွေလည်း ဒုက္ခသည်တွေနဲ့ပက်သက်ပြီး အတော်တင်းနေပါတယ်။ ဒါက သြစီဥပမာတစ်ခုပါ။ သြစီလိုပဲ အမေရိကန်နဲ့ အခြားချမ်းသာတဲ့တတိယနိုင်ငံတွေလည်း ခေါင်းကိုက်ရတယ်။ ဆိုတော့ သူတို့က ကိုယ့်နိုင်ငံပြန်ရေးကိုပဲ အဓိကလိုချင်ပါတယ်။

မြန်မာအစိုးရအနေနဲ့ တိုင်းပြည်ကို ပြန်လာချင်တဲ့လူတွေမှန်သမျှ တရားဝင်ပြန်လာလို့ရအောင် ဥပဒေတစ်ရပ်ပြဌာန်းပေးပါလို့ပြောချင်ပါတယ်။ သို့ မဟုတ်ရင်တော့ မြန်မာတွေ မျောက်သစ်ကိုင်းလွတ်သလိုဖြစ်ကုန်တော့မယ်။ ဟိုလည်းကူးမရ၊ ဒီလည်းကူးမရ ဒုက္ခပင်လယ်ကြီးထဲမှာ ပြုတ်ကျကုန်ပါတော့မယ်။