မိုးသီးနှင့်အောင်မိုးဇော်

၂၀၀၀-ခုနှစ်လောက်မှာ လူ့ ဘောင်သစ်က ကိုအောင်မိုးဇော်တို့ အဖွဲ့ နဲ့  ကိုမိုးသီးဇွန်၊ ကိုအောင်သူငြိမ်းတို့ အဖွဲ့ ဟာ ပူးပေါင်းရေးလုပ်တယ်။ ညီလာခံမှာ ခေါင်းဆောင်တိုင်းဝင်ပြီးအရွေးခံကြတယ်။ အရင်တုန်းက လူ့ ဘောင်သစ်မှာ ဗဟိုကော်မတီဝင် (၁၇) ယောက်လောက်ရှိမယ်ထင်တယ်။ ပေါင်းစည်းရေးလည်းလုပ်ရော ဗဟိုကော်မတီဝင် (၃၀) နီးပါးလောက်ဖြစ်လာတယ်။ နယ်စပ်က လူ့ ဘောင်သစ်ရဲ့ အင်အားက (၄၀) လောက်ပဲရှိတယ်။ ဗဟိုကော်မတီဝင်ဦးရေက များတယ်။ ရဲဘော်ကနဲတယ်။

ကိုမိုးသီးဆိုတာကလည်း နဲနဲရ လူမဟုတ်ဘူး။ လူ့ ဘောင်သစ်ရဲ့ ဖောင်ဒါတစ်ယောက်။ ညီလာခံမှာ သူတို့ ဘက်က ပူးပေါင်းတဲ့အင်အားက နဲတော့ ကိုမိုးသီးက ဗဟိုကော်မတီဝင် ရာထူးပဲရတယ်။ ကျန်တဲ့လူတွေက ကိုမိုးသီးထက် အဆင့်မြင့်တဲ့ရာထူးတွေရကြတယ်။ ကိုအောင်မိုးဇော်ကလည်း ဥက္ကဌရာထူးကနေ သဘောကောင်းပြီး ကိုမိုးသီးကို မပေးဘူး။ ကိုအောင်သူငြိမ်းတောင်မှ ဘာလုပ်ပိုင်ခွင့်မှ မရှိတဲ့ ဒု-ဥက္ကဌဆိုတဲ့နေရာ၊ ကိုဝင်းနိုင်ဦးက တွဲဘက်အတွင်းရေးမှုးနေရာတွေ အသီးသီးရကြတယ်။ ဒီနေရာတွေက သူများမလိုချင်တဲ့နေရာတွေ။ ပါတီမှာ လစ်လပ်နေတဲ့နေရာတွေကို သူတို့ ရကြတယ်။

နောက်ဆုံး ကိုမုိုးသီးတို့ လာပြီးပူးပေါင်းတဲ့အဖွဲ့  ပါတီက ဘာမပြောညာမပြောနဲ့ ထွက်သွားကြတယ်။ လာပြီးပေါင်းတာ နာမည်ပဲကျန်ခဲ့တော့တယ်။

ဒီဖြစ်စဉ် နဲ့ ဒေါ်စု ရွေးကောက်ပွဲဝင်ဖြစ်စဉ်ကို နှိုင်းယှဉ်ပြီး ကျနော်တွေးမိတယ်။

ဒေါ်စုအနေနဲ့ ရွေးကောက်ပွဲမှာ နိုင်ပြီး လွှတ်တော်အမတ်ဖြစ်မယ်။ ပါလီမန်ထဲမှာ အတိုက်အခံက နေရာအနဲဆုံးဆိုတော့ အစိုးရအဖွဲ့ ထဲမှာ ၀န်ကြီးရာထူးရနိုင်ပါ့မလား။ ၀န်ကြီးနေရာရတာတောင် ဘယ်လောက်လုပ်ပိုင်ခွင့်ရှိမှာလဲ။

ကိုမိုးသီးနဲ့ ကိုအောင်မိုးဇော်တို့ လို ပေါင်းစည်းမျိုးဆိုရင်တော့ ဒေါ်စုတို့ ပါတီလည်း စိတ်ပျက်ပြီး ထွက်သွားကြအုံးမလားမသိဘူး။ ကိုမိုးသီးတို့ လူ့ ဘောင်သစ်ကို လာပြီးပေါင်းတုန်းက ကိုအောင်မိုးဇော်က သဘောထားကြီးစွာနဲ့  ဥက္ကဌရာထူးကနေ ဆင်းပေးပြီး ကိုမိုးသီးကိုပေးခဲ့တာမဟုတ်ပါ။ အခုလည်း ဦးသိန်းစိန်က ဒေါ်စုကို သဘောထားကြီးစွာနဲ့ သမ္မတရာထူးကနေ ဆင်းပေးရင်ကောင်းတာပေါ့။

ဒေါ်စုအနေနဲ့ လွှတ်တော်အမတ်ကလွဲပြီး မတ်လောက်စရာမရှိတဲ့ဘ၀ဖြစ်ပြီး ဦးသိန်းစိန်အစိုးရကတော့ မာန်တက်အုံးမှာပါ။

ဒါ့ကြောင့် ဒေါ်စုနဲ့ ဒီမိုကရေစီမဟာမိတ်တွေအားလုံးပေါင်းပြီး လူထုအုံကြွပွဲကြီးလုပ်ပြီး လက်ရှိအစိုးရကို ဖြုတ်ချလိုက်ရင် ပြည်သူလည်းပျော် အတိုက်အခံလည်းပျော် တိုင်းရင်းသားတွေလည်းပျော်ကြမယ်ထင်တယ်။ ဒေါ်အောင်ဆန်းစုကြည်က သမ္မတလုပ်ရင် ပြီးပီ။