ကျနော်အဖေစစ်သား၊ ချစ်သလားတော့မမေးနဲ့-၃

အရာရှိမှာတောင် နှစ်မျိုးဖြစ်နေတယ်။ ၁၀-တန်းအောင်ပြီး DSA သွားတာနဲ့ တစ်ကြပ်ကြီးစာရေးကနေ ဗိုလ်သင်တန်းပါတယ်ဆိုတဲ့ OTS ဖြစ်ပါတယ်။ အိုတီအက်စ်က ပိုပြီး ရဲဘော်တွေရဲ့ ဘ၀ ပိုနားလည်တယ်။ သူက ရဲဘော်ဘ၀ကနေအရာရှိဖြစ်တာဆိုတော့ တပ်ထဲမှာ ဆက်ဆံရတာပိုအဆင်ပြေတယ်။ DSA ကဆင်းတဲ့ကောင်တွေက စောင့်ကြွားကြွားနိုင်တယ်။ တပ်ထဲမှာ သူတို့ကိုသူတို့ဘုရင်များလားလို့တောင် ထင်ရတယ်။

လိုင်းခန်းထဲကို အရာရှိတွေလာခဲတယ်။ ရဲဘော်တွေနဲ့အတူလက်ရေတပြင်တည်း ထမင်းစားတဲ့အရာရှိမရှိဘူး။ အနိုင်ကျင့်တဲ့ အရာရှိတွေအများကြီးပဲ။ ရဲဘော်တွေအပြင် သူ့တို့ရဲ့ သားသမီးတွေကိုတောင် သူတို့ရဲ့ ရဲဘော်၊ ခိုင်းဘက်လို့ထင်နေကြတာ။

တနေ့မှာ တပ်ရဲ့ အုပ်ချုပ်ရေးမှုးတဦးဖြစ်တဲ့လူက အဖေကို ငါးကန်ဆယ်ဖို့အမိန့်ပေးတယ်။ သူက ဗိုလ်မှုးအဆင့်နဲ့။ အသက်က အဖေ့ထက်ငယ်တယ်။ ငါးကန်က အကျယ်အ၀င်းမီတာ ၁၀၀ ပတ်လည်လောက်ရှိတယ်။ ငါးကန်ထဲမှာ ဒိုက်တွေ၊ ဗေဒါတွေအပြည့်ပဲ။ ငါးကန်ရဲ့ ဘေးမှာ ကျက်ခြံရှိတယ်။

ကျက်တွေနာလို့သေရင် ငါးကန်ထဲကိုပစ်ချတယ်။ ငါးကန်ထဲက ငါးရှဉ်တွေကတော့အကြိုက်ပဲ။ အဖေနဲ့ကျနော်လည်း ဒီဂွင်ကိုမြင်လို့အုပ်ချုပ်ရေးမှုးပေး ၈၀၀-ကျပ်နဲ့ ငါးကန်ဆယ်မဲ့အလုပ်ကို လက်ခံလိုက်တယ်။ သူငယ်ချင်းအပါအ၀င် ငါးကန်ကို လူသုံးယောက်ရှင်းလိုက်တာ ၂-ရက်အတွင်း ပီးတယ်။ ငါးတွေ၊ ငါးရှဉ့်တွေထင်သလောက်မရဘူး။

တပ်ထဲက ကိုယ့်ထက်သွက်တဲ့ကောင်တွေက ငါးရှဥ့်ထောင်တာဆိုတော့။

ငါးကန်ပီးလို့ အုပ်ချုပ်ရေးမှုးက ချက်ခြင်း ငွေမရှင်းပေးဘူး။ အဖေက သူ့အထက်အရာရှိဆိုတော့ မတောင်းရဲဘူးကြောက်တယ်။ ကျနော်ကလည်း ငွေရရင် ကိုယ်သုံးချင်တာသုံးလို့ရမယ်ဆိုပီး အဖေ့ကို ပူဆာတယ်။

အဖေမတောင်းရဲရင် ကျနော်တောင်းမယ် ဆိုပီး…အုပ်ချုပ်ရေးမှုး ရုံးခန်းထဲကို မြတ်ရှင်းတဲ့ဓားရှည်နဲ့ ရွံဗွက်တွေပေကျံပီး ၀င်သွားတယ်။ အုပ်ချုပ်ရေးမှုးရုံးခန်းက တပ်ရင်းဌာနချုပ်မှာရှိတယ်။ ဘေးမှာက တပ်မှုးရုံးခန်းရှိတယ်။ အစောင့်ရဲဘော်ကြီးတစ်ဦးက ရွံဗွက်တွေနဲ့ပေနေတဲ့ ကျနော့်ကိုအံ့သြပြီး မင်းဘာလာလုပ်တာလဲမေးတယ်။ ကျနော်ကို အုပ်ချုပ်ရေးမှုးခေါ်လို့လာတာဆိုပီး လိမ်ပြီး ဗိုလ်မှုးအခန်းထဲကို ၀င်သွားတယ်။ အုပ်ချုပ်ရေးမှုးလည်း အံ့သြပြီး ဘာလာလုပ်တာလဲမေးတယ်။ ကျနော်က ငါးကန်ရှင်းပြီးဖြစ်တယ်။ ငွေလာတောင်းတာ။ အခုလိုချင်တယ်လို့ပြောတယ်။ အုပ်ချုပ်ရေးမှုးက မင်းအဖေကိုလွှတ်လိုက်လို့ပြောပီး ကျနော့်ကိုပြန်ခိုင်းတယ်။

နောက်နေ့မနက်ပိုင်းတန်းစီတော့ လူတွေအရှေ့ မှာ ကျနော့်အဖေကို မိုက်မိုက်ရိုင်းရိုင်းပြောတယ်။ ခင်ဗျားသားက ကျုပ်လိုအရာရှိကို မခန့်လေးစားလုပ်တယ်။ နောက်တခါဆိုရင် နာပီသာမှတ်လို့ကြိမ်းတော့ အဖေလည်းရှက်ပီး ကျနော်ကို တီးပါလေရော။ လုပ်အားခ ၈၀၀ ကိုသုံးလလောက်စောင့်ပီးတော့မှ ရတယ်။ ခိုင်းလည်းခိုင်းသေးတယ်၊ ပေးတော့ သူ့အိပ်ထဲက စိုက်ပေးရတဲ့ပုံစံမျိုး၊ ကျွန်တစ်ယောက်လိုဆက်ဆံတယ်။ သြော်…ကိုယ့်ချွေနည်းစာတောင်းတာ တောင် ကြောက်နေရတဲ့ဘ၀ပါလားလို့ အခုမှ စဉ်စားမိတယ်။


စစ်သားသမီးဘယ်တော့မှ စစ်ထဲမ၀င်ဘူး

ရှိတော့၊ ရှိတယ်။ ရှားတယ်။ DSA တို့၊ OTS တို့ဝင်ခွင့်ရှိတဲ့သူတွေဆိုရင်တော့ စစ်ထဲဝင်ပါတယ်။ သာမန်ကျနော်တို့လို့ စစ်သားသမီးကတော့ ရဲဘော်ဘ၀နဲ့ ဘယ်တော့မှ ၀င်လေ့မရှိဘူး။ ကိုယ့်မျက်စိရှေ့ မှာ၊ ဖြစ်နေတဲ့အရာတွေအားလုံးကို သိနေတယ်။ ကိုယ့်အဖေတောင်ထွက်ပြေးရင် ထောင်ကျမှာစိုးရိမ်တဲ့အတွက်၊ အပြင်မှာထွက်နေဖို့ အိမ်မရှိတဲ့အတွက်၊ စတဲ့ ပူပန်မှုတွေနဲ့ တပ်ကမထွက်ကြတာ။ နောက်ပီး စစ်သားလူထွက် တွေအပြင်မှာ ဘယ်လိုမှ အလုပ်မလုပ်တက်ဘူး။ ဘာမှတက်ကျွမ်းတဲ့အသက်မွေးဝမ်းကျောင်းပညာကို တက်ထားတာမရှိဘူး။

အရာရှိသား၊ သမီးတွေ၊ တချို့ ပိုင်ရာဆိုင်ရာသားသမီးတွေကျတော့ သူတို့ဆရာကြီးတွေကနေတဆင့် ဗိုလ်သင်တန်းတက်ခွင့်ရရင်တော့ ၀င်ကြတယ်။ ဥပမာ…၀န်ကြီး ဦးအောင်သောင်းရဲ့ တူ ဗိုလ်မှုးချုပ် တစ်ယောက်က စစ်လက်နက်ပစ္စည်းတပ်ရင်းတခုမှာ ရှိနေတယ်။ သူ့ရဲ့ တူဖြစ်သူဟာ လွန်ခဲ့တဲ့နှစ် ၅-နှစ်လောက်က DSA ဆင်းတယ်။ DSA သင်တန်းဆင်းပွဲမှာ ဒုတိယ ရတော့၊ TV ကနေကြည့်နေတဲ့ ဦးလေးဗိုလ်မှုးချုပ်ကပြောတယ် “ဒီကောင်များများဖားပါလို့ဆိုနေတာ၊ အခုတော့ဒုတိယပဲရတယ်” လို့ဘေးက တစ်ကြပ်ကြီးတစ်ယောက်ကိုပြောတယ်။ တစ်ကြပ်ကြီးကကျနော်ကိုပြန်ပြောပြတယ်။


သူ့တူဗိုလ်သင်တန်းဖြေတာက ဗိုလ်ရွေးကိုသွားစရာမလိုဘူး၊ တခါတည်းအောင်ပြီးသား၊ ဗိုလ်သင်တန်းတက်တော့လည်း သင်တန်းဆရာနဲ့ပေါင်းပြီး သက်တောင့်သက်သာအလုပ်ရတယ်။ ရှေ့ တန်းလည်းထွက်စရာမလိုဘူး။ ဒီလိုမျိုးတွေရှိနေတယ်။ ဒါတွေကို တပ်က အရာရှိ၊ အရာခံ၊ အကြပ်တပ်သားတွေသိနေတယ်။ ဒါပေမဲ့ ဘယ်သူမှ မတရားဘူးလို့မပြောရဲဘူး။

ထူးခြားတာတခုက စစ်သားသမီးတွေ ၁၀တန်းအောင်လို့၊ အသက်မှီရင် ဗိုလ်သင်တန်းတက်ခွင့်ကို တပ်က တပ်မှုးကလုပ်ပေးတယ်။ ပထမတော့ ကျနော်လည်း ဗိုလ်ရှုးပါပဲ။ ၁၀-တန်းမအောင်၊ အသက်ကလည်းမမှီဆိုတော့ ခြေထောက်မပြတ်တာပဲကံကောင်းတယ်လို့ပြောရတော့မယ်။

ဆက်ရန်-