ရွှေဘိုသားကိုလည်း ထောက်ခံပေးရင်း စိတ်ထဲက ဖြစ်စေချင်တာလေးတွေ post တစ်ခုတင်ချင်ပါတယ်။
လွန်ခဲ့တဲ့ ၁-၂ လလောက်က ဂျာနယ်တစ်ခုထဲမှာ ဒါရိုက်တာ ကြည်ဖြူရှင် စင်္ကာပူမှာ ရုပ်ရှင် သင်တန်းတက်ပြီး ပြန်အလာ
အင်တာဗျူးဖြေထားတာလေး ဖတ်လိုက်ရပါတယ်၊
ကြည်ဖြူရှင်က စင်္ကာပူမှာ သူ မြန်မာဝတ်စုံဘဲတောက်လျှောက် ၀တ်ခဲ့ပါတယ်တဲ့။
ဒီလိုဝတ်တဲ့အတွက် သူ့ကို မြန်မာမှန်းသိပြီး အကူအညီတောင်းရင် အလွယ်တကူရခဲ့ပါတယ်တဲ့။
အရင် ကြည်ဖြူရှင့် ဓာတ်ပုံတွေ မဂ္ဂဇင်း ဂျာနယ်တွေမှာတွေ့ဖူးတာ သူလည်း ခေတ်ရဲ့ သမီးပျိုလေးပီပီ ဘောင်းဘီနဲ့ တီရှပ်နဲ့ အလုပ်လုပ်လို့ လွယ်ကူမယ့် ပုံစံဝတ်ဆင်တာတွေ့ဖူးပါတယ်။
နိုင်ငံခြားထွက်တဲ့အခါ မြန်မာဝတ်စုံလေး အသားပေးပြီး ၀တ်တယ်ဆိုတော့ သူ့စိတ်ဓာတ်ကလေး ကျွန်မတော့ ချီးကျူး မဆုံးပါဘဲ။
ဒါနဲ့ တဆက်တည်း ဖတ်ဖူးတာလေး ကောက်နှုတ် တင်ပြပေးချင်ပါတယ်။
ဒါရိုက်တာ ကြည်စိုးထွန်းရေး တောကြောင် မောင် ကျောက်ခဲ နှင့် အထွေထွေ မှတ်စုများ စာအုပ်ပါ “တစ်ဆယ်စုနှစ်ဓါတ်ပြားဟောင်း ” မှ
ယဉ်ကျေးမှုရိုးရာနဲ့ပတ်သက်ပြီး ဦးညီပုပြောသွားတဲ့ စကားတချို့ဟာ တော်တော်မှတ်သား အတုယူစရာကောင်းတာကိုတွေ့ရပါတယ်။
နိုင်ငံရပ်ခြားကိုသွားတဲ့အခါ ဘောင်းဘီရှည်ကြီးတွေ တကားကား၊ ကုတ်အင်္ကျီတွေတဖားတဖားဖား၊ လည်ပတ်ကြီးတွေ တကြွားကြွား ဝတ်ဆင်တတ်တဲ့
ပုဂ္ဂိုလ်များအနေနဲ့ ဦးညီပုရဲ့ အောက်ဖော်ပြပါစကားများကို ဂရုထားသင့်တယ်လို့ ထင်မိပါတယ်။
“ကျွန်တော့်ကိုယ်ကျွန်တော် သိဒ္ဓိတင်နေတာ မဟုတ်ပါဘူး၊
ကျွန်တော်တို့နိုင်ငံခြားသွားတဲ့ အခါတိုင်း ကျွန်တော်ဘယ်တော့မှ ဘောင်းဘီမဝတ်ဘူး၊ ဥရောပဝတ်စုံလည်းမချုပ်ဘူး၊
ကျွန်တော့်ရဲ့ ရည်ရွယ်ချက်ကဘာလဲ၊ မြန်မာ၊ မြန်မာကို နိုင်ငံခြားကသိအောင်လုပ်ချင်တယ်၊
ကျွန်တော်ဘောင်းဘီ ဝတ်သွားရင် ကျွန်တော့ကိုဘယ်လိုထင်မလဲ၊ ဖိလစ်ပိုင်လိုလို မလေးရှားလိုလို ထင်ကြမှာပါ၊
ကျွန်တော် ရုရှားလည်းရောက်ဖူးတယ်၊ ဂျာမနီ၊ ပြင်သစ်၊ တရုတ်ပြည်၊ အီတလီ ရောက်ခဲ့ပါတယ်။
မြန်မာလိုဝတ်သွား လို့ ဘယ်သူမှထူးထူးဆန်းဆန်း ဝိုင်းမကြည့်ကြပါဘူး၊
သိပ်အေးတဲ့ ရုရှား မိုးဥတုမှာတောင် ကျွန်တော် ဘန်ကောက်လုံချည်နဲ့ပဲနေခဲ့ပါတယ်။”
မိမိအမျိုးသားဝတ်စုံကို နိုင်ငံခြားမှာတောင် အမြတ်တနိုးဝတ်ဆင်တတ်တဲ့ ကျွန်တော်တို့ရုပ်ရှင် ဖခင်ကြီးအတွက် ဒီနေ့ကျွန်တော်တို့ ဂုဏ်ယူရမှာအမှန်ပါပဲ။
လွန်ခဲ့တဲ့ သုံးလေးနှစ်လောက်က ဆရာဦးသုခ နိုင်ငံခြားသွားတော့လည်း မြန်မာဝတ်စုံနဲ့ပဲသွားခဲ့ တယ်လို့ကြားသိခဲ့ရပါတယ်။
ဒါတွေအတွက် ကျွန်တော်တို့ဂုဏ်ယူရင်း ကျွန်တော်တို့ခေတ်ရောက်မှ သရုပ်ပျက်နေတာတွေဟာ
တစ်စိတ်တစ်ဒေသအားဖြင့် ကျွန်တော်တို့အားလုံးရဲ့တာဝန်ဖြစ်တယ်လို့
ခံယူရပါလိမ့်မယ်။
ကျွန်မတို့ရဲ့ သဂျီးမင်းဦးခိုင်နဲ့ သဂျီးကတော်ကိုလည်း ချီးကျူးချင်ပါတယ်၊
The Lady ရုပ်ရှင်ပွဲကို မြန်မာဝတ်စုံနဲ့ သွားတယ်ဆိုကတည်းက သူကြီးကို ပိုလေးစားသွားပါတယ်။
တကယ်တော့ မြန်မာဝတ်စုံလေးတွေဟာ အဖိုးနည်းဝန်ပါ ဆိုသလို လှလည်းလှပါတယ်၊
တန်ဖိုးလည်း သူ့နေရာနဲ့သူ ဈေးသက်သာတာလည်းရှိ၊ပွဲဝင်စေတာလည်းရှိပေါ့၊
ချည်ထည်လေးတွေဆို ရာသီဥတုနဲ့ အလွန်အဆင်ပြေပါတယ်။
ဒေါ်စုရဲ့ ပါးစပ်ကဖွင့်ပြောစရာမလိုဘဲ ကိုယ်တိုင်ဝတ်ဆင်ပြပေးနေတဲ့ ရိုးရာဝတ်စုံတွေကြောင့်လည်း ခုခေတ်မြန်မာမလေးတွေ ရိုးရာချည်ထည်တွေ ၀တ်လာကြပါပြီ၊
From အန်တီပဒုမ္မာ
No comments:
Post a Comment