ပြသနာတော့ ရှိနေပြီ။ ဒါကတော့ ပြည်ပမှာ လူ့ ဘောင်သစ်တစ်ခု။ ပြည်တွင်းမှာတစ်ခု။ ပြည်တွင်းက လူ့ ဘောင်သစ်ကို ပြည်ပလူ့ ဘောင်သစ်ရဲ့ လက်ရှိဥက္ကဌကိုအောင်မိုးဇော်က အသိအမှတ်မပြုပါဘူး။ တလောက သူ့ အင်တာဗျူးမှာ သူတို့ ဟာ တချိန်လုံးရန်သူ့ အကြိုက်လိုက်ပြီးလုပ်ခဲ့တဲ့လူတွေလို့ ဆိုပြီး သူ့ ခံစားချက်ကိုပြောရှာပါတယ်။ ဒီနေရာမှာ ဘယ်သူက မှန်တယ် မှားတယ်ဆိုတာကိုတော့ မပြောချင်ပါဘူး။ အထဲက လက်ရှိတရားဝင်မှတ်ပုံတင်ထားတဲ့ ဥက္ကဌ ဦးဇင်အောင်ပြောတာကတော့ ပြည်ပက လူ့ ဘောင်သစ်ကိုအသိအမှတ်ပြုသလို၊ ကိုမိုးသီးဇွန်ကိုလည်း အသိအမှတ်ပြုကြောင်း ပြောပါတယ်။ အဓိကပြသနာက အပြင်က လူ့ ဘောင်သစ်ဥက္ကဌက လုံးဝကို သဘောမတူဘူးဖြစ်နေတယ်။ အတော်ထူးခြားပါတယ်။
တကယ်တမ်းပြောရရင် လက်ရှိတရားဝင်မှတ်ပုံတင်ထားတာက ပြည်တွင်းကလူတွေပဲ ဖြစ်နေတယ်။ ပြည်ပကတော့ သိတဲ့အတိုင်းပဲ။ အကယ်၍ ပြည်ပလူ့ ဘောင်သစ်တွေ ပြည်တွင်းကို ပြန်ဝင်ပြီး ပါတီမှတ်ပုံတင်ရင်တောင် လူ့ ဘောင်သစ်ဆိုတဲ့နာမည်နဲ့ မှတ်ပုံတင်လို့ မရတော့ပါဘူး။ အခြားနာမည်ပြောင်းရပါတော့မယ်။
ဒီလိုအခြေအနေဖြစ်နေတော့ တစ်ခုပဲလုပ်စရာရှိပါတယ်။ ပြည်တွင်းက လူ့ ဘောင်သစ်က အသိအမှတ်ပြုတာကို လက်ခံပါ။ သူတို့ ကိုလည်း ပြန်လည်ပြီး အသိအမှတ်ပြုပေးပါ။ နှစ်ဦးနှစ်ဖက်ပေါင်းပြီး လုပ်ကြပါ။ ဒါမှ လူ့ ဘောင်သစ်ကို တကယ်တန်ဖိုးထားကြောင်း ပြရာရောက်ပါလိမ့်မယ်။
ကျနော်တော့ ပြည်တွင်းက လူ့ ဘောင်သစ်ရဲဘော်ဘ၀နဲ့ နိုင်ငံရေးလုပ်ချင်နေပါပြီ။
No comments:
Post a Comment