သြစတျေးလျဝန်ကြီးချုပ် ကယ်ဘင်ရပ်ဒ် ဘာ့ကြောင့်ထွက်ရတာလဲ

သြစတျေးလျနိုင်ငံရဲ့  ပထမဆုံးဝန်ကြီးချုပ် ဂျူလီယာကို UK က Wale မှာမွေးပါတယ်။ သြစတျေးလျမှာ မွေးတဲ့သူမဟုတ်ပါဘူး။ သူ့အဖေက Wale မှာ ကျောက်မီးသွေးတူးတဲ့ မိုင်းအလုပ်သမားပါ။ ဂျူလီယာမှာ ယောက်ျားမရှိပါဘူး။ ခလေးလည်းမရှိပါဘူး။ ရည်းဇားတော့ရှိပါတယ်။ သူက South Australia မှာ ကြီးပျင်းကျောင်းတက်ပြီး ရှေ့ နေဘွဲ့ရရှိပါတယ်။ နောက်ပိုင်း လေဘာပါတီကိုဝင်ခဲ့ပါတယ်။

သြစတျေးလျဝန်ကြီးချုပ် ကယ်ဘင်ရပ်ဒ် ဘာ့ကြောင့်ထွက်ရပြီး၊ ဂျူလီယာ ဘာ့ကြောင့် နိုင်တာလဲ။ ဒီနေရာမှာ ပြောချင်တာက ဂျူလီယာနိုင်တာမဟုတ်ပါဘူး။ Deputy leader ကနေ Leader ဆိုတာကိုအလိုအလျှောက်ရတာပါ။ ကယ်ဗင် ဦးဆောင်တဲ့လေဘာအစိုးရက ဂျွန်ဟောဝက်ဦးဆောင်တဲ့ လစ်ဘရယ်အစိုးရကိုနိုင်ခဲ့တာ နှစ်နှစ်လောက်ပဲရှိပါသေးတယ်။ သုံးနှစ်သက်တမ်းတောင်မပြည့်သေးပါဘူး။ အခုတော့ ကယ်ဗင် ၀န်ကြီးချုပ်အဖြစ်ကနေ ထွက်လိုက်ရပါတယ်။ သူတို့ပါတီတွင်းမှာ ကယ်ဗင်ကိုမကြိုက်လို့ ပါတီခေါင်းဆောင်သစ်အဖြစ် နောက်တစ်ယောက်ကိုရွေးပါတယ်။ သူကတော့ ဒုတိယခေါင်းဆောင် ဂျုလီယာဖြစ်ပါတယ်။ ဂျူလီယာဟာ ဒုတိယ၀န်ကြီးချုပ်လည်းဖြစ်ပါတယ်။ နှစ်ဦးယှဉ်ပြိုင်တဲ့အခါမှာ ကယ်ဗင်ရပ်ဒ် ၀င်, အရွေးမခံတော့တာဖြစ်ပါတယ်။ သူတို့ဘာ့ကြောင့် ဒီလိုပြသနာတွေကြုံရလဲဆိုတော့ အဓိကအကြောင်းရင်းက နှစ်ချက်ဖြစ်ပါတယ်။ နံပါတ်တစ်အချက်က Mining Tax ကိစ္စဖြစ်ပါတယ်။ နောက်တစ်ချက်က သြစတျေးလျကို လှေနဲ့ ခိုးဝင်ဖို့ကျိုးစားတဲ့ ဒုက္ခသည်တွေကိစ္စဖြစ်ပါတယ်။

Mining Tax ကိစ္စ

အရင်တုန်းက မိုင်းကုမ္ပဏီတွေကနေ အခွန် ၂၀ % ကောက်ပါတယ်။ သြစတျေးလျက မိုင်းနဲ့အဓိက ရပ်တည်ရတဲ့နိုင်ငံဖြစ်ပါတယ်။ အဓိက မိုင်းတွေတည်ရှိတဲ့နေရာကတော့ Western Australia လို့ခေါ်တဲ့ အနောက်ဘက်ဒေသကဖြစ်ပါတယ်။ ကျနော်တို့ နေတဲ့နေရာပေါ့ဗျာ။ ၂၀ % အခွန် ကောက်လာတာဟာ ဂျွန်ဟောဝက်တက်တဲ့အချိန်ထိဖြစ်ပါတယ်။ အခုအစိုးရလက်ထက်မှာတော့ ၄၀ % ကောက်ဖို့ အစိုးရကပါလီမန်မှာ တရားဝင်ဥပဒေပြဌာန်းဖို့ကျိုးစားနေပါတယ်။ ဒါကို မိုင်းကုမ္ပဏီကြီးတွေက မကျေနပ်ပါဘူး။ အတိုက်အခံဖြစ်တဲ့ လစ်ဘရယ်ပါတီကလည်း လုံးဝသဘောမတူပါဘူး။ အဓိကသဘောမတူတဲ့အချက်ကတော့ အခွန်တိုးကောက်လိုက်ရင် မိုင်းကုမ္ပဏီကြီးတွေက အမြတ်နည်းသွားမယ်။ အမြတ်နည်းတော့ ကုမ္ပဏီတွေက ရင်းနှီးမြုပ်နှံဖို့ တွန့်ဆုတ်နေမယ်။ ရင်းနှီးမြုပ်နှံမယ်ဆိုရင် ပြည်သူတွေအလုပ်ရမယ်။ သူတို့မလုပ်ဘူးဆိုရင် ပြည်သူတွေ အလုပ်မရှိဖြစ်မယ်။ ဒုက္ခရောက်မယ်ပေါ့။ ဒါက အတိုက်အခံလစ်ဘရယ်ပါတီဘက်က သဘောမတူတဲ့အချက်။ ကုမ္ပဏီတွေဘက်တော့ အခွန်နည်းလေကောင်းလေဆိုတော့ သဘောမတူတဲ့အကြောင်းပြချက်ကတော့ ရှင်းတယ်။

အာဏာရပါတီဖြစ်တဲ့ လေဘာအစိုးရသဘောမတူတဲ့အချက်ကတော့ သြစတျေးလျနိုင်ငံရဲ့ သဘာဝသယံဇာတတွေဟာ သြစတျေးလျပြည်သူတွေအားလုံးပိုင်တဲ့ ပစ္စည်းဖြစ်တယ်။ မည်သူတစ်ဦးတစ်ဖွဲ့ ရဲ့ အိတ်ကပ်ထဲကိုမှ အဓိကမရောက်ချင်ဘူး။ ဒါက သူတို့ရဲ့ အဓိက သဘောထားဖြစ်တယ်။ ဒါကို မိုင်းသူဌေးကြီးတွေက ကွန်မြူနစ်လို့ဆိုပြီးစွပ်စွဲတယ်။ အခွန် ၂၀ % ကာလမှာ မိုင်းကုမ္ပဏီတွေ အမြတ်ငွေဘီလီလျံလိုက် နှစ်စဉ်ရတယ်။ မိုင်းကုမ္ပဏီတွေဆိုတာက သြစတျေးလျနိုင်ငံသားတွေပိုင်တဲ့ ကုမ္ပဏီမဟုတ်ဘူး။ တကမ္ဘာလုံးက ငွေရှိတဲ့ရှယ်ရာရှင်တွေ ပိုင်ဆိုင်ကြတယ်။ ဆိုတော့ သြစတျေးလျနိုင်ငံက သယံဇာတပစ္စည်းတွေဆီကနေ ရတဲ့အမြတ်တွေဟာလည်း သူတို့ကိုလည်းပြန်ပေးရတယ်။ အခွန်နည်းတော့ သူတို့ပိုရတယ်။ အခွန်ပိုကောက်ရင် သြစတျေးလျပြည်သူတွေပိုရမယ်။ အဆင့်မြင့်ကျောင်းတွေ၊ ကျန်းမာရေးစောင့်လျှောက်မှုတွေကို ပိုပြီးအဆင့်တန်းမှီမှီ/ မိုင်းကရတဲ့အမြတ်တွေနဲ့လည်ပတ်လို့ရမယ်။ ဒါက လေဘာပါတီရဲ့ အခွန် ၄၀ % ကောက်ခံရတဲ့အကြောင်းပြချက်။ ပြည်သူအကျိုးရှိမယ်။

၂၄-၆-၂၀၁၀ မှာ ဂျူလီယာ ပထမဆုံးဝန်ကြီးချုပ်ဖြစ်လာတယ်။ သူဝန်ကြီးဖြစ်တဲ့နေ့မှာပဲ ပါလီမန်မှာ Question Time လို့ခေါ်တဲ့ အစိုးရကို အတိုက်အခံက သူတို့သိချင်တာကို မေးခွန်းမေးရတဲ့အချိန်မှာ ဂျူလီယာဟာ ရှင်းရှင်းလင်းလင်း ပြည်သူလူထုကို ဒီလိုပြောခဲ့တယ်။

" ကျမ အမေနဲ့အဖေဟာ Working Class အလုပ်သမားလူတန်းစားကလာတယ်။ အလုပ်ကိုပင်ပင်ပန်းပန်းလုပ်ရတယ်။ ကျမတက်တဲ့ကျောင်းဟာလည်းအစိုးရကျောင်းဖြစ်တယ်။ အစိုးရကလုပ်ထားတဲ့အခမဲ့ ကျန်းမာရေးစောင့်ရှောက်မှု့ တွေကို ကျမတို့အားကိုးရတယ်။ ဒါတွေကို ဒီအခွန်ငွေတွေနဲ့လည်ပတ်ရတယ်။ ဒါ့ကြောင့် သြစတျေးလျပြည်သူတွေဟာ မြေပေါ်မြေအောက်သယံဇာတပစ္စည်းနဲ့ပက်သက်ပြီး အားလုံးအကျိုးခံစားခွင့်ရှိရမယ်။ အခုအခွန် ၄၀ % ကိစ္စကို အတိုက်အခံ ခေါင်းဆောင်နဲ့ အတိုက်အခံတွေက သဘောမတူဘူးဆိုရင် သြစတျေးလျရဲ့ သယံဇာတပစ္စည်းတွေကို သြစတျေးလျပြည်သူတွေမပိုင်ဘူးလို့ပြောတာနဲ့အတူတူပဲ "

ဒါက လေဘာပါတီရဲ့  Ideology နိုင်ငံရေး အတွေးအခေါ်ပဲဖြစ်ပါတယ်။ ဒါနဲ့ပက်သက်ပြီး သူတို့ ဘယ်တော့မှအရှုံးပေးမှာမဟုတ်ပါဘူး။

သြစတျေးလျနိုင်ငံကို လှေနဲ့ခိုးဝင်ဖို့လုပ်တဲ့ ဒုက္ခသည်များကိစ္စ

ဒီကိစ္စမှာလည်း လေဘာပါတီက အကြီးအကျယ်ထောက်ခံတယ်။ သြစီမှာရှိတဲ့လူတိုင်းဟာ ဒုက္ခသည်တွေပဲဆိုတဲ့အယူအဆကို သူတို့လက်ခံတယ်။ ဒါ့ကြောင့် လေဘာအစိုးရမှာ လူမျိုးပေါင်းစုံပါတယ်။ သဘာဝပတ်ဝန်းကျင်နဲ့ဆိုင်တဲ့ ၀န်ကြီးဟာ အာရှသားပါ။ လေဘာအစိုးရလက်ထက်မှာ လာတဲ့သူမှန်သမျှ လက်ခံတယ်။ ကူညီပေးတယ်။ ဒါကို လစ်ဘရယ်အစိုးကအကြီးအကျယ်ကန့်ကွက်တယ်။ သြစတျေးနိုင်ငံမှာရှိတဲ့ ကြော်ငြာတွေမှာတောင် ကယ်ဗင်ရက်ဒ်လက်ထက်မှာ လှေဘယ်နှစ်စီးရောက်လာပြီ...ဆိုပြီး ဆန့်ကျင်တဲ့ လှုပ်ရှားမှုမျိုးလုပ်ခဲ့တယ်။ လုပ်နေဆဲလည်းဖြစ်တယ်။ လှေနဲ့လာတဲ့သူတွေက အများစု အီရက်၊ သိရိလင်္ကာ၊ မြန်မာပြည်က ရိုဟင်ဂျာ၊ အာဖဂန်နစ္စတန်ကလူတွေဖြစ်တယ်။ ဒါကို လစ်ဘရယ်အစိုးရရဲ့ အကြောင်းပြချက်ကတော့ သူတို့တွေဟာ ဒုက္ခသည်တွေမဟုတ်ကြဘူး။လူမှောင်ခိုကူးခံရသူတွေဖြစ်တယ်။သြစတျေးလျမှာနေချင်လို့ခိုးဝင်သူတွေဖြစ်တယ်...လို့အကြောင်းပြတယ်။ သူတို့အကြောင်းပြချက်ကို လေဘာအစိုးရက ဥပဒေနဲ့အညီစစ်ဆေးမေးမြန်းပြီးမှ ဒုက္ခသည်အဖြစ်လက်ခံမှုပြုပါတယ်လို့ ပြောတယ်။

အထက်ကပြောတဲ့အဓိက နှစ်ချက်ကြောင့် ကယ်ဗင်ရက်ဘ် ၀န်ကြီးချုပ်ကနေဆင်းပေးလိုက်တာပါ။ အဓိကတော့ အခွန်လေးဆယ်ရာနှုံးတိုးကောက်တဲ့ကိစ္စပါ။ အခုထိ ဒီကိစ္စကပြီးသေးပါဘူး။ ဒါ့ကြောင့် မိုင်းသူဌေးကြီးတွေက ဒေါ်လာ သန်း ၂၀၀ ကျော်သုံးပြီး မီဒီယာကနေ အခွန် ၄၀% ကိစ္စမဖြစ်အောင် ပြည်သူရဲ့ အားကို ယူပါတယ်။ ဆန္ဒပြပွဲတွေကို မိုင်းသူဌေးကြီးတွေက ဦးဆောင်ပြီးလုပ်ပါတယ်။ ၂၃-၀၆-၂၀၁၀ မှာ Perth မြို့ ရဲ့ အချမ်းသာဆုံး မိုင်းသူဌေးကြီး Andrew Forrest က ဦးဆောင်ပြီး ဆန္ဒပြပွဲလုပ်ပါတယ်။ ဒီပွဲမှာ သူက သြစတျေးလျအစိုးရဟာ ကွန်မြူနစ်အစိုးရဖြစ်နေပြီလို့ ပြောသွားတာရှိပါတယ်။ အဓိကတော့ သူတို့ရဲ့ အကျိုးစီးပွားရေ ထိခိုက်လို့ဖြစ်ပါတယ်။ အဲဒိမတိုင်ခင်မှာ သူဌေးကြီးတွေက ဦးဆောင်ပြီး  အိမ်ခြေမဲ့ Homeless တွေနေသလို လမ်းဘေးမှာအိပ်တဲ့ပုံစံအတိုင်း သူတို့ စတန့်ထွင်ပြီး တစ်ရက်၊ နှစ်ရက် အိပ်ပြပါတယ်။ သူတို့လည်း ဆင်းရဲသားတွေရဲ့ ဘ၀ ကိုစာနာတယ်ဆိုတာကိုပြပါတယ်။  ပြီးတော့ ဆင်းရဲသားတွေအတွက် ဒေါ်လာ တစ်သိန်းခွဲနီးပါ Andrew Forrest လှူခဲ့ပါတယ်။

ဒါကတော့ အစိုးရနဲ့ သူဌေးကြီးတွေရဲ့  ပြသနာဖြစ်ပါတယ်။ အခုလိုအခွန်ကိစ္စကြောင့် ၀န်ကြီးချုပ် ကယ်ဘင်ရက်ဘ်ဟာ သူဌေးကြီးတွေနဲ့ အပေါင်းအပါတွေရဲ့ ဖိအားကို မခံနိုင်လို့ထွက်ရတယ်လို့ပဲမြင်ပါတယ်။ သူ, ထွက်ပေးတာပါ။ လေဘာပါတီရဲ့ ပေါ်လစီကတော့ ဒီအတိုင်းပဲဖြစ်ပါတယ်။ အလုပ်သမားလူတန်းစားရဲ့  အကျိုးစီးပွားကိုအခြေခံတဲ့ အတွေးအခေါ်ပေါ်မှာပဲ ခိုင်ခိုင်မာမာရပ်ပါတယ်။ ဒါ့ကြောင့် ဝေဖန်သူတွေကတော့ ကယ်ဗင် မရှိပေမဲ့ လေဘာပါတီရဲ့ ပေါ်လစီကို ဒီလိုပြောပါတယ်။
The same boat but a different driver။ မြန်မာပြည်အရေးနဲ့ပက်သက်လို့ပေါ်လစီအပြောင်းအလဲလည်း အရင်အတိုင်းပါပဲ။ ဘာမှပူစရာမလိုပါဘူး။

ဒီနေရာမှာကျနော့်ရဲ့ အမြင်ကိုပြောချင်ပါတယ်။ လေဘာအစိုးကို ကျနော်တို့မဲပေးခဲ့ပါတယ်။ ၀န်ကြီးချုပ် ဂျွန်ဟောဝက်ကိုမကြိုက်လို့ပါ။ ၁၀-နှစ်ကျော်ကြာအာဏာယူထားတာကိုမျက်စိနောက်ပါတယ်။ လေဘာပါတီရဲ့ ပေါ်လစီကိုအပြည့်အ၀ထောက်ခံပါတယ်။ သြစတျေးလျရဲ့ သယံဇာတဟာ အားလုံးနဲ့ဆိုင်ပါတယ်။ သူဌေးကြီးတွေ ထားစရာနေရာမရှိအောင်ကို ချမ်းသာနေပါတယ်။ Andrew Forrest ဟာ လွန်ခဲ့ နှစ်ပေါင်းသုံးဆယ်လောက်က ငမွဲတစ်ယောက်ပါ။ အခုမိုင်းကရတဲ့ငွေနဲ့ အမေရိကန်ဒေါ်လာ ၅ ဘီလီလျံလောက်ချမ်းသာပါတယ်။ ဒီငွေတွေဟာ သြစတျေးလျနိုင်ငံက သယံဇာတပစ္စည်းတွေ ဖြစ်ပါတယ်။ အရင်တုန်းက အခွန် ၂၀% ကောက်တုန်းက ဘာအသံမှမကြားရဘူး။ အခု ၄၀ % တိုးကောက်တော့မှ အသံကြားရတယ်။ ဒိလောက်ချမ်းသာတာတောင် လောဘက မရပ်သေးဘူး။ ဆိုတော့ ဘယ်သူမှားလဲမှန်လဲဆိုတော့စဉ်းစားသာကြည့်တော့။ အခွန်လေးဆယ်ကောက်လို့ မိုင်းမှာရင်းနှီးမြုပ်နှံမှု မလုပ်ချင်လည်း ဘာမှ မဖြစ်ပါဘူး။ တခြားလုပ်တဲ့သူတွေတပုံကြီးရှိပါတယ်။