သူချစ်သောကဗျာများ...

ကိုလွမ်းဏီက ရိုးမပေါ်မှာ အိပ်ပါစေ ဆိုတဲ့နာမည်နဲ့ကိုငြိမ်း နိုးခဲ့တယ်။

ကောဇာသက္ကရာဇ် ခွန်နှစ်ဆယ့်နှစ်
ခရစ်သက္ကရာဇ် နှစ်ထောင့်တဆယ်
ရိုးမဆွယ်မှာ နေကွယ်ခဲ့တဲ့ အချိန်လား။

လဇူလိုင်ကို
မင်း မပိုင်တော့ဘူးလို့ 
ငါ မပြောနိုင်ဘူး
မင်းက ရဲဝံ့သူကြီး တယောက်ပါ။



ငုယင်ဗန်ထရွိုင်း
သမိုင်းပုံရိပ်၊ အိပ်မက်ရှည်လျား
တံတားအောက်မှာ မင်းရပ်စောင့်တယ်။

ငှက်ဖျားအဆိပ်၊ ကြိတ်မှိတ်အာခံ
တိတ်ဆိတ်ညယံ၊ နွေမီးလျှံ၌
မောင်းပြန်တိုက်ချွတ်နေဆဲလား။

ဒေါင်းအိုးဝေ မီးကျည်
ရိုးမပေါ်က ကြယ်နီ
ဒီလှိုင်းတွေ မြင့်သစ်တဲ့ ရာသီ
ငါ့ဆီလာခဲ့အုန်းလေကွာ။

ကွမ်းတယာညက်၊ အရက်တလုံး
ပြည်ဖုံးကားချ၊ သေတမ်းကဗျာ
ဖွေရှာထုဆစ်နေစဉ်မှာ၊

သင့်ရဲဘော်တို့ ၊ ကဗျာအလံ
တဝက်ထူလွှင့်နေပြီကော။ ။

× × × × ×

(ရဲဘော်ရေးဖော် ငြိမ်းလူသို့  …)

မောင်လွမ်းဏီ
၂၉ - ၄- ၂၀၁၀


ကဗျာဆရာ ဆောင်းလူက အကွေ့နေ့ဆိုပြီး ကိုငြိမ်းကိုဂုဏ်ပြုပါတယ်။

ကဗျာဆရာရေ …
ဟော့ဒီ
လောကဓံ စာမျက်နှာထက်မှာ
နေ့မအား ညမအား
ရိုးမနဲ့ စီးချင်းထိုး
ကဗျာပန်းခင်းကို ပျိုးရင်းမှ …
မီးခိုးတလူလူ ရွက်တလူလူနဲ့ …
ပူပူလောင်လောင် နွေခေါင်ခေါင်မှာ
ဘာမပြော ညာမပြောနဲ့
ခင်ဗျားပြောတဲ့ အကွေ့နေ့နဲ့
လွှင့်ထွက်ခဲ့ပေါ့ …။

ဆောင်းလူ
(ဧပြီ ၂၉၊ ၂၀၁၀)

(ဧပြီလ ၂၉ ရက်၊ ၂၀၁၀ နေ့မှာ ဘဝတပါးသို့ ကူးပြောင်းသွားတဲ့
ကဗျာဆရာ မောင်ငြိမ်းလူ (ဟယ်လ်ပင်) သို့ …)