ကာကွယ်ရေးဦးစီးချုပ်နဲ့ တပ်မတော်နေ့ 

မတ်လ ၂၆-ရက်နေ့ ညတိုင်းဆိုရင် ကျနော်တို့ အရမ်းအလုပ်ရှုပ်တယ်။ စံပယ်ပန်းတွေသီရတယ်။ ကောက်ညင်းပေါင်းနဲ့ စားစရာတွေ ထုတ်ပိုးရတယ်။ ဒီလိုရှုပ်ပေမဲ့ပျော်စရာအရမ်းကောင်းတယ်။ တစ်အိမ်တစ်ယောက် မလိုက်မနေရဆိုပြီး တပ်ရင်းမှုးက အမိန့် ထုတ်တယ်။ အထူးသဖြင့် မိန်းမတွေလိုက်ရတယ်။ အဖေက လုံခြုံရေး တာဝန်ယူရတယ်။ အမေက ပန်းသီးတယ်။ ကျနော်က ကောက်ညင်းပေါင်းအိုးကို ထမ်းတယ်။ ဒါက ကျနော်တို့ တာဝန်။

မနက်နှစ်နာရီဆိုရင် တပ်ရှေ့ မှာ စစ်ကားသုံးလေးစီးက အဆင့်သင့်နေရာယူထားတယ်။ အပျိုချောလေးတွေလည်း မနည်းဘူး။ သူတို့ က ကြိုဆိုရေးရဲ့ အဓိကလူတွေ။ မျက်နှာမှာ မိတ်ကပ်တွေနဲ့ သစ်လွင်တောက်ပသော အင်္ကျီတွေနဲ့ ဆိုတော့ ကြည့်ရတာ ဘုရားပွဲတော်ကိုသွားသလိုပဲ။

စစ်ကားကလည်း လူအယောက်ငါးဆယ်လောက်ဆန့် တယ်။ ကားပေါ်ကို အပျိုချောတွေကော လူပျိုချောတွေကော တက်ကြတယ်။ စကြနောက်ကြနဲ့ ။ မနက်နှစ်နာရီမှာ ဘာ့ကြောင့်သွားရလဲဆိုတော့ နေရာမရမှာစိုးလို့ ။ တပ်ပေါင်းစုံက စစ်သားသမီးတွေ၊ သူတို့ အဖေတွေနဲ့ ညီအစ်ကိုမောင်နှမတွေကို ကြိုဆိုရေးလုပ်ဖို့ အတွက်ဆိုတော့ လူတွေက တအားများတယ်။ နေရာကောင်းကောင်းရဖို့ ဦးထားရတယ်။ ရွှေတိဂုံဘုရားနားတစ်ဝိုက်မှာဆိုတော့ ဘုရားလည်းဖူး၊ လိပ်ဥလည်းတူးလို့ ရတယ်။ နေရာတကာ လုံခြုံရေး အထပ်ထပ်နဲ့ ။ မိုင်းရှာတဲ့ပစ္စည်းတွေကော၊ ထောက်လှမ်းရေးတွေကောစုံလို့ ။

ကျနော်တို့ က ဂရုစိုက်စရာမလိုဘူး။ စစ်ကားနဲ့ လာတာဆိုတော့ ကျနော်တို့ ဘယ်သူတွေလဲဆိုတာကို လုံခြုံရေးတွေက သိတယ်။ အဖေက အဲဒိလမ်းတစ်လျှောက်မှာ ကင်းပုန်းဝတ်ဖို့ တာဝန်ကြတယ်။ အမေက ထမင်းချက်ဖို့ တာဝန်ကြတယ်။ ကျနော်က ပန်းစည်းနဲ့ ကောက်ညင်းပေါင်းအိုးထမ်းဖို့ တာဝန်ကြတယ်။ တအိမ်လုံးနီးပါး ဘယ်သူမှ မအားဘူး။

တပ်မတော်နေ့ မှာဆိုရင် ကောင်မလေးချောချောလေးတွေ လင်ရှာကြတယ်။ ရုပ်ချောတဲ့အလံကိုင်စစ်ဗိုလ်ဆိုရင် ပန်းကုံးတွေက အများကြီးပဲ။ ရုပ်ဆိုးတဲ့လူတွေဆိုရင် ပန်းကုံးမရဘူး။ ရှေ့ ဆုံးက လူကတော့ ပန်းကုံးတွေအများစုရကြတယ်။

ပန်းကုံးစွပ်ရင် သတိထားရတယ်။ စွပ်နည်းကျွမ်းကျင်ရတယ်။ ထောင်နဲ့ သောင်းနဲ့ ရှိတဲ့စစ်သားတွေကြားထဲမှာ သေနတ်တွေကော၊ ဘတ်နပ်တွေကောဆိုတော့ အန္တရာယ်များတယ်။ အရမ်းထူးခြားတာတစ်ခုက ဘယ်သူမှ သေနတ်နဲ့ မတိုက်မိဘူး။ ဘတ်နပ်နဲ့ အထိုးခံရတာမရှိဘူး။ ဘာ့ကြောင့်လဲဆိုတော့ တော်လှန်ပလိပ် (ခ) လမ်းလျှောက်တာကို ကျင့်ရတာ သုံးလေးလကြာတယ်ဆိုတော့ စစ်သားတွေအကုန်လုံး ကျင့်သားကျနေပြီ။ လမ်းလျှောက်တဲပုံပျက်လည်း ခဏပဲ။ ပြီးရင် အာလုံးပြန်တည့်သွားတာပဲ။

ဒီလိုလမ်းလျှောက်ဖို့ အတွက် မီးသတ်အစ၊ ကြက်ခြေနီအဆုံးလိုက်ရတယ်။ ကျောင်းတွေက ပန်းဝါကတွေလည်း ပါရတယ်။ တပ်တိုင်းလိုက်ရတယ်။ လိုက်ရင် ယူနီဖောင်းအသစ်ရတယ်။ ဒါပေမဲ့ မလိုက်ချင်တဲ့လူများတယ်။ အထူးသဖြင့် အရပ်ရှည်တဲ့စစ်သားနဲ့ တောင့်တဲ့ စစ်သားဦးစားပေးခေါ်တယ်။

တချိူ့ စစ်ဗိုလ်၊ စစ်သားချောချောတွေက အဲဒိမှာ ရည်းစားရကြတယ်။ စာပေးတဲ့ကောင်မတွေလည်း တစ်ပုံကြီး။ စစ်သားဆိုတာ အဓိအချိန်တစ်ခုပဲ ဈေးကောင်းတယ်ထင်တယ်။

အဆိုးဆုံးအချိန်က ကာကွယ်ရေးဦးစီးချုပ်တွေ မိန့် ခွန်းပြောတဲ့အချိန်ပဲ။ အကြာကြီးပွားတယ်။ အောက်ကရဲဘော်တွေကိုလည်း အားမနာဘူး။ နေကပူတာအပြင် သူကလည်း ပွားတာ အရမ်းကြာတော့ စစ်သားတွေတချို့ မှုးမေ့လဲကုန်တယ်။ ဒါကိုတော့ တီဗွီမှာ မပြဘူး။ သူပွားနေတဲ့အချိန်ဆိုရင် ကျနော်တို့ ကြိုဆိုရေးအဖွဲ့ တွေက အပန်းဖြေအနားယူရတယ်။ ထမင်းစားတယ်။ ဘုရားဖူးတယ်။ တစ်ခါတလေ ပန်းကုံးနဲ့ စစ်သားတွေကို ပစ်ပေါက်တယ်။ ဒါကို တိုက်ပုံဝတ်ထားတဲ့ ထောက်လှမ်းရေးတွေက လာပြီး မလုပ်ဖို့ တားတယ်။တားလည်း လုပ်တာပဲ။ ခလေးဆိုတော့ ကစားတာပါ။ ဒီကောင်တွေကိုလည်းကြောက်စရာမလိုပါဘူး။

စစ်လက်နက်ပစ္စည်းတပ်ရင်းတွေက သီးသန့် နေရာတစ်ခု၊ ဆေးတပ်က နေရာတစ်ခု၊ စစ်အဂျီင်္နီယာကတစ်ခု၊ အသီးသီးကိုယ့်နေရာနဲ့ ကိုယ့်အုပ်စုနဲ့ နေရတယ်။

တော်လှန်ရေးပလိပ်လို့ ခေါ်တဲ့ လမ်းလျှောက်ပြီးပြီဆိုရင် တပ်ထဲက စစ်သားတွေရုပ်က အမဲခြောက်ကို နေလှန်းထားသလိုပဲ။

သူတို့ တော့အတော်ပင်ပန်းတယ်။ ရှေ့ ဆုံးက အော်ရတဲ့ဗိုလ်မှုးချုပ်တစ်ယောက်လည်း ဒီအတိုင်းပဲ။ သူတို့ ကသာ အရမ်းပင်ပန်းတာ။ ကာကွယ်ရေးဦးစီးချုပ်ကတော့ ယူနီဖောင်းကိုကော့လန်အောင်နေ၀တ်၊ ပြီးရင် ဘိုးကေကိုပြောင်နေအောင်ဖီး၊ စင်ပေါ်မှာ ခန့် ခန့် ကြီး ပွားနေတာကတော့ အင်မတန်ရုပ်ဆိုးပါတယ်။ အောက်ကစစ်သားတွေကတော့နေပူထဲမှာ မှုးမေ့လဲလို့ လဲနဲ့ ဆိုတော့။


--

Thanks for sending!!!

Phone Kyaw